Red Bull

Dështoi në Bundesligë, Salcburg i jep një tjetër mundësi shqiptarit

Sport Ekspres — Mon, 14 Jan 2019 20:32:37 +0000

Disa prej jush mund ta njohin Mërgim Berishën. Disa vite më parë, sulmuesi me origjinë shqiptare ishte një ndër lojtarët më të akademisë së shquar te Red Bull Salcburg. Pas një sezoni mesatar në huazim te LASK Linz, Berisha vendosi ta provonte veten në Bundesligën e dytë gjermane,

Kalimi te skuadra e Magdeburg, rezultoi një katastrofë. Vetëm katër aktivizime, madje dhe ato si rezervë në minutat e kohës shtesë. Rikthimi në Austri ishte i pashmangshëm, ndërsa së fundmi është prezantuar në një klub të ri.

Destinacioni i radhës i Berishës është klubi Rajndord Altash. Skuadra nga Austria perëndimore rrezikon rënien nga Bundesliga e parë dhe 20-vjeçari mund të bëhet të jetë tepër i dobishëm. Përsa i përket aspektit të kombëtares, Berisha ka refuzuar disa herë afrimet nga pala shqiptare, por edhe ajo kosovare.

“Komploti” i Red Bullit prishet nga një gjigant norvegjez, festë në Skoci!

Sport Ekspres — Thu, 13 Dec 2018 22:17:45 +0000

Që kur u hodh shorti i grupeve në Europa League dhe Red Bull Salcburg u vendos në një grup me RB Lajpcig, të gjithë hapën sytë: dy klube me të njëjtin pronar, Red Bull, në një grup?

Çfarë problemi ka, tha Uefa, do jetë Fair-Play, sepse në dokumente nuk rezulton Red Bulli pronar. Humor aspak sportiv, dihet realiteti nga të gjithë.

Ashtu si parashikohej, Salcburg e Lajpcig ishin në garë deri në fund për kalimin e grupit dhe Salcburgu jo vetëm që e fitoi grupin, por shkoi sot dhe fitoi në Skoci, 2-1, duke i bërë një nder të madh Lajpcigut.

Gjermanët, nga ana e vet, prisnin Rozenborgun e eliminuar dhe ishte e qartë që ishin favoritë të mëdhenj, thjesht u duhej një nder nga vëllezërit e pijes.

Nderi erdhi, por ashtu si PSV ndaj Interit, edhe Rozenborgu dha një leksion ndershmërie, duke barazuar ndaj Lajpcigut 1-1 në minutën e 88-të, me Reginiussen, i cili u bë hero. Hero i Seltikut, natyrisht, por pse jo edhe i Rozenborgut, sepse barazimi vlen disa mijëra euro dhe dalin e teprojnë për birra, uiski e… Red Bull!

Soçi, “pole” është pronë e Mercedes

Sport Ekspres — Sat, 29 Sep 2018 21:14:12 +0000

Asnjë surprizë, asnjë rivalitet, Mercedesi është tepër i fortë për Ferrarin dhe rivalët e tjerë. Provat zyrtare të Çmimit të madh të Soçit në Rusi, që do të zhvillohet të dielën prej orës 13.10, kanë konfirmuar epërsinë e dyshes Bottas-Hamilton.

Bottas ka vendosur rekord të ri piste, 1:31.387, që i ka vlejtur nisjen nga pole-position, ndërsa pas tij kryesuesi i Botërorit, Ljuis Hamilton.

Në rreshtin e dytë Ferrari, me Vettel e Raikkonen, të cilët do të tentojnë t’i shqetësojnë.

Ndërkaq, makinat Red Bull të Verstapen dhe Rikardo do të nisen nga vendet e fundit, për penalizim.

UEFA bën Red Bullin me krahë, Lajpcig e Salcburg në Champions League

Sport Ekspres — Tue, 20 Jun 2017 17:46:01 +0000

Para pak muajsh doli në dritë një problem që në fakt ishte trajtuar jo pak në mediat gjermane: po sikur RB Lajpcigu të shkonte në Champions League? Aty do shkonte edhe Red Bull Salcburg, por a lejohen dy klube me pronar të njëjtë?

UEFA nuk u shqetësua, ndoshta duke mos e pritur fluturimin e klubit gjerman, që tashmë është në Champions, ashtu si Salcburgu.

Sipas rregullores, Lajpcigu duhej të përjashtohej, duke pasur prioritet klubi kampion.

Megjithatë, kompania e njohur e pijeve enegjitke Red Bull gjithnjë ka deklaruar se është në rolin e sponsorit dhe strukturat e klubeve janë të pavarura.

Tani UEFA ka vendosur: të dy klubet pranohen në Champions League, pasi arsyetimi i Red Bullit qëndron.

Megjithatë, të gjithë e dinë që pronari mbetet i njëjti, ndaj do ishte interesante nëse këto dy klube do përballen në Champions. Nëse vendosen në një grup, a nuk do krijonte aludime nëse njëra skuadër i humbiste të dyja përballjet direkte?