Real Madrid

E papritur, mbrojtësi madrilen drejt Serie A

Sport Ekspres — Tue, 06 Aug 2019 08:04:38 +0000

Reali i Madridit ka bërë shumë afrime dhe Eder Militao është një nga të shumtët. Ardhja e mbrojtësit brazilian duket se do të pasohet nga një largim. Mediet spanjolle raportojnë se Naço Fernandes është shumë pranë largimit nga “Los Galaktikos”.
Madrileni ka që në vitin 2013 që aktivizohet me ekipin e parë të Realit, por duket se gjithçka do të marrë fund këtë verë. Naço ka treguar probleme kohët e fundit dhe dëmtimet kanë ndikuar shumë në formën e tij. Paraqitjet e tij në ndeshjet e fundit miqësore nuk kanë bindur.

Kështu Naço mbetet zgjedhje e tretë në mbrojtje. Kjo është e papranueshme nga ai dhe largimi është shumë pranë. Roma interesohet për 29-vjeçarin. Largimi i Manolas i detyron italianët të sjellin një mbrojtës cilësor. Bëhet fjalë për një operacion pre 20 milionë eurosh.

Reali ofertë zyrtare për Pogba, Junajtid përgjigjet direkt

Sport Ekspres — Mon, 05 Aug 2019 15:56:23 +0000

Reali e ka liruar më shumë se ç’duhet dorën në këtë merkato dhe e ka shumë të vështirë të përballojë me para “cash” blerjen e Pol Pogba. Zidan nga ana e tij nuk ndahet nga ideja se është ylli i Junajtid lojtari i duhur për të zbarkuar në “Santiago Bernabeu”. Në tavolinë janë alternativa si Eriksen dhe De Bek, por tekniku ka vetëm Pogba në mendje.
E gjithë kjo e bën Realin të propozojë lojtarë, plus para për të bindur Junajtid të lërë të lirë Pogba. Mediet angleze raportojnë se Perez ka propozuar kartonin e Hames Rodriges bashkë me një shifër prej 35 milionë eurosh. Përgjigja e drejtuesve të klubit anglez ka ardhur në mënyrë të rrufeshme.

Sipas tyre kjo ofertë është qesharake sepse Pogba vlen 150 milionë euro. Mjaft i vështirë ky operacion edhe nëse shtohet oferta, pasi merkato në Angli mbyllet më pas vetëm katër ditësh dhe është gati e pamundur që “Djajtë” të gjejnë një zëvendësues për francezin brenda kësaj periudhe.

Perez “mbetet thatë”, oferta e fundit nuk bind Junajtid

Sport Ekspres — Mon, 05 Aug 2019 13:37:16 +0000

Real Madrid ka bërë një përpjekje të fundit për të transferuar Pol Pogba në Madrid. 30 milionë euro dhe kartonin e Hames Rodrigez kanë ofruar “Los Blancos”, por klubi anglez ka refuzuar.

Merkato në ishull mbyllet me datë 8 gusht dhe “djajtë e kuq” nuk kanë kohë në dispozicion për të gjetur pasardhësin e mesfushorit francez. Aq më tepër që Junajtid e vlerëson 160 milionë euro kartonin e Pogba.

Oferta e fundit e Realit nuk mjafton dhe është larg kërkesës së Junajtid. Trajneri Solskjaer e ka bërë të qartë që Pogba do të qëndrojë edhe sezonin e ardhshëm në ekip, pavarësisht se dëshira e madhe e lojtarit është transferimi te ”gjiganti” spanjoll.

Reali “i etur”, hyn në garë për goleadorin portugez

Sport Ekspres — Sun, 04 Aug 2019 15:12:48 +0000

Pol Pogba nuk duket në horizont dhe Realit i duhet të shohë për pista të tjera. Doni Van de Bek është emri i parë që synon Perez si plan rezervë për Pogba. Ditën e sotme ka dalë edhe një tjetër opsion shumë interesant.
Mediet evropiane raportojne se Reali është futur në garë për të transferuar Bruno Fernandes. Portugugezi është treguar i jashtëzakonshëm me Sportingun e Lisbonës gjatë sezonit të kaluar. Ai arriti rekordin si mesfushori që ka shënuar më shumë gola brenda një sezoni futbollistik në kampionatin portugez, me plot 32 rrjeta.

Reali ka nevojë për një fantazist të tillë dhe e ka në listë si një emër potencial për të ardhur në “Santiago Bernabeu”. Sporting pretendon rreth 70 milionë euro për 24-vjeçarin. Juanjtid e kërkonte me ngulm, por nuk arritën të plotësonin kërkesat e klubit portugez. Real do të hyjë në garë. Një mesfushor është nevojë e madhe në Madrid.

Perez me plan të qartë, synon një djalosh “të artë”

Sport Ekspres — Sat, 03 Aug 2019 15:18:49 +0000

Reali ka nisur të rinovojë ekipin me lojtarë të rinj dhe me shumë perspektivë. Të parët telente janë Vinisius Zhunior, Rodrigo apo Takefusa Kubo. Perez dëshiron të pasojë me një blerje akoma më të madhe. Xhejdon Sanço është ylli i radhës, që pritet të vijë në Bernabeu.
Borusia Dortmund dhe Reali gëzojnë një marrëdhënie të mirë dhe kanë bashkëpunuar edhe më parë për lojtarë të ndryshëm. Kontrata e Sanço skadon në vitin 2022. Ai nuk dëshiron të rinovojë sepse kërkon kalimin në një prej gjigantëve evropian. Kështu, Dortmundi pretendon të nxjerrë sa më shumë fitim nga shitja e tij.

Këtë verë nuk llogaritet largimi i tij. Merkaton e ardhshme Reali do të niset me një plan të qartë. Ata duan t’i japin Dortmundit Mariano Diaz, plus një shumë parash për të nënshkruar me Xhejdon Sanço. Anglezi do të ishte një nënshkrim gjigant, duke parë cilësitë e tij, që bashkë me Mbape janë kandidatë potencialë për të fituar Topin e Artë pas mbylljes së epokës Mesi-Ronaldo.

“Van de Bek te Reali? Unë do të nisesha me biçikletë për Madrid”

Sport Ekspres — Sat, 03 Aug 2019 11:51:55 +0000

Doni van de Bek është prioriteti i radhës për Realin e Madridit. 22-vjeçari është treguar një lojtar i madh, duke qenë një element themelor në sukseset e Ajaksit të vitit të kaluar. Talenti dhe pjekuria e tij ka bërë që gjysma e klubeve të mëdha evropiane të vihen në garë për shërbimet e djaloshit.
Reali i Madridit është klubi që po ushtron më shumë “presion” për të blerë yllin holandez. Rafael Van Der Vart, një ish-madrilen dhe lojtar i rëndësishëm i Holandës, e sheh si një mundësi të madhe transferimin e Van de Bek në Spanjë. Madje shkon deri në “fantazi”, kur thotë se duhet të shkojë me biçikletë nga Amsterdami në Madrid.

“Mendoj se Doni meriton të shkojë në një klub si Reali. Ka shanse të mëdha që ai të jetë i sukseshëm atje. Është një djalë që shoqërohet me të gjithë dhe punon shumë, gjatë gjithë kohës. Nëse do të isha në vendin e tij do të shkoja në Madrid me biçikletë. Tani është koha e duhur që ai të shkojë në Madrid. Ata kanë bërë një figurë të keqe në periudhën parasezonale dhe të gjithë po presin një ardhje të re”, deklaroi Van De Vart.

Barça në vështirësi për Nejmar, Perez hyn në garë me një ofertë tunduese

Sport Ekspres — Sat, 03 Aug 2019 07:46:30 +0000

Barcelona e do përsëri Nejmrin në skuadër, por akoma nuk po tregon interes konkret drejt PSG. Katalanasit ofrojnë vetëm mundësinë e përfshirjes së një prej Dembele dhe Kutinjo, plus para. Francezët deri tani bëjnë rezistencë dhe kërkojnë vetëm para në dorë. Barcelona e ka të pamundur ta bëjë këtë, duke parë se ka një bilanc tepër negativ në raportin blerje-shitje.
E gjithë kjo situatë fut Real Madridin në “valle”. Madrilenët kanë një simpati të veçantë për Nejmar dhe nuk mund ta refuzojnë nëse i ofrohet mundësia. PSG është gati t’ja japë madrilenëve me një çmim të arsyeshëm, sesa ta dërgojë përsëri në Barcelonë. Sipas “Sky Sport”, Perez dëshiron të fusë në këtë operacion Luka Modriç.

Mesfusha është “thembra e Akilit” te kampionët francezë dhe eksperienca e Modriç do shëronte gjithçka. Megjithatë, ky transferim mbetet tepër i ndërlikuar, pasi janë të përfshira shumë palë. Modriç për momentin nuk preferon të shkojë në Paris. Nejmar nuk e dimë nëse dëshiron t’i bëjë një tjetër tradhti Barçës. Kështu, për momentin gjithçka mbetet e pamaterializuar.

Perez nuk e pret Pogbanë, akord për yllin holandez

Sport Ekspres — Fri, 02 Aug 2019 20:15:09 +0000

Florentino Perez nuk mund të presë kaq shumë për të sjellë Pol Pogba te Reali i Madridit. Situata e francezit është shumë e komplikuar, me Junajtid që nuk ka në plan ta lërë lehtë të largohet. Merkatoja në Angli po përfundon dhe anglezët nuk kanë kohë të gjëjnë një zëvendësues për francezin.
Kështu, mediet evropiane raportojnë se Reali ka arritur akordin financiar me Ajaksin për të sjellë Doni van de Bek në “Santiago Bernabeu”. 22-vjeçari ka treguar një nivel të jashtëzakonshëm me Ajaksin. Fantazisti ka gjithashtu marrëdhënie perfekte me golin.

Në Champions League dhe në kampionatin e vendit të tij ai regjistron plot 12 gola dhe 12 asiste. Vetëm 22-vjeçar, kosto transferimi shumë më të ulët se Pogba dhe statistika që francezi nuk i afrohet. Të gjitha këto e bëjnë Perez të shkojë drejt yllit tulipan.

Pogba – Real drejt krisjes, Perez hedh sytë nga ylli i Ajaksit

Sport Ekspres — Fri, 02 Aug 2019 08:53:31 +0000

Real Madrid nuk është dorëzuar ende, por rruga për të sjellë Pol Pogba në Madrid është e gjatë dhe plot pengesa. Mançester Junajtid po reziston dhe duke qenë në kushte të tillë, “Los Blancos” i janë rikthyer pistës Doni Van De Bek.

Marca raporton se negociatat mes Reali dhe Ajaksit kanë nisur dhe marrëveshja mund të arrihet për shumën e 60 milionë eurove. Arkat e klubit holandez do të mbusheshin sërish, por ata nuk duan të heqin dorë nga shërbimet e 22-vjeçarit.

Gjithsesi, presingu i Realit është i madh dhe lojtari i kombëtares tulipane mund të përfundojë nën urdhrat e Zinedin Zidan, ndërsa ky do të ishte një përforcim me vlera për klubin spanjoll.

E thotë një ekspert: Reali nuk ka nevojë për Pogba apo Eriksen

Sport Ekspres — Thu, 01 Aug 2019 19:44:38 +0000

Real Madridi e ka nisur shumë keq këtë fazë pregatitore. Dëmtimet dhe humbjet e njëpasnjëshme japin sinjale për blerje, me mesfushën si reparti me më shumë nevojë. Pol Pogba dhe Eriksen janë dy emrat që lakohen prej muajsh për Realin.

Megjithatë, ka nga ata që nuk mendojnë se Zidan ka nevojë për blerje dhe yjet që disponojnë janë të mjaftueshëm. Kështu shprehet edhe Rivaldo, që njihet për analizat e tij të sakta dhe të detajuara.

“Shtypi thotë që Real Madridi duhet të forcojë mesfushën, me Christian Eriksen dhe Paul Pogba në mesin e objektivave të përfolur. Të dy janë lojtarë të shkëlqyeshëm dhe do të përshtaten mirë në Bernabeu. Por përkundër sezonit të tyre të keq, nuk jam i sigurt se Reali ka nevojë për përforcime. Nuk duhet të harrojmë se Kasemiro sapo ka ardhur nga dëmtimi dhe ata kanë luajtur pa një prej lojtarët më me impakt në ekip. Reali do të përmirësohet me Kasemiron në skuadër, megjithëse mungesa e tij nuk shpjegon parasezonin e tyre të tmerrshëm”, përfundoi Rivaldo.

Foto | Ndërkohë që Reali mundet nga Totenhemi, Bejl ushtron pasionin e tij

Sport Ekspres — Wed, 31 Jul 2019 19:27:31 +0000

Garet Bejl është shndërruar në protagonistin kryesor të merkatos në këto ditë. Uellsiani dhe drejtuesit e Real Madrid po luajnë me nervat e njëri-tjetrit. Lojtari nuk e ka prioritet largimin nga Madridi dhe nuk e merr aspak me ngut, pasi në fund të fundit pasioni i tij është golfi.

Perez dëshiron ta shesë për të gjeneruar të ardhura dhe për të plotësuar dëshirën e Zidan, që nuk e do në skuadër. Para pak ditës Bejl ra dakort të largohet në Kinë te Jiangsu Suning, por ishte presidenti i klubit spanjoll, që bllokoi çdo gjë. Bejl është acaruar shumë nga ky veprim dhe nuk ka denjuar as të paraqitet për ndeshjen ndaj Totenhem.
“El Confidencial” zbulon përmes një fotoje se Bejl po luante golf, në të njëjtën kohë kur skuadra e tij ishte duke u mundur nga Totenhemi. Një veprim që krijon mjaft polemika dhe debate. Pas ndeshjes Zidan u shpreh: Bejl nuk është grumbulluar me ekipin sepse nuk ndihej mirë. Ishte një vendim që u mor nga unë, mjekët dhe vetë ai. Po stërvitet i vetëm në qendrën stërvitore.

Duket se edhe Zidanit i ka ikur situata nga kontrolli dhe nuk po arrin aspak ta menaxhojë. Për momentin në avantazh është Bejl. Zidan nuk e aktivizon, ai luan golf dhe merr 17 milionë euro në sezon nga kontrata me Realin. Perez i duhen para për të sjellë një mesfushor. Të ardhura që mund ti marrë nga shitja e uellsianit.

Real Madrid’s Gareth Bale during the second half of a soccer match against Atletico Madrid Friday,July 26, 2019, in East Rutherford, N.J. Atletico Madrid won 7-3. (AP Photo/Frank Franklin II)

VIDEO | Muriqi mjaftohet me asist, Benzema merr për dore Realin

Sport Ekspres — Wed, 31 Jul 2019 18:07:34 +0000

Reali i Madridit është një nga pjesëmarrësit e “Audi Cup”. Madrilenët ditën e sotme zhvilluan ndeshjen për vendin e tretë të këtij turneu, ku arritën të triumfonin me shumë vështirësi ndaj Fenerbaçes.

Ekipi ku luan edhe sulmuesi i Kosovës, Vedat Muriqi u tregua shumë konkurrues, duke shënuar të parët dhe mbajtur në presion Realin. Madrilenët e kthyen rezultatin në 2-1. Më pas Fenerbaçe barazoi me golin e Dirar, që shënoi pas asistit të Muriqit, i cili arriti ta lërë një gjurmë në këtë ndeshje.

Madrilenët kaluan edhe dy herë në avantazh, por turqit arritën të barazonin pas dy golave të spanjollëve. Janë dashur rrjetat e Mariano Diaz dhe Naço për të siguruar fitoren e ekipit të Zidan. Ndeshje spektakolare e Benzema. Francezi shënoi tre gola dhe tregon se Joviç do e ketë të vështirë të ngrejë krye në duelin me të.

Miqësore

Real Madrid-Fenerbaçe

Benzema ’12, ’27, ’53, Naço ’62, Mariano Diaz ’79\ Garri Rodriges ‘6, Nabil Dirar ’34, Ozan Tufan ‘59

Ronaldo: Te Juve punohet, Championsi vetëm çështje kohe

Sport Ekspres — Wed, 31 Jul 2019 13:53:48 +0000

Kristiano Ronaldo ka dhënë një intervistë të gjatë për medien e njohur spanjolle “MARCA”. Ylli portugez ka folur për motivimin në këtë fazë të karrierës dhe ambiciet e Juventusit për sezonin e ardhshëm.

Keni fituar gjithçka në karrierën tuaj. A ndiheni i kënaqur me këto që keni arritur?

Vendosa të bëja një ndryshim vitin e kaluar. Lashë Realin pasi doja një motivim më shumë për karrierën time pas gjithë atyre që fitova në Madrid. Ishte një ndryshim i detyrueshëm, pasi besoja dhe besoj se kisha shumë më shumë për t’i thënë fansave, klubit tim të ri. Tani ndihem i motivuar dhe më pëlqen situata ku ndodhem. Natyrisht titujt janë gjëja që mua më shijon më shumë. Në sezonin e kaluar, falë zotit fitova tre të tillë: Kampionatin, Kupën me Juventusin dhe Ligën e Kombeve me Portugalinë. Kështu që mund të them se ishte një vit super.

A mund të jetë ky viti i Juventusit?

Çdo vit është viti i Juventusit, Realit, Barcelonës, por në një kompeticion si Champions League ka vetëm një fitues. Mund të marr shembullin e Barcelonës. Sa para kanë shpenzuar në pesë vitet e fundit duke blerë lojtarë të njohur dhe nuk e kanë fituar dot Champions-in. Nuk funksionin kështu. Juve është përforcuar tejmase. Jemi një ekip që mund të luftojmë denjësisht për trofeun. Megjithatë, ka shumë faktorë që hyjnë në mes. Shorti, grupet, forma e lojtarëve, dëmtimet dhe fati. Por gjithmonë kam thënë që s’duhet të fiksohemi pas Champions-it. Juventusi do ta fitojë Championsin. Nëse jo këtë vit, të shpresojmë që vitin tjetër ose dy vite nga tani. Këtë e them duke marrë mënyrën se si punohet dhe si planifikohet për të ardhmen.

Objektivi i Milanit, mjafton pak për t’i bërë tifozët të ëndërrojnë

Sport Ekspres — Wed, 31 Jul 2019 12:52:45 +0000

Jemi në periudhë merkato dhe çdokush mund të ëndërrojë për të parë lojtarët më të mirë në ekipin e zemrës. Ndonjëherë mjafton edhe një veprim pa ndonjë rëndësi të madhe për të çuar peshë zemrat e tifozëve.

Luka Modriç mbetet objektivi dhe ëndrra e madhe e Milanit. Paolo Maldini mohoi para disa ditësh tratativat me kroatin, por kuqezinjtë janë takuar disa herë me agjentin e “Topit të Artë” dhe tifozët besojnë se Boban do arrijë ta bindë patriotin e tij për t’u veshur kuqezi.

Vetë Luka i ka dhënë “like” faqes së Milanit në instagram, duke rritur shpresat e mbështetësve të “djallit”. Diçka të tillë e ka bërë edhe më parë në një postim të klubit për ultrasit e “Curva Sud”.

Shuker, Boban, Modriç

Sigurisht që një pëlqim ose klikim në rrjetet sociale nuk tregon shumë. E njëjta gjë ndodhi edhe me Interin verën e kaluar, por tifozët e Milanit shpresojnë që kësaj radhe të jetë ndryshe.

Kuqezinjtë janë gati t’i dorëzojnë repartin e mesit të fushës yllit kroat, ndërsa tifozët kanë vite që nuk shohin të zbarkojë një emër i madh në Milanelo.

Bejl jashtë grumbullimit, Zidan zbulon arsyen

Sport Ekspres — Wed, 31 Jul 2019 08:37:32 +0000

Mungesa e Gareth Bejl në listën e të grumbulluarve për turneun miqësor “Audi Cup” solli shumë spekulime nga medie të ndryshme në për botë. Fillimisht u fol se uellsiani kishte braktisur skuadrën për shkak vendimit të presidentit Perez për të prishur në mënyrë të njëanshme negociatat me një klub kinez.

Megjithatë, ka qenë vetë trajneri Zidan që ka zbuluar problemin e vërtetë të uellsianit. Në daljen për shtyp pas humbjes ndaj Totenhem, trajneri francez tha: “Ai nuk udhëtoi me ne, pasi nuk kishte gjendjen e duhur fizike. Pas një diskutimi me doktorët, u vendos që gjëja më e mira ishte që ai të qëndronte në Madrid. Për momentin po stërvitet atje i diferencuar. Vendimi u mor në mënyrë të përbashkët nga lojtari, unë dhe stafi mjekësor”, tha Zidan.

VIDEO | Krizë madrilene, “rrahësi” i radhës është Totenhemi

Sport Ekspres — Tue, 30 Jul 2019 18:18:38 +0000

Nuk është e thënë që Reali të ngrejë kokë gjatë kësaj faze pregatitore. Madrilenët këtë herë kanë rënë pre e yjeve të Totenhemit, që i kanë mundur me rezultatin e ngushtë 0-1. Ndeshjen e ka vendosur Herri Kejn në minutën e 22-të.

Real është treguar një skuadër e brishtë që nuk kishte në mend të reagonte pas golit të anglezëve. Aspak të rrjedhshëm sulmet e tyre dhe tepër të pasakatë para portës, duke dërguar vetëm dy goditje në kuadrat. Një shifër që nuk i shkon aspak për shtat një emri si 13 herë kampionët e Evropës.

Kjo është humbja e tretë në katër miqësoret e fundit. E vetmja fitore e tyre është ndaj Arsenalit, pas gjuajtjeve të penalltive. Zidan duhet të bëjë diçka pas këtyre disfatave. Sezoni nis shpejt dhe kundërshtarët janë gati për të përfituar. Një mesfushor i madh është nevojë reale.

Miqësore

Real Madrid-Totenhem 0-1

Herri Kejn ’22

Foto | Hazard nuk është i njëjti, ka disa kilogramë më tepër

Sport Ekspres — Tue, 30 Jul 2019 13:29:55 +0000

Reali më në fund arriti të kompletonte ardhjen e një prej yjeve më të mëdhenj të futbollit aktual, Eden Hazard. Belgu la Çelsin për të ardhur në Madrid në këmbim të 100 milionë eurove. Megjithatë, më ardhjen e tij në kryeqytet duket se gjërat nuk po shkojnë aspak mirë.
Belgu i ka shijuar më shumë se ç’duhet pushimet, duke e tepruar me ushqimin dhe anashkaluar ditët e palestrës. E gjithë kjo ka sjellë një rritje shumë të ndjeshme të peshës nga ana e 28-vjeçarit. Ai është paraqitur me rreth 8 kilogramë më shumë se pesha e tij normale.

Kjo mbipeshë ka ndikuar edhe në formën e Hazard në fushë. Në Madrid janë të frikësuar nga kjo gjendje e yllit të tyre. Raportohet se edhe Florentino Perez ka shfaqur rezerva për peshën e sulmuesit. Belgut edhe më parë i është dashur të përballet me këtë problem. Kjo ka ndodhur në vitin 2016, kur ishte pjesë e Çelsit.

Plas te Reali, Bejl braktis skuadrën pas veprimit të presidentit Perez

Sport Ekspres — Mon, 29 Jul 2019 21:22:58 +0000

“Telenovela” Gareth Bejl te Real Madrid s’po ka fund. Pak ditë më parë trajneri Zinedin Zidan u shpreh hapur se largimi i uellsianit do i bënte mirë të gjitha palëve të përfshira. U duk se qëndrimi 6-vjeçar i Bejl te “Los Blancos” po vinte drejt fundit, por një vendim i fundit i Florentino Perez ka ndryshuar krejtësisht situatën.

Presidenti i Real Madrid ka mbyllur në mënyrë të njëanshme negociatat me klubin kinez Jiangsu Suning. Investitorët nga lindja e largët ishin të vetmit që u treguan të gatshëm për t’i ofruar 30-vjeçarit një pagë të njëjtë me 20 milionë eurot që ai përfiton aktualisht te Real Madrid.

Vendimi drastik i Perez erdhi pasi pala kineze përdori një taktikë të çuditshme në hapje te negociatave, duke mos ofruar qoftë dhe një qindarkë për kartonin e uellsianit. Ky vendim ka inatosur pamasë lojtarin që është larguar nga grumbullimi i skuadrës, duke refuzuar pjesëmarrjen në turneun “Audi Cup”, ku Real Madrid do ndeshet me Totenhem ditën e nesërme kundër Totenhem.

Zyrtare | Jo vetëm Sebajos, Reali largon një tjetër talent

Sport Ekspres — Mon, 29 Jul 2019 20:01:28 +0000

Reali i Madridit vijon me huazimet e të rinjve, që nuk kanë mundësi të aktivizohen me skuadrën e parë. Këtë herë është radha e Borja Majoral. Sulmuesi, që sapo ishte kthyer në Madrid, nuk do të qëndrojë gjatë në kryeqytet.
Klubi madrilen, nëpërmjet një komunikate zyrtare, njofton se 22-vjeçari do të vazhdojë edhe për një vit tjetër qëndrimin e tij te Levante. Spanjolli ishte pjesë e kësaj skuadre edhe sezonin e shkuar, ku numëron pesë gola dhe tre asiste.

Megjithëse kartoni i tij i përket Realit, e ardhmja e sulmuesit nuk shihet në “Santiago Bernabeu”. Ardhja e Joviç, por edhe forma e ulët e treguar prej tij nuk jep aspak premisa që Zidan ta bëjë pjesë të ekipit. Verën e ardhshme pritet të largohet përfundimisht.

Reali tenton reagimin në Mynih, Zidan “detyrohet” të heshtë

Sport Ekspres — Mon, 29 Jul 2019 15:43:44 +0000

Real Madrid ka nisur përgatitjet pas dy ditëve pushim. Humbja e thellë 7-3 kundër Atletikos së Simeones ishte poshtëruese, edhe pse bëhet fjalë vetëm për një miqësore.

Atmosfera në kampin e “Los Blancos” është shumë e trishtë, ndërsa nesër në orën 18:00 zhvillohet miqësorja e radhës. Reali do të përballet kundër Totenhemit në Mynih për kuadër të Audi Cup.

Zinedin Zidan nuk do të dalë përpara mediave. Formati i Audi Cup nuk organizon konferenca për shtyp përpara përballjeve, duke e ndihmuar këtë rast trajnerin francez.

Fituesi do të përballet në finale të mërkurën me fituesin e duelit Bajern-Fenerbahçe, ndërsa humbësit do të luajnë për vendin e tretë. Një shans i mirë për Realin për të reaguar dhe lënë pas krahëve humbjen e turpshme në derbin që nuk mund të jetë kurrë një miqësore.

Telashe pafund, “ylli” i Realit 7 kg mbipeshë!

Sport Ekspres — Mon, 29 Jul 2019 12:55:12 +0000

“Dita e mirë, duket që në mëngjes” – thotë populli dhe situata e Real Madrid e demonstron më së miri. Klubi i famshëm spanjoll po has probleme të mëdha. Dëmtimet e Asensios, Mendi dhe Joviç, situata me Garet Bejl, “ndarja” e ekipit në dy pjesë në lidhje me uellsianin dhe problemet mes Perez dhe Zidan nuk janë shenja të mira. Për fat të mirë sezoni i ri nuk ka nisu ende, por ai është te dera.

Sikur të mos mjaftojnë këto të gjitha, Reali është shqetësuar edhe në lidhje me Eden Hazard. Belgu është blerja më e mirë e merkatos deri tani, por ka një problem. Sport raporton se fantazisti është mbipeshë.

Ai nuk ka mbajtur regjim gjatë pushimeve dhe Sport raporton se ndodhet 7 kg sipër peshës natyrale! Stafi teknik do ta ndihmojë për të “zhdukur” kilet e tepërta dhe të njëjtën gjë duhet të bëjë edhe Hazard, i cili duhet të jetë në formë për nisjen e sezonit të ri.

Dy opsione për të ardhmen, Bejl i duhet të nxitojë

Sport Ekspres — Mon, 29 Jul 2019 08:55:18 +0000

Garet Bejl nuk e di se çfarë do të ndodhë këtë verë. Sulmuesi i Real Madrid arriti akordin me Jiangsu Suning. Kinezët i ofronin një rrogë sezonale prej 22 milionë eurosh, por operacioni u bllokua në fund pasi Jiangsu vendosi të investonte te Ivan Santini i Anderlehtit.

Shanset për të qëndruar në Madrid janë tepër minimale, kështu që 30-vjeçari duhet të gjejë një tjetër skuadër kineze që i ofron atë rrogë ose të rikthehet në Premier Ligë. Për të parën duhet të nxitojë, sepse merkato në vendin aziatik mbyllet brenda dy ditësh.

Totenhemi dhe Mançester Junajtid janë dy klubet e interesuara për të. Reali mund ta përfshijë uellsianin në operacionin e transferimit të Pol Pogba në kryeqytetin spanjoll.

Bejl qëndron, Reali ndryshon mendje dhe i mohon milionat e Kinës

Sport Ekspres — Sun, 28 Jul 2019 14:27:26 +0000

Garet Bejl ka gjatë gjithë kësaj kohe që tenton të qëndrojë te Reali, ndërsa klubi spanjoll ia ka bërë të qartë me çdo lloj mënyre se duhej të largohej. Trajneri Zidan e ka shprehur publikisht faktin që uellsiani nuk bën pjesë në planet e tij.

Presioni i madh i largimit e bindi më në fund 30-vjeçarin të studionte ofertat që i kishin ardhur. Më tunduesja (nga ana financiare) ishte ajo e Jiangsu Suning. 22 milionë euro në sezon ofronin kinezët dhe Bejl pranoi ofertën e tyre.

Pikërisht në momentin që akordi BCC raporton se Bejl nuk do të transferohet në vendin aziatik. Real Madrid ka bllokuar shitjen dhe ka vendosur të mbajë sulmuesin në Madrid. Situata për “Los Blancos” ka ndryshuar dhe ata nuk duan ta shesin uellsianin, të paktën për momentin.

“Çmendet” Perez, oferta e fundit për Pogba është historike

Sport Ekspres — Sun, 28 Jul 2019 11:24:59 +0000

Florentino Perez nuk e sheh dot Realin në këtë gjendje dhe do të hapë thesin përsëri. Dëmtimet e kanë kushtëzuar shumë, por edhe një ndërhyrje në merkato ishte e nevojshme që përpara miqësoreve. Pol Pogba është objektivi kryesor i të bardhëve.
Francezi dëshiron të bashkohet me Zidan dhe është gati ta lërë Junajtid. Mino Raiola është “gatitu” për realizimin e një operacioni të tillë. Sipas medieve evropiane, Perez ka gati plot 166 milionë euro për të sjellë në “Santiago Bernabeu” kampionin e botës.

Junajtid pritet të dorëzohet përballë këtij “lumi” parash. Milionat e përfituara nga shitja e tij, Solskjaer do i përdorte për të sjellë Sergej Milinkoviç-Saviç dhe Bruno Fernandes. Nëse ky operacion do kryhet, Pogba do ishte blerja më e shtrenjtë e La Ligas, shitja më e shtenjtë e Premier Ligës dhe transferimi e tretë më i madh në histori.

Turpërimi në miqësore nuk falet, Perez revolucion në pankinë?

Sport Ekspres — Sun, 28 Jul 2019 09:37:31 +0000

Real Madridi e ka humbur toruan dhe është shndërruar në një skuadër që sillet në mënyrë amatoreske në fushë. Zidan nuk po arrin të mbledhë ekipin dhe t’u japë një filozofi dhe stil të caktuar.

Miqësoret e verës kanë qenë shumë negative. Edhe pse jo ndeshje zyrtare, mediet spanjolle hedhin “shashkën” e këtyre ditëve. Perez nuk e sheh aspak mirë skuadrën dhe menaxhimin që po bën Zidan. E gjithë kjo e turbullon mendjen e presidentit.

Rrugët e zgjidhjes së kësaj vorbulle në Madrid kalojnë nga Zhoze Murinjo. Portugezi është i papunë prej kohësh dhe po pret ofertë nga një prej gjigantëve të Evropës. Tekniku gëzon një marrëdhënie shumë të mirë me presidentin madrilen dhe rikthimi i tij në drejtim të Realit nuk është diçka abstrakte.

Sergej drejt Junajtid, Pogba-Real është “autostradë”

Sport Ekspres — Sat, 27 Jul 2019 19:37:33 +0000

Pogba ja ka bërë të qartë klubit të Junajtid përmes agjentit të tij se dëshiron të largohet. Anglezët nuk kanë ndërmend të lëvizin në lidhje me ikjen e tij, pa sjellë një tjetër lojtar që i afrohet cilësive të francezit. Mediet evropiane raportojnë se është arritur marrëveshje me Lacion për të transferuar Sergej Milinkoviç-Saviç.

Junajtid do të derdhin 80 milionë euro në arkat e klubit ku drejton Igli Tare. Kjo lëvizje i hap rrugën largimit të Pogba. Juventus dhe Real Madridi janë dy klubet që kanë treguar interes për të. “Zonja” për momentin e ka shumë të vështirë të hyjë në garë për kampionin e botës, duke parë se ka plot 12 mesfushorë në organikën e saj.

Reali ka nevojë urgjente për një mesfushor të madh. Pas humbjeve të njëpasnjëshme dhe dëmtimeve të shumta, me shumë mundësi Perez do të bindet të hapë thesin përsëri për një yll. Do të hasen vështirësi për të bindur Junajtid. Anglezët nuk e kanë aspak me ngut dhe nuk ulen në bisedime nëse nuk vjen një ofertë, që i afrohet 150 milionë eurove.

Zyrtare | “Ulvs” është super, zyrtarizon një madrilen

Sport Ekspres — Sat, 27 Jul 2019 12:33:20 +0000

Reali i Madridit ka shumë talente në gjirin e tij, po do i duhet t’i sistemojë nëpër klube të tjerë për të pasur minuta në dispozicion. Hezus Vajeho është largimi i radhës nga klubi i bardhë. Ulvërhempton ka arritur marrëveshjen e drejtuesit spanjoll për të sjellë në huazim Hezus Vajeho.
Mbrojtësi do të kalojë gjithë sezonin e ardhshëm te “Ujqërit”, për t’u kthyer verën e ardhshme në kryeqytet. Mbrojtësi ka treguar cilësi shumë të mira sa herë është futur, por prania e Varane, Ramos dhe Naço e bën gati të pamundur aktivizimin e rregullt të tij.

Sezonin e kaluar startoi vetëm katër ndeshje në La Liga, ku shënoi edhe një gol. Shkëlqeu me të rinjtë e Spanjës në Kampionatin Evropian U21. Më parë është huazuar te Ajntrahti dhe Real Zaragoza.

Introducing our first new face of the summer! #WelcomeVallejo

??? pic.twitter.com/By2dyeF0R7

— Wolves (@Wolves) July 27, 2019

“Humbje që dhemb. Për ne si miqësore, për Atletikon finale!”

Sport Ekspres — Sat, 27 Jul 2019 12:09:49 +0000

Pavarësisht se vetëm një miqësore humbja e Real Madrid përballë Atletikos së Diego Simeones me rezultatin e thellë 7-3 ka sjellë zhgënjim të madh.

Miqësoret nuk kanë vlerë, por një derbi nuk mund ta humbasësh kurrë me të tilla shifra. Sergio Ramos nuk e fsheh mërzinë, pranon fajin e ekipit dhe nuk rri dot pa “thumbuar” kundërshtarët e të njëjtin qytet.

“Humbje të tilla të dhembin, Ne e morëm ndeshjen si një miqësore dhe gabuam, ndërsa për ata dukej si një finale”, thekson kapiteni i Real Madrid.

Napoli apo Atletiko? Reali merr vendimin për Hames

Sport Ekspres — Sat, 27 Jul 2019 09:19:07 +0000

Real Madrid ka marrë një vendim për të ardhmen e Hames Rodrigez. Fantazisti kolumbian kërkohet prej kohësh nga Napoli dhe Atletiko Madrid. “Los Blancos” preferonin transferimin e tij te nënkampionët e Italisë, ndërsa lojtari dëshironte “colchoneros”.

Megjithatë, ai nuk do të ndryshojë destinacion. El Chiringuito raporton se Reali ka vendosur ta mbajë në ekip 28-vjeçarin. Dëmtimi i rëndë i Marko Asensios, i cili ka mbyllur sezonin ende pa e nisur, dhe largimi i Bejl drejt Kinës kanë ndryshuar planet e Zidan.

Trajneri francez ka vendosur që Hames do të luajë me Realin sezonin e ardhshëm, ndërsa Napoli dhe Atletiko Madrid duhet të piketojnë një tjetër futbollist për rolin e fantazistit.

Reali i pafat, dëmtohet blerja tjetër e verës

Sport Ekspres — Sat, 27 Jul 2019 08:48:10 +0000

Amerika duket se paska qenë tokë e mallkuar për djemtë e Zidan. Përveç disfatave të njëpasnjëshme, një problem edhe më i madh ka lindur në shtëpinë e bardhë. Dëmtimet kanë nisur të shfaqen me shumicë akoma pa nisur sezoni.
Në kapitullimin 3-7 ndaj Atletikos, një tjetër lajm i keq është dëmtimi i Luka Joviç. Sulmuesi ka dëmtuar kyçin e këmbës së majtë dhe nuk duket aspak si një dëmtim i lehtë. Ne minutën e 30-të është dashur që serbi të lërë fushën për t’i lënë vend Karim Benzemas.

Dëmtimi i Joviç është i katërti brenda pak ditësh për Realin. Asensio e ka mbyllur sezonin akoma pa nisur. Ferland Mendi ka shfaqur probleme gjithashtu. Ndërkohë, edhe Brahim Diaz ka pësuar një lëndim në stërvitje.

Zidan: Për Atletikon nuk ishte miqësore

Sport Ekspres — Sat, 27 Jul 2019 07:48:08 +0000

Reali u masakrua 7-3 në miqësoren amerikane nga Atletiko, në një derbi për histori, edhe për ishte veç një miqësore. Pikërisht këtu kapet Zinedin Zidan, i cili në konferencën për shtyp pas ndeshjes u mundua të tregohej më i qetë nga sa duhet të jetë pas një turpi të tillë.

“Hymë shumë keq në ndeshje, nuk ishim fare të përqendruar. Pësuam 2 gola shumë shpejt dhe mori fund, nuk tentuam të përmbysnim gjithçka. Pjesa e parë ishte katastrofë, mungoi gjithçka, nuk ishim në fushë.

“Natyrisht do të flasim me ekipin, por edhe lojtarët e dinë që është e rëndë të pësosh 7 gola. Ishte një miqësore, ata ishin më lart dhe kaq, duhet të shohim përpara. Për Atletikon nuk ishte miqësore, për ne po.

“Hazard ishte dobët? Të gjithë ishim dobët, edhe unë. Megjithatë, jam i bindur se do jemi gati deri në 17 gusht, në çdo drejtim. Kjo skuadër është cilësore dhe do e tregojë.

“Bejl? Është ende me ne, luajti, ndaj nuk di ç’të them më shumë. Të shohim”

S’ka më dilema, Bejl merr valixhet dhe niset drejt Kinës si milioner

Sport Ekspres — Fri, 26 Jul 2019 20:59:10 +0000

Zidan ja ka vënë vizën dhe Bejl do të largohet nga Reali. Klubet që interesohen për të nuk janë të shumtë, duke parë kërkesat e larta financiare të sulmuesit dhe klubit spanjoll. Mund të themi se të gjithë gjigantët evropianë janë dorëzuar dhe e vetmja mundësi e uellsianit është të pranojë milionat kinezë.

“As” raporton se agjenti i tij, Xhonatan Barnet ka rënë dakort mbi termat financiare me klubin e Jiangsu Suning. Aziatikët kanë ofruar kontratë trevjeçare me 22 milionë eurosh për britanikun. Mbetet mbyllja e marrëveshjes me Perez. Raportohet se gjithçka mund të mbyllet brenda kësaj fundjave.

Sebajos te Arsenali, Zidan shpjegon arsyet e transferimit

Sport Ekspres — Fri, 26 Jul 2019 19:14:43 +0000

Dani Sebajos është larguar nga Madridi për të zbarkuar te Arsenali, ku do të luajë sezonin e ardhshëm. Spanjolli përtej cilësive të mëdha nuk arriti të zërë vend në formacionin e Realit.

Yjet e mëdhenj e me eksperiencë janë të shumtë dhe Zidan nuk kishte mundësi t’i ofronte minuta të rregullta të riut. Tekniku në një intervistë konfirmon arsyen e largimit të talentit spanjoll.

“Sigurisht që e kam pasur në konsideratë Sebajos, por atij i duhej të luante vazhdimisht. Këtu nuk mund t’i ofrohej diçka e tillë. Ka shumë lojtarë me eksperiencë dhe konkurrencë të lartë. Ai është një lojtar i madh dhe shpresoj të kthehet edhe më i fortë”, deklaroi strategu francez.

Miqësore “të mallkuara” për Zidan, pas Asensios e pëson mbrojtësi

Sport Ekspres — Fri, 26 Jul 2019 17:57:36 +0000

Reali i Madridit duket se po kalon një fazë parapërgatitore aspak të mirë. “Los Blancos” kanë pësuar dy dëmtime në dy ndeshjet e fundit miqësore dhe nuk janë aspak dëmtime të lehta. Në takimin kundër Arsenalit, u dëmtua Marko Asensio, i cili mendohet se e ka mbyllur sezonin e ri ende pa filluar.

Ndërsa sot, është dëmtuar dhe Ferland Mendi. Mbrojtësi i ardhur me bujë në këtë merkato vere, është dëmtuar para takimit kundër Atletiko Madrid, i vlefshëm për International Champions Cup. Mëngjarashi francez ka pësuar një dëmtim muskular, për të cilin Zidan tha:

“Nuk është aq i rëndë sa dëmtimi i Asensios, por këto dëmtime po më bëjnë nervoz. Duket se jemi të mallkuar, situata nuk është aspak e mirë. Do të mbarojmë këto ndeshje miqësore dhe do të rikthehemi në Madrid, aty ku do të studiojmë lojtarët që kemi në dispozicion dhe merkaton në vazhdim”, tha mes të tjerash tekniku francez.

Bejl “fut në sherr” Zidan me Modriç, tjetër dëmtim te Reali

Sport Ekspres — Fri, 26 Jul 2019 11:26:33 +0000

Çështja e Garet Bejl shqetëson Realin e Madridit dhe po jep pasoja negative në ekip. Zinedin Zidan nuk e sheh pjesë të planeve për sezonin e ardhshëm dhe kërkon largimin e tij, por uellsiani as që ka ndërmend të lëvizë.

Ai ka edhe tre vite kontratë me “Los Blancos” dhe dëshiron të respektojë kontratën deri në fund. Gjatë këtyre ditëve u përfol për një ndarje në dy kampe te Reali: grupi i Sergio Ramos që janë kundër Bejl dhe grupi i Luka Modriç që janë pro tij dhe kërkojnë më shumë respekt për të.

Dëmtimi i Marko Asensios, i cili theu ligamentin e gjurit dhe humbi sezonin, e ka bërë të domosdoshme qëndrimin e Bejl në ekip. Zidan nuk heq dorë nga kokëfortësia e tij dhe ka patur një debat të zjarrtë më Luka Modriç.

Don Balon raporton se trajneri francez dhe fituesi i “Topit të Artë” nuk janë kursyer përballë njëri-tjetrit, madje ka patur edhe ngritje tonesh. Tema ka qenë sulmuesi 30-vjeçar: Zidan insiston në largimin e tij nga ekipi, ndërsa mesfushori kroat mendon ndryshe, sidomos tani pas dëmtimit të Asensios.

Dëmtim ka pësuar edhe Ferland Mendi. Mbrojtësi francez erdhi këtë verë nga Lioni, por do duhet të presë për debutimin zyrtar me “merengues”. 24-vjeçari ka patur probleme në kofshën e djathtë dhe do të qëndrojë pushim të paktën një muaj.

E kryer, mbrojtësi i Real Madrid zbarkon në Angli

Sport Ekspres — Fri, 26 Jul 2019 07:00:31 +0000

Hesus Vajeho s’do të jetë pjesë e Real Madrid për sezonin e ardhshëm. Transferimi i Eder Militaos nga Porto ka vulosur të ardhmen e 22-vjeçarit larg Madridit.

Nga kjo situatë kanë përfituar anglezët e Ulvërhempton. Klubi në pronësi të superagjentiy portugez Zhorzh Mendesh ka siguruar shërbimet e mbrojtësit spanjoll.

Megjithse ende nuk ka ardhur zyrtarizimi, gjithçka mund tê quhet e kryer pasi Vajeho ishte dje në stadiumin e Ulv për të parë ndeshjen kundër irlandezvo-veriorëve të Krusejdërs.

Për momentin nuk bëhet e ditur nëse kemi të bëjmë me një blerje përfundimtare ose me një huazim.

Zyrtare | Arsenal prezanton ardhjen e yllit spanjoll

Sport Ekspres — Thu, 25 Jul 2019 13:50:22 +0000

Arsenali, në mungesë të fondeve të duhura për të blerë një lojtar klasi, ka zgjedhur ta huazojë atë. Dani Sebajos do të jetë futbollist i “Topçinjve” për gjithë sezonin e ardhshëm. Mesfushori vjen nga Reali i Madridit, ku nuk arriti të gjejë hapësirat e duhura.

Zidan dëshiron një mesfushë vetëm më lojtarë të mëdhenj të afirmuar në arenën botërore. Arsenal ka nevojë për një fantazist si 22-vjeçari. Ai pritet të marrë frenat e mesfushës londineze. Sebajos tregoi potencialin e tij të madh në Europianin e U21, ku “Furia e Kuqe” u shpall kampion.

?? #HolaDani ?

Welcome to The Arsenal, @DaniCeballos46 ? pic.twitter.com/8gZLggahJZ

— Arsenal FC (@Arsenal) July 25, 2019

E kryer | Vendoset e ardhmja e Hames, zyrtarizimi varet nga Milani

Sport Ekspres — Wed, 24 Jul 2019 20:31:49 +0000

Napoli i thotë lamtumirë Hames Rodrigesit. Mediet spanjolle raportojnë se Atletiko ka arritur marrëveshjen me Realin dhe shumë shpejt 28-vjeçari do të zyrtarizohet si ylli më i ri në “Wanda Metropolitano”.
Lançimi i tij nga klubi varet nga lëvizja e Korreas në Milano. Me kalimin e argjentinasit në Itali, menjëherë do të pasojë ardhja e Hames në Madrid. Agjentët e Korreas dhe përfaqësuesit e Atletikos janë në Milano dhe marrëveshja mes palëve është shumë pranë. Po diskutohen detajet e fundit.

Atletiko është një nga klubet që ka bërë më shumë merkato në Evropë. Përtej shumë largimeve, Simeone nuk pritet të ndiejë mungesën e askujt me gjithë ata yje që po zbarkojnë në klubin bardhekuq. Hames do të jetë një nga udhëheqësit e ekipit. Kolumbiani pritet të lëvizë si një elektron i lirë nëpër mesfushën e “Los Colchoneros”.

Dëmtimi horror i Asensio, reagimi i Zidan i thotë të gjitha

Sport Ekspres — Wed, 24 Jul 2019 19:31:17 +0000

Talenti është një nga komponentët më të rëndësishëm në futboll, por nëse nuk e ke fatin me vete gjithçka shndërrohet në një “mal të thepisur”. Marko Asensio po bëhej gati për të nisur sezonin e tij të ri me Realin e Madridit, por nuk paska qenë e thënë të ndodhë kështu.

Ylli i të bardhëve në një duel me Obamejang ka përfunduar me thyerje të ligamentit të gjurit. Kjo do të thotë se ky sezon, për të nuk do nisë kurrë. E madhe keqardhja nga të gjithë, përfshirë edhe Zinedin Zidan.

Francezi ka vënë duart para syve për të mos e parë yllin e ekipit të tij në atë gjëndje, si ta dinte se ky sezon kishte përfunduar për të. Hidhërim i madh për 23-vjeçarin, që tani i duhet mbështetja e të gjithëve.

Zidane’s reaction says it all. So does Asensio’s ? ? pic.twitter.com/UUpwEhCmvc

— RMadridHome (@RMadridHome_) July 24, 2019

A close look at Asensio’s injury that may force Zidane to eat his own words and keep Gareth Bale… pic.twitter.com/B5eIRFeEww

— Douglas (@iamdouglaseze) July 24, 2019

Bejl ndan Realin në dy kampe, Ramos kundërshton Modriç

Sport Ekspres — Wed, 24 Jul 2019 14:27:50 +0000

Garet Bejl ka shkaktuar shumë debate. Siç raportohet nga mediet spanjolle, edhe lojtarët e ekipit kanë hapur një debat në lidhje me largimin e uellsianit. Aktori kryesor është Serxho Ramos. Kapiteni është krah klubit. Këtë vendim ai e arsyeton me sjelljen jokorrekte të Bejl në stërvitje dhe mungesën e vëmendjes për futbollin.
Bejl harxhon tmerrësidht shumë kohë duke luajtur golf dhe kjo sipas Ramos, nuk është asgjë normale sepse pasohet nga humbja e vëmendjes ndaj klubit të tij. Mbrojtësit i bashkohet edhe Benzema, që duke parë marrëdhëniet e mira të tij me Zidan nuk ka sesi të ndodhë ndryshe.

Në kampin tjetër është Luka Modriç. Kroati nuk del kundër klubit, por mendon se uellsiani duhet të ishte trajtuar më denjësisht pas gjithë asaj që ka dhënë për atë fanellë. Gjithashtu, mesfushori ka idenë se Zidan mund të zgjidhte fjalë më të buta për të shpjeguar situatën e Bejl për mediet. Përtej gjithë kësaj uellsiani është drejt largimit.