Vendimet e Disiplinës, reagon Tomori: “Pse vetëm ne si të njerkës?!”

Sport Ekspres — Wed, 20 Feb 2019 16:32:46 +0000

Komisioni i Disiplinës dënoi skuadrën e Tomorit me humbje 0-3 në tavolinë përballë Bylisit dhe me zbritjen e tri pikëve në renditje, për shkak të bojkotit që klubi beratas bëri. Pas vendimeve të Komisionit të Disiplinës, ka reaguar klubi i Tomorit me anë të një postimi në faqen e tyre zyrtare në “Facebook”, duke shkruar:

Futboll Klub Tomori | Opinioni ynë
Vendimet e Komisionit të Disiplinës (sot) treguan dy standarte kur hidhen shishe me uji në fushën e lojës. TURP!!! Pse vetëm ne si të njerkës?!

VENDIMI!
Ishim në dijeni për atë çfarë përcakton rregullorja në rast se një ekip nuk paraqitet në njërën prej ndeshjeve të kampionatit. Ndaj, lajmi për humbjen në tavolinë 0-3 dhe zbritjen e 3 pikëve nga klasifikimi nuk përbënë diçka të re për klubin tonë. Ne i treguam FSHF-së që jemi të gatshëm të sakrifikojmë 9 pikë, por jo të na i rrëmbeni ato me “hajdutëri”. Kemi një skuadër që nuk tundohet nga asnjë prej ekipeve elitare, dhe jo më… Apolonisë. Na duhen vetëm 3 minuta për të mposhtur Apoloninë, qoftë në Berat, ashtu edhe në Fier.

RIKTHEHEMI NË FUSHË
Tomori do të rikthehet këtë fundjavë në fushën e blertë ndaj KF Elbasani, ku këtë herë jemi më të uritur se kurrë për të treguar më të mirën në fushën e lojës. Skuadra po përgatitet intensivisht dhe atmosfera është pozitive. Nuk na poshtërojnë dot disa pseudo-zyrtarë, arbitra apo edhe serbët bardhejeshil.

MIQËSORJA
Është mbyllur me fitoren e ballshiotëve 2-1 ndeshja miqësore ndaj Bylisit, ku autori i golit për skuadrën tonë ka qenë mesfushori Salvador Gjonaj. Kjo ndeshje u zhvillua në kuadër të ndeshjes së kontrollit.

Problemet në klub, reagon Kamza: Mos hidhni baltë mbi punën tonë!

Sport Ekspres — Sun, 03 Feb 2019 16:54:30 +0000

Ndeshja kundër Partizanit e pa Kamzën të luante pa 8 titullarë në fushë dhe sipas informacioneve të shumta, mungesat ishin për shkak të mos shlyerjeve të pagesave kundrejt lojtarëve, që e bojkotuan këtë takim. Por menjëherë pas ndeshjes, ka ardhur reagimi i klubit periferik të kryeqytetit, të cilët kanë thënë se lojtarët nuk kanë qenë mirë psikologjikisht, por kjo nuk dihet të jetë diçka që mediat duhet të merren, por të merren me gjykimin, sipas tyre, skandaloz përballë Tiranës. Më poshtë, do të lexoni dhe reagimin e plotë të klubit të Kamzës për këtë situatë:

Reagimi i klubit të Kamzës

– Reagim –

Duke lexuar lajmet e fundit ku aludohet dhe akuzohet skuadra jone, habitemi kur fusha e blerte tregoj nje futboll burreror dhe te luftuar.

Problemet e shumta qe kemi, te cilat na kane ndikuar ne gjendjen tone, sigurisht qe na kane krijuar probleme.

Nuk ka asnje habi qe te kemi lojtare te demtuar si Plaku, Fukui dhe te tjere, apo afrimet e fundit qe ende nuk kane gjendjen optimale per aktivizim. Por gjithashtu i mirekuptojme edhe lojtaret tane qe nuk ishin ne gjendje psikologjike te zbrisnin ne fushen e lojes, pasi edhe ata kane hallet e tyre dhe jane njerez si te gjithe ne.

Mediat merren me formacionin tone, por si klub jemi krenar per ata lojtare te rinj qe sot treguan se jane e ardhmja e klubit tone.

Mediat kane nisur te bejne rrolin e matrapazit, pasi merren me aludime dhe nuk merren me arbitrat e ndeshjes ndaj Tiranes qe vendosen ne menyre te njeanshme ate sfide me gjykimin skandaloz. Ne nuk komentuam sfiden ndaj Tiranes duke ia lene ne dore analisteve dhe mediave, por pam nje reagim te vaket, jo realist dhe tendencioz.

Ata qe kerkojne te hedhin balte mbi ekipin tone me pare te “pastrojne balten” qe i ka zene syzet e tyre per te pare realitetin e turpshem ne fusha te tjera ku sundojne pazaret dhe klanet e turpshme anti-Kamza, por edhe dhuna, “cilesi” qe kurre s’ka qene pjese e jona, pasi Kamza ka qene gjithmon “Fair Play”.

Ndodhemi ne nje moment te veshtire por kjo s’do te thote se jemi dorezuar. Do ta shihni te gjithe forcen tone, pasi nuk do te dorezohemi ndaj asnje pazari qe behet ne kurrizin tone dhe ndaj asnje maskarade te kurdisur ku dikush shikon i qete kete llumnaj te madhe.

I lutemi mediave te transmetojne realitetin e nje skuadra e lene ne balte nga Bashkia, te cilen familja Qarri s’do ta le kurre ne kete batak. Te nje skuadre qe mes shume halleve respekton garen duke luajtur burrerisht edhe me djemte e rinj te cilet ju ne vend ti ekspozoni dhe inkurajoni, i dekurajoni me zhgarravinat tuaja.