Në një intervistë për “Supersport”, Fili analizon sezonin me bluzinjtë dhe flet për të shkuarën dhe të ardhmen e tij.

“Ky gjysmë sezoni ka qenë mjaft pozitiv. Nuk ka pasur shumë pritshmëri, por i kemi tejkaluar. Jam i kënaqur në aspektin personal. Gjithsesi besoj se kam edhe më shumë potencial, por shpresoj që nxjerr më vonë”.

“Kur erdha mbijetesa ishte objektivi i vetëm. Duke parë që mund të bënim diçka në Kupë, shpresat ishin të mira. Sidomos pas ndeshjes së parë që doli 0-0. Në ndeshjen e dytë u prish gjithçka. Do ishte kënaqësi e madhe të luajë  një finale, por nuk ishte e thënë. Ndoshta do e provojmë sërish vitin tjetër”.

LUHATJET NË KARRIERË DHE E ADHMJA “Kjo për mua është një sfidë.  Ishte e vështirë të ruaja ritmet e fillimit. Shpresoj të rikthehem aty ku isha dhe të bëj sa më mirë me paraqitjet e mia. Për momentin jam i përqendruar te ndeshjet e fundit të këtij sezoni, pastaj për të ardhmen do të kemi diçka më të mirë sigurisht”, përfundoi Fili.

“Skënderbeu? Atje nuk gjeta veten për shumë arsye, nuk kisha besimin e duhur, nuk kisha mbështetje. Kështu kam mbështetjen e njerëzve metë cilët punoj. Falënderoj trajnerin Ahmataj, ka përmirësuar shumë lojën tonë dhe timen në veçanti”.

“Objektivi është t’i marrim ndeshjet një nga. Ndeshja e radhës është objektivi ynë. Luftojmë edhe në Kupë, është e vështirë. Freskia nuk është e njëjtë, pasi ndeshjet janë shumë afër. Ne mundohemi të marrim maksimumin. Uroj të dalim sa më mirë. Normalisht është lajm i mirë që rivalët për mbijetesë nuk fituan. Gjithsesi ne duhet të jemi të përqendruar. Duhet ta shtojmë forcën tonë dhe të shpëtojmë matematikisht”.

“Eksperienca të bën më të pjekur. Nuk kam humbur asgjë, nuk ndihem i humbur. Kam mësuar shumë dhe jam gati për sfida të reja.  Erdha me besim se do ta gjeja veten dhe po ndodh. Puna më ka sjellë deri këtu dhe unë punoj shumë”.

“Kompromis? Nuk mendoj se Luftëtari apo Tirana ka luksin për kompromise. Jemi futbollistë, tentojmë maksimumin. Duam finalen dhe mbijetesën. Sa kohë nuk kemi siguruar asgjë, nuk bëhen kompromise. Edhe nëse do e kishim siguruar, nuk është normale të bësh kompromise”.

Në daljen për shtyp që i paraprin transfertës së nesërme ndaj Flamurtarit, Ahmataj vuri theksin te situata e dëmtimeve, diçka për të cilën ai theksoi se do të marrë masa duke menaxhuar siç duhet grupin e lojtarëve që ka në dispozicion.

“E sigurt është do të japim maksimumin në ndeshjet tona. Askush nuk hyn në një ndeshje për të mundur ose për të mos rezultatin pozitiv. Nuk do t’i mendoj kurrë pikët para ndeshjes, por vetëm pas ndeshjes. Atë që jep në fushë atë merr, kjo është ajo që duhet t’i ngulis në kokë futbollistëve, që ata të hyjnë në ndeshje më mentalitet fitues”.

“Duhet të menaxhojmë lojtarët pasi në këtë fazë finale është shumë e rëndësishme që të mos kemi shumë dëmtime, pasi më pas mund të penalizohemi në cilësinë e skuadrës siç na ka ndodhur me kapitenin Ramadani që është i dëmtuar”.

Sulmuesi anësor Realdo Fili u shpreh se dëshiron tw ndihmojw duke shënuar. Goli i fundit i fierakut në Kategorinë Superiore daton thuajse tre muaj më parë në takimin e 27 janarit kundër Kastriotit: “Shpresoj që unë të ndihmoj ekipin jo vetëm me lojë të mirë, por edhe me gola dhe asiste, pasi janë të rëndësishme. Kryesorja është që ekipi të marrë rezultat pozitiv dhe të arrijmë objektivin”, përfundoi Fili.

“Pozicioni? Në fakt për herë të parë luajta si sulmues te Partizani. E bëj si rol. Luaj kudo që do trajneri.  I njoh mbrojtësit e tyre dhe ramë dakord që të luaj. Më vjen mirë që zbatova detyrat”, shtoi Fili.

Në lidhje me shanset e kualifikimit, ai tha: “Rezultati na shkon për shtat. Shënuam dy gola. Nuk luajmë për t’u mbrojtur. Do bëjmë lojën tonë dhe do kërkojmë maksimumin për të kaluar në turin e radhës. Objektivi është të shkojmë në finale, pasi është rrugë e shkurtër për Europën. Mund të marrim maksimumin në të dyja kompeticionet me grupin që kemi”.

“Gega tha se keni shanse të barabarta? Për fjalët e gegës, normalisht një rezultat 1-2 na shkon ne për shtat. Ata kanë shanset e tyre, por jam dakord që ta nisim me 50/50”, u shpreh sulmuesi i Luftëtarit, që nuk e cilëson një hakmarrje golin e shënuar ndaj Partizanit.

“Hakmarrje? Nuk është hakmarrje, madje këto paraqitje dua t;i bëj ndaj të gjitha ekipeve. Kam kaluar dy ditë të mira dhe e respektoj. Jam iu lumtur që shënova. Koha më ka kaluar, kam pritshmëri të mëdha për veten. Dua të tregoj më të mirën te Luftëtari për momentin. Po punojnë njerëzit me mua. Shpresoj të vazhdoj kështu dhe ekipi të shkojë mirë”.

Prej ditësh SportEkspres.com kishte njoftuar për faktin se palët ishin në bisedime dhe marrëveshja ishte pranë, por më parë duhej duhej zgjidhur kontrata mes Filit dhe Skënderbeut. Me të ndodhur kjo ka ardhur edhe kalimi te Luftëtari, që e ka prezantuar sot sulmuesin e ri.

Fili ka firmosur kontratë 1.5-vjeçare, nën praninë e menaxherit të tij Elton Marini, i cili është kujdesur për gjithë detajet e kontratës.

Gjirokastritët tashmë po punojnë për të bërë edhe disa afrime të tjera. Erjon Vucaj mbetet një dëshirë, por kontrata me Dritën në Kosovë është pengesë. Zëvendësimi i Rrocës dhe Shkurtajt është një mision për bluzinjtë, që duhet të shmangin sa më shpejt zonën e ftohtë në tabelën e renditjes.

Kështu ka ndodhur dhe Fili ka dhënë edhe një intervistë për “SportEkspres.com”. Ai flet për aventurën me fanellën bardhëkuqe dhe tanimë pret të nisë një eksperiencë të re. Ofertat nuk i mungojnë dhe shumë shpejt do të zgjedhë edhe skuadrën e tij të re.

INTERVISTOI: VLADIMIR PRENGA

Realdo, në verë pranuat t’i bashkoheshit Skënderbeut dhe luajtët pak. Sa ndikoi fakti që u bashkuat vonë me ekipin në aktivimin tuaj?
-Mendoj se ndikoi, pasi u bashkova me ekipin pas fazës përgatitore dhe ekipin e gjeta të formuar në njëlloj mënyrë.

Çfarë mendoni se nuk ka shkuar gjatë kësaj periudhe, pasi realisht tre ndeshje titullar nuk është ajo çka ju keni pritur?
-Mendoj që me ka munguar besimi i trajnerit, pasi pritshmëritë dhe besimi te vetja nuk më kanë munguar asnjëherë.

Përfundimi i kontratës me Skënderbeun, erdhi më së shumti për shkak të hapësirave, apo kishte ndonjë arsye tjetër?
Shkaku kryesor ishte sepse kërkoja më shumë hapësira dhe më shumë besim.

A mendoni ta rinisni nga një ekip me një profil më të ulët, ku edhe mund të keni mundësinë të luani dhe të tregoni vlerat e tuaja?
-Kam oferta të ndryshme dhe do vendos në ditët e ardhshme për çdo veprim që do bëj.

Me të zgjidhur marrëveshjen me korçarët, fieraku me shumë mundësi do t’i bashkohet skuadrës së drejtuar nga Gentian Mezani. Fili mund të luajë në të gjitha pozicionet e sulmit dhe në Gjirokastër mendojnë se mund t’i marrin më të mirën 22-vjeçarit.

Luftëtari ka qenë një trampolinë e mirë tre vitet e fundit, teksa janë disa lojtarët që kanë spikatur dhe janë transferuar brenda dhe jashtë vendit. Bregu dhe Abazaj u shitën te Skënderbeu vjet, kurse sivjet ishte radha e Shkurtajt dhe Rrocës.

Fili kërkon të rikthehet ai i dikurshmi dhe beson se në Gjirokastër do të gjejë ambientin e duhur për të dhënë më të mirën e tij. Te Luftëtari ndërkohë po punojnë për të bërë edhe afrime të tjera, ndërkohë që një objektiv është edhe Erjon Vucaj. Për të arritur te shkodrani duket e vështirë, për shkak të kontratës që ai ka me Dritën e Gjilanit.

Fieraku ka zbuluar se ka qenë dëshira e tij që t’i bashkohej bardhekuqve: “ Kam pasur edhe mundësi të tjera, por isha i bindur të jem pjesë e Skënderbeut. Ishte dëshira ime. Kemi pasur kontakte edhe më përpara. Pasi mbarova kontratën isha i lirë dhe vendosa të vi”.

Më pas Fili tregon se italiani Agostineli e kishte kërkuar në Korçë. “Agostineli, kur u bë pjesë e Skënderbeut, më kërkoi. Nuk u transferova pasi isha pjesë e Partizanit. Tani jam këtu dhe shpresojmë që gjërat të shkojnë mirë”.

Fili foli edhe për largimin nga Partizani: “Kam ngelur disi i pakënaqur, kam pasur mundësinë të jap më shumë, por edhe të merrja më shumë. Jemi ndarë të dyja palët pakënaqur”.

Në fund sulmuesi anësor theksoi se te Skënderbeu nuk i është premtuar asgjë: “Nuk kam kërkuar formacion, as nuk ma kanë premtuar. Luftohet për formacion. Skënderbeu ka si qëllim të mbledhë lojtarët më të mirë këtu”.

Sulmuesi anësor pati probleme te Partizani, teksa fillimisht u bë shkak një dëmtim. Mungesa e hapësirave me të kuqtë bëri që në janar të kërkonte largimin dhe më pas te Kamza luajti rregullisht, madje duke shënuar dy gola, mes tyre njëri ndaj Skënderbeut.

Fili është një lojtar i formuar tek Apolonia, ku edhe ka spikatur për herë të parë. Këtë verë për të pati disa ofertë, ndërkohë që për disa ditë qëndroi në Izrael, por në fund preferoi të kthehej në Shqipëri dhe tanimë do të luajë me kampionët në fuqi.

Gjatë kësaj periudhe ai ka shijuar pushimet, por sigurisht që edhe është stërvitur në mënyrë individuale. Se ku do të luajë sezonin e ardhshëm ende nuk dihet. Mundësitë janë që të transferohet edhe jashtë vendit.

Së fundmi fieraku ka postuar një foto në rrjetet sociale dhe mund të jetë edhe një sinjal. Sikurse shihet në foto, Fili ndodhet në Izrael dhe në të shkuarën menaxheri i tij, Elton Marini, ka bërë lëvizje nga Shqipëria në atë shtet, ndaj nuk do ishte çudi një lëvizje në atë drejtim e sulmuesit anësor.