“Unë personalisht nuk prisja shumë nga ekipet shqiptare në këto kualifikuese. Duhet të themi se futbolli shqiptar është në një moment udhëkryqi. Klubet shqiptare duhet të sigurohen të kenë baza të sigurta për të ardhmen dhe jo të mbështeten në kala letre”, tha fillimisht Jupi.

Shembulli i Skënderbeut –  “Është një skuadër që u bë disa vite. U deshën 3, 4 vite që të fillojnë të luajnë një futbollit të një cilësie të mirë. Kjo gjë ka ndodhur me të gjitha ekipet, duhet pasur durim dhe një projekt serioz. Duhet t’i dimë limitet tona, por më vjen inat që ekipet shqiptare i mbivlerësuan kundërshtarët”.

SHKARKIMET  E TRAJNERËVE –“Kushdo president që shkarkon një trajner, duhet të kuptojë që ka shkarkuar zgjedhjen e vet. Ai duhet ta marrë këtë si gabim në zgjedhjen e tij. Unë nuk besoj se presidentët tanë janë kaq të paaftë dhe të paditur. Nuk mund të jetë i gjithi faji i trajnerit në një dështim, ose sikundër nuk është e gjithë merita e tij në një sukses”.

“Bëjnë një futboll shumë atraktiv, por unë do doja të flisja për mënyrën se si Kosova ka ardhur në këtë situatë ku mund t’i afrohet kualifikimit. Kanë përpara skuadra të forta, Çekia është një skuadër që do të kërkojë më shumë forcë se Bullgaria dhe Mali i Zi”.

“Diçka shumë e rëndësishme është entuziazmi që  kjo skuadër ka, kombëtarja shqiptare e ka humbur këtë gjë. Kosova ka një repart sulmues shumë të fortë, por kanë disa probleme mbrapa dhe në mesfushë. Megjithatë entuziazmi i skuadrës dhe i publikut e shtyn skuadrën të luajë aty ku ka pikën më të fortë”.

“Në ndeshjen me Bullgarinë kishin të dëmtuar 3 mesfushorët titullarë që kanë luajtur në të gjithë ndeshjet e tjera, Kryeziu, Berisha dhe Shala. Të gjithë lojtarët e tyre kanë bërë hapa cilësorë në karrierën e tyre në klube. Muriqi për shembull nga një lojtar në normal në një klub të vogël turk është kthyer në një lojtar që po kërkohet nga klube të mëdha. Në kualifikueset e kaluara Rrahmani nuk ishte titullar te Dinamo e Zagrebit, ndërsa Rashica nuk u përshtat mirë në fillimet e tij në Gjermani”

“Unë nuk mendoj se ka diferenca të mëdha në cilësi lojtarësh, por ne na mungon entuziazmi çfarë është kryesorja. Dakord, Rashicën s’mund ta krahasojmë më asnjë, por për të tjerët mundemi si për shembull Zenelin me Roshin”.

“Ne kemi probleme të tjera. Tani kemi arritur në një pikë ku i dimë të gjithë lojtarët e formacionit bazë, madje edhe zëvendësimet. Te Shqipëria nuk grumbullojmë lojtarë që duhet të jenë pjesë e kombëtares si Rei Manaj, Endri Çekiçi, Keidi Bare dhe Liridon Latifi”.

KEQKUPTIMET NË KOSOVË – “Po është e vërtetë, por këto janë punë e disa qarqeve të caktuara atje që unë s’kam dëshirë të merrem. Çdo gjë që them unë janë mendimet e mia subjektive”.

REAGIMI AGIM CANËS  – “Më ka habitur. Më pas akuzoi arbitrin e pastaj portierin. Çdokush ka të drejtë të zemërohet pas një mosarritje të diçkaje, por jo të sillet kështu. Agim Cana e ka një emër në futboll, ka qenë pjesë e gjeneratës së artë. Është një njeri që e din futbollin, s’duhet të fliste kështu. Në vendet të tjera ku janë bërë gjëra të ngjashme ka pasur raste ku njerëzit janë dënuar të mos merren përgjithmonë me futboll”.

https://www.youtube.com/watch?v=5751brB9FSU

Njeri nga të ftuarit në panelin e emisionit i kujtoi Ademit një deklaratë të disa muajve më parë nga Redi Jupi, ku ish-trajneri i kombëtares U21 të Shqipërisë tha se vetëm Milot Rashica mund të jetë pjesë e formacionit titullar të Shqipërisë. Numri një i FFK-së u mundua të shmangë polemikat duke e konsideruar këtë si thjesht një deklaratë subjektive: “Redi ka qenë futbollist shumë i mirë dhe një trajneri i mirë gjithashtu. Secili e shikon nga këndvështrimi i tij.  T’iu tregoj një histori. Shumë trajnerë kanë thënë për Vedat Muriqin se ai s’mund të bëhej kurrë futbollist. Sot Vedati është në majat më të larta. Pra është çështje subjektive”.

PORTA – Shkëlqim Muça dhe Shpëtim Duro përzgjodhën Alban Hoxhën si portierin më të mirë, ndërsa Redi Jupi vlerëson paraqitjet e bëra nga Gentian Selmani i Laçi. Kapiteni i kurbinasve ka qenë vendimtar për bardhezinjtë dhe ish-trajneri i Shpresave thotë: “Selmani ka bërë një sezon shumë të mirë, deçiziv në shumë ndeshje për skuadrën e tij. Pa Selmanin, Laçi do ishte më poshtë në renditje”.

MBROJTJA – Dy prej tyre janë pjesë e Partizanit, Egzon Belica dhe Lorenc Trashi. Për të parin Jupi deklaron: “I dha shumë siguri prapavijës së Partizanit. Nuk është shumë mirë teknikisht, por ishte efikas në një kundra një dhe rrallë bëri gabime”. Vlerësimet për anësorin e majtë janë edhe më të mëdha: Me formën e mirë që tregoi gjatë gjithë sezonit, Trashi mbase duhet të jetë lojtari më i mirë në Kategorinë Superiore në sezonin e fundit”.

Jupi bën një vend në formacionin  më të mirë edhe për Ylli Shametin: “Nuk luajti në fund të sezonit, por nuk shikoj tjetër të ketë qenë më superior se ai. Gjithmonë duke patur parasysh edhe pozitat e ekipit të tij”. Ka vend edhe për një surprizë dhe ai është mbrojtësi i djathtë, Lukman Husein: “Mbrojtësi i Kastriotit tregoi forcë e karakter. Edhe pse luante për mbijetesë, është një nga zbulimet interesante të këtij kampionati”.

MESFUSHA – Jupi vendos dy lojtarë para mbrojtjes dhe njëri prej tyre është Bruno Telushi. “Është absolutisht dhe pa dyshime lojtari më i mirë në rolin e tij. Mbeti futbollisti vendimtar për Partizanin kampion në këtë sezon”, shprehet ish-mesfushori i Dinamos, që ka përzgjedhur edhe Rrocën. “Sidomos në fazën e parë me Luftëtarin tregoi karakter e finesë. Por edhe në gjysmën e dytë me Kukësin, cilësisht ishte më lart nga të tjerët”.

Treshja përpara është e frikshme, me Asanin nga e djathta, Uilliam Kordeiron majtas dhe në qendër Esat Mala. “Ishte më cilësori dhe vendimtari në rolin e tij. Partizani ka shumë pikë të marra pikërisht prej sezonit shumë të mirë që ai ka bërë”, thotë Jupi për Asanin, ndërkohë që për Malën shton: “Mbase nuk është pozicioni i tij ideal, por për t’i bërë vend mes më të mirëve sipas mendimit tim. Teknik, i shpejtë dhe shënues nga çdo pozicion”. Kordiero gjithashtu ka spikatur: “Braziliani tregoi se është një nga futbollistët e huaj më të mirë në Kategorinë Superiore. I shpejtë dhe teknik, por edhe një golashënues”.

SULMUES – Redi Jupi për sulmin ka zgjedhur një vlonjat, Vasil Shkurtajn që e nisi kampionatin me Luftëtarin dhe më pas në janar u transferua te Kukësi. Për të, ai thotë: “Shkurtaj, sidomos në fazën e parë, ka qenë shumë mirë. Nuk ka bërë keq edhe në të dytën, por ka potencial për të dhënë shumë më tepër”.

TRAJNERI – Në fund Jupi ka përzgjedhur edhe trajnerin më të mirë të këtij sezoni dhe ashtu si kolegët e tij, ai mendon se ishte kampionati i Skënder Gegës. “Absolutisht ishte një vlerë e shtuar te Partizani, por edhe për të gjithë Kategorinë Superiore. Trajneri kampion i gjithë sezonit”, u shpreh Jupi në mbyllje.

AGRON KAJA

DITA E PARË E STËRVITJES – “Isha 7 vjeç. Ishe kollaj të përfshiheshe dhe e kisha me qejf. Luanim nga mëngjesi në darkë, edhe në shkollë. Atëherë nuk na kërkonte njeri llogari nga shkonim, jo se nuk u interesonim (qesh)”.

SAKRIFICAT E FUTBOLLISTËVE – “Një sportist sakrifikon si çdo njeri që kërkon të ketë sukses. Shpenzohen 10-12 mijë orë pune. Çdo doktor i famshëm, çdo arkitekt i famshëm, punon shumë. Familja sakrifikon më shumë në rastin e futbollistëve”.

SYNIMET ME AKADEMINË – “Është investim pasioni, jo i mirëfilltë. Kjo bën që të tejkalohet kërkesa e tregut. Synoja ta mbaroja, kisha dhjetë vite që merresha me të. Kam kaluar në çdo zyrë të shtetit shqiptar, madje deri te e kryeministrit për shkak se është një projekt social. Kam mbjellë 1000 pemë dhe është projekt interesant. Nuk kam pasur asnjë pengesë, ishte e lodhshme. Nuk jam mësuar me zyrat. E dyta të ngre një shkollë futbolli dhe ia kemi dalë pas 6-7 muajsh. Objektivi tjetër është ta ngjit ekipin në Superiore. Kur ndodh, nuk e di. Kam 10 trajnerë, do bëj edhe ekip femrash. Femrat dua t’i përfshij edhe në drejtimin e ekipeve të moshave të vogla”.

AVENTURAT JASHTË VENDIT – “Kam luajtur në Turqi, Kroaci dhe Slloveni. Kulmin e pata në Turqi, ishin vitet e rëndësishme. Në Kroaci ia kam kaluar shumë mirë, ishim në bregdet. Ishte shumë bukur, nuk bëhej më mirë. Rrinim të gjithë në një hotel”.

TRAJNERI MË I MBIVLERËSUAR – “I vetmi që mund të thuhet ka qenë Panuçi. Pastaj u nënvlerësua, u legenos, se kështu e kemi ne. Është shumë e vështirë për t’i dhënë vlerësimin real”.

PIKANTET – “Idhull kam pasur Sulejman Demollarin, kur luaja me U17. Të brezit tim ishte Xhumba që më pëlqente, Haxhi. Trajneri i zemrës? Faruk Sejdini. Lojtari më i mirë në historinë e futbollit shqiptar? E ndaj në dy pjesë, pjesa që s’i kam parë. Thonë që ka qenë Panajot Pano, kam parë pamje dhe vërtetë janë gjëra të mëdha për një futbollist shqiptar. Nga ata që kam parë ka qenë Sulejman Demollari, dinamovit. Lojtari më mashtrues? Alban Rexhën, e mban mend? E kam pasur në ekip te Partizani. Ishte mashtrues i lezetshëm”.

Jupi u fokusua te sezoni i Partizanit që sipas tij ka ardhur si pasojë e një punë të shkëlqyer nga lojtarët, stafi dhe drejtuesit e klubit kryeqytetas.

“E gjithë situata po shkon në drejtim të Partizanit. Në fillim mendoja se Flamurtari kishte grupin më të mirë. Me largimet bëri mirë, me gjithë problemet që kishte. Kalendari ishte kundër, ikën lojtarë dhe janë të tretët. Partizani nuk është menduar asnjëherë se do shkonte 12 pikë para. Ua kam thënë këtë, duke parë problematikat e tjetra. Kukësi ka lojtarë të mirë, sikurse Teuta. Kjo nuk do të thotë se e meritojnë më shumë se Partizanit. Ata kanë bërë shumë mirë, lojtarët kanë dhënë më shumë seç pritej, stafi ka bërë mirë. Stabiliteti i klubit ka bërë që të ketë më pak gabime”.

“Drama të mëdha të futbollit tonë janë dobësimi i Tiranës, Partizanit në momente të caktuara, dhe zhdukja e Dinamos. Kukësi dhe Skënderbeu luanin me lojtarët e këtyre. Skënderbeu ka bërë mirë në këto 7 vite. Skënderbeu nuk i sjell futbollit shqiptar dot ato që këto klube i kanë dhënë futbollit shqiptar. Ata luajnë me të huaj ose me lojtarë të këtyre ekipeve. Skënderbeu nuk më duket aq i dobët. Përbërjen e kanë për 2-3 të parat. Nëse nuk do kishin pasur disa luhatje, do ishin lart. Me menaxhim të mirë mund të ishte rivale për titull dhe do i bënte mirë kampionatit”.

“Kukësi doli jashtë loje që kur ndërroi 4 trajnerë. Më thuaj një skuadër në botë që ka bërë ecuri të mirë duke ndërruar 4 trajnerë? Futbolli i bukur është mjet, jo qëllim. Me lojë të mirë ke mundësi të ftosh më shpesh. Pa pasur lojtarë është vetëvrasje të tentosh lojë të bukur. Kampionati është për t’u fituar. Të fitosh duke luajtur bukur është maksimumi. Nuk është se nuk më pëlqen loja e Partizanit”.

Jupi vlerësoi cilësinë e lojtarëve të Kukësit, ndërsa lavdëroi stafin teknik të Partizanit për punën e bërë, pasi sipas tij, kualiteti i lojtarëve të skuadrës kryeqytetase është më i vogël se disa prej rivalëve.

“Duke parë ndeshjen Kukësin dhe Flamurtarin, aty  e kuptova që puna që ka bërë stafi i Partizanit me lojtarët që ka në dispozicion është e një niveli shumë të lartë. Këtë e them sepse Partizani për nga cilësia e lojtarëve që ka, nuk është as në vend të parë e as në vend të dytë. Padashur të zhvlerësoj lojtarët e Partizanit”.

KUKËSI – “Kukësi ka lojtarë të një niveli shumë të lartë. Ajo që bëri Kukësi në 25 minutat e parë ishte një futboll i një niveli shumë të lartë e cilësor. Lojtarët krijonin shumë dhe kryenin driblime të mira. Është një skuadër që nuk shumë ekuilibër, nuk mbrohet mirë në situata të caktuara. Nëse ata përmirësohen me një ose dy lojtarë, është një skuadër shumë e fortë nga ana tjetër. Po t’i tregoje dikush këtë skuadër, nuk do e besonte që ata ndodhen 12 pikë nga vendi i parë”.

FLAMURTARI – “Flamurtari deri në një moment të caktuar ishte skuadra më e mirë. Deri në minutën e 30-të të ndeshjes mendova se nuk ka skuadër më të paorganizuar në Superligë. Pas asaj minute kuptova që kjo skuadër ka cilësi brenda, di të qarkullojë topin. Unë nuk e di paguhen ose s’paguhen, por një skuadër që është jashtë kompromiseve i bën mirë dhe nder kampionatit”.

TEUTA – “Një skuadër dhe klub që punon mirë vjen në rritje. Sidomos kur skuadra është krijuar në verë, ashtu siç ka ardhur shumica e skuadrës te Teuta. Është e çuditshme pasi aty faktorët e njerëzit janë, por situata ka ardhur duke u degraduar. Kamë parë një falë destabiliteti në lojën e tyre. Më parë zgjatej shumë në fushë, zhvillonte futboll atraktiv falë disa lojtarëve që ishin në formë, por u lejoninkundërshtarëve golat të thjeshtë. Kur ra forma e këtyre lojtarëve filluan të dilnin vetëm anët negative. Akoma asgjë nuk ka mbaruar, skuadra është brenda objektivave. Unë mendoj se ata kanë gabuar në janar. Bënë një investim të tepërt, skuadra po shkonte drejt vendit të tretë. Bënë një investim të parakohshëm sepse ai investim duhej bërë më vonë gjatë muajve të verës. Lojtarët që erdhën nuk e rritën cilësinë e ekipit, ndërsa Kukësi me Partizanin ishin të pakapshëm”.

STRAKOSHA – “Për mua Strakosha është një lojtar i rëndësishëm në kombëtaren e Shqipërisë, pasi është portieri titullar dhe e tashmja dhe e ardhmja e portës së kombëtares. Për mua është një vendim i drejtë, por i marrë nga njeriu i gabuar”.

 “Vendimi i drejtë, sepse disiplina është një mjetet për rregulluar marrëdhëniet brenda një ekipi me 25 djem. Problemi është, që për të krijuar një frymë në një skuadër ka disa elementë. Mua nuk më pëlqejnë shumë gjëra që po bën trajneri, qoftë lista, qoftë mënyra e lojës. Lojtari duhet të ishte më i kujdesshëm, duke ditur natyrën e trajnerit. Nuk besoj se trajneri do të jetë çmendur dhe ndoshta është faji i lojtarit”.

GJENDJA E KOMBËTARES – “Mua më duket se kemi shpenzuar dy vite dhe tani jemi në një pikë të asgjëje.  Pavarësisht problemeve, këto dy vite mund të na kishin vlejtur, pasi do kishim fituar kthjelltësinë e nevojshme për të nisur një rrugëtim të ri. Unë e shikoj që atij i mungon kthjelltësia, nuk ka një logjikë në zgjedhjet dhe listat e tij”.

“Ai ka të drejtë kur thotë se pas 2016-ës mund të kemi krijuar një perceptim të gabuar të skuadrës. Por ama para atij evropiani u renditëm të dytët të grup që më pas u kualifikuam, ndërsa më pas dolëm në vend të tretë në eliminatoret e Botërorit. Nuk mund të themi tani se synojmë vendin e katërt në grup. E di që është e vështirë, por në vend të katërt nuk ka logjikë, pasi vijmë nga vendi i tretë”.

REAGIMI I LENJANIT – “Nuk jam dakord me statusin që ka bërë lojtari. Lenjani ka pasur raste që ka qenë pa ekip ose pa minuta dhe është marrë në kombëtare. Në një moment trajneri mund të vendosë të marrë një lojtarë tjetër dhe kjo është  e drejta e tij. Ai është djalë i pjekur dhe profesionist. M’u duk diçka e nxituar. Ai ka qenë pjesë e rëndësishme e kombëtares që u kualifikua në Europian”, tha Jupi.

GRUMBULLIMET – “Në fakt, kjo strategjia për të synuar shqiptarët e Maqedonisë ka qenë dhe më përpara, duke parë që dhe Kosova u bë përfaqësuese. Është kritikuar shumë kjo gjë, pasi po mendohet se po i merren lojtarët një kombëtareje tjetër. Unë mendoj se lojtarët më të mirë shqiptarë, të luajnë për ekipin kombëtar, pavarësisht se çfarë kombësie kanë. Ne jemi vend i vogël dhe çdo lojtar na përforcon shumë. Mjafton një ose dy lojtarë cilësorë dhe në harkun e një edicioni, të sjellin shumë. Nëse ka lojtarë në Maqedoni ose në Greqi, që janë lojtarët më të mirë të mundshëm, kjo është diçka tjetër”.

SHQIPTARËT E GREQISË – “Nuk e mendoj se duhët të kenë një presion, pavarësisht se janë në Greqi. Durmishaj, Mihaj apo dikush tjetër, janë shqiptarë më puro se shqiptarët që janë këtu brenda, prandaj nuk ka asnjë problem nëse vijnë këtu. Nuk duhet të ndjejnë presion. Ata janë rritur në Greqi dhe kombëtarja e tyre i cilëson të tyre dhe nuk kanë faj, por ata duhet të dinë kë të zgjedhin. Janë lojtarë që duan Shqipërinë dhe do t’i bëjnë punë Shqipërisë. Kanë vështirësitë e tyre”.

PANUÇI – “Nuk ka qenë i qartë me strategjitë dhe politikat e tij. Kjo sjell paqartësi te lojtarët që vijnë. Duhet të vijnë lojtarë të rinj, por jam kundër testimeve te kombëtarja A. Janë moshat për atë punë. Stafi duhet të jetë i qartë në idetë që ka, e jo të thërrasë 20 lojtarë një herë e të mos i thërrasë më. Në këtë kuadër, Panuçi nuk ka qenë i qartë. Fillimisht, edhe De Biazi pati disa lëkundje, jo vetëm ai, po i gjithë stafi. Ne i kishim lojtarët në rrethin e De Biazit dhe nuk kishte pse të rinovohej totalisht skuadra. Gjithsesi, DE Biazi ishte shumë më i suksesshëm se Panuçi”.

DËMTIMET DHE RIKTHIMET – “Momenti i Shqipërisë është më i mirë se ai i para tri muajve. Disa lojtarë janë rikuperuar nga dëmtimet dhe disa të tjerë kanë filluar të luajnë rregullisht dhe të shënojnë. Momenti është më pozitiv se para tri muajsh. Në këtë aspekt, Panuçi është i favorizuar. Unë kam dyshime vetëm te stafi: Sa i qartë do të jetë stafi për ndeshjet? Kjo është dilema e vetme e imja”,- përfundoi Jupi.

Në analizën e tij për verilindorët në emisionin “Procesi Sportiv”, Jupi theksoi se Cungu duhet të gjejë ekuilibrin dhe vendosjen e duhur për skuadrën e tij. Kundër Laçit u pa sërish skema 3-4-3, ndërsa në fund shkodrani spostoi përpara Rrocën, duke e lënë pranë Shkurtajt.

“Kukësi duhet t’i fitojë këto ndeshje, por nuk ka akoma ekuilibrin e duhur. Duhet të gjejë vendosjen e duhur për mendimin tim, sepse është bërë një skuadër e fortë në krah, por pak probleme në qendër. Aty ka disa firo, po themi në qendër të mesfushës. Duhet ta gjejë këtë ekuilibër dhe Cungu është një trajner me eksperiencë, pasi ka vite që drejton”, tha Jupi.

Më tej ai shtoi: “Çështja është se kur do ta gjejë mënyrën e duhur të lojës për t’i futur në lojë të gjithë këta lojtarë që ka dhe a do të humbë pikë deri atëherë. Sepse nëse Partizani ecën mirë, si dhe Kukësi lë pikë këto javë dhe shkëputet edhe disa pikë të tjera, atëherë skuadra e Gegës bëhet e pakapshme”.

Janë disa klubet që po u japin mbështetje elementëve të rinj dhe të dy personazhet e mësipërme e vlerësojnë diçka të tillë në intervistën që kanë dhënë për Supersport”. I pari e merr fjalën Pinari: Është diçka pozitive aktivizimi i djemve të rinj në Shqipëri, si për lojtarët edhe për klubet. Duhet të ndodhë në vazhdimësi”.

“Kriza “asist” për të rinjtë? Mendoj që janë të ndërlidhura, është edhe domosdoshmëri ndryshimi i brezave, por ndoshta dhe kriza financiare. Është e ndërthurur që këto elementë të rinj të luajnë në elitë. Mendoj që këta duhet ta shfrytëzojnë këtë moment”.

Më tej tekniku përçon një mesazh për drejtuesit e klubeve shqiptare: “Klubet duhet t’i hedhin sytë tek të gjitha ekipet e moshave në Shqipëri. Duhet të ketë seleksionues të mirë, që të mos gabojnë dhe të jenë të sigurt për të ardhmen. Duhet të ketë besim nga stafet drejtuese, pasi, nëse ata i japin besim stafit teknik, atëherë ata nuk do të ngurrojnë të hedhin të rinj në fushë”.

JUPI – “Ka dy vjet që klubet po hedhin sytë nga të rinjtë. Më përpara kanë qenë të paktë, Latifi dhe Shkalla, ndërkohë që ka aktivizim masiv. Ishte koha që duhet të vinte”, shprehet fillimisht Redi Jupi, i cili ë të shkuarën ka drejtuar Shqipërinë U21.

I pyetur nëse klubet po i aktivizojnë të rinjtë për shkak të financave të dobëta, ai shton: “Arsyet janë disa, problemet financiare kanë ndikuar. Ekzekutimi i kontratave detyron klubet që të tregohen të kujdesshëm. Kontratat sot ekzekutohen dhe nuk mund të bëhen kontrata të pavlefshme. Ky ishte hapi i parë dhe dalëngadalë do të fillojë formalizimi i të rinjve. Më vonë do të shohim se çfarë cilësie do të kenë këta futbollistë. Sot kemi të rinj, por nuk kanë cilësi, kanë sjellë freski fizike dhe entuziazëm. Tani fillon puna për të sjellë të rinj të talentuar në futboll. Lojtarët duhet të kenë orët e punës për t’u paraqitur denjësisht”.

Që numri i të rinjve që luajnë të rritet, duhet që edhe trajnerët të kenë mbështetjen e klubeve: “Trajnerët kanë filluar të kenë guxim, por duhet të kenë mbështetje nga klubet. Rezultatet janë objektivi kryesor, megjithatë, bllokimi i trukimeve ka bërë që të kthehen sytë nga të rinjtë. Duhet krijuar një tendencë, futboll atraktiv, që në Europë të tregosh vlerat dhe të mund të shesësh lojtarë. Për momentin, duket se aktivizimi i të rinjve vjen i imponuar më shumë nga kriza sesa nga dëshira për të luajtur”.

Redi Jupi ka qenë një ndër mesfushorët më të spikatur në futbollin shqiptar pas vitit 1990. Ai ka luajtur deri në vitin 2008 me të treja skuadrat e kryeqytetit, nisur nga Dinamo, por edhe në Superligën kroate dhe atë turke. Me Kombëtaren ka luajtur në 19 ndeshje, ndërsa pas lënies së futbollit ai ka qenë trajner te Dinamo dhe i Kombëtares U21 vjeç, ndërkohë që sot ka Akademinë e tij të futbollit dhe në media është një nga analistët më të kompletuar.

INTERVISTOI: AGRON KAJA

Cili është këndvështrimi juaj për dy fazat e para të Kategorisë Superiore?
-Në fakt janë luajtur dy faza, ku renditja tregon vlerat reale që kanë patur skuadrat në këtë periudhë. E rëndësishme është që në këto 18 javë nuk ka patur ndikime nga arbitrat, e besoj se ky është fenomeni më i rëndësishëm i këtij sezoni.

Po veçoni vetëm ndikimet nga arbitrat, po elementë të tjerë të garës si kanë qenë?
-Elementë të tjerë mendoj se janë ndërhyrjet e jashtme në garë. Edhe këto nuk kanë qenë evidente në këto 18 javë të luajtura. Njëherësh edhe aleancat mes skuadrave nuk janë shfaqur, ose nuk kanë patur ndikim në rezultate dhe në ecurinë e gjithë garës në Superiore.

Si e lexoni renditjen e Kategorisë Superiore për dy fazat e para?
-Kjo renditje mendoj se duhet të jetë edhe në fundin e kampionatit, nisur nga sa skuadrat janë shfaqur në vlerat e tyre në 18 javë. Partizani e Kukësi duken skuadrat më solide, ndoshta edhe Teuta me Laçin, ndërsa në fundin e renditjes kemi parë skuadra të dobëta në këto dy faza.

Bazuar në gjykimin tuaj teknik, si do ti vlerësoni skuadrat për dy fazat e para?
-Në gjykimin tim, Partizanin dhe Teutën i vlerësoj me notën 8, më e larta për mua në këto dy faza. Kukësin e Laçin me notën 7.5, Flamurtarin me notën 6, Skënderbeun, Luftëtarin e Kamzën me notën 5, Tiranën me notën 4.5 dhe Kastriotin me notën 4.

Nisur nga këto vlerësime teknike, çfarë mangësi kanë shfaqur skuadrat apo gara në tërësi në këto 18 javë?
-Që një kampionat të bëhet i rëndësishëm dhe të ndiqet me interes, duhet të jetë cilësor. Pikërisht kjo i ka munguar në këto 18 javë Kategorisë Superiore, ndoshta për faktin kryesor se skuadrat kanë në përbërje lojtarë lojtarë të papunuar, me mangësi në aspektin teknik dhe të lojës në tërësi.

Në këto dy faza të para, cilin mendoni se ka qenë lojtari më i spikatur?
-Nuk mund të them se ka dalë ndonjë lojtar i spikatur, ku veç Trashit që ka vite me një formë të mirë, do të veçoja edhe Asanin, Malën, Kallakun e Shkurtajn, të cilët me lojën e tyre premtojnë nivel të mirë. Të tjerët janë lojtarë “apartamenti”, nuk i shërbejnë cilësisë e garancisë në skuadra.

Sa vlerë ka një ndeshje futbolli kur në atë stadium nuk ka fare tifozë?
-Ky është një problem i madh. Futbolli duhet të punojë që t’i sjellë tifozët në stadium, ndërsa vendimet e çuditshme që i penalizojnë ata i kanë larguar. Vendimet duhet t’i rregullojnë marrëdhëniet me tifozët, dhe këtu duhen vendime individuale, jo kolektive. Në këtë aspekt është koha që të vihet në zbatim teknologjia në stadium.

Për përmirësimin e garës në gjysmën e dytë të këtij sezoni, ju çfarë do të sugjeronit?
-Që gara të jetë e pastër deri në fund, sa herë që ka denoncime si ajo e Stavri Nicës te Kastrioti të ketë një vendim. Kështu, ose të merren masa për lojtarët që e kanë shkelur rregulloren, ose në të kundërt, të ndëshkohet denoncuesi. Kjo po e dëmton imazhin e garës.

A ka talente te kombëtaret e moshave? Sigurisht që ka, por për Jupin problemi është tjetër dhe ngre një shqetësim madhor. “Dua ta zgjeroj pak këtë temë, pasi është e rëndësishme dhe shumë komplekse. Ne jemi një komb që shikon shumë futboll, por luan pak, pasi kemi numrin më të ulët të të rinjve që ushtrojnë futboll, krahasuar me rajonin dhe botën”, shprehet fillimisht Jupi.

Sigurisht që të ushtrohesh duhet të ketë fusha sportive. Në kryeqytet mundësia e vetme janë kalccetot dhe komplekset private të ndërtuara vitet e fundit. Jupi e pranon se ndikon edhe mungesa e infrastrukturës.

“Natyrisht që edhe kjo ka njëfarë ndikimi, por ajo që është për t’u theksuar, është se edhe ato pak fusha që kemi, i shohim thuajse gjatë gjithë kohës bosh. Po të shohësh në rajon, ka njerëz të grupmoshave të ndryshme, që luajnë në mënyrë të organizuar, gjë që nuk ndodh këtu. Problem tjetër është edhe mungesa e shkollave të futbollit, pasi edhe ato pak ekipe tradite, nxjerrin futbollistë në mënyrë sporadike. Kjo bën që futbollistët shqiptarë të vijnë në futbollin profesionist me stërvitje shumë të keqe dhe me shumë pak minuta në këmbë dhe duhet të mësojnë në ndeshje zyrtare, ato që duhet t’i kishin mësuar gjatë ushtrimit të futbollit në moshë të re”.

Jupi ka komentuar edhe rezultatet negative të kombëtareve të moshave: “Në fakt edhe mund të humben ndeshjet, por është e sigurt, që kundërshtarët tanë nuk kanë qenë në atë nivel, sa për të na mundur aq lehtë dhe me rezultat të thellë. Ndaj unë mendoj që ka problem që në strategji, organizim, mënyrën e seleksionimit të futbollistëve, etj”.

Ish-trajneri i Shpresave ka theksuar se nuk ka paragjykim te moshat për lojtarët e kampionatit vendas: “Me Kombëtaren e madhe dhe me atë Shpresa, edhe mund të ndodhë, por me moshat U-19 dhe më poshtë, nuk ekzistojnë aspak këto lloj paragjykimesh dhe nuk shikohet aspak nga vjen lojtari”.

Redi Jupi ka postuar pak minuta më parë një video në profilin e tij ku shihet në një prej sfidave të tij. Jupi duket se ja ka marr dorën mirë këtij sporti, çka dëshmohet nga një lëvizje e tij në po të njëjtin postim.

Teqball është një sport që ka si ambasadorë emra të mëdhenj të futbollit, ku mund të veçohet këtu Luis Figo, Karlos Pujol apo dhe Kristian Karembe.

https://www.instagram.com/p/Bo83W74Bz4D/?taken-by=redijupi