Shkurtaj në minutën e 33’ shënoi golin e tij të dytë me fanellën e Kukësit në kampionat dhe i dha avantazhin Kukësit, që bëri një lojë më të mirë në pjesën e parë. Por në 45 minutat e dyta, Kastrioti bëri gjithçka mirë dhe arriti ta përmbysë takimin.

Roxher në minutën e 63’ dhe Ndreca në të 89-ën i dhanë fitoren Kastriotit, që tani i ka sytë nga dy rivalët e tjerë për mbijetesë, Luftëtari dhe Tirana.

KATEGORIA SUPERIORE – JAVA 27
E shtunë, më 6 prill 2019, ora 15:45

Stadiumi “Redi Maloku”, Fushë-Krujë

Kastrioti – Kukësi   2-1
Roxher 63′, Ndreca 89′ / Shkurtaj 34′

Kastrioti: Çekrezi, Husein, Bojom, Çela, Ndreca, Shehu, Ymeraj, H, Marku, Bardhi, Kalaja, Roxher. Trajner: Bledar Devolli

Kukësi: Frashëri, Maliki (Et’hemi 69′), Krasniqi (Xhemaili 12′), Cuculi, Rrumbullaku, Çyrbja (Rama 77′), Limaj, Rroca, Uilliam, Rexhinaldo, Shkurtaj. Trajner: Ramadan Ndreu

Gjyqtarë: Eldorian Hamiti, Nuri Rrapaj, Arbër Zalla, Olsid Ferataj

Kartonë të verdhë: Cuculi 18’, Xhemaili 45′

EPISODET –

89’ – Goooool Ndreca, Kastrioti kompleton përmbysjen. Një gol shumë i bukur nga mëngjarashi i krutanëve, që ndan festën me tifozerinë vendase

73’ – Kundërsulm shumë i mirë i Kukësit. Çyrbja i lirë nga krahu i djathtë vrapon me shpejtësi, kroson në qendër por ndal Bojom. Topi i devijuar nga mbrojtësi përplaset në shtyllë. Me fat Kastrioti

63’ – Goool Kastrioti, shënon Roxher. Sulmuesi brazilian i krutanëve gjuan bukur me të djathtën, topi përplaset në shtyllë dhe në trupin e Frashërit, për të përfunduar më pas në rrjetë. 1-1!

45’ – Ndreca driblon dy lojtarë, por Xhemaili e ndal me faull pak metra larg zonës së rreptësisë. Mbrojtësi i Kukësit ndëshkohet me karton të verdhë.

34’ – Zhbllokohet sfida në “Redi Maloku”, shënon Kukësi. Vasil Shkurtaj gjen golin e dytë në kampionat me fanellën e verilindorëve dhe i jep avantazhin kundër Kastriotit

19’ – Kastrioti pretendon për penallti, por gjyqtari Hamitaj thotë që është faull jashtë zone. Roxher gjuan nga goditja e dënimit dhe tentativa e tij nuk është larg kuadratit

12’ – Krasniqi nuk ia del dhe largohet me barelë, Xhemaili në fushë

10’ – Ende asnjë rast i pastër. Krasniqi dëmtohet, Xhemaili del menjëherë në nxehje

1′ – Fillon takimi ne “Redi Maloku”

https://www.instagram.com/p/Bm21iNjlk4q/?taken-by=sportekspres

VENDIMI – “Sot, më 23 Gusht 2018, në zyrat e FSHF-së, është mbledhur Komisioni i Licencimit të Klubeve (KLK) me kuorumin e domosdoshëm në përputhje me Rregulloren e Licencimit të Klubeve për shqyrtimin e dokumentacionit të Klubit Kastrioti Kruje, të cilët kanë aplikuar për: Licencimin e Stadiumit “Redi Maloku” Fushe-Krujë, për të zhvilluar në këtë stadium ndeshje të kategorisë Superiore, për sezonin 2018-2019.

Pas shqyrtimit të informacionit paraqitur nga Sektori i Licencimit shoqëruar me dokumentet dhe evidencat përkatëse foto dhe video, si dhe konkluzionet e ekspertit të kriterit te Infrastrukturës, Komisioni pasi bëri vlerësimet e nevojshme nxori konkluzionet e tij dhe pasi vlerësoi të gjithë dokumentacionin e paraqitur nga sektori i licencimit, konstatoi se në Stadiumin “ Redi Maloku” Fushë Krujë janë kryer punimet e nevojshme dhe për këtë arsye vendosi që stadiumit “Redi Maloku” në Fushë-Krujë i lëshohet Licenca për zhvillimin e ndeshjeve te Kategorisë Superiore për sezonin 2018- 2019”.

Por fokusi është edhe te stadiumi ku do të zhvillojnë ndeshjet sezonin e ardhshëm. FSHF ka pranuar kërkesën e krutanëve për të luajtur në stadiumin “Redi Maloku” të qytetit të Fushë-Krujës, por ka lënë disa detyra që duhet të realizohen para nisjes së kampionatit.

Momentalisht po bëhen punime dhe një nga kërkesat e bëra nga Komisioni i Licencimit është plotësuar. Kullat ku do të vendosen kamerat për transmetimin e ndeshjeve janë ndërtuar, por ka sërish kushte të tjera që duhen plotësuar. Gjithsesi mendohet se gjithçka do të jetë gati në nisje të kampionatit.

FSHF, përmes Komisionit të Licencimit, ka dhënë “OK”-in që krutanët të luajnë në Fushë-Krujë, por sërish janë lënë disa detyra, që do të plotësohen nga drejtuesit e Kastriotit. Kështu, çështja e stadiumit duket e zgjidhur për krutanët, që tani po punojnë të përforcohen në merkato.

Deri më tani kanë bërë disa afrime, por trajneri Plori pret edhe të tjera lëvizje, në mënyrë që skuadra e tij të jetë e plotë dhe konkurruese në Superiore. Objektivi është qëndrimi në Superiore dhe do bëhet maksimumi të arrihet diçka e tillë.