Raul

Kapelo: Shuker dhe Mijatoviç nuk i pasonin Raulit! Ikardi? Problemin ta zgjidhë… Spaleti

Sport Ekspres — Mon, 04 Mar 2019 15:21:41 +0000

Çështja e Mauro Ikardit është akoma kryefjala e situatës së Interit. Ekipi po mundohet të përqendrohet në fushën e blertë, por pasojat e çarjes janë ndjerë dhe rezultatet nuk po vijnë. Fabio Kapelo ka qënë gjithmonë një trajner shumë i fortë dhe aspak tolerant. Cilësi pozitive kur vjen fjala për të mirën e grupit. Italiani ka një këshillë për trajnerin Spaleti, i cili është personi që duhet të zgjidhë problemin.

Në një prononcim për “Sky Sports”, 72-vjeçari rikthehet pas në kohë kur drejtonte Realin e Madridit. Klubin mbretëror e ka drejtuar në dy periudha: gjatë sezonit 1996/1997 dhe gjatë një dekade më vonë. Në të dyja rastet nuk ka qëndruar më shumë se një vit, por ka arritur që të fitojë dy tituj kampionë. Gjatë periudhës së parë, ai po haste një problem të madh në repartin ofensiv. Davor Shuker dhe Predrag Mijatoviç nuk dëshironin qw t’i pasonin topin Raulit.

Kapelo i mori dy rebelët sllavë mënjanë, foli me ta, me siguri që nuk kanë munguar as ngritja e toneve, dhe situata u zgjidh. Ekipin fitoi kampionatin në fund të sezonit me vetëm 2 pikë më shumë se Barcelona.

Kapelo, Mijatoviç dhe Raul

“Spaleti duhet të bisedojë me njerëzit e përfshirë në këtë çështje. Ai nuk duhet të merret me shtypin. Në këto raste, ti duhet të marrësh lojtarët mënjanë dhe duhet të zgjidhësh problemin. Një gjë e ngjashme më ka ndodhur dhe mua kur drejtoja Realin e Madridit. Shuker dhe Mijatoviç nuk preferonin t’ia pasonin topin Raulit. Unë diskutova me të dy dhe diçka e tillë nuk ndodhi më”, përfundon “Don Fabio”.

VIDEO | Gol historik për Benzemanë, vetëm tre legjenda ia kalojnë francezit

Sport Ekspres — Thu, 14 Feb 2019 08:18:42 +0000

Karim Benzema është ndër ata sulmues që kritikohet shpesh për numrin e pakët të golave, megjithëse prej vitesh është pjesë e një klubi gjigant si Real Madrid. Megjithatë, Benzema nuk përse të dëgjojë kritikët, pasi trashëgimia që francezi do të lërë në fund të karrieës së tij do ta vërë atë mes legjendave të këtij sporti.

Goli i shënuar dje kundër Ajaksit të Amsterdamit ishte i 60-ti për Benzemanë në Champions League. Francezi bëhet lojtari i katërt në histori që arrin shënon këtë numër golash në kompeticionin më prestigjioz të futbollit europian.

Tre lojtarët e vetëm që lënë mbrapa 31-vjeçarin janë Raul (71), Mesi (106) dhe Kristiano Ronaldo (121). Mesi dhe Ronaldo janë të paarritshëm, por francezi i ka të gjithë shanset për ta ulur spanjollin Raul Gonzales nga vendi i tretë në “podiumin” e golashënuesve të Champions League.

Real për të ardhur keq, edhe legjenda madrilene nuk e sheh dot

Sport Ekspres — Tue, 02 Oct 2018 22:41:24 +0000

Që Reali i Madridit është në një moment të keq, kjo dihej, por pakkush e priste që kampionët e Europës të mundeshin në Moskë nga CSKA.

Përtej problemeve në kampionat, Reali është në vendet e para dhe sapo kishte kaluar dy ndeshje tepër të vështira, ndaj kthimi në Champions League dukej si ilaç, për një skuadër të mësuar të dominojë e të zbavitet në Europë.

Megjithatë, ashtu si në La Liga, u pa një Real mediokër. Që në fillim CSKA gjeti golin pas një gabimi nga Kros dhe me pas Reali dominoi vetëm në aspektin e zotërimit të topit, pa bere asgjë serioze dhe duke dhënë përshtypjen se nuk do të shënonte as pas 5 orësh futboll.

Në tribunë ishte edhe legjendari Raul, por mjafton një pamje e tij gjatë ndeshjes për të kuptuar sa pak po zbavitej nga ajo që po shihte.