Futbollisti nga Mozambiku ka treguar që një rol të rëndësishëm në këtë transferim ka luajtur edhe Donjet Shkodra, mesfushori që në Shqipëri është aktivizuar me Flamurtarin, Skënderbeun dhe Kukësin. Rexhinaldo nga ana tjetër falënderon klubet me të cilat ka luajtur në vendin tonë, sikurse edhe drejtuesit e Shakterit.

“Nisa një cikël të ri në karrierën time profesionale. Shumë faleminderit Shakter Karagandit për besimin dhe bastin e vënë mbi mua. Falënderime speciale për presidentin Andrei Stepanov, që më solli mua në këtë klub me histori. Faleminderit Donjet Shkodra që luftove të vija në këtë klub dhe që më dhe gjithë informacionet e duhura që të vija këtu. Ju ishit gjithashtu shumë i rëndësishëm për të marrë këtë vendim. Faleminderit”, shkruan sulmuesi.

Më tej ai shton:  “Premtoj që do t’ua shlyej në mënyrën më të mirë, me shumë punë, siç kam bërë deri më tani, duke ndihmuar klubin të arrijë objektivat që ka. Kisha shumë propozime, por zgjodha këtë dhe mendova se ishte më i miri në të gjithë mënyrat. Kështu që jam këtu”.

Rexhinaldo ka spikatur në Shqipëri, ku ëshët aktivizuar me tre klube dhe për ta ka vetëm fjalë të mira: “Gjithashtu dua të falënderoj Shqipërinë që më hapi dyert, veçanërisht Luftëtarin, Laçin dhe të fundit Kukësin, që e mbaj mend përjetë, pasi aty kam arritur gjërat më të bukura në karrierë. Mirënjohje pafund”.

Te skuadra e re Rexhinaldo gjen ish-kolegun e tij te Kukësi, Donjet Shkodra, i cili iu bashkua ekipit kazak në muajin shkurt. Rexhinaldo lë shqipërinë me një rekord prej 39 golash në 96 aktivizime në Kategorinë Superiore, ndërsa në Kupën e Shqipërisë mozambikasi shënoi 14 gola në tetë takime.

https://www.instagram.com/p/Bzqe07iBMPO/?utm_source=ig_web_copy_link

“Sigurisht që ndikojnë shumë largimet e lojtarëve si Uilliam Kordeiro dhe Rexhinaldo. Ishin dy lojtarë që bënin diferencën. Nuk e kuptoj se si i lanë të iknin. Gjithsesi këtë gjëra i takojnë drejtuesve. Është e pakuptimtë që ata u larguan për gjëra të vogla”.

“Ka ardhur Markovanbasten Çema. Është një futbollist që sapo kishte filluar hapat e parë të karrierës te Dinamo. Ka një gjatësi 2 metra dhe ka një stil të bukur loje. Në bisedimet që bënim për të, përmendej fakti që na kujtonte stilin e Pero Pejiç.

Kanë marrë Kitanovskin, i cili luan mbrojtës të djathtë. Bruno Lujaj është një lojtar i laftë të luajë si mbrojtës i djathtë, mbrojtës qendre dhe para mbrojtjes. Mendoj se merkato në tërësi është cilësore. U bë mirë që nuk u ndërhy në mënyrë masive. Unë mendoj se Çema do të jetë një futbollist cilësor. Kishte vite që Kukësi e kishte në plane dhe më në fund drejtori Nexhipi e mori”.

Megjithatë, sulmuesi dhe shokët e tij kanë një shans për të mos e mbyllur sezonin pa trofe. Të dielën luhet finalja e Kupës së Shqipërisë. Përballë janë bardheblutë e Tiranës. Ndeshja do të zhvillohet në Elbasan Arena.

 

View this post on Instagram

 

Terminou o campeonato na Albânia. Terminamos como segundo classificado, que dá acesso a liga #Europa não era esse o objetivo do Clube, era de sermos campeões. Há que dar os parabéns ao Partizan pelo título de campeão. Agora temos uma final da taça por ganharmos no Domingo. Continuar focado e terminar a época desportiva em grande. Queria muito vencer o campeonato como também o Clube queria, mas temos aqui mais uma oportunidade para erguermos um troféu nesta época. Eu acredito. ???

A post shared by Reginaldofaite (@reginaldofaitemocambicano) on May 30, 2019 at 3:13pm PDT

Rexhinaldo luajti finalen e këtij kompeticioni edhe sezonin e kaluar në këtë stadium. Nuk ia doli të ngrinte në qiell trofeun me Laçin, por ka besim se do triumfojë me verilindorët.

“Mbaroi kampionati në Shqipëri. E mbyllëm të dytët, që do të thotë kualifikim për në Europa League. Nuk ishte ky objektivi i klubit, sepse ishte titulli kampion. Duhet të urojmë Partizanin për titullin. Tani kemi një finale kupe te dielën dhe duhet ta fitojmë. Duhet të japim maksimumin për ta mbyllur sezonin bukur. Do doja shumë ta fitoja titullin, por tani kemi mundësi ta mbyllim me një trofe”, shkruan bomberi afrikan.

Në lidhje me finalen ka reaguar edhe klubi kuksian në faqen zyrtare. Presidenti Gjici i ka dhënë një dorë tifozëve, duke siguruar transport falas për ta. Kreu i klubit verilindor dëshiron që ekipit të mos i mungojë mbështetja. Autobusë pa limit do të nisen nga Kukësi, ndërsa do të ketë edhe 4 të tillë në Kamzë dhe 1 në Durrës.

Në 45 minutat e para Kastrioti kryesonte 1-0 dhe Kukësi shpërdoroi shumë raste, për faj të dy sulmuesve. Trajneri Ernest Gjoka e kuptoi se Rexhinaldo dhe Shkurtaj nuk bashkëpunonin në fushë me njëri-tjetrin dhe disa raste të arta u shpërdoruan thjesht për egoizëm.

Gara për Këpucën e Artë sikur ua kishte errësuar sytë dy futbollistëve të Kukësit, të cilët në dhomat e zhveshjes ishin nervozë, pasi nuk po shënon golat që kishin shpresën se do u jepte çmimin personal të sezonit. Kjo ka nervozuar trajnerin Gjoka, i cili ka ngritur zërin si rrallë ndonjëherë, duke e parë qartë se në atë mënyrë po hidhej poshtë vendi i dytë. Edhe presidenti Safet Gjici, si zakonisht, kishte zbritur në dhomat e zhveshjes, por nuk foli, edhe ai dukshëm nervoz.

Më pas gjërat sikur u qetësuan disi, dy sulmuesit në 45 minutat e dyta shënuan dhe Kukësi përmbysi Kastriotin dhe fitoi 3-1. Rexhinaldo shënoi dy herë dhe me 13 gola arriti të bënte të tijën Këpucën e Artë. Gjithsesi, ajo që ndodhi në dhomat e zhveshjes ka lënë shije të hidhur në kampin verilindor, edhe pse në futboll është mirë të kesh sulmues ambiciozë dhe deri diku egoizmi pranohet, por pa e tepruar.

E ARDHMJA – Ajo që ndodhi në Kamzë dhe zënka në dhomat e zhveshjes nuk do të kalojë lehtësisht. Presidenti Safet Gjici pritet të bëjë një mbledhje dhe sigurisht që nuk përjashtohen masat. Gjithçka është në dorë të numrit një të klubit, që nga ana tjetër do të duhet të mendojë edhe për klimën në skuadër para finales së Kupës.

Duke parë situatën, në klubin e Kukësit duhet të vendosin përfundimisht se çfarë do të bëjnë, për më tepër që Shkurtaj pas ndeshjes ka kërkuar takim me drejtuesit e klubit dhe është parë duke biseduar me drejtorin Nderim Nexhipi.

Rexhinaldo dhe Shkurtaj së bashku është e vështirë të luajnë, ndaj ndoshta do të jenë të detyruar të heqin dorë nga njëri prej tyre. Se si do të zgjidhet kjo situatë, mbetet për t’u parë. Të dy janë nën kontratë, madje për sulmuesin vlonjat është paguar një shifër e konsiderueshme për kartonin te Luftëtari, ndërsa Rexhinaldo sapo ka arritur marrëveshjen për të vijuar edhe një vit me Kukësin.

Megjithatë, paralelisht me punën në fushë, trajneri Ernest Gjoka dhe drejtori sportiv Nderim Nexhipi po punojnë edhe për merkaton, sepse emrat në tryezë janë të shumtë, si zakonisht te Kukësi.

Presidenti Safet Gjici po ashtu është shumë aktiv, duke u marrë personalisht me shumë çështje, ndër të cilat edhe e ardhmja e sulmuesit Rexhinaldo. Afrikani, autor i 11 golave në Superiore dhe 4 golave në kupë, ka qenë lojtari më pozitiv në repartin e avancuar të Kukësit dhe Gjoka e dëshiron me çdo kusht në ekip për të ardhmen.

Për këtë arsye, Gjici ka gjetur marrëveshjen për ta mbajtur shënuesin më të mirë të ekipit edhe për një vit, ndërkohë që së shpejti pritet edhe zyrtarizimi i marrëveshjes me njoftim nga klubi.

Gjoka ka kërkuar që sulmi të mos preket, të paktën për kupat e Europës, pasi nuk mund të bëhen ndryshime të shumta. Në mbrojtje do të ketë lëvizje sidomos në krahë, por në qendër pritet të konfirmohen Cuculi, Teqja e Shameti, me këtë të fundit që ishte shumë pranë largimit, por një bisedë me presidentin Gjici mund ta konfirmojë, duke ndryshuar kushtet financiare të kontratës.

Edhe në mesfushën e Kukësit priten ndryshime, sepse do të ketë largime, por për momentin nuk është kontaktuar asnjë futbollist në Superiore, me drejtuesit e Kukësit që mohojnë prerë edhe thashethemet për marrëveshje me Idriz Bathën, i cili në verë do të jetë futbollist i lirë.

Një çështje tjetër për të cilën foli tekniku i Kukësit janë edhe kontratat në përfundim të lojtarëve: “Janë marrëdhënie të klubit me lojtarët, gjëra normale. Kur klubi dëshiron t’i mbajë disa lojtarë, i mban ata duke u përmirësuar kushtet financiare, ndaj më të gjithë do ketë bisedime. Për Rexhinaldon duhet të pyesni klubin, nuk më intereson pjesa pas këtij sezoni për momentin”.

Kupa është objektivi kryesor i Kukësit dhe Gjoka deklaron: “Me një president si Gjici dhe një trajner si unë, duhen vetëm trofe. Kampionati iku, ndaj kupa është detyrim për mua. Po të kishim ecur me mirë e të kishim pasur pak fat në disa ndeshje, kampionati do ishte shume më i bukur e interesant”.

VALDET RAMA – Më pas e mori fjalën sulmuesi anësor, që tregon se është mirë fizikisht dhe gati të luajë. “Jam mirë fizikisht, kam pasur 3 javë jo të mira. Lëndimet më kanë shqetësuar disa herë, por tani jam kthyer dhe nuk ndiej dhimbje. Natyrisht, nuk është e lehtë të përballesh shpesh me dëmtime, por duhet parë përpara. Lëndimet janë pjesë e lojës”, u shpreh Rama.

Më tej ai shtoi: “Kemi përpara një ndeshje shumë të rëndësishme e të vështirë, por jam optimist se do ia dalim.  Kampionati shqiptar më pëlqen, po zhvillohet gjithnjë e më shumë dhe jam duke dhënë maksimumin për të ndihmuar ekipin tim. Ka lojtarë të talentuar në Superiore, nuk veçoj dot askënd me emër”.

E ardhmja është një temë e rëndësishme për sulmuesin anësor, i cili deklaron: “Kam kontratë me Kukësin, të fitojmë Kupën një herë”. Ndërkohë ka pasur edhe një ndërhyrje të trajneri Gjoka, i cili qartazi është shprehur: “Nuk e lëshojmë Valdetin”.

Pas takimit të djeshëm, për mediat ka folur autori i golit të parë për verilindorët, Artur Rexhinaldo. Sulmuesi nga Mozambiku ka deklaruar se e rëndësishme ishte fitorja dhe se tashmë do t’i duhet të mendojnë për sfidën ndaj Teutës në kampionat.

FITORJA – “E rëndësishme ishte të fitonim ndeshjen. Edhe pse rezultati nuk ishte i mirë, e rëndësishme ishte ta fitonim ndeshjen e parë. Tani do të provojmë ta fitojmë edhe ndeshjen e dytë.”

KUPA OBJEKTIVI KRYESOR TASHMË – “Nuk duhet ta anashkalojmë kampionatin. Kemi shanse që të shkojmë në finale në Kupë, por na duhet t’i marrim ndeshjen me radhë. Luajmë ndaj Teutës në fundjavë dhe më pas do të mendojmë për Skënderbeun.”

MUNGESAT – “Të gjithë lojtarët te Kukësi janë të rëndësishëm. Kemi disa lojtarë të dëmtuar, por edhe të tjerët janë të rëndësishëm. Edhe pse kemi shumë mungesa, kemi treguar se kemi goxha kualitet.”

NDRYSHIMI I REXHINALDOS KOHËT E FUNDIT – “Jam gjithmonë i qetë. Nuk dua të flas për të shkuarën. Dua vetëm të luaj futboll. Jam profesionist dhe mendja ime është vetëm për të luajtur futboll. Ndonjëherë flasin gjëra të gabuara për mua, por unë duhet të vazhdoj të bëj mirë dhe të ndihmoj ekipin.”

KUPA – “Finalja e sezonit të shkuar u humb ndaj një kundërshtari shumë të fortë, por këtë radhë besoj se do të kualifikohemi ne dhe do ta fitojmë kupën. Shpresoj të fitoj më në fund një trofe në Shqipëri.”

Përkushtimi i mbështetësit të Kukësit i ka lënë mbresa te sulmuesi Rexhinaldo, i cili ka menduar ta shpërblejë tifozin me një dhuratë të veçantë. Me anë të një postimi në llogarinë e tij në “Instagram”, futbollisti kërkon të marrë vëmendjen e tifozit në fjalë për ta takuar e për t’i dhënë fanellën e ti.

https://www.instagram.com/p/BwFurk-JuVE/?utm_source=ig_web_copy_link

Mbishkrimi që shoqëronte foton e postuar nga Rexhinaldo: Falënderoj këtë fans të madh të Kukësit. Megjithëse me aq të ftohtë, ai ndihej ngrohtë. Më duhet të takoj ty , dua që të të ofroj fanellën time. Faleminderit.

Për Kukësin, goli u shënua nga sulmuesi Rexhinaldo. Mozambikasi shënoi një supergol nga goditja e dënimit, duke shtangur portierin Hoxha. Megjithatë, goli i tij nuk mjaftoi për të marrë pikët e plota, pasi Asani barazoi me penallti. Pas ndeshjes, Rexhinaldo shfrytëzoi rrjetet e tij sociale për të komentuar ndeshjen.

Shumë i kënaqur për golin, i trishtuar për barazimin. Të vazhdojmë të punojmë dhe të besojmë se gjithçka është e mundur, edhe pse tani është më e komplikuar lufta për titullin kampion”, shkruan sulmuesi, i cili ka shkuar në kuotën e 9 golave, po aq sa ka realizuar Latif Amadu i Teutës.

“E di që është një moment shumë i vështirë për të gjithë mozambikasit dhe për të gjithë ata që vijnë të na ndihmojnë gjithmonë. Po shkruaj këtu që t’u them se sa të mërzitur jemi ne. Ne lojtarët, stafi teknik, masazhatorët, stafi mjekësor dhe drejtuesit e kombëtares së futbollit të Mozambikut. Donim aq shumë ta fitonim ndeshjen dhe të kualifikoheshim për të shumëdëshiruarën, Kupën e Kombeve të Afrikës.

Donim shumë t’u jepnim pak qetësi vëllezërve tanë që po vuajnë për shkak të fatkeqësive natyrore që shkatërruan vendin, donim t’ua jepnin kualifikimin popullit mozambikas dhe mbi të gjitha qytetit të Beirës. Sot jemi të trishtuar, i gjithë populli dhe kombi është i trishtuar. Dhamë gjithçka, dhamë jetën tonë për të fituar. Ne pranojmë çdo lloj kritikash.

E provuam, dhamë gjithçka, ashtu si dhe stafi i trajnerëve, por i tillë është futbolli dhe futbolli është mizor. Nuk e donim këtë përfundim dhe nuk e di kur trishtim im/ynë do të marrë fund. Jam i zhgënjyer, donim të ishim pjesë e Kupës së Kombeve, kemi cilësitë e duhura për të, por kështu ishte e shkruar. Dua që në emrin tim dhe në emër të të gjithë grupit, të kërkoj falje për mosarritjen e kualifikimit.

E di që është shumë e komplikuar, por mos na braktisni, mund të na kritikoni. Të gjithë po vuajmë. Të gjithë po qajmë. Sot jemi të fortë, nuk humbëm ndeshjen, por humbëm mundësinë për t’u kualifikuar dhe i treguam botës së Mozambiku ka futboll, ka punë dhe përgjegjësi, por na duhet të ecim përpara. Ne kemi mësuar nga gabimet që bëmë, të gjithë humbëm, por do të rikthehemi më të fortë. Ju kërkojmë edhe njëherë ndjesë”, shkruan Rexhinaldo.

Megjithatë, forma e tij nuk ka ndikuar në stafin teknik të Mozambikut, me kombëtaren afrikane që e ka grumbulluar 28-vjeçarin për ndeshjen kundër Guinea-Bisau. Këtë gjë e konfirmoi vetë Rexhinaldo, me anë të një postimi në Instagram.

Sulmuesi i Kukësit shkroi: “Shumë i lumtur që jam grumbulluar me kombëtaren e Mozambikut. Shumë falënderime për stafin teknik që më ka besuar. Është gjithmonë një nder dhe krenari të përfaqësoj kombin tim. Jam optimist se do të shkruajmë historinë, besoj se i kemi cilësitë dhe kapacitetet. E kemi treguar se në çdo stadium mund të fitojmë, do të jetë e vështirë, por ne do i kalojmë me sukses dhe do të arrijmë gjëra të mëdha së bashku. Forca Mozambiku!”

 

View this post on Instagram

 

Muito feliz, por saber que fui convocado para representar a Selecção nacional de futebol de, Moçambique!! Muito obrigado mais uma vez, a equipa técnica pela confiança. Porque, será sempre uma #honra e #orgulho, representar o nosso país. Estou optimista, que vamos fazer história, eu acredito muito, nós somos capazes e, já demonstramos que, em qualquer estádio podemos vencer, será difícil, mas nós vamos conseguir, todos juntos. #Moçambique#nossa#pátria Vamos, Moçambique. ????????????

A post shared by Reginaldofaite (@reginaldofaitemocambicano) on Mar 15, 2019 at 8:52am PDT

Përplasja mes dy futbollistëve ka pasur më shumë pasoja te sulmuesi afrikan, i cili ka pësuar një ënjtje të madhe në pjesën e ballit. Vetë sulmuesi ka postuar një foto në faqet e tij zyrtare, ku tregohet qartë dëmtimi i pësuar.

 

View this post on Instagram

 

Acidente de trabalho!!! (Treino de hoje). Tentar recuperar, para ajudar a equipa, no importante jogo de amanhã. ???????????

A post shared by Reginaldofaite (@reginaldofaitemocambicano) on Mar 1, 2019 at 5:22am PST

Rexhinaldo ishte ai i cili me një goditje nga jashtë zonës arriti të mposhte portierin Isli Hidi. I kish shënuar edhe në dy takimet e tjera, por këtë herë Kukësi u mposht. Shumë zhgënjim dhe Rexhinaldo e ka shprehur në një postim të bërë në llogaritë e tij në “Facebook” e “Instagram”. Gjithsesi ai nuk dorëzohet.

“I trishtuar për rezultatin, i lumtur për golin. Ishte e tmerrshme të mundeshim, dukej se e kishim gjithçka nën kontroll, por kështu e ka futbolli. Është e vështirë, por kurrë nuk ka qenë e lehtë. Do të vazhdojmë të luftojmë dhe të mendojmë gjithnjë se gjithçka është e mundur. Forca”, shkruan Rexhinaldo.

https://www.instagram.com/p/Bt6rkRKBqoF/?utm_source=ig_share_sheet&igshid=1cuxcw3faufq1

NDESHJA “Mendoj që në përgjithësi djemtë bënë një lojë të mirë, ishim në ekuilibër në pjesën e parë dhe cinikë. Si rezultat i kësaj, kaluam në avantazh dhe e mbyllëm pjesën e parë në avantazh. E dinim që do të kishim presion nga kundërshtari në pjesën e parë”.

“Arritëm të dilnim para portë me Rrocën për të siguruar fitoren, por nuk arritëm ta bënim diçka të tillë. Toleruam në mesin e fushë, duke bërë disa faulla në mesfushë shumë të rrezikshme. ekipi i teutës ka shtatlartë më shumë se ne. Lojtarët e qendrës së fushës sakrifikuan: Dzaria me temperaturë dhe Limaj me problem në kavilje”.

KAMPIONATI – “Futbolli i tillë është, por Kukësi ka forca dhe ka fuqi për të vazhduar përpara dhe të bëjë kampionatin e vet. Kampionati nuk ka mbaruar, janë dhe 14 javë. Çdo gjë mund të ndodhi në futboll. Kukësi i ka mundësitë për të luajtur futboll dhe për të marrë pikët e saj. Në fund bëhet bilanci. Për mendimin tim. Kukësi po bën një sezon shumë të mirë deri më tani dhe kaq mund të them”.

RREZIKSHMËRIA – “Sapo e thashë që shkaqet e mesfushorëve që nuk ishin në gjendjne e tyre më të mirë. Nuk kishim alternativa për të bërë lojën më të mirë. Isha i gathsëm për të rrezikuar në 20 minutat e fundit. Pësuam golin e barazimi dhe nuk kisha çfarë të humbja më. Kërkuam të gjenin sërish golin, por i druhesha mesfushës së Teutës. Me situatat dhe mundësitë që kishim, nuk ishim me fat.

PETKU I KAMPIONIT – “Kukësi ka potenciale. Kukësi ka treguar që di të luajë futboll dhe ka bërë një kampionat të shkëlqyeshëm në dy fazat e para. Nuk e kemi filluar mirë këtë gjysmë të dytë, për shkak të ardhjeve të reja. Ekipi ishte i kujdesshëm në fazën mbrojtëse. E theksova dhe më përpara që i druhesha mesfushës së Durrësit, pasi fizikisht janë shumë të fortë, si në tokë, ashtu dhe në ajër. Ne kemi një lojtar prej tri ditëve me temperaturë, si dhe Limaj që u dëmtua në kavilje. Natyrshëm nuk mund të mendonim për të bërë presing lart dhe menduam ta kapim me kundërsulm. Kemi dalë të paktë 3-4 herë me kundërsulme të shpejta. Gjuajtëm shtyllë, humbëm dhe penallti dhe nuk e di se çfarë duhet të bëjmë më shumë”.

“Unë nuk e kam thënë asnjëherë që nuk kam cilësi në skuadër. Kjo cilësi ka bërë që të gjitha ndeshjet të luajmë jashtë shtëpie dhe të luajmë më mirë se kundërshtarët dhe të marrim rezultate të shkëlqyeshme. Nuk e kemi nisur mirë për arsyet që thashë më lart”.

SULMI – “Rexhinaldo e hodha në formacion se isha i bindur se ka gjendje të mirë fizike dhe do të na ndihmonte shumë. Po të luaja me dy sulmues, kemi vështirësi, pasi nuk kemi lojtarë për ta nxjerrë topin në sulm. Luajmë me dy sulmues në momentin kur rezultati nuk është në favorin tonë. E nisa vetëm me Rexhinaldon dhe kjo gjë më dha të drejtë.

SKEMA – “Në fakt, ekipi kishte krijuar një fizionomi loje në fazën e dytë, ku për 6-7 javë nuk pësuam asnjë gol. Arritëm të ngushtonim diferencat me kundërshtarët. Me ardhjet e reja, menduam të bënim një zgjidhje tjetër, për t’iu dhënë mundësinë ardhjeve të ingranohen në fushën e lojës. Të them të drejtën, ndeshja e sotme më pëlqeu. Gjithsesi, ne pretendojmë më tepër dhe e kam thënë dhe herë të tjera që të gjithë lojtarët duan kohën e tyre. Nuk duhet t’i vëmë në presion lojtarët e ardhur dhe kush e njeh futbollin sado pak, e kupton sa kohë i duhet një sportisti.”

PENALLTITË – “Nuk kam asnjë lloj pengu. As kur Rexhinaldo ka humbur penalltinë kundër Tiranës, as për Kordeiron. Ai ka qetësinë e duhur dhe aftësi teknike shumë të mira. Humbja e penalltisë mund t’i ndodhi gjithkujt, por fatkeqësisht na ndodhi neve dy herë rresht. Ekipi ka krijuar mundësitë për t’i fituar dy ndeshjet e fundit, por nuk kemi marrë asnjë pikë. Futbolli i tillë është. Mundësi dhe potenciale reale kemi”,- përfundoi Cungu.

Megjithatë, Rexhinaldo nuk mendon se lufta për titullin kampion ka mbaruar. Vetëm pak çaste më parë, mozambikasi ka postuar një foto në Instagramin e tij zyrtar, me mbishkrimin: “Unë besoj!” Diferenca prej 8 pikësh me Partizanin është e konsiderueshme, por sipas sulmuesit të Kukësit, asgjë nuk është mbyllur ende.

 

View this post on Instagram

 

Unë besoj. ???

A post shared by Reginaldofaite (@reginaldofaitemocambicano) on Feb 10, 2019 at 11:37am PST

“Rexhinaldo është dëmtuar pesë minuta pa filluar ndeshja me Laçin dhe u duk si një dëmtim i rëndë. Natyrshëm, ne e morëm në hotel me ekipin, siç është rituali jonë para çdo ndeshje. Futbollisti u ankua dhe doktori i ekipit i bëri grafi. Kishte një dëmtim dhe iu bë rezonanca. Po presim një përgjigje nga stafi mjekësor për rikthimin e tij.

Nuk mendoj se Rexhinaldo është dramë! Gjithsesi, besoj se nuk është koha e duhur për të folur për këtë gjë. Kukësi e ka në llogaritë e veta Rexhinaldon. Është një lojtar që ka vlera dhe jam i bindur se do e ndihmojë ekipin në pjesën e mbetur të sezonit. Rexhinaldo do të ketë ndeshjet e veta, minutat e veta, dhe mundësinë për të ndihmuar ekipin”,- përfundoi trajneri i Kukësit.

“Rexhinaldo ka pasur një dëmtim, pesë minuta pa mbaruar stërvitja e fundit. Ishte një kontakt. Do bëje një grafi dhe do të marrë përgjigjen përfundimtare nga mjekët. Sot nuk ishte e mundur të ishte me ne për shkak të dëmtimit. Ai ka qëndruar në shtëpi, nuk ka udhëtuar as me ekipin në hotel mbrëmë. Kjo është ajo çka mund të them për Rexhinaldon”, u shpreh Cungu për Sportekspres.com.

Para nisjes së takimit shumëkush ka menduar edhe për një largim të sulmuesit, madje kishte zëra se as nuk i është përgjigjur telefonatave të drejtuesve. Gjithsesi asgjë nuk është e konfirmuar. Para ndeshjes, vetë sulmuesi në rrjetet sociale ka lëshuar mesazhe mbështetëse për skuadrën.

Objektivat – “Presidenti ynë është ambicioz. Unë besoj se është mëse normale që një president që investon rregullisht në klub, kërkon maksimumin nga ne. Unë e kam pranuar ofertën e Kukësit pikërisht për këtë gjë, pasi më pëlqejnë sfidat dhe rregullsitë. Kemi bërë një gjysmë të parë shumë të mirë dhe shpresoj të bëjmë edhe më mirë në të dytën.

Rexhinaldo – “Unë kam respektuar dhe respektoj punën e Rexhinaldos. Ka ndihmuar shumë skuadrën dhe synon të jetë zgjedhje e parë. Ai është pjesë e kombëtares dhe kërkon të luajë. Gjithsesi, unë do të bëj zgjidhjet më të mira në favor të klubit. Një profesionist duhet të respektojë zgjedhjet e trajnerit.

Sulmi me dy – “Nuk mund të flas para kohe, por për momentin nuk e shoh një sulm me dy. Kemi shumë ndeshje në kampionat dhe në Kupë, prandaj të gjithë do të luajnë.

Teuta si rivale – “Teuta është kundërshtar i denjë për titull dhe nuk e heq aspak nga gara, është pretendente serioze. Paralelisht, ne do të bëjmë më të mirën edhe në Kupë, pavarësisht se fokusi ynë është kampionati.

Kupa – “Nuk është e lehtë që të luftojmë në dy fronte, jo vetëm ne, po çdo ekip. Gjithsesi, do të menaxhojmë në mënyrën më të mirë të mundshme skuadrën, që të luftojmë për të dyja objektivat” – tha Cungu.

Flitet shumë për një largim të sulmuesit 28-vjeçar nga skuadra e Kukësit, por gjithmonë nëse vjen oferta e duhur. Te klubi verilindor janë të vendosur: Rexhinaldo do të transferohet vetëm jashtë, ose përndryshe qëndron deri në fund të sezonit. Presidenti Safet Gjici nuk ka ndërmend të përforcojë ndonjë ekip tjetër të Superiores, për më tepër ndonjë rival për titullin kampion.

Burime të “Sportekspres.com” pranë klubit të Kukësit konfirmojnë se kanë nisur bisedimet që Rexhinaldo të transferohet në Qipro, nga edhe ku kanë shfaqur interes për sulmuesin 28-vjeçar. Nuk dihet ende se cila skuadër është në bisedime me drejtuesit e Kukësit, por me shumë gjasa e ardhmja e Rexhinaldos është larg Shqipërisë.

VLADIMIR PRENGA

Vlerësimet për Rexhinaldon nuk kanë munguar, teksa një gazetë sportive në shtetin afrikan e ka hapur faqen e parë me imazhin e sulmuesit të Kukësit. Ky i fundit e ka publikuar edhe në rrjetet sociale.

Por ndërkohë që “gërmon” për të kërkuar informacion, vë re që spanjollja AS e ngatërron sulmuesin e Kukësit me një tjetër Rexhinaldo, atë të Monzës. Por kemi të bëjmë me një brazilian, i cili ka provuar të luajë Serinë A me Trevizon, Fiorentinën, Parmën dhe Sienën.

Në përfundim të takimit Rexhinaldo ka bërë një postim në llogarinë e tij në “facebook” ku është shprehur kënaqësitë që i dha rikthimi te goli: “I gëzuar që shënova gol dhe që ndihmova skuadrën për të barazuar ndeshjen. Për turp që ma anuluan golin e parë, diçka që vetëm arbitri i linjës e pa. Gjithsesi, të vazhdojmë të punojmë dhe jam i sigurt që do arrijmë objektivat tanë”, shkroi sulmuesi në gjuhën portugeze.

Pak orë pas përfundimit të takimit Rexhinaldo i është drejtuar aeroportit “Nënë Tereza” për t’u nisur drejt grumbullimet të kombëtares së Mozambikut, ku do të vihet nën urdhrat e ish-lojtarit të Portugalisë e Benfikës, Abel Ksavier.

Në Mozambik e presin sa më shpejt Rexhinaldon dhe i kanë kërkuar të niset të hënën, çka penalizon Kukësin. “SportEkspres.com” mëson se verilindorët nuk pranojnë që të luajnë të hënën, pasi nuk do të kishin në dispozicion sulmuesin kryesor të skuadrës.

Me Haris Harbën që sot ka zgjidhur kontratën me klubin, trajneri Armando Cungu nuk do të kishte asnjë alternativë për ofensivën. Kështu po bëhet çmos që Kukësi-Teuta të luhet ditën e diel. Por që të ndodhë diçka e tillë duhet gjetur marrëveshja me durrsakët, të cilët bëjnë llogaritë e tyre.

“Në futboll gjithmonë ka presion, të gjitha ndeshjet janë të vështirë dhe sidomos kjo me Laçin. Por ne shkojmë me qëllimin e vetëm për ta fituar atë ndeshje. I respektojmë, por duam tre pikët”, shprehet sulmuesi në “Supersport”.

Kur e pyet për Laçin, ai nuk ka dëshirë të flasë për të shkuarën. Por ruan respekt për tifozët dhe premton që nuk do të festojë në rast se shënon. “Nuk kam dëshirë të flas për të kaluarën time te Laçi, mendoj vetëm për Kukësin. Mundohem të bëj më të mirën për klubin ku luaj aktualisht. Megjithatë dua të them diçka: I respektoj shumë tifozët e Laçit, pasi më kanë pritur në mënyrën më të mirë. Dua t’i falënderoj dhe nëse do të shënoj nuk do të festoj për hir të respektit që kam për ta. Gjithsesi do kërkoj t’i mund në këtë ndeshje”.

MUNGESA E GOLIT – “Rëndësi ka skuadra dhe unë mundohem ta ndihmoj ekipin. Pa diskutim që jam sulmues dhe jetoj për të shënuar gola. Por nëse Kukësi fiton, unë jam i lumtur.  Gjithsesi kjo nuk do të thotë që nuk ka rëndësi nëse shënoj apo jo. Patjetër që dua të realizoj sa më shumë gola dhe objektivi im është që të jem golashënuesi më i mirë i sezonit. Kam shumë besim që do e realizoj, të paktën të kaloj shifrën e 18 golave që shënova kampionatin e kaluar. Natyrisht dua të fitoj edhe një trofe, brenda mundësive të dal kampion me Kukësin”.

RAPORTI ME CUNGUN – “Nuk kam shumë dëshirë të flas për këtë, jam profesionist dhe mundohem të bëj më të mirën për skuadrën time. Jam këtu për të luajtur futboll dhe nuk më intereson se çfarë ndodh jashtë fushe. nuk dua të flas për marrëdhëniet, sepse mundohem të respektoj shokët e skuadrës, trajnerët dhe presidentin. Dua vetëm të bëj maksimumin për Kukësin”.

Futbollisti nga Mozambiku realizoi me Laçin 18 gola një vit më parë dhe për të kishte disa oferta të rëndësishme. Në fund zgjodhi të shkonte te Kukësi, ku është një ndër më të paguarit në ekip. E nisi mirë, teksa shënoi dy gola ndaj Torpedos në Europa League.

Deri më tani ka shënuar 5 gola, por në pesë takimit e fundit ka gjetur vetëm një herë rrugën e rrjetës. Madje dhe atë gol ia ka shënuar Luftëtarit me penallti. Në ndeshjen e fundit me Kastriotin nuk shënoi dot dhe kështu bëhen takimi i tretë radhazi që Rexhinaldo nuk gjen rrugën e rrjetës.

Këtë sezon është një tjetër lojtar që po spikat me golat e shënuar. Bëhet fjalë për Latif Amadu, i cili është bërë shpesh protagonist me rastet e humbura. Dje i shënoi dy herë Laçit dhe tanimë kryeson listën e golashënuesve.

Në pesë ndeshjet e fundit ai ka shënuar 6 gola, por duhet thënë se në tre raste ka realizuar nga pika e bardhë e penalltisë. Gjithsesi gola janë edhe ato, ndaj në Durrës i gëzohen faktit që sulmuesi i tyre po shënon rregullisht.

Ndeshja e radhës me Kastriotin është mundësia më e mirë për Kukësin të rikthehet te fitorja. Në stadiumin “Redi Maloku” verilindorët do kërkojnë maksimumin, por kurrsesi krutanët nuk duhen nënvlerësuar.

Veçse një mundi për t’u kthyer te fitorja, Kastrioti është ekipi ndaj të cilit pritet edhe zhbllokimi i sulmuesit Rexhinaldo. Trajner Armando Cungu nuk është kursyer pas ndeshjes me Partizanin, teksa kritikoi sulmuesin.

Futbollisti nga Mozambiku duhet të flasë sërish me gjuhën e golave. Deri më tani ka gjetur rrugën e rrjetës pesë herë, duke qenë shënuesi më i mirë për skuadrën e tij.

Më datë 13 dhe 16 tetor përballen me Namibinë dhe Rexhinaldo mezi pret të luajë. Ai u ftua edhe herën e fundit, por një dëmtim e penalizmi dhe nuk u aktivizua. Tanimë dëshiron të japë kontributin e tij për Mozambikun.

Sot ai ka lënë Shqipërinë dhe do t’i bashkohet kombëtares së tij, ndërkohë që ka postuar një foto nga aeroporti i Rinasit përpara se të ndërmerrte fluturimin për në vendin e origjinës.

“Kur fitojmë, fitojmë të gjithë dhe në humbje, humbasim të gjithë së bashku. Është e nevojshme që të kemi përulësinë për të pranuar humben, nuk do fitojmë përherë. Është koha t’i përvishemi punës dhe të mendojmë për ndeshjen e radhës, që është akoma më e rëndësishme. Forca Kukësi”.

https://www.instagram.com/p/BorbhE3D_Ke/?utm_source=ig_web_copy_link

Të dyja ndeshjet janë të vlefshme për kualifikueset e Kupës së Kombeve të Afrikës dhe lajmin për ftesën nga Mozambiku e ka zbuluar vetë sulmuesi, i cili përmes një postimi në “Facebook” tregon se është shumë i emocionuar dhe krenar..

“Shumë i lumtur të mësoj se jam një ndër lojtarët e thirrur për të përfaqësuar vendin tim në këtë ndeshje të rëndësishme. Falënderoj stafin teknik të ekipit kombëtar të Mozambikut për besimin e tyre ndaj meje dhe premtoj t’ua shpërblej në mënyrën më të mirë. Jam i përgatitur si kurrë më parë dhe i ‘uritur’ për të luajtur dhe ndihmuar kombëtaren e të gjithëve. Varet vetëm nga ne, kështu që edhe njëherë duam ndihmën tuaj për të ardhur në stadiumin kombëtar dhe ne ju premtojmë se do të japim më të mirën për të fituar ndeshjen, gjithmonë duke e respektuar kundërshtarin, kjo e gjitha për ju, për ne dhe për popullin mozambikas në përgjithësi. Ju e meritoni. Ne jemi Mozambiku, ne besojmë, forca Mozambiku”, shkruan Rexhinaldo.

Më tej Shkodra pranon se nuk ka dhënë ende më të mirën: “Mendoj se këto gjashtë muaj nuk ka qenë të këqija për ne si ekip. Kemi bërë gjëra të mira, por mendoj që individualisht ndoshta mund të bëj më shumë, siç kam bërë vitet e tjera të karrierës sime”.

TEUTA – Mesfushori i Kukësit vlerëson maksimalisht Teutën, kundërshtar me të cilin do përballen të shtunën: “Personalisht mendoj se këtë vit Teuta ka një ekip të mirë, një trajner të mirë dhe them se këtë vit ata do ia bëjnë të vështirë çdo ekipi, gjithashtu edhe neve. Nuk do të jetë ndeshje e lehët, por mendoj se Kukësi nuk duhet të shkojë në një takim me mendimin se nuk do të fitojë”.

REXHINALDO – Sulmuesi kryesor i Kukësit nuk do të jetë i gatshëm për trajnerin Cungu. “Dihen cilësitë e tij, në fakt i dinim kualitetet e tij para se të shënonte tre golat me Tiranën. Normalisht që do na mungojë, pasi për të shënuar ka ardhur. Gjithsesi do tentojmë që mos ta ndjejmë shumë mungesën e tij”, përfundoi Shkodra.

Por trajner Armando Cungu ka marrë një lajm jo të mirë, pasi Rexhinaldo për shkak të një problemi në kofshë mund të mungojë jo pak, por rreth tre javë. Kështu më Teutën sulmuesi do të mbetet jashtë.

Sulmuesi nga Mozambiku, autor i tre golave kundër Tiranës, është ndalur në një moment të mirë. Haris Harba do të ketë “barrën” e sulmit në ndeshjen kundër Teutës. Boshnjaku akoma nuk ka shënuar në kampionat.

Veç Rexhinaldos, me probleme vijon të jetë edhe mbrojtësi i majtë Simo Rrumbullaku. Gjirokastriti mungoi edhe ndaj Tiranës dhe vijon fazën rikuperuese. Në ditët në vijim do shihet gjendja e tij dhe do të përcaktohet nëse do grumbullohet apo jo për ndeshjen kundër durrsakëve.

Vendose të mos luaje në Europë me Laçin, disa klube të kërkonin, por në fund zgjodhe Kukësin. Përse?
Dua të falenderoj Kukësin për ketë mundësi që t’i bashkohem skuadrës. Falenderoj edhe Laçin, por tani nis një sezon i ri dhe një etapë e re për mua. Kam shansin të bëhem pjesë një klubi të madh.

Në momentin kur klubi zyrtarizoi marrëveshjen, shumë njerëz prisnin ndoshta të luaje ndaj Karabakut. Do të jesh në fushë në takimin e kthimit në Baku?
Ndihem gati, por sapo jam bashkuar me ekipin në stërvitje. Do të punoj fort që të jem edhe unë në fushë.

Të gjithë presin shumë nga ju, sepse erdhe si qendër sulmuesi që i mungonte ekipit dhe si goleador, çfarë i premtoni Kukësit dhe tifozëve?
Jam këtu për të punuar me shokët e ekipit, për të dhënë më të mirën për ekipin. Jam sulmues dhe dëshira është që të shënoj në çdo ndeshje, edhe pse kjo është e pamundur. Por do të jap jetën në ndeshje. Kam ardhur për të shënuar gola, sepse kjo është detyra ime.

Te Laçi realizove 18 gola dhe ishte gjatë në garën e golashënuesve. Mund ti përmirësosh statistikat, edhe sepse në letër Kukësi duket një ekip më i fortë dhe që luan më tepër në sulm?
Sigurisht që sa herë luaj dëshiroj të shënoj sa më tepër dhe të përmirësohem.

Vitin e kaluar ishe pranë fitimit të Kupës me Laçin, por humbët finalen. Beson se ky është viti i duhur për të fituar një trofe në Shqipëri?
Arsyeja që erdha te Kukësi është pikërisht kjo. Kisha shumë oferta nga klube në vende të tjera, por zgjodha të vija këtu sepse do të luaj në një prej ekipeve më të rëndësishëm në Shqipëri. Interesi i Kukësit ishte shumë serioz, gjithashtu erdha të luaj në Champions. Është një hap i rëndësishëm në karrierën time.

Me këtë skuadër që ka Kukësi, mund t’u premtosh tifozëve titullin?
Nuk mund të bëj premtime të tilla, por mund të them që do të jap më të mirën për të realizuar objektivat e klubit. Kukësi ka lojtarë shumë cilësorë, mendoj se i kemi shanset që të fitojmë titullin kampion, apo edhe Kupën e Shqipërisë.

“Jam shumë i lumtur dhe gati për këtë sfidë të re. falënderoj klubin për mundësinë e dhënë, veçanërisht presidenti dhe drejtorin sportiv, Abrahamin dhe të gjithë ata që e bënë këtë ëndërr realitet. Unë jam një më shumë, që kam ardhur të ndihmoj dhe premtoj se do të lë shpirtin në fushë”, shkruan Rexhinaldo në llogarinë e tij në “Instagram”.

Sulmuesi gjen te Kukësi edhe Harallamb Qaqin, të cilin e ka pasur shok skuadre te Laçi. Vjet Rexhinaldo me kurbinasit regjistroi sezonin më të mirë në karrierë, teksa realizoi 21 gola: 18 në kampionat dhe 3 në Kupën e Shqipërisë.

Ai arriti t’i realizonte edhe Kukësit, të vetmin gol të Laçit kundër tyre dhe që pati shumë vlera, pasi u dha bardhezinjve në stadiumin “Zeqir Ymeri” kualifikimin në finalen e Kupës së Shqipërisë. Tanimë do kërkojë golat si “kuksian”.

https://www.instagram.com/p/BlvS_R8loRF/?utm_source=ig_web_copy_link

Krutanët nuk ofruan aq sa kroati kërkon dhe palët duken larg. Një tjetër klub u fut në bisedime me sulmuesin. Bëhet fjalë për Dritën e Gjilanit, kampione në Kosovë, që e ka tentuar që në fillim të merkatos sulmuesin. Gjithsesi palët nuk kanë gjetur dot akordin.

Tashmë gjilanasit marrin pjesë në Europa League, pasi u eliminuan nga Champions-i. Pavarësisht nga përfitimet e marra nga UEFA, te Drita e kanë të qartë: shpenzimet duhet të jenë të matura. Nuk ka “çmenduri” dhe gjithçka tentohet të bëhet brenda logjikës së tregut të futbollit në Kosovë. Madje ata nuk janë futur në garë as me disa klube të tjera të Vala Superliga e Kosovës, që kanë vendosur të rritin ndjeshëm pagesat.

Më parë Drita ka tentuar një tjetër sulmues që spikati në Superiore. “Sport Ekspres” mëson se ka pasur kontakte me Rexhinaldon para ndeshjeve me suedezët e Malmos, por vetëm kaq, pasi asgjë nuk u konkretizua. Sulmuesi nga Mozambiku, autor i 18 golave me Laçin vjet, gjithashtu kishte pretendime të larta financiare dhe më pas u zyrtarizua te Kukësi.

Rexhinaldo, i cili sot është zyrtarizuar si lojtari më i ri i Kukësit, është regjistruar menjehërë pjesë e ekipit për ndeshjet ndaj azerëve të Karabak. Lojtari nga Mozambiku do të jetë nën urdhrat e trajnerit Armando Cungu që ditën e hënë dhe për aktivizimin e tij do të vendoset në varësi të formës sportive që gëzon.

Por ka edhe një lëvizje në dalje. Një mesfushor është hequr nga lista dhe ai është i riu Lavdrim Ebipi. Lojtari në fjalë iu bashkua Kukësit në merkaton e janarit dhe është aktivizuar në disa takime në kampionat, por nuk është nga ata që konsiderohen baza e ekipit.

LISTA E PLOTË PËR NDESHJET ME KARABAK

PORTIERË: Stivi Frasheri, Faton Maloku, Jetmir Basha

MBROJTËS: Ylli Shameti, Rustem Hoxha, Albi Alla, Vangjel Zguro, Harallamb Qaqi, Simo Rumbullaku, Edis Maliki, Uilliam Kordeiro Melo

MESFUSHORË: Donjet Shkodra, Arber Çyrbja, Vesel Limaj, Besar Musolli, Valon Et’hemi, Irakli Dzaria, Dino Shpehar

SULMUES: Sebino Plaku, Roxher Xhunio Rodrigues Figueira, Haris Harba, Rexhinaldo

Rexhinaldo ishte në bisedime edhe me Flamurtarin, por vlonjatët nuk ia plotësuan kërkesat financiare. Gjithashtu ai kishte oferta edhe nga jashtë vendit, por do të mbetet në Superiore edhe për të paktën një sezon.

Me Flamurtarin ka biseduar dhe gradualisht edhe mund të arrihej akordi, por ka pasur një ngërç që lidhej me këstin e parë të kontratës. Sikurse mëson “Sport Ekspres”, në Vlorë i është thënë se do të marrë 30% të kontratës në dorë, por më pas nuk ka ndodhur diçka e tillë. Gjithsesi nuk është vetëm ky ngërçi i vetëm.

Rexhinaldo ka edhe një ofertë tjetër nga Azerbajxhani dhe normalisht po heziton të pranojë të rikthehet në Superiore, pasi edhe kushtet financiare që i ofrohen atje janë mjaft të mira. Objektivi kryesor është që të ndjekë Xhejmsin dhe Lilajn, të cilët luajnë me Gabala. Emri i skuadrës që kërkon ish-sulmuesin e Laçit nuk bëhet me dije.

U fol për dhunë fizike, por sot trajneri Gentian Mezani ka dalë para medieve për të sqaruar këtë çështje, duke mohuar gjithçka: “Rexhinaldo nuk është dhunuar, nuk është aspak e vërtetë ajo që është shkruar sot në gazeta. Nuk ka ndodhur absolutisht asgjë. Kam qenë unë ai që e kam larguar nga dhomat e zhveshjes sepse Rexhinaldo nuk ka dhënë asnjë përgjigje në lidhje me veprimet e tij në fushë në ndeshjen kundër Partizanit, ndaj vendosa që ai të mos ishte pjesë e analizës të ndeshjes.

“Rexhinaldo do të stërvitet i diferencuar dhe unë së bashku me klubin e kemi marrë këtë vendim pas deklaratave në media dhe veprimeve të tij, duke filluar që nga ndeshja e Durrësit, ku ka dalë nga loja më dëshirën e tij. Është larguar nga hoteli ku ne ishin grumbulluar pa lejën e askujt. Rexhinaldo duhet të kuptojë që duhet të sillet si profesionist, gjë që nuk e ka bërë në 3 javët e fundit”.

Laçi vijon përgatitjet nën drejtimin e trajnerit të ri, Gentian Mezani. Kurbinasit pas dy humbjeve të fundit synojnë që të kthehen te fitorja në ndeshjen e javës së katërt, ku do të presin në shtëpi Vllazninë. Tekniku i ri vlonjate synon që ta nisë mbarë aventurën e tij në radhët e bardhezinjve. Projekti i këtij edicioni është bazuar tek elementët e rinj me perspektivë, të cilët deri më tani kanë dhënë sinjale mjaft pozitive dhe me një trajner si Mezani, i cili shquhet për punën me të rinjtë mund të sjellë sukses në Laç. Përballë Vllaznisë normalisht nuk do të jetë e lehtë, megjithatë në shtëpi do të synohet vetëm triumfi. Kualifikimi në Kupë u bë akoma më i lehtë seç mendohej, me Sopotin që nuk u paraqit fare, edhe pse Laçi kishte paraqitur skuadrën e të rinjve. Në këtë mënyrë skuadra ka pasur mundësi që të përgatitet pa ndërprerje, megjithatë problematika kryesore mbete çështja e dëmtimeve. Normalisht që vë,mendja kryesore është për sulmuesin Rexhinaldo, i cili ende nuk ka debutuar me bardhezinjët. Mund të konsiderohet një lajm i mirë fakti se tashmë ka një periudhë të caktuar kur sulmuesi nga Mozanbiku do të jetë plotësisht gati për skuadrën. Vetë sulmuesi përmes një postimi në profilin e tij në “Facebook” ka njoftuar se do të jetë i gatshëm për më pak se dy javë, teksa shkruan: “Unë do të jem gati, ndoshta për një javë ose dy më së shumti. Më e keqja ka marrë fund. Ju falënderoj të gjithëve për mbështetjen tuaj” përfundon postimi i tij. Gjithsesi, fakti që 27-vjeçari nuk do të jetë i gatshëm për ndeshjen me Vllazninë bën që tekniku i ri të mendojë për një tjetër alternativë. Fakti që pas ndeshjes së radhës do të jenë gati dy javë pushim për shkak të ndeshjeve të Kombëtareve, çka i mundëson Rexhinaldos kohën e mjaftueshme për të arritur disi ritmin e skuadrës. Gjithsesi, cilësisë e Rexhinaldos dihen dhe në Laç e presin me entuziazëm që të zbresë në fushë, pasi pritshmëritë për të janë mjaft të mëdha, ku shpresohet se do marrë skuadrën përdore drejt suksesit.  

Ndërkaq, trajneri Shpëtim Duro vazhdon punën për ndërtimin e skuadrës për sezonin e ri dhe praktikisht 60-70% e skuadrës është gati, pas afrimeve cilësore në javët e fundit.

Mbrojtja nuk ka më nevojë për asnjë ndërhyrje, mesfusha është thuajse e kompletuar dhe problem mbetet sulmi, ku është pikë kyçe Tomisllav Bushiç, por duhet edhe një sulmues niveli, edhe pse Ardit Hoxhaj mund të kthehet në nivelet e tij më të larta dhe nuk duhet nënvlerësuar.

Gjithsesi, duhen 3 lojtarë cilësorë përpara dhe tashmë Flamurtari ka si prioritet Rexhinaldon e Luftëtarit. Sulmuesi i kombëtares së Mozambikut vjen nga një sezon i shkëlqyer në Gjirokastër, me 8 gola të shënuar dhe 3 asiste në 32 ndeshje. Një sulmues i dytë, Rexhinaldo do të krijonte një dyshe sulmuese perfekte me Bushiç, pasi është një futbollist që lëviz pa fund dhe krijon hapësira të mëdha e ka pasime të sakta e të shpejta për lojtarët e tjerë.

Problemi është se Rexhinaldo po pret oferta të tjera dhe po qëndron pasiv, ndaj Flamurtari ka vendosur ta presë edhe 2 ditë, para se të shohë për alternativa të tjera në sulm, mëson “Sport Ekspres”.