Fillimisht ai duhet të analizojë çka nuk shkoi gjatë sezonit të shkuar. Merkatoja nuk është se ka rezultuar e suksesshme. Berisha dhe Blazhevski u larguan që në janar, ndërkohë që Atinga është dashur shpesh të qëndrojë në tribunë.

Edon Hasani ishte goditja, Kobinah me luhatje. Eni Imami, i përshtatur si qendërmbrojtës, as nuk ka pse gjykohet. Në një pozicion jo tijin ka bërë maksimumin. Oduamadi nuk duhet harruar, pasi do të mbahet mend vetëm për zhurmën e krijuar në media me titujt: “Tirana firmos me lojtarin e Milanit”.

Nga analiza e bardhebluve padyshim duhet të dalë edhe lista e atyre lojtarëve që duhet të bëjnë gati valixhet. Halili kur ra nga Superiorja nuk e pati guximin të largonte lojtarë, këtë herë zor se do veprojë njëlloj.

E ARDHMJA E MEMËS – Vetë trajneri e ka thënë qartë: “Unë nuk pranoj të qëndroj asnjë sekondë nëse nuk bëhen gjërat ashtu si them unë. Mund të largohem, nuk është problem fare”. Presidenti Halili duhet të ndajë mendjen nëse do ia besojë ndërtimin e ekipit trajnerit Ardian Mema, sigurisht në bashkëpunim me drejtorin sportiv.

Që trajneri të marrë përgjegjësi, atëherë duhet të thotë fjalën e fundit. Këtu nis gjithçka te Tirana dhe numri një i klubit duhet të vendosë përfundimisht se çfarë do të bëjë. Tre sezone me Tiranën në “ujëra të turbullta” janë shumë dhe duhet gjetur një zgjidhje që t’i rikthejë 24 herë kampionët e vendit të luftojnë për kreun.

“Sot luftonim me të vërtetë për mbijetesën, siç kemi bërë dy ndeshjet e fundit. Objektivi nuk ka qenë ky. Kur e ndërtuam ekipin ishte për objektiva siç i ka hije gjithmonë klubit të Tiranës. Fati, gabimet, loja jo e mirë ndonjëherë, ndoshta edhe unë si drejtues kam pjesën time të fajit, t’i përmendim të gjitha, kanë bërë që të mos shkojmë më lart. Shpresoj që kjo që ndodhi këtë vit të mos ndodhë më dhe mos ta shohim veten në këtë pozicion”, u shpreh Halili për mediat.

LICENCIMI – Tirana është kualifikuar në finale të Kupës dhe të dielën diskuton trofeun me Kukësin. Sikurse dihet, fituesi ka të drejtën të marrë pjesë në kualifikueset e Europa League. Gjithsesi nuk mjafton trofeu, pasi duhet marrë edhe licencimi nga UEFA. I pyetur në lidhje me këtë çështje, Halili tha se do të mbajë një konferencë dhe do sqarojë gjithçka. Një mesazh i koduar edhe për FSHF-në, në dukje edhe një “jo” e marrë për licencimin. Gjithsesi duhet pritur.

“Shpresoj që të flasim në ditët në vazhdim për licencimin. Them që do ju jap një përgjigje dhe do ta bëj më të zgjeruar. E kam në plan dhe jam shumë i bindur të flas. Gjithsesi dua të bëj një intervistë ku të jenë shumë gazetarë, të jenë të gjitha televizionet. Mendoj se do kenë interes, pasi kam shumë gjëra për të thënë në lidhje me licencimin. E rëndësishme është ta zhvillojmë garën njëlloj dhe them që gjithë drejtuesit e federatës, duke kapur të gjithë komisionet që quhen në thonjëza të pavarura, të gjitha ato komisione janë të detyruara të na respektojnë e të vihen përballë nesh dhe të flasin. Më shumë gjëra do ju them në ditët në vijim”.

KUPA – Tirana ka shpenzuar goxha dhe trofeu do ishte edhe një shpërblim për klubin. Gjithsesi Halili kërkon nga ekipi vetëm të luajë futboll. “Çdo ekip lufton për të shkuar në kupat e Europës. Unë nuk merrem me pjesën e shpenzimit. Do jem shumë i qetë dhe dua të përmbyllim çdo detyrim ndaj çdo lojtari. Kemi kaluar një situata shumë të vështirë në disa vite, kemi shlyer shumë borxhe. Këtu futet edhe pjesa e licencimit. Çfarë duhet të bëjë më shumë unë? Janë likuiduar 1.7 miliardë lekë, është shumë marramendëse. Më vjen keq që flitet. Nuk kemi asnjë gjyq sportiv, asnjë gjë. Megjithatë do flasim. Nuk duhet të qajmë ato qe kemi paguar. Sa i takon Kupën do respektojmë garën. Shpresoj që çunat të luajnë futboll, si tani në fund. Jam krenar që nuk kemi bërë aleanca dhe nuk kemi hyrë në marrëveshje me dikë”.

DENIS LALA

Majkëll Ngo me gjasa është më i paguari te bardheblutë dhe është presidenti i Luftëtarit, Grigor Tavo, ai që zbulon se sa përfiton sulmuesi anglez. Gjirokastriti nuk e fsheh habinë për pagat që lojtarë të ndryshëm marrin te Tirana.

“Presidenti i Tiranës më pyeste gjatë ndeshjes për pagat e lojtarëve tanë dhe unë ia thosha pa mbajtur sekrete. Çuditesha kur më tha se te Tirana, Ngo merrte 8500 euro në muaj, ndërsa kishte lojtarë të tjerë që merrnin nga 6500 euro dhe 6000 euro. Çdo lojtar te Luftëtari do marrë aq sa i takon”, ka deklaruar Tavo në emisionin “E Hëna Sportive” në RTSH Gjirokastra.

Java pasardhëse është një finale. Kastrioti rival përballet me Tiranën në “Selman Stërmasi” dhe presidenti Halili me atë çka ka thënë i motivon maksimalisht krutanët. “Kastriotin nuk kam frikë fare, Është zero për mua, nuk ka asnjë problem fare”, shton Halili.

Në lidhje me pozicion e vështirë në tabelë, presidenti i Tiranës shtoi: “Nuk dua të ngacmoj askënd, por ne nga episode, siç ndodhi në ndeshjen me Partizanin,  kemi humbur shumë pikë. Janë gati 20 pikë të humbura. Ky është fati, nuk kemi çfarë themi”.

Në emisionin “Zona Gol” në Supersport, presidenti Refik Halili deklaroi se kanë nënshkruar me katër lojtarë për sezonin e ardhshëm. Ai nuk zbulon emra: “Përsa i përket të ardhmes, po e them për herë të parë këtë: Kemi nënshkruar katër kontrata me futbollistë shumë të njohur në Shqipëri. Emrat nuk i bëj dot të ditura që tani”.

Për të nënshkruar me lojtarët normalisht i duhet marrë një mendim edhe trajnerit. Ardian Memës i përfundon kontrata në fund të sezonit, por Halili thekson se do të jetë pjesë e klubit. Gjithçka mbetet për t’u parë.

“Për katër futbollistët që kemi marrë, patjetër që kemi folur edhe me trajnerin dhe menaxherin e klubit. Do të ketë ndryshime, pasi disa lojtarëve të huaj e shqiptarë u mbaron kontrata. Mema do të vazhdojë të jetë pjesë e klubit të Tiranës”, u shpreh presidenti i Tiranës.

KAMPIONATI –  “Emocionet tani janë të mëdha. Vetë personalisht kam qenë vetë shumë të qetësuar. Duhet të qëndrojmë të qetë dhe të punojmë. S’kemi më kohë për të gabuar. Duhet të punojmë shumë me skuadrën në të ardhmen. S’duhet që ekip të vuajë deri në momentet të fundit. Duhet që skuadra të rikthehet aty ku i takon”.

DERBI – “Mendjen e kemi te ndeshja e radhës në Kupë. Përsa i përket derbit, nuk është nevoja që t’u themi futbollistëve për rëndësinë e kësaj ndeshjeje. Në derbi futbollistët janë 10-fish të impenjuar. Mendoj se skuadra do të ketë një mobilizim akoma dhe më të madh për vetë fakt të pozitës jo të mirë që kemi në klasifikim”.

BAKAJ – “ (Ishte në lidhje direkte në emision) Elisit i uroj të jetë mirë. Gëzohem që e dëgjoj. Nuk kemi kontakte të shpeshta, por kemi mall. Kam kaluar mirë me Elisin. Negociatat për kontratë me të nuk kanë zgjatur më shumë se 10 minuta, si rrallëherë me futbollistët”.

BORXHET – “Avash avash po shkojmë drejt pastrimit të klubit përsa i përket situatës së borxheve. Tani mund të them në aspektin e borxheve sportive. Nuk më thuajse asnjë detyrim ndaj lojtarëve. Mendoj se deri në 31 dhjetor të këtij viti, klubi do të jetë krejtësisht i pastruar nga borxhet. Të gjitha gjërat janë të dokumentuara”.

BILANCET  DHE EUROPA – “Kemi ndërtuar gjithmonë një skuadër me emra të mirë lojtarësh, por fakti është që kemi pësuar rezultate të dobëta. Kjo paraqitje ka sjellë humbje të mëdha financiare, thuajse 800 mijë euro në vit që nga viti 2014. Shpresojmë që këtë vit të marrim pjesë Kupat e Europës. Për këtë kemi bërë një marrëveshje, ku kemi shlyer një pjesë të madhe të detyrimeve tatimore. Kemi një strukturë të mirëorganizuar dhe akademi me lojtarë të dalluar që janë pjesë e kombëtares së moshave”.

MARRËDHËNIA ME BASHKINË – “Marrëdhënia ka qenë e mirë. Kam folur shpesh me punonjës të bashkisë, kanë qenë afër klubit. E kanë parë se në futboll nuk ka fitime dhe kanë menduar që të nxjerrin në shitje pjesën e tyre të aksioneve. Kanë bërë një vlerësim, ditën e hënë do të marr më shumë të dhëna. Më duhet të presim vendimin e Këshillit Bashkiak. Aksionet kur të dalin në shitje, do të kenë me vete dhe pjesën e borxhit. Borxhi është rreth 900 milionë lekë të vjetra. Ai që do të blejë aksionet do të blejë edhe pjesën e borxhit. Në momentin e daljes në shitje do të shikoj çfarë kërkesash do të ketë. Mua nuk më kanë kontaktuar njeri për të marrë mendim si zotërues i 66% të aksioneve. Kushdo që të jetë unë garantoj që do të ketë një raport të shkëlqyer me mua. Do jem bashkëpunues i sinqertë”.

KONTAKTE NGA BIZNESMENË TË TJERË – “Kam pasur kontakte me biznesmenë që janë shumë të njohur në Shqipëri. I kam shpjeguar bilancet, të ardhurat dhe borxhin e klubit. Më kanë kontaktuar dy kompani të fuqishme, por ndoshta janë konsultuar dhe me bashkinë”.

ASETET – “Lodhja dhe mundi ka qenë shumë i madh.  Blerësit janë paksa të trembur për shkak se situata e borxheve është fryrë nga media të ndryshme. Unë jam i bindur se ne mund të gjenerojmë të ardhura të shumta nëse Tiranës do t’i jepen asetet si fusha e aneksit, parkingu përballë stadiumit”.

TENSIONI NË NDESHJEN E SKËNDERBEUT – “Në Shqipëri kur shënohet gol ndodh që të thuhet ndonjë llaf. Me Skënderbeut ndodhi kjo gjë dhe më pas pati një debat. Për një gjë kaq të vogël u bë sikur ndodhi diçka tragjike”.

DËNIMET ME DYER TË MBYLLURA – “Përsa i përket dënimeve kemi qenë klubi më i persekutuar ndër vite. Ndër vite dënimet e tifozëve na kanë kushtuar rreth 240 milionë lek të vjetra. Janë përdorur dy standarde, klube të tjera janë dënuar me vetëm një ndeshje. Kam folur me presidentin Armando Duka, por ai më ka thënë se vendimet merren nga komisione te pavarura. Këto komisione përdorin dy standarde, duhet që duke filluar nga tani në këto komisione të vendosen njerëz që e njohin ligjin”.

“Për vetë pozicion në tabelë, kuptohet që tensioni është i madh. Sa i takon momenteve të fundit të ndeshjes, ishte një gëzim për ne dhe më pas pati diçka të vogël. Them që nuk duhet bërë kaq shumë alarmante sa u bë aty në mes nesh. Kemi kaluar një situatë të vështirë, shpresoj të vazhdojmë kështu deri në fund”, u shpreh Halili.

I ngacmuar në lidhje me golin e Laçit në shtesë, që i dha mundësinë Tiranës të rriste diferencën me Kastriotin, Halili shtoi: “T’iu them sinqerisht më kanë thënë se Laçi është në disavantazh me Kastriotin dhe ne nuk kishim shënuar. Jam zakonisht i qetë dhe nuk e bëj unë rezultatin si dua. Ishte fat edhe për ne. Mbetëm me 10 lojtarë dhe mendoj se rezultati na nderoi. Shpresoj ta mbyllim me sukses këtë kampionat të vështirë”, përfundoi Halili.

DENIS LALA

“Nevina nuk na ka mbështetur shumë, madje na ka kritikuar. Të gjithë tifozët janë të mërzitur. E ftoj në derbi dhe shpresojmë t’i qetësojmë gjakrat me Nevinën”.

“Derbi? Dihet rëndësia, dihet edhe presioni që kemi vite pa fituar. Them se do ta mposhtim këtë herë Partizanin. Do triumfojmë”.

“Nuk kam menduar të luaj me ekip tjetër këtu. Unë jashtë? Nuk kam pasur shumë minuta. Duhen për t’u rritur më shumë. Për të shkuar jashtë duhet punë. Unë  nuk kam nisur ende te Tirana. Edhe faktorë të jashtëm, presioni nga tifozët, ka ndikuar tek ata që të mos më aktivizojnë për shkak të paragjykimeve”.

“Tifozët janë të acaruar, janë mësuar ta shohin Tiranën kampion, ose në vendet e para. Ishte një keqkuptim. Profesor Mema dhe kapiteni Karabeci i sqaruan dhe gjithçka u mbyll. Ndaluan autobusin afër Tepelenës, zbriti profesori dhe u qetësua situata. Kemi tifozët më të mirë në Shqipëri. Në dy derbi e kanë mbushur stadiumin plot. Nuk e mbushin si ne ata. Imagjinoni po të ishim në situatën e Partizanit ne tani”.

“Marrëdhëniet me tifozët i kam të mira. Nuk kam ofenduar dikë, as ata mua. Sa i takon pjesës së babait, gjithçka erdhi për shkak të lejes që iu dha për të luajtur Partizani në fushën tonë. Ishte vetëm një stadium këtu dhe pse mos të luanin. U mbledhin aksionerët dhe vendosën që të luajë. Aty ata u acaruan, erdhi edhe rënia nga kategoria dhe gjërat u agravuan. Me fitimin e Kupës dhe mbijetesës gjerat do qetësohen”.

“Dihet që presioni është i pranishëm, pritshmëritë janë të mëdha. Jam përpjekur dhe jam si gjithë lojtarët e tjerë në fushë. Jashtë jam djali i presidentit. E ndjej, pasi thonë se luaj prej babait. Do doja të mos e thonin këtë. Jam rritur në këtë ekip dhe jam krenar që luaj për këtë fanellë. Nuk është viti im, pasi nuk kam bërë ndonjë gjë të madhe. Vetëm një gol në derbi. Uroj të më ecë mbarë më tej”.

“Të them të vërtetën, me trajnerin Ze Maria, edhe pse gjërat nuk nxirren jashtë, por nuk kishim harmoni me trajnerin dhe mes lojtarëve. Morëm vetëm tre fitore dhe disa barazime. Duhet ta hedhim pas të shkuarën. Kjo është arsyeja pse jemi në këtë situatë”.

“Me ardhjen e profesor Memës u kthyem në normalitet. Bëjmë lojë, por ne jemi ata që e kemi sjellë në këtë gjendje. Gjithsesi ne do ta nxjerrim nga kjo situatë. U ndëshkuam nga një episod në Gjirokastër, ishte faji ynë. Duhet të merrnim tre pikët se s’bën. Kupa është një nga objektivat tona. Ne gjithmonë nisemi për titull, është detyrim për Tiranën”.

“Ajo që ka thënë Hasani ka ndodhur pas ndeshjes. Nuk e ka pasur me të vërtetë, e dimë të gjithë përgjegjësinë e veshjes së kësaj fanelle. Jemi gati ta nxjerrim nga kjo situatë. Në vitin 2014, kur isha 16 vjeç, Tirana u privatizua. Atëherë u bë investim i madh dhe nuk kapëm kupat e Europës. Ishte dështim. Duhen parë edhe faktorët e jashtëm pse erdhi ai dështim, apo viti kur ramë. Nuk ka qenë vetëm faji ynë, ka pasur edhe faktorë të jashtë”.

Tafaj shënjestron drejtuesit duke thënë se menaxhimi i klubit nuk ka qenë i duhuri dhe se dikush duhet të mbajë përgjegjësi.

“Halili është një person që përveç se i dhemb shpirtërisht Tirana, i ka dhënë dhe materialisht. Ka vite që ka një kontribut të jashtëzakonshëm dhe vjen një moment që lodhesh dhe nuk merr mbrapsht asnjë gjë”.

“Unë mendoj se menaxhimi është gjëja kryesore. Nuk e them këtë ngaqë kam punuar më parë në klub. Shikoni si është transformuar Partizani për shkak të menaxhimit. Unë kam dëgjuar nga Ze Maria që ka thënë se atij i kanë zgjedhur lojtarët. Ata që zgjodhën lojtarët duhet të mbajnë përgjegjësi”.

“Në skuadër duhet të kishin ndodhur me kohë ndryshime radikale. Unë jam habitur kur kam mësuar që njerëz që s’kanë lidhje me futbollin kanë përzgjedhur lojtarët. Presidenti ka një natyrë që beson shumë te njerëzit që ka pranë, por e kanë zhgënjyer vit pas viti”, përfundoi Tafaj.

Ngjarja ka ndodhur në afërsi të rrethrrotullimit Shqiponja. Në një njoftim të nxjerrë së fundmi nga Drejtoria Vendore të Policisë së Tiranës është bërë e ditur se të dy presidentët e të dy klubeve janë proceduar penalisht në gjendje të lirë për veprën penale “Dëmtime të tjera me dashje” .

NJOFTIMI I POLICISË

Tiranë

Shërbimet e Policisë të Komisariatit Nr.6, proceduan penalisht në gjëndje të lirë shtetasit R. H., dhe P. L.

Procedimi ndaj këtyre shtetasve filloi pasi, në zonën e ish-doganës së vjetër, pranë sheshit “Shqiponja” janë konfliktuar fizikisht me njëri-tjetrin.

Materialet i kaluan për veprime të mëtejshme Prokurorisë së Rrethit Gjyqësor Tiranë në ngarkim të shtetasve të lartpërmendur për veprën penale “Dëmtime të tjera me dashje”, parashikuar nga neni 90 i Kodit Penal.

Në fund të pjesës së parë pati dy gola të anuluar, që Halili nuk dëshiron t’i komentojë: “Në përgjithësi u bënë vite që nuk flas për çështje gjykimi. Nuk e di fare, pamë që nuk u dhanë. Dikush më tha që ishin gola, por është pjesë e lojës. Kur rezultati është i mirë në fund, atëherë kënaqemi të gjithë”.

Dy vite më parë Tirana fitoi Kupën e Shqipërisë, por më parë kishte regjistruar për herë të parë rënien nga Superiore. A do e donin trofeun në kampin bardheblu? Sigurisht që po. Halili do vazhdimësinë e ekipit të tij, jo vetëm në kupë, por edhe në kampionat.

“Është shpejt të flasim për trofeun. Për mua është diçka e mirë që po ecën ekipi. E kemi thënë para disa kohësh që shpresojmë t’i kemi lënë të këqijat pas. Besoj te skuadra shumë, madje e kam thënë që më parë që besoj. Po të dalin fjalët e mia do të jetë mirë, po nuk dolën do të jetë keq. Shpresoj të vazhdojmë në rrugën e nisur e të kualifikohemi, sikurse edhe në kampionat të vazhdojmë sikurse deri sot”.

Ngo mungoi për një kohë të gjatë në fillim të sezonit dhe ndoshta me të Tirana do ishte në pozita të tjera. Në fakt, ish-trajneri Ze Maria e thoshte shpesh: “Më duhet një sulmues”. Mema e ka Ngonë dhe anglezi po bën mjaft mirë, edhe pse pati një moment kur pati përplasje me trajnerin. Halili flet edhe për rinovimin e kontratës me sulmuesin shtatlartë.

“Ngo, për mua, është lojtari më i mirë në përgjithësi i klubit tonë. Ngoja në atë kohë ka pasur problemet e tij, është grindur me veten e vet. Them se i ka bërë mirë ajo dhe po ia merr frytet asaj kthese që ka bërë”, shprehet presidenti i Tiranës..

Sa i takon rinovimit, ai shton: “Është shpejt për të folur. Megjithatë ne në heshtje vazhdojmë të flasim, punojmë përditë si klub për vazhdimësinë. Shpresoj të ecim në këtë rrugë. Kemi një bashkëpunim të shkëlqyer. Shpresoj të mos na marrin në sysh”.

VLADIMIR PRENGA

Halili, kur pyetet në lidhje me këtë çështje, sigurisht që nuk ndihet mirë: “Këtë pyetje është mirë t’ia bësh Muzakës, jo mua. Kështu që bëja atij. Ia keni nxjerrë ujin e zi me këtë pyetje Tiranës. Pyesni atë si shkon detyrimi, t’ju thotë ai. Shpresoj të mos i ketë dhënë ndonjërit përqindje. Nuk kanë pushuar komentet për të”.

Pretendimet e Halitit dhe të klubit kanë qenë që më herët se u është bërë një padrejtësi, por të ndodhur para një vendimi të Dhomës Kombëtares të Zgjidhjes së Konflikteve, kane qenë të detyruar ta zbatojnë. Edhe pse u tentua që çështja të dërgohej në CAS, Tirana u tërhoq.

Së fundmi, sikurse mëson “SportEkspres.com”, mes palëve ka pasur sërish marrëveshje dhe pritet që Muzaka të shlyhet dhe përfundimisht kjo çështje të marrë fund. Deri në fund të muajit Tirana duhet të dorëzojë dokumentacionin e plotë për licencimin nga UEFA dhe në proces janë edhe të tjera shlyerje, që edhe më parë kanë penalizuar bardheblutë. Presidenti Halili më parë është shprehur i bindur se gjithçka do të shkojë “OK” dhe Tirana do e marrë licencën nga UEFA.

Halili është i bindur që bardheblutë do arrijnë të sigurojnë një vend në Europë dhe është i hapuar për aksionerët që pritet të ofrohen te Tirana.

DERBI – “Do ishte mirë që ndeshja të fitohej. Ky është futbolli dhe të tria rezultatet janë brenda. Më vjen keq për tifozët, pasi na kanë mbështetur shumë dhe sot ishin fantastikë. Falënderoj tifozët për mbështetjen dhe fakti që nuk fituam për ta, është për të ardhur keq.”

PAKTI – “Unë nuk jam i kënaqur, do të isha i tillë nëse do të fitonim. Unë kam bërë një pakt me lojtarët para ndeshjes kundër Kukësit dhe me zë të ulët. Duhet të bëjmë maksimumin dhe të shohim përpara, pasi kampionati është i gjatë. Kemi bërë një bisedë dhe kemi rënë dakord të gjithë së bashku për objektivat. Ia kemi arritur deri diku dhe nëse do të kishim marrë një fitore sot, do të meritonin notën 10.”

OBJEKTIVI – “Europën do e arrijmë, si nga kampionati, si nga Kupa. Jam i bindur për këtë gjë. Do të luftojmë për të arritur Europën, por dhe do të bëjmë maksimumin për të arritur te liçencimi. Do të paguajmë këtë gjobë të tmerrshme, si shumë gjoba të tjera. Jam i hapur për aksionarë dhe për bashkëpunëtorë te Tirana. Kush do të vijë këtu, e ka derën e hapur.”

Në teori gjithçka e qartë, ashtu si marrëveshja që u bë në dhjetor 2014, kur Refik Halili mori shumicën e aksioneve dhe u ra dakord që të ndante me bashkinë borxhin kolosal prej 2.6 miliardë lekësh (të vjetra). Sipas marrëveshjes, bashkia Tiranë duhej të shlyente 840 milionë lekë, nga të cilat ka shlyer vetëm 400 milionë.

Refik Halili, i vendosur nën presionin e gjyqeve në FIFA, apo gjyqeve në Shqipëri, ka shlyer sa ka mundur, por jo vetëm që pret nga bashkia shlyerjen e borxhit 440 milionë lekë, por nuk ka marrë asnjë lek në 4 vitet e fundit për menaxhimin e klubit, edhe pse bashkisë i takon të kontribuojë në bazë të 34% të aksioneve që zotëron.

Prej 3 vitesh kryebashkiaku Erjon Veliaj jep vetëm premtime, herë publike e herë në mënyrë private, por deri tani 0 lek për klubin që e ka në pronësi. Bashkia Tiranë ndoshta mjaftohet me faktin se në dobi të klubit u vunë në përdorim asetet, nga stadiumi deri tek ambientet stërvitore, por marrëveshja nuk ka qenë e tillë dhe është e qartë që ekziston një ngërç i madh, që është shmangur vetëm nga butësia dhe durimi i Halilit, i cili kohët e fundit jo rastësisht i ka bërë thirrje bashkisë të shesë aksionet e saj, sepse dy pronarë realë, apo më shumë të tillë, janë më mirë se Halili dhe një bashki inekzistente.

Gjatë pushimit të asaj ndeshjeje, në një bashkëbisedim miqësor me numrin një të klubit bardheblu, drejtori ekzekutiv Hektor Çomo, i drejtohej Halilit: “Jemi kampionë me 10 pikë para. Kemi më shumë potencial se ekipet e tjera për momentin. Asnjë nuk është më mirë se ne”.

Pas ndeshjes Ze Maria e thoshte hapur: “Një miqësore nuk mjafton”. Shumë shpejt Tirana do të zgjohej, pasi Prishtina e Mirel Josës e thyente 0-3 në “Selman Stërmasi”. Pak miqësore për bardheblutë, që e vuajtën diçka të tillë me nisjen e kampionatit.

Se çfarë ka ndodhur deri më tani janë të gjithë dëshmitarë. Gjithçka nisi me një humbje kundër Kamzës, ndërkohë që për të marrë pikët e plota duhej pritur ndeshja me Luftëtarin. Derbi u humb dhe pas atij takimi Ze Maria ishte i ikur. Mundësia e dytë për të. Fitorja me Kastriotin ishte detyrim, ndërkohë që goditje e rëndë ishte humbja e pësuar në shtëpi me Laçin. Fundi i ciklit për trajnerin Ze Maria.

Epoka Mema. Nisje me humbje, në Vlorë nisi seria e gabimeve. Të tjera gafa, derbi i humbur sërish, ndërkohë që Tirana nuk diti të ruante avantazhin në disa takime. Një ekip super në 70 minuta në Laç dhe më pas mbyllje me fitore kundër Flamurtarit.

Produkti final? 17 pikë. Dy fitore me Kastriotin, një me Luftëtarin e një tjetër me vlonjatët. Barazimet janë pesë: me Skënderbeun dy herë 1-1, ndërkohë që nga një pikë u nda me Teutën, Kamzën e Kukësin.

Luti, siç edhe e thërrasin miqtë, është gati në çdo momentin për Tiranën dhe këtë e ka shprehur edhe në një prononcim të dhënë së fundmi për Report Tv.  “Unë e dua me gjithë shpirt Tiranën sepse aty jam rritur. Kjo nuk është në dorën time, por nëse më ofrojnë mundësinë jam i gatshëm që nesër të kontribuoj. Këto janë punë që mbi të gjitha bëhen me dokumente dhe jo me fjalë”, shprehet Nuri.

Më tej ai shton: “Unë nuk kursehem për Tiranën, pasi është pjesë e familjes në situata të mira apo të këqija. Kam qenë aty kur klubi fitonte tituj, tani dua të jem në këtë situatë të vështirë, sepse kur je mirë të gjithë të duan”.

“Unë s’kam kërkuar dhe s’do të kërkoj asnjëherë asgjë që kam dhënë për Tiranën, as nuk do t;i numëroj kurrë ato para. Nëse Halili del nga kjo situata, unë do vijoj të jem një tifoz i Tiranës ashtu siç kam qenë gjithmonë”, përfundoi zëvendëspresidenti i Federatës Shqiptare të Futbollit, i cili në të shkuarën.

SITUATA ME BORXHET – “Enkelejda, ju keni qenë kur u bë privatizimi dhe keni bërë një kronikë në lidhje me çështjen e stadiumit, që ta them copë,  në një hale që ndodhej në mes të Tiranës. Të gjithë njerëzit e harruan këtë gjë. Aty nisi menaxhimi i Tiranës. Ndërtova një stadium me forcat e mia dhe me iniciativën time, pa bërë asnjë zë e pa thënë asnjë llaf. Është abuzuar shumë dhe më vjen keq për gjithë personat që janë në studio, të cilët diskutojnë menaxhimi problemi i klubit. Për ta sqaruar njëherë e mirë: Në momentin e privatizimit klubi kishte 2,4 miliard lekë borxhe. Ky borxh ishte krijuar para privatizimit, nga viti 2011 ai. Një shumë tjetër e konsiderueshme është borxhi ndaj Metush Seferit. E ka filluar gjyqin vite përpara dhe ka përfunduar në 2002, apo pak më vonë. Kjo është diçka që është trashëguar, që në vitin 1993. Ka dy borxhe që para vitit 2011: borxhi i Vatës dhe ai i Seferit. Ka edhe një borxh tjetër për 48 mijë eurosh i lënë nga ana ime. I gjithë borxhi tjetër është krijuar nga viti 2011, kur një pjesë e njerëzve aty e dinim,  deri në fund të vitit 2014”.

“Kur doli në privatizim u tha që është një shumë kaq që klubi ka borxh. Nga ky moment kemi likuiduar bashkë me bashkinë, ortakun tonë, që ka dhënë 400 milionë lekë të vjetra për borxhin. Janë likuiduar 1,6 miliardë lekë. Nga 2.4 miliardë lekë, 1.6 miliardë janë larguat. Jam i gatshëm t’u vë të gjithë dokumentacionet në dispozicion. Flitet për falimentim, por nuk jemi para një situate të tillë.

Edhe pse na nxorën nga kategoria, në 27 muaj nuk morëm penallti, më vjen keq që të gjithë njerëzit e dinë se çfarë na u bë neve si klub dhe na nxorën nga kategoria. Në atë vit, që nuk harrohet kurrë, ne sërish arritëm të hyjmë në kupat e Europës. Dhe kjo quhet jo sukses, si të doni quajeni. Arritëm të arkëtojmë rreth 1 miliard e gjysmë lekë të ardhura. Nëse flasim hapur fare, kishte edhe shpenzime. Kemi nënte persona në administratë që paguhem”.

DËSHTIMI NË ASPEKTIN SPORTIV – Halili pranon se ka gabuar me diçka: “Nëse ju kujtohet, në vitin 2015 u bë një ekip që kishim ekipin më të mirë ndoshta në atë vit. Ishin 5 lojtarë kryesorë që merrnin gati 100 milionë lekë të vjetra. Paralelisht jam munduar të bëj edhe ekip të mirë, por edhe të likuidoj borxhe. Në momentin që unë e privatizova, sapo shkuam në Shkodër na vendosën në një cep dhe na vinin gur nga para e nga pas. Na dënuan 15 ndeshje, e bënë që unë të thosha “o nënë çfarë qenka, largohu shpejt se u mbyte”. Rezistova, vazhdoja të punoja, vazhdoj edhe sot të punoj. Po bëjmë edhe investime”.

PENGU – “Ta kisha ditur këtë sulm që më bëhet, që vazhdon edhe sot të më bëhet, nuk do ta kisha bërë atë investim. Do të kisha mbajtur një ekip sa për të qenë në Superiore dhe do të  kisha larë më shpejt borxhet. Do të investoja edhe më shumë në infrastrukturë. Kam vendosur të hesht, nuk kam në plan të përballem e të sqaroj për të njëjtën gjë. Më duket se na e dëmton klubin duke dhënë informacione të shumta, kujtdo që i kërkon. Nëse do të kisha bërë ekip për Superioren vetëm për mbijetesë atë vit, financat do të ishin më të shëndosha. Sot kemi borxhe ndaj ish-punonjësve të administratës, kemi edhe ndaj Shega Trans që ka qenë sponsor dhe na ka çuar në gjyq. Por kontratat mungojnë. Kemi borxhe të tjera, që shkojnë në 260 milionë lekë të vjetra. Këto para, përveç çështjes Seferi, do e zgjidhim dhe do e mësoni. Kur është privatizuar klubi, nisja ka qenë që në vitin 2011”.

SHITJA E AKSIONEVE – “Është e thjeshtë, një shoqëri tregtare dihet si funksionon. Bashkia do i nxjerrë aksionet këto ditë në shitje. Aty janë aksione, por jam i bindur se asnjë nuk do të blejë aksionet. Jam shumë i bindur, dhe a e dini pse? Këtu duan njerëzit të dalin mbi të gjithë. Thonë “unë jam lartmadhëria”. Nëse ju thoni ‘ik ti, leri aksionet t’i marri ndonjë tjetër”, do ta bëja edhe atë gjë. Ja jap aksionet. Por më nxirrni njeriun që do ta marrë…. Nëse ju aty flisni sipas qejfit, sipas interesit, ja ku janë aksionet”.

TIFOZËT – “Jam i kujdesshëm për këtë pjesë. Nuk ka tifozë të këqij, tifozët kanë gjithnjë të drejtë, por paksa janë kapur. Mund të ketë disa, sulm ndaj Halilit. Jam pyetur për ta, nuk merrem me ta. Ata kanë të drejtë, duan fitore. Përgjegjësia më bie mua. Do ju thosha kaq, klubi do pastrohet dhe do jetë dita ime më e lumtur”.

MUZAKA DHE EUROPA – Flitet edhe për çështjen Muzaka, unë jam fajtori e pranoj. Kontrata thotë tjetër gjë, por unë do ta marr përgjegjësinë sepse kështu vendosi drejtësia. Ne vazhdojmë dhe likuidojmë. Paguajmë, mbajmë klubin, me hotel. Nuk shkuam në Europë se na penalizuan, na e dhanë licencën dhe na e hoqën prapë. Kanë të drejtë dhe shumë mirë bënë. Derisa kemi ne borxhe, kështu do vazhdoje. Dua të them se jam munduar. Çfarë menaxhimi kërkojnë njerëzit që flasin? Ka njerëz që punojnë kundra. Atinga, Majkëll Ngo dhe të gjithë i kanë shtëpitë më të mira se të miat”.

MERKATO – “Për mua klubi dhe ekipi ynë është më i miri, edhe për stafin. Mirë është të ketë edhe 2-3 lojtarë. Sa më shumë, aq më mirë do jetë. Por kontingjentin e kemi të mirë dhe besoj se ajo skuadër do të ecë përpara. Edhe blerësin e ri do të keni shumë shpejt pranë Tiranës”, ka thënë Halili në lidhjen telefonike me emision “Fair Play” që transmetohet në “Ora News”.

Fillimisht Halili ka shprehur besimin maksimal për Memën. Nën drejtimin e tij lojërat e Tiranës kanë qenë të mira, por ka pasur probleme kryesisht në mbrojtje. Gabimet e bëra kanë sjellë disa rezultate negative, kurse fitorja e fundit me Flamurtarin ka rikthyer qetësinë.

PLANET E SË ARDHMES – Në atë që raportohet nga Supersport, presidenti Refik Halili ka vendosur që për pjesën e dytë të sezonit do të ketë një shtesë në buxhetin mujor, që do të rritet me rreth 8 mijë euro më shumë. Kjo pasi po mendohet të afrohen 2-3 lojtarë.

Synim është afrimi i një mbrojtësi dhe i një mesfushori. Dëshira është që afrimet të jenë lojtarë vendas, por mbetet për t’u parë nëse tregu do të ofrojë emra interesantë. Së fundmi emri i Behar Ramadanit është lakuar si opsion, por zor se te Luftëtari do e lënë të lirë mesfushorin shkodran.

PROBLEMI – Tirana e pësoi nga UEFA vjet, pasi qeveria e futbollit evropian vendosi të mos akordonte të ardhurat për pjesëmarrjen në kupat e Europës. Kështu bardheblutë nuk duan të bëjnë gabimet e së shkuarës për licencimin, ndaj edhe Halili pritet që të punojë për zgjidhjen e problemeve që kanë me Tatimet. Llogaritë e klubit të Tiranës janë të bllokuara dhe për këtë numri një i klubit bardheblu duhet të gjejë një zgjidhje.

“Uroj që gjërat të shkojnë siç shkoi kjo ndeshje sot, edhe vitin e ardhshëm. Gjithmonë kemi zhvilluar ndeshje të mira, kemi shënuar dhe pastaj kemi pësuar. Kështu që uroj të vazhdojë kjo ecuri siç ishte kjo ndeshje sot. E donim këtë fitore, u arrit falë kontributit të gjithë skuadrës”, u shpreh mes të tjerash Halili.

DONATORI I RI – Për të financuar një klub si Tirana nuk është aspak e lehtë dhe gjetja e një bashkëpunëtori do ishte një zgjedhje e mirë për Halilin. Ofertat nuk është se i mungojnë dhe vetë ai e ka zbuluar se shumë shpejt një donator i fuqishëm do të afrohet në klub. I ngacmuar për këtë çështje, numri një i bardhebluve ka bërë një koment.

“Nuk kam folur me çunat. Do bëj një takim me to, do flasim bashkërisht, që të bëjmë dhe një ndarje për këtë sezon e t’i uroj dhe unë gëzuar festat atyre. Gjithashtu dhe çfarë do kem, atyre unë gjithmonë ua kam thënë dhe do ua them. Edhe sot u thash kam besim te ju, që do ecni dhe vitin e ardhshëm. Do kemi dhe pak ndryshime, shpresojmë që të jenë të vlefshme.

MERKATO – “Nuk do ketë shumë ndryshime, sepse tani nuk është e lehtë për të gjetur lojtarë. Tani themi që në bashkëbisedim me stafin do bëjmë diçka. Do flasim me stafin dhe do mundohemi të plotësojmë dëshirat e klubit dhe stafit”.

Faza e dytë te Tirana ka qenë një “masakër”, pasi 24 herë kampionët e fundit ende nuk kanë fituar. Nga fitorja me Kastriotin janë bërë 8 ndeshje pa marrë pikë të plota dhe këtë fundjavë skuadra kryeqytetase do të përballen sërish me krutanët.

Fitorja është detyrim, ndërkohë që trajneri Mema do të ketë të gatshëm edhe sulmuesin anësor Bedri Greca. Ky i fundit mungoi në derbi për shkak se kishte plotësuat numrin e katër kartonëve të verdhë. Kundër krutanëve pritet titullar.

Më tej ai shtoi: “Klubi jonë ka lojtarë të mirë, por ka edhe shumë punë për t’u bërë. I takon stafit ta bëjë ndryshimin. Ka disa lëvizje që mund të bëhen. Në të ardhmen mund të lëvizim në formacion”.

“Goli i djalit? Është kënaqësi që një futbollist i ri të shënojë. Shpresoj që në të ardhmen të aktivizojmë ndonjë lojtar nga akademia, pasi po dalim nga objektivat. të paktën të fitojmë lojtarë për të ardhmen”.

“Mema? Do vazhdojë, për mua mund të vazhdojë gjithë jetën. Nuk kam asnjë problem për Memën”, përfundon kreu i klubit të Tiranës.

“Me skuadrën kam folur edhe para ndeshjes ndaj Skënderbeut. Atëherë u thashë lojtarëve që kampionati ynë fillon nga ky moment. Çfarë ka ikur ka ikur, është e kotë të qajmë ndeshjet e kaluara. Këtë u thashë edhe sot lojtarëve”, u shpreh Halili, i cili ka vendosur edhe premio për lojtarët në rast fitoreje.

Ai flet edhe për pjesën e tij të fajit:  “Në aspektin e menaxhimit mund të kem gabuar në disa gjëra, pasi nuk kam vendosur kurrë asnjë gjobë financiare ndaj lojtarëve. Ndoshta do të ishte më mirë kështu, por ky është një vendim i imi”.

TIFOZËT – “U kemi një borxh shumë të madh tifozëve. Për mua tifozët kanë gjithnjë të drejtë dhe këtë ua kam thënë dhe djemve të skuadrës. Ata e kanë ndjekur prej vitesh Tiranën”.

CILËSIA E SKUADRËS – “Mendoj se kemi një skuadër të mirë. Me ardhjen e trajnerit Mema kemi parë një ndryshim në lojën e skuadrës. Po shënojmë, por problem mbetet pësimi i golave”.

Polica ndërhyri me vonesë, por mësohet se në përfundimin e ndeshjes uniformat e rendit kanë kërkuar pranë klubit të Tiranës pamjet filmike të kamerave që janë instaluar në çdo sektor të stadiumit. Në korridoret e stadiumit të kryeqytetit, pas ndeshjes ishin jo të paktë policët që morën fotot e tifozëve që ndodheshin në sektorin nga ku u futën tifozët në fushë.

Policia do t’i skedojë një e nga një të gjithë personat që do të identifikojë si të përfshirë në këtë ngjarje. Paralajmërimi u bë dhe ditën e djeshme nga vetë faqja e policisë, që theksoi se po punohej për zbardhjen e ngjarjes.

PRECEDENTI  – Ndonëse problemet mes tifozëve të Tiranës dhe drejtuesve janë të ditura tashmë, interesant fakti se dhe në ndeshjen e parë mes Kukësit dhe Tiranës, sfidë kjo e zhvilluar në “Loro Boriçi”, pati incidente. Asokohe ishte një përplasje mes disa tifozëve në sektorin ku ndodheshin mbështetësit bardheblu, kjo pasi një pjesë janë kundër presidentit Refik Halili, ndërsa pjesa tjetër nuk e kishin pranuar protestën.

Beteja e nisur në Shijak, ku “Fanatics”-ave nuk iu lejua banderola kundër Halilit, vijon. Në takimin e sotshëm ata kanë shpalosur edhe një koreografi kundër kreut të klubit Tirana.

“E organizuam këtë konferencë, pasi jemi një klub i madh dhe me histori. Duhet të jemi të kujdesshëm me çdokënd që na rrethon, të jemi të kujdesshëm kur të bëjmë këto ndarje. Këtu e filluam dhe këtu po e mbyllim. Kemi pasur një bashkëbisedim. Nuk kam folur prej kohësh, por merrem çdo sekondë me Tiranën. Asnjë afrim nuk është bërë pa konfirmimin tim. Për çdo vendim merret konfirmimi im. Një drejtues klubi duhtet të dijë gjithçka bëhet në klub. Nuk jam diktator.”

“Ze Maria ishte shumë i impenjuar për të bërë diçka shumë më të mirë, për t’u marrë dhe me akademinë, por dashje pa dashje, edhe pse kemi folur për të bërë disa ndryshime, kam dashur që të investoj, pasi infrastruktura është shumë e rëndësishme. Akademia do më shumë terren dhe kishim në plan që të kapnim të gjitha skuadrat që kanë stemën e Tiranës. Duhet pak ndërhyrje dhe ndihem gati për të mbrojtur stemën e klubit.”

“Është një trajner shumë korrekt dhe mjaft profesionist. Nuk kemi pasur asnjë thyerje disiplinore, kemi qenë korrekt me fazën përgatitore. I kemi vënë në dispozicion dhe kemi bërë këtë ndarje, edhe pse më vjen keq që nuk shkuam para me projektin. Nuk është në të mirë të askujt. Rezultatet na detyruan që ta mbyllim këtë marrëveshje. Javë pas jave kemi folur, ku vetë trajneri ka kërkesat dhe ankesat sa i përket lojës në fushë.”

“Ne nuk na ka mbajtur kontrata të lidhur, siç është thënë, por nuk ka shumë rëndësi. Nuk ka qenë ana ekonomike. Ka qenë një njeri shumë korrekt Ze Maria, pasi që në marrëveshjen e parë 1+1 që kishim, e ndryshuam dhe ndërtuam një akt marrëveshje të re. Ka qenë një kontratë dyvjeçare me të drejtë të klubit më pas për të rinovuar ose jo. Ne e mbyllëm marrëveshjen dhe kam vlerësuar shumë përpjekjet e trajnerit për ta mbajtur skuadrën dhe për të vijuar para.”

“Ne mund të ishim ndarë 10 ditë më para, por Ze Maria vijonte dhe punonte. Me keqardhje kemi siklete të mëdha pasi do e fillojmë nga e para dhe nuk është e lehtë. Sa i përket anës financiare, kemi folur dhe kemi thënë fjalët tona dhe e kemi mbyllur për 5 minuta. Do e keni në dorë dokumentin dhe ta shikoni vetë.”

“Kemi tifozeri të mrekullueshme, por kemi dhe presion. Sa herë që humbasim më pyesni për tifozët dhe ju a them se si tifozët tanë nuk ka në Shqipëri, pasi janë shumë. Nuk mund të them se tifozi është i keq. Tifozët duan rezultatet. Largimi i trajnerëve është vetëm për rezultatet. Flor Rizën e dëgjova dhe tha se te Tirana ka probleme. Ne njihemi të gjithë dhe nëse doni pyesni Dajën, apo Josën, nëse unë ndërhyj në formacion. Pyeteni dhe Ze Marian. Nga sot e tutje do të ndërhyj, do të pyetem unë dhe më pas do të vendoset, por nuk do ta bëj unë formacionin. Nuk do lejoj që ta bëjnë gazetarët. Nuk i toleroj më.”

“Nuk ka shtëpi pa probleme, por kanë qenë probleme të vogla dhe jo të mëdha. E rëndësishme mos të kemi probleme disiplinore apo të rënda, ku mund të ndodhë në çdo vend. Këto janë gjëra brenda skuadrës. Nuk ka persona që duan t’i bëjnë dëm skuadrës.”

“Nuk jam specialist i mirëfilltë i merkatos, por them se kemi goxha lojtarë, një numër të madh. Ne ndoshta na duhej një qendërsulmues. Pjesa tjetër them se janë nga lojtarët më të mirë të kampionatit shqiptar. Ne kemi bërë dhe takime me të gjithë stafin dhe skuadrën dhe kemi marrë edhe vendime se çfarë masash kanë lojtarët. Skuadra luan në fushë, por përgjegjësi mbaj dhe unë. Presioni është i madh. Mua më lodhi shumë, por nuk kam në plan të dorëzohem, por të bëj më të mirën, duke punuar, të jem afër skuadrës që të ecim para.”

“Ne për trajnerin ri do të flasim nesër. Nesër do të kemi përfundimin, pasi jemi në hapat e fundit dhe nesër në Skënder Halili ekipi do të jetë në fushë. Trajneri i ri do të jetë shqiptar.”

Presidenti Halili ka zyrtarizuar vendimin e marrë, duke u shprehur qartë që në fillim: “Këtu bëmë prezantimin e Ze Marias, sot po bëjmë mbylljen e marrëveshjes që kishim bërë. Do flasë trajneri dhe pastaj do të flas unë.”

Rezultatet e dobëta, me vetëm 8 pikë në po kaq javë, janë shkaku kryesor i këtij vendimi, ndërsa konferenca vazhdon dhe palët do të sqarojnë më shumë situatën e krijuar.

Gjatë periudhës që klubi administrohej nga Bashkia, zonja në fjalë nuk është paguar nëntë muaj. Për këtë i është drejtuar gjykatës dhe ka fituar çështjen edhe në Apel. Prej vitit 2015 është marrë vendimi i formës së prerë, por ende nuk është ekzekutuar.

Qyra, ka një mesazh për presidentin Halili: “Ky është presidenti i i klub Tiranës, Refik Halili quhet. T’i flasim këtij? O shoku drejtor, më jep lekët se kam fituar gjyqin. Kam tre vjet që pres lekët e tuaja. O drejtor, të lutem m’i jep ato lekët e mia, djersën time. Kam punuar kaq vite këtu, më ke pirë gjakun, më ka hyrë reumatizma deri në kockë. Dua lekët e mia”.

Një sqarim për këtë çështje e ka bërë edhe përmbaruesi Pjetër Caka: “Në qoftë se nuk ka pasur nuk ke si e gjykon. Pavarësisht se është një klub, biznes futbolli, nëpër banka nuk rezulton të ketë lekë. Edhe për këtë është bërë një kallëzim penal për zotërinë, për vetë presidentin e klubit të futbollit. Klubi i futbollit ka një NIPT dhe ne i referohemi NIPT-it. Nuk rezulton të ketë, gjithmonë kanë qenë të bllokuara edhe nga përmbaruesit e tjerë privatë. Po të kishte lekë në llogari ne e kishim bërë. Neve jemi të detyruar të përsërisim herë pas here sekuestron, nëse ka apo, por nuk kemi çfarë të bëjmë më gjatë. Edhe kallëzim penal, që mund të ketë fshehje pasurie, i kam bërë. Tani nuk e di çfarë të them”.

Lojtarë të rëndësishëm shpesh përfundojnë edhe në tribunë, por rezultatet nuk flasin në favor të bardhebluve. Kur janë luajtur tetë ndeshje Tirana ka vetëm 8 pikë, çka tregon krizën e tyre. Humbja e fundit me Laçin ka ngritur pikëpyetje të mëdha.

Ze Maria turfullonte pas ndeshjes, ndërkohë që presidenti Halili nuk di çfarë të bëjë: ta largojë apo të vazhdojë me brazilianin. Pas humbjes së derbit, trajneri i Tiranës ia bëri të qartë numrit një të klubit se kërkon të qëndrojë prej egos dhe dëshirës për t’i bindur të gjithë.

Nuk ia ka arritur deri më tani, por gjithçka është në dorë të presidentit Halili. Takimi në pushim me ish-trajnerin e Laçit, Besnik Prengën, ka bërë që të ketë fjalë për një bashkëpunim, por në ato momente Tirana nuk po humbiste dhe as kreu i klubit bardheblu nuk po kërkonte trajner.

Pas humbjes e ardhmja e Ze Marias është dilema më e madhe e Halilit. I duhet të ndajë mendjen sa më shpejt…

Gjatë pushimit të ndeshjes, në një bashkëbisedim miqësor me presidentin Refik Halili, drejtori ekzekutiv Hektor Çomo i është drejtuar numrit një të klubit: “Jemi kampionë me 10 pikë para. Kemi më shumë potencial se ekipet e tjera për momentin. Asnjë nuk është më mirë se ne.”

Duket se këto fjalë i kanë rikthyer buzëqeshjen presidentit Halili, i cili po mundohet të ringrejë 24-herë kampionët e vendit në elitën e futbollit shqiptar. Detyrën për të afruar sa më shumë emra cilësore për rikthimin e “Tiranës së madhe”, atë që edhe tifozët e kërkojnë me ngulm prej kaq kohësh, ai ia ka besuar Arbi Laçit dhe Hektor Çomos.

Ky i fundit mban pozicionin e drejtorit ekzekutiv dhe është përgjegjës për afrimin e lojtarëve afrikanë në ekip. Nuk dihet nëse fjalët e Çomos ishin thjesht për të ngritur moralin apo vinin si konstatim i tij bazuar mbi merkaton e zhvilluar dhe mbi gjendjen e skuadrave të tjera në përgjithësi.

Por, siç u shpreh dhe tekniku Ze Maria, një miqësore nuk mjafton. Duhet akoma punë për t’u bërë për të arritur rezultatet e kërkuara, prandaj të gjithë duhet të qëndrojnë më këmbë ne tokë dhe të punojnë sa më shumë. Vetë emri dhe historia që mban klubi i Tiranës nuk lejon të kënaqesh me pak. Duke ditur se dhe tifozët bardheblu janë mësuar gjithmonë që edhe barazimin ta shohin si humbje, përgjegjësia mbi drejtuesit dhe stafin shtohet akoma më shumë.