Lushkja është pjesë e Laçit që prej 3.5 vitesh, kur la skuadrën e Besës dhe provoi të luante në Superiore. Në fillim nuk pati shumë hapësira, duke luajtur vetëm shtatë ndeshje, por në tre sezonet pasardhëse u aktivizua në më shumë se 30 takime për kampionat, duke shënuar edhe 8 gola.

https://www.instagram.com/p/BzibqABAwNI/?utm_source=ig_web_copy_link

TORO – Mbrojtësi i afruar në verë, Sebastian Toro, nuk u bashkua me Laçin gjatë përgatitjeve të verës. Ai pati një dëmtim dhe e mbylli sezonin para kohe, ndërkohë që kishte edhe një vit kontratë me bardhezinjtë.

Palët sa duket e kanë ndërprerë bashkëpunimin dhe Toro falënderon përmes llogarisë së tij në Instagram: “Faleminderit Laçi për sezonin e mirë, faleminderit shokëve të skuadrës, stafit teknik dhe drejtuesve të klubit. Ju uroj shumë suksese”.

LËVIZJET E LAÇIT NË MERKATON E VERËS
AFRIME: Kirian Nuabueze (Drita), Aleksandar Ignjatoviç (Sloboda Tuzla), Rudolf Turkaj (Iliria), Renato Spahiu (Kronos Argyradon), Aleksandros Zaimi (Apollon Larisa), Teldiano Zhunior – Teko (Treze), Julian Shehu (Kastrioti);

LARGIME: Malik Mane (Atyrai), Bojan Najdenov, Ivan Galiç, Jon Mersinaj dhe Enis Çokaj (përfundim huazimi-Lokomotiva Zagreb), Denis Pjeshka, Klaudio Çema, Antoni Okpotu (Difaa El Jadida), Sebastian Toro

EKIPI MË I FORTË – “Partizani dhe Kukësi kanë qenë ekipet më cilësore. Të tjerat kanë pasur luhatje. Kukësi është më lart, por është cenuar nga fusha. Partizani ka bërë një kampionat më të mirë, e ka marrë çdo ndeshje si finale dhe e ka merituar vendin e parë”.

MBIJETESA – “Është garë e fortë për mbijetesën. Me këtë fitore Tirana ka hedhur një hap pozitiv. Kastrioti ka ekip të mirë, me lojtarë të rinj dhe me një trajner që e ka bërë të luftojë për të qëndruar mes më të mirëve”.

NDESHJA ME KASTRIOTIN – “Duke qenë një ndeshje pa tifozë, ka ritëm të ulët. Sikur të vë në gjumë. Gjithsesi ishte ndeshje e luftuar, Kastrioti e kishte jetë a vdekje. Edhe ne donim pikët tona për në Europë. Kastrioti luajti më mirë pjesën e dytë. U munduam t’i mbajmë larg. Sikur na hyri pak frika dhe u tërhoqëm. Pastaj shkoi ashtu si shkoi”.

GOLI I SHËNUAR – “Po e ruaja ata moment. Ata ishin futur në zonën e pesë-metërshit. Kisha besim që topi do vinte tek unë dhe u tërhoqa pak sekonda para se të krosohej. Pastaj shënova golin që e keni parë edhe ju”.

ASPEKTI PERSONAL DHE EUROPA – “Po të fitonim, 90% do ishim në Europë. Kemi tre pikët me Kamzën dhe do ishim më të qetë. Kemi besim, besoj se do ia dalim. E kemi grupin e mirë dhe nuk na mungon asgjë. Aspekti personal? Ky kampionat nisi me gol, i shënova Kukësit. Kam pasur disa ndeshje të mira. Jemi drejt objektivave tona”.

“Vjet ishim më mirë, patëm ecuri më të mirë. Shkuam në finale të Kupës. Kemi ndryshuar trajnerë, ikën Rexhinaldo e Uzuni. U afruan edhe të rinj që ndoshta nuk janë ambientuar. Është sezoni i tretë te Laçi. Besoj se kam shkuar mirë. Ka pritshmëri më të larta. Do shohim më vonë se ku do ta vijoj të ardhmen. Ëndrra është të luaj jashtë vendit. Brenda për brenda nuk është mirë që të flas për gjëra konkrete”.

Sfida e radhës për Laçin është ajo me Skënderbeun, që luhet ditën e hënë. Për trajnerin Besnik Prenga do të jetë i gatshëm edhe mesfushori Regi Lushkja. Kavajasi mungoi ndaj Luftëtarit në fundjavë për shkak se ishte i pezulluar me kartonë të verdhë.

Mesfushori pritet të rikthehet titullar në takimin e së hënës me korçarët. Lushkja është një nga lojtarët kryesorë të formacionin bardhezi dhe gatishmëria e tij është një lajm i mirë për Laçin. Kurbinasit do kërkojnë që minimalisht të mos humbin me Skënderbeun.

Gjithsesi, kurbinasit do ta provojnë dhe Regi Lushkja hedh sfidën. Mesfushori beson te mrekullia, edhe sepse këtu qëndron bukuria e futbollit.

“Është një humbje e thellë dhe duket si një mision i pamundur, por ky është futboll dhe asnjëherë nuk i dihet. Kemi besim te forcat tona. Jemi një ekip me lojtarë të rinj, që vrapojmë shumë dhe zbatojmë orientimet e trajnerit. Pse jo, të provojmë të pamundurën”, tha Lushkja për “Super Sport”.

Pas katër sezoneve si protagonist te bardhezinjtë, ndoshta ky mund të jetë momenti për të bërë hapin e madh. 22-vjeçari ia lë çdo gjë kohës: “Jam shumë i lumtur te ekipi i Laçit, por le të shohim në vazhdim çfarë do të ndodhë”.

Vladimir Prenga

Laçi u mposht të enjten nga Skënderbeu, por nuk ka shumë kohë për të menduar për atë ndeshje. Gjithsesi, ashtu sikurse ndodh gjithmonë, kurbinasit kanë zhvilluar analizën e sfidës së humbur me korçarët dhe normalisht që ka pasur keqardhje, sidomos prej faktit që e kishin mundësinë të realizonin golin e barazimit 2-2 me Nikën, por goditja e tij nga pika e bardhë e penalltisë u ndal nga Orges Shehi. Pasi është analizuar ndeshja me Skënderbeun, fokusi ka qenë te ndeshja e radhës me Flamurtarin. Sa i takon objektivit, trajneri Mezani e tha qartë pas ndeshjes me korçarët: “Ne do bëjmë të pamundurën, pasi është ndeshje që e luajmë në shtëpi. Do kërkojmë maksimumin e pikëve. Kushdo qoftë në fushën tonë, nuk duhet të falim”. Këto kanë qenë pak a shumë edhe fjalët e thëna në seancën e parë stërvitore që vlonjati u prezantua para lojtarëve. Edhe pse luhet në Krujë, për bardhezinjtë nuk përbën ndryshim, ndaj tre pikët janë në njëfarë mënyre detyrim për Laçin. Aktualisht skuadra e financuar nga Pashk Laska ka marrë gjashtë pikë dhe ndodhet në vendin e 6-të në tabelën e klasifikimit, me pikë të barabarta me Kamzën, që ka golaverazh më të mirë.

LUSHKJA – Regi Lushkja ishte zëvendësimi i parë i Laçit në Korçë dhe mesfushori kavajas ishte protagonist me golin e barazimit 1-1 dhe me fitimin e penalltisë. Në një prononcim për “Sport Ekspres” ai shprehet se loja e zhvilluar ndaj Skënderbeut është një shtysë për të që të rritet edhe më tej. Fillimi nuk ka qenë i lehtë për të, pasi vinte nga një dëmtim që e bëri të humbte thuajse të gjithë fazën përgatitore. “Jam i kënaqur me faktin që shënova ndaj Skënderbeut, por sigurisht që do kisha dashur më së shumti të merrnim pikë. Nuk ia dolëm dhe them se duhet të fokusohemi te ndeshja e radhës me Flamurtarin. Sa i takon formës time, po rritem gradualisht. Javët e para nuk kam pasur formën më të mirë, kjo pasi kisha kaluar një dëmtim në gju dhe më duhej të kapja ritmin e shokëve. Gradualisht fitova formën fizike, gjë që më ka ndihmuar edhe të rris përformancën në fushë. Shpresoj të vijoj të përmirësohem dhe ta ndihmoj sa më shumë skuadrën”, u shpreh Lushkja, ndërkohë që i pyetur për penalltinë e fituar prej tij, deklaron: “Penalltia ishte. Edhe vetë Jashanica ka deklaruar se kishte kontakt. Kur e sheh në pamje duket sikur nuk ndodh asgjë, madje edhe unë vetë do të thosha që nuk është po ta shihja nga videot, por më ka penguar dhe them se ishte i saktë vendimi i arbitrit”. Sfida e radhës është ajo me Flamurtarin në Krujë. “Po mendojmë për ndeshjen me vlonjatët. Luajmë në Krujë, por motivimi ynë për ta fituar këtë ndeshje është i njëjtë sikur të luhej në Laç. Na duhet të kthehemi te tre pikët dhe të gjithë do të bëjmë më të mirë. Do shfrytëzojmë seancat e mbetura stërvitore për të qenë gati për këtë sfidë mjaft të rëndësishme, që duhet ta fitojmë”. Lushkja i ëshë bashkuar Laçit që në janarin e vitit 2016, kur la skuadrën e Besës për të provuar një eksperiencë në Superiore dhe që prej atëherë është aktivizuar në 42 ndeshje, duke shënuar tre gola.

Bardhi humbet ndeshjen e radhës
Konkurrenca te Laçi është e madhe, teksa janë disa lojtarët që mbesin jashtë 18-shes. Për ndeshjen e radhës me Flamurtarin trajneri Gentian Mezani do të ketë të gatshëm brazilianin Maikon Eskerda, që nuk ishte në Korçë. Mungesa e vetme në sfidën me vlonjatët do të jetë ajo e Kejvi Bardhit, i cili në ndeshjen e së enjtes me Skënderbeun pësoi një dëmtim në kavilje dhe të paktën një javë do të duhet të pushojë dhe më pas të nisë gradualisht përgatitjet.