RB Leipzig

De Ligt iku, Barça ka dy emra të tjerë në vend të tij

Sport Ekspres — Wed, 17 Jul 2019 20:11:13 +0000

Barcelona është humbësja e madhe në transferimin e Matijs De Ligt te Juventusi. Katalanasit ishin shumë pranë yllit holandez, por kushtet më të mira që ofroi “Zonja” e vulosën dështimin e klubit katalanas.

Për ta zbutur këtë kapitullim në “Camp Nou” është hedhur ideja e blerjes së një talenti tjetër. Dajot Upamekano (20 vjeç) dhe Ibrahima Konate (20 vjeç) janë dy alternativat e Bartomeut për të sjellë në dispozicion të Valverdes.

Të dy francezët luajnë me Laipcig dhe klubi gjerman nuk ka në plan t’i lërë të ikin lehtë. Për Upamakanon kërkojnë 35 milionë euro, ndërsa për Konate 50 milionë. Shifra që e shqetësojnë jo pak klubin katalanas, duke parë vështirësitë financiare që kanë shkaktuar blerjet e Grizman dhe De Jong.

Çmenduria e Lajpcigut, 12 mln euro për të panjohurin e Liverpulit

Sport Ekspres — Wed, 24 Apr 2019 09:54:29 +0000

Laipcigu është vënë në sulm për të siguruar shërbimet e një prej talenteve të Liverpulit. Lojtari portugez i Liverpulit, Rafael Kamaço ka rënë në radarin e disa klubeve e mes tyre edhe të gjermanëve. 18-vjeçari nuk mund të themi akoma se është një lojtar i afirmuar dhe se e ka treguar potencialine tij.

Megjithatë drejtuesit e Lajpcigut duket se kanë besim tek aftësitë e tij dhe e duan me patjetër. Ata janë gati të ofrojnë plot 12 milionë euro për talentin 18-vjeçar. I riu përveç gjermanëve ndiqet nga Sportingu i Lisbonës, por edhe klube të tjera në Spanjë dhe Angli.

Kontrata e tij aktuale me të kuqtë skadon në vitin 2020. Portugezi nuk ka pranuar të rinovojë, por dëshiron të largohet nga Anfield. Sigurisht kjo vjen edhe nga koshienca e tij se në rast qëndrmi minutat e aktivizimit do të jenë me pikatore.

Dhjetë klube pas Verner, Lajpcigu me plan për ta “blinduar”

Sport Ekspres — Fri, 25 Jan 2019 16:58:10 +0000

Timo Verner kërkohet nga gjysma e Europës. Sulmuesi i Lajpcigut është një nga premtimet më të mëdha të futbollit gjerman dhe klubi po bën maksimumin për të… përfituar sa më shumë nga ai.

Kontrata e 22-vjeçarit me Lajpcigun përfundon në verën e vitit 2020 dhe drejtuesit po mendojnë t’i ofrojnë rinovimin deri në vitin 2024. Vernerin e pret një dyfishim rroge (nga 3.1 milionë euro në 6 milionë) dhe klauzola e largimit të tij do të jetë 70 milionë euro.

Për sulmuesin interesohen dy klubet nga Mançesteri, Liverpuli, Çelsi, Bajerni i Mynihut, Dortmundi, Barcelona, Reali i Madridit, Juventusi dhe PSG.

E pabesueshme, ylli i Gjermanisë u zëvendësua për shkak të zhurmës në stadiumin e Beshiktashit!

Sport Ekspres — Wed, 27 Sep 2017 09:52:50 +0000

Edhe këtë nuk e kishim dëgjuar kurrë: një futbollist që nuk luan dot për shkak të zhurmës në stadium!

I ka ndodhur yllit të ri të futbollit gjerman, Timo Verner, i konsideruar si e ardhmja e kombëtares dhe i kërkuar nga Real Madridi e shumë klube me emër.

Sulmuesi i Lajpcigut luajti rreth 30 minuta dje në Stamboll, ndaj Beshiktashit, para se të zëvendësohej, në një ndeshje që u mbyll shpejt, me turqit triumfues. Mediat gjermane raportuan për dëmtim dhe ai ishte lajmi kryesor, përveç humbjes së Lajpcigut, por a ishte ashtu?

Sot ka dalë në qarkullim lajmi i ri: Verner nuk luante dot nga zhurma e tifozerisë së Beshiktashit! Niveli i zhurmës në stadiumin e ri të klubit turk arrin nivele të frikshme, aq sa bezdis ndonjëherë edhe trajnerin e Beshiktashit, Senol Gynesh: ” atmosferë fantastike, ndonjëherë zhurma më bezdis edhe mua”.

Verner u fut në fushë me tapa në vesh, por e kishte të pamundur të luante dhe kishte marrje mendsh! Histori e rrallë, nëse konfirmohet nga Lajpcigu…