Raul Albiol

Përforcohet Vijareali, rikthen mbrojtësin në Spanjë

Sport Ekspres — Thu, 04 Jul 2019 13:09:13 +0000

Vijareal vuajti shumë për të qëndruar në La Liga sezonin e kaluar. Drejtuesit e klubit nuk dëshirojnë ta shikojnë më ekipin në ato ujëra dhe kanë vendosur të bëjnë një merkato cilësore.

Gjatë ditës së sotme është prezantuar Raul Albiol. Mbrojtësi 33-vjeçar, i cili numëron 33 ndeshje të zhvilluara me kombëtaren spanjolle, vjen nga Napoli, ekip në të cilin u aktivizua gjashtë sezone.

Gjiganti i repartit defensiv ka firmosur një kontratë 3-vjeçare me “nëndetësen e verdhë”, që pagoi 3.6 milionë euro në arkat e nënkampionëve të Italisë.

DONE DEAL: @VillarrealCF have confirmed the signing of Raul Albiol from Napoli on a three-year contract for a reported fee of £3.6m.

? via @VillarrealCF pic.twitter.com/qFT0BcaniA

— Squawka News (@SquawkaNews) July 4, 2019

Probleme te Napoli, qendërmbrojtësi pranë largimit

Sport Ekspres — Tue, 25 Jun 2019 15:05:16 +0000

Napolit tashmë do i duhet të kërkojë për një qendërmbrojtës cilësor dhe me eksperiencë. Një nga lojtarët kyç të gjashtë sezoneve të fundit, Raul Albiol do të largohet këtë verë. Gazeta spanjolle “AS” bën me dije se 33-vjeçari ka arritur marrëshje me Vijarealin dhe do i bashkohet “nëndetëses së verdhë” ditët e ardhshme.
Spanjollët do të derdhin 6 milionë euro në arkat e Napolit, me qëllim që Albiol të lihet lirë. Ai pritet të marrë figurën e liderit te Vijareal, që kohët e fundit ka vuajtur praninë e një lideri në pjesën difensive.

Raul largohet pas plot gjashtë sezonesh nga Napoli. Të kaltrit e morën me shumë bujë nga Reali i Madridit, të cilëve u paguan 12 milionë euro në 2013-ën. Gjatë kësaj kohe ai ka qenë një lider i padiskutueshëm në mbrojtje dhe bashkë me Kulibali formuan një dyshe shumë të fortë.

Ançeloti në vështirësi, i vjen në ndihmë… Rafael Nadal!

Sport Ekspres — Fri, 08 Feb 2019 12:25:43 +0000

Një dëmtim ka shqetësuar Napolin dhe trajnerin Ançeloti. Një nga pikat më të forta të mbrojtjes, Raul Albiol është lënduar dhe mund të mungojë gjatë. Spanjolli është dëmtuar në gjurin e majtë dhe rrezikon të qëndrojë për një kohë të gjatë jashtë fushave të blerta.

33-vjeçari do të udhëtojë sot drejt Valencias për t’u rikthyer në shtëpi, ndërsa ka kryer një konsultë me Angle Ruiz-Kotorro, mjekun e famshëm spanjoll që punon prej 15 vitesh me Rafael Nadal.

Mbrojtësi i Napolit ka një miqësi me tenistin e famshëm dhe ky i fundit i ka sugjeruar një kontroll te doktori. Albiol mund të përdorë një kurë me qeliza burimore për t’u rikthyer më shpejt dhe më i fortë në fushë.

Tashmë priten përgjigjet e testeve për të përcaktuar më saktë kohën që Ançeloti do të bëjë pa shërbimet e një prej pikave të forta të repartit difensiv.