Sot, pas takimit miqësor kundër Evertonit, Rashica është vlerësuar me çmimin “Lojtari më i mirë i sezonit 2018-19”, çmim për të cilin votuan të gjithë tifozët e Verder Bremenit. Drejtuesit e klubit gjerman thanë se ky çmim është mëse i merituar për Rashicën, i cili i premtoi dhe besnikëri Verderit, duke vendosur të qëndrojë në Gjermani.

Lacio triumfoi 4-2 në fund përballë Paderbornit, ekip me të cilin u aktivizua edhe mesfushori Jurgen Gjasula. Milot Rashica u aktivizua 90 minuta në takimin miqësor mes Verder Bremenit dhe Evertonit, duke bërë një paraqitje shumë të mirë.

Ndërsa në Angli, sot startoi liga e dytë angleze, Championship dhe Celina zbriti në fushë për ekipin e Suonsit. Fantazisti i Kosovës luajti titullar përgjatë gjithë takimit dhe ndihmoi ekipin e tij të fitojë me përmbysje 2-1.

“Shqipëria? Të gjithë janë të çmendur për futbollin atje. Unë mendoj se jam një nga lojtarët më të famshëm në vend. Përpiqem ta përdor atë vëmendje për të bërë sa më mirë.”

“Ndeshja e bamirësisë? Ishte një ndjenjë e bukur. Nuk ka më mirë se të jesh në gjendje t’i ndihmosh njerëzit në nevojë.”

“Sezoni i ri me Verderin? Mendoj se mund të kualifikohemi në “Europa League”, sepse kemi një ekip të mirë. Do të bëj gjithçka që mundem për të shënuar sa më shumë gola.”

“E ardhmja? Për të gjitha këto gjëra kam menaxherin tim, i cili është gjithashtu një mik i mirë. Sigurisht që gjithmonë ka interes nga klubet, por nuk shqetësohem aspak për këtë. Zgjatje e kontratës që tani? Nëse është më mirë për mua dhe gjejmë një zgjidhje, do ta bëjmë këtë”, u shpreh Rashica.

FAMA NË KOSOVË – “Në Kosovë çdokush është i çmendur pas futbollit. Mendoj se jam një ndër futbollistët më të njohur dhe kjo më bën paksa krenar. Përpiqem që ta përdor këtë famë që kam fituar për të bërë gjëra të mira si pjesëmarrja në bamirësi të ndryshme”.

E ARDHMJA – “Sigurisht, që ka pasur gjithmonë interes nga klube të ndryshme, por kjo nuk është diçka që më shqetëson. Rinovimi me Verderin mbetet një opsion për mua. Nëse biem dakord me kushtet e kontratës, pse jo. Megjithatë, për momentin unë dhe agjenti im nuk po mendojmë për këtë gjë”.

SEZONI I RI – “Na janë larguar shumë pak lojtarë dhe i  gjithë grupi njihet mirë. Mendoj se këtë vit mund t’ia dalim të kualifikohemi në Europa League. Me ikjen e Maks Kruzes ka më shumë përgjegjësi për sulmin, por nuk ndihem në presion. Jam ndër atë njerëz që besojnë shumë te vetja”.

Kohfeldt pranoi se Rashica është përmirësuar tepër dhe se është pikërisht ylli shqiptar lojtari i tij më i rëndësishëm: “Kur Rashica merr topin, tani lojtarët kundërshtarë e kanë frikë. Kjo gjë është shumë e rëndësishme për Verderin tim, pasi ai merr me vete dy futbollistë dhe kjo gjë i shërben skuadrës.

Për mua, ai është i vlefshëm sa një gol në fushën e lojës. Në sezonin e ri, uroj që të përsërisë gjysmën e dytë të sezonit të shkuar. Maks Kruze? Do ta ndërtoj ekipin rreth Rashicës, ai është çelësi i Verderit tim”, përfundoi trajneri.

Në janar, flitej për një kalim të dardanit te skuadra angleze e Kristal Palas, që militon prej disa vitesh në Premier League. Edhe tani në merkaton e verës, ka oferta për sulmuesin e Kosovës, por duket se Rashica ka vendosur të qëndrojë te Verderi, të paktën dhe për një sezon.

Si çdo prag fillimsezoni, skuadrat e nisin gjithçka nga e para, që nga faza përgatitore, deri te uniformat e reja dhe numrat që futbollistët do të mbajnë në fanellë. Rashica mbajti numrin 11 te Verderi sezonin e shkuar, por sezonin e ri, skuadra gjermane i ka plotësuar dëshirën për të mbajtur në shpinë fanellën me numrin 7, atë që mban dhe te përfaqësuesja e Kosovës. Duket se Rashica ka gjetur klubin perfekt dhe është ambientuar mjaft mirë.

“Po, është kënaqësi të jem këtu me Milotin për legjendën e Kosovës, Fadil Vokrrin. Krenar që e kemi pasur një legjendë si ai”, nisi fjalën e tij Granit Xhaka. “Kosova ka humbur një imazh shumë të lartë e të rëndësishëm. Edhe kur flas me trajnerin e kombëtares së Zvicrës, Vladimir Petkoviç, ai e njeh shumë mirë Vokrrin. Ndihemi krenar ku një person si Petkoviç e njeh një legjendë tonën”, u shpreh Xhaka.

Ndërsa Rashica tha: “Të gjithë e dimë se sa i rëndësishëm ka qenë Fadili për ne. Jo vetëm për ne, për Federatën dhe për njerëzit në Kosovë, po në veçanti për ne si futbollistë, e kemi pasur një shembull të cilin jemi munduar ta ndjekim. Na ka përkrahur jashtëzakonisht shumë dhe normalisht që për të gjithë ne ka qenë një humbje shumë e madhe. Këto sukseset që i kemi arritur me Kosovën deri më tani, i dedikohen atij.”

Xhaka dhe Rashica arritën të shënonin, duke çuar peshë të pranishmit në stadium. Edhe futbollistët e kombëtares shqiptare të futbollit nuk munguan. Mavraj dhe Lenjani kishin minuta, madje ky i fundit shënoi dy gola për ekipin e Rashicës. Një eveniment që ndodh për herë të parë në trojet shqiptare dhe në “Fadil Vokrri” u shijua një spektakël i rrallë.

MIQËSORE

Xhaka – Rashica   4-4

Xhaka dhe Rashica do të jenë kapitenë të skuadrave të tyre. Ditën e sotme janë bërë të ditura emrat  e lojtarëve që do të marrin pjesë në këtë ndeshje. Personalitete nga futbolli, sporte të ndryshme, muzika dhe fusha të tjera do shkelin në fushën blertë.

Bien në sy emrat e reperëve si Ledri Vula dhe MC Kresha, ndërsa ka pjesëmarrës do të jetë basketbollisti i njohur Dardan Berisha dhe boksieri Haxhi Krasniqi. Ermir Lenjani, Mërgim Mavraj dhe Arlind Ajeti jaën gjithashtu pjesë e listës.

Në skuadrën e Granit Xhakës do të jetë babai i tij Ragip Xhaka dhe sulmuesi i Bazelit, Albian Ajeti. . Për këtë ndeshje ka nisur edhe shitja e biletave. Në tribunën lindorë një biletë kushton 2 euro, kurse në tribunën perëndimore 3 euro.

Tribuna e tjera do të jenë falas, ndërkohë që të ardhurat do të shkojnë për familjet e varfra. FFK dhe Komuna e Prishtinës e mbështesin këtë aktivizimet, ndërsa sa i takon biletave, ato po shiten në Rave Travel dhe në kioskën e qytetit të Prishtinës.

Me fitoren e sotme Kosova shkon në kuotën e pesë pikëve në grupin e tyre, një më pak se Anglia dhe Republika Çeke. E veçantë e kësaj ndeshjeje ishte dhe atmosfera e krijuar nga 1000 tifozë të Kosovës që nuk ndaluan së mbështeturi skuadrën e tyre në çdo minutë të takimit.

BULLGARI 2 – 3 KOSOVË
Shënues: Popov 43′ Dimitrov 55′, / Rashica 14′, Muriqi 64′ Rashani 90+2′

14′ – Rashica shënon golin e parë të takimit.  22-vjeçari nuk gabon nga pak metra larg portës.

https://www.instagram.com/p/ByipyqQHlPH/?utm_source=ig_web_copy_link

43′ – Popov barazon për Bullgarinë. Numri 10 i vendasve shënon një gol mjaft të bukur nga një largësi e konsiderueshme.

Vetë sulmuesi 22-vjeçar ka folur për mediat gjermane për sezonin e tij, ku u shpreh: “Kam pasur disa vështirësi në fillim të sezonit, por jam shumë i kënaqur me mënyrën si jam paraqitur. Personalisht, mendoj se kam bërë shumë mirë dhe i kam arritur objektivat që i kisha vendosur vetes, por thjesht do të doja që skuadra të arrinte gjëra më të mëdha.

Por asgjë nuk ka mbaruar dhe ky është vetëm fillimi. Sezonin tjetër, nisemi sërish. I kemi vënë syrin disa objektivave ambiciozë dhe duam të arrijmë shumë. Dhe unë personalisht, dua të arrij gjëra të mëdha dhe do të punoj shumë për këtë gjë”, u shpreh ylli i Kosovës.

Për të sqaruar situatën ka ndërhyrë drejtori sportiv i Verder Bremen, Frank Bauman, i cili ka zbuluar se klubi ku ai punon nuk ka marrë asnjë ofertë për 22-vjeçarin.

“Jam në dijeni të lajmeve që po qarkullojnë, por për momentin nuk na ka kontaktuar asnjë klub ose agjent në lidhje me këtë çështje. Miloti ndihet shumë mirë këtë dhe ne po kujdesemi për të”.

“Besoj se të gjithë biem dakord që ai mund të zhvillohet akoma më shumë dhe te Verderi është ambienti i duhur për të, ndodhet në duar të sigurta. E ardhmja do të sqarojë gjithçka, Miloti është ende shumë i ri dhe nëse do të vazhdojë të luajë në të tilla niveli, interesi për të do të vazhdojë të rritet”, tha drejtori sportiv Bauman.

Krahas reagimit të Bauman, për Rashicën ka folur dhe trajneri e njëkohësisht drejtori sportiv i RB Lajpcig, i cili ka pranuar se i pëlqen lojtari, por nuk pasur asnjë nismë nga ana e tij për 22-vjeçarin, pasi sipas tij Lajpcig është një ekip i kompletuar në repartin e sulmit.

“Sigurisht që kemi të bëjmë me një lojtar që ka tërhequr vëmendjen e shumë klubeve gjatë muajve të fundit. Gjithsesi, jemi një ekip i kompletuar në të gjitha pozicionet. Nuk kemi arsye që të nisim kontaktet për të. S’dua të keqkuptohem, lojtari  na pëlqen dhe nuk është i panjohur për ne”, tha Ragnik.

Miloti luajti i sëmurë dhe ndjeu trullosje gjatë lojës. Megjithatë, gjithçka tani po shkon mirë dhe të mërkurën do të bashkohet me grupin në stërvitje. Duhet të bëjë dhe një test të fundit për të parë nëse sëmundja është ngjitëse”.

Nëse gjithçka shkon mirë sulmuesi 22-vjeçar do ta mbyllë sezonin në ndeshjen e fundjavës, ku Verderi pret Lajpcigun, më pas Rashica do të jetë gati për t’u vënë nën urdhrat e trajnerit të Kosovës, Bernard Shaland, për takimet e vlefshme për ndeshjet kualifikuese të “Euro 2020” ndaj Malit të Zi dhe Bullgarisë.

Në fillim u duk se do të ishte një ndeshje shumë e thjeshtë për skuadrën e Niko Kovaç, që u shënoi dy gola e parë të takimit me anë të Levandovskit dhe Myler, por më pas Verderi u “zgjua”.

MINUTAT E ÇMENDURA – Milot Rashica ishte protagonist absolut, pasi sulmuesi nga Vushtrria ia ka dalë të asistojë dhe të shënojë, duke bërë që tifozët e Verderit të përjetonin një moment fantastik në minutat 74 e 75.

Fillimisht djaloshi nga Vushtrria ia doli me sukses të pasonte në zonë për Osako, i cili u tregua i saktë dhe e çoi takimin në 2-1. Një minutë më pas vetë Rashica vallëzon në mbrojtjen e Bajernit dhe e dërgon topin në rrjetë, duke barazuar gjithçka në 2-2.

Festa nuk zgjati shumë, pasi pesë minuta më pas u akordua një penallti për Bajernin e Mynihut. Protesta të shumta, por nuk ka dyshime për vendimin e arbitrit. Levandovski tregohet i saktë nga pika e bardhë e 11-metërshit dhe i jep epërsinë Bajernit.

Verder Bremen 2 – 3 Bajern
Shënues: Osako 74’, Rashica 75’ / Levandovski 36’, 80’ (pen) Myler 63’

Mirëpo, s’duhet harruar që fillimi i sezonit për Rashicën ishte tepër i vështirë, madje në disa ndeshje sulmuesi shqiptar u la jashtë grumbullimit nga trajneri Florian Kohfeldt, ndërsa në takime tjera qëndronte shpesh në stol i përgjatë të gjithë ndeshjes.

Numri një i stolit të Verderit është  rikthyer të flasë për atë periudhë dhe ka shpjeguar se midis tij dhe Rashicës nuk kishte asnjë problem dhe mosaktivizimi lidhej me një aspekt të dobët të lojës së tij: Detyrat mbrojtëse. “Ai kishte një sjellje të shkëlqyer. Nuk e grumbulloja pasi Miloti thjesht nuk dinte të mbronte”, tha Kohfeldt.

Futbollisti i rritur në Vushtrri nuk arriti të shënonte në takimin e kësaj fundjave ndaj Frajburgut. Gjithsesi, 22-vjeçari kreu një punë të mirë duke ndihmuar shokët e ekipit. Përveç se dha asistin në golin  e parë të Verder Bremen, Rashica spikati me volumin e madh që krijoi.

Paraqitja e mirë e lojtarit të përfaqësueses së Kosovës është vlerësuar nga kompania e njohur e statistikave “Ëhoscored”, që e ka vlerësuar Rashicën me notën 8.26. Ky vlerësim e  vë Rashicën në formacionin e Javës përkrah emrave si Tomas Myler, Kingsli Koman dhe Serzh Gnabri.

Bëhet fjalë për Milot Rashicën. Futbollisti nga Vushtrria është kthyer në një ndër lojtarët më të përfolur të Bundesligës. 2019-ta ka qenë një vit fenomenal për 22-vjeçarin, i cili ka shënuar 10 gola në 13 takime për skuadrën e Verder Bremen.

Një ecuri e tillë s’ka nevojë për shumë koment. Është e natyrshme që për lojtarin të ketë interes të lartë, por vetë Altin Lala ka thyer heshtjen duke dhënë një prononcim për medien e njohur gjermane “Kicker”, ku sqaroi se lojtari i tij do t’i mbetet besnik skuadrës nga veriu i Gjermanisë, për të paktën edhe një sezon.

“Verder Bremen është klubi i duhur për zhvillimin e mëtejshëm të Milotit edhe për sezonin që vjen. Stafi i trajnerëve i kanë dhënë atij shumë besim dhe durim. Ai sapo ka kuptuar se çfarë kualiteti zotëron. Mund të presim akoma më shumë nga ai te Verderi”, tha Lala.

Megjithatë, barazimi 1-1 në Prishtinë ka zhgënjyer të gjithë, për faktin se Kosova dominoi dhe humbi raste me shumicë. Pas ndeshjes, për Supersport Kosovën disa prej lojtarëve të Kosovës folën për ndeshjen dhe e pranuan se duhej të kishin bërë diçka më mirë, për të fituar.

Zeneli: “Nuk patëm fat, por gjithashtu në pjesën e parë nuk ishim fare në fushë, i kemi dhuruar goxha shumë kundërshtarin, po u përmirësuam në pjesën e dytë, gjetëm edhe golin e rëndësishëm. Problem përqendrimi? E vërtetë, nuk kam qenë i fokusuar as unë, as skuadra”, tha për SuperSport Kosovën heroi i Kosovës, Arbër Zeneli, i cili shënoi një gol të mrekullueshëm.

Kryeziu: “Ishte e vështirë për neve, patëm një ‘deja vu’ si kundër Ishujve Faroe. U befasuam, nuk e prisnim Bullgarinë kaq mbrojtëse.  E kemi ditë që janë provokues, ata luajtën ashpër sepse nuk mundën të zgjerojnë lojën. Jemi të dëshpëruar me vetëm një pikë”, tha mesfushori Hekuran Kryeziu.

Muriqi: “E patë që Bullgaria veç në mbrojtje luajti, me kundërsulme, ndërsa pësuam një gol prej goditjes nga këndi. Kemi zotëruar gjithë lojën, kemi pasur shumë raste, patëm edhe shtyllën, por ne kemi më pak përvojë”, tha Vedat Muriqi, i cili ishte i pafat, sepse goditi edhe shtyllën.

Rashica: “Rivali u mbrojt fort, por ne kemi pasur raste, me të cilat kemi mundur t’i ndëshkonim. Fati nuk e deshi, shpresojmë që në ndeshjet e tjera t’i shfrytëzojmë këto raste. Jam i dëshpëruar me veten dhe jam nervoz për shkak se në ndeshjet e fundit në Gjermani një goditje që kam pasur ka përfunduar në gol, këtu pata 3-4 raste që nuk munda t’i realizoj”, tha Milot Rashica.

Këto dy muaj e pak kanë qenë ditët më të mira për sulmuesin shqiptar dhe këtë gjë e ka pranuar dhe vetë: “Jemi në një moment të mirë, gjërat po shkojnë mbarë. Ky është vetëm fillimi!”

Nga gazetari gjerman, Rashicës iu kujtua se ka bërë 5 gola në 8 ndeshjet e fundit, një rekord shumë i mirë, por “Dardani” e kundërshtoi menjëeherë, duke i thënë: “Gjashtë, jo pesë. Harruat golin me Dortmundin në Kupë”.

Rashica është kritikuar ndjeshëm gjatë muajve të tij të parë në Gjermani, por trajneri Kohefedt i ka besuar gjithmonë. Sot para mediave, tekniku gjerman tha: “Më pyesnin shumë pse Rashica nuk di të shënojë. Iu kam thënë që të jenë të duruar, golat do të vijnë. Dhe ja ku është, ky është Rashica të cilit i kam besuar. Të shpresojmë të vazhdojë kështu”,- u shpreh trajneri.

Rashica po shkëlqen në Bundesliga dhe vetëm 22-vjeç, ka ende shumë vite për t’u rritur dhe për t’u përmirsuar edhe më shumë. Forma e tij aktuale duket se është vetëm fillimi i një karrierë që mund të jetë fantastike në tokën gjermane, por pse jo, edhe në ndonjë skuadër elitare të Europës.

Pavarësisht se preku shumë topa, Rashica nuk arriti të shënojë, duke shpërdoruar dy raste të pastra. Në fund, dy skuadrat u ndanë në barazim 1-1. Pas ndeshjes, trajneri Florian Koefdt nuk ka ngurruar ta kritikojë shqiptarin, duke thënë:

“Është i ri dhe nuk dua ta vë në qendër të vëmendjes. Megjithatë, në takimin kundër Volfsburg mund të bënte shumë më mirë. Ishte në një ditë “jo”, por aftësitë i ka dhe besoj se do të rritet shumë”,- përfundoi trajneri i Verderit.

Në listën ka vend dhe për një shqiptar. Sulmuesi i Verder Bremen, Milot Rashica, është lojtari më i shpejtë i skuadrës nga veriu i Gjermanisë.

Futbollisti nga Vushtrria ka regjistruar një shpejtësi maksimale prej 34.06 kilometrash në orë. Lojtari më shpejtë në kampionatin gjerman është sulmuesi kroat i Ajntrahtit të Frankfurtit, Ante Rebiç, që ka regjistruar një shpejtësi maksimale prej 35.11 kilometrash në orë.

Një tjetër fakti interesant i listës është se lojtari më i shpejtë i Bajernit të Mynihut ësht qendërmbrojtësi Niklas Syle, i cili rendit i pesti në listë.

?? Bundesliga Team of the Week — @bayer04fussball and @werderbremen have 3? players each

Jirí Pavlenka@TheoGS23
Waldemar Anton
Martin Hinteregger@AchrafHakimi@KimoBellarabi@JulianBrandt@jamesdrodriguez@milotrashica@KeVolland@davieselke27https://t.co/m9Ss60TZR4 pic.twitter.com/Uc4tjDgkZk

— WhoScored.com (@WhoScored) February 11, 2019

Rashica luajti vetëm 36 minuta në fitoren e Verderit ndaj Augsburgut, por kaq i mjaftoi për të qenë autori i një dopiete. “Whoscored” e ka vënë futbollistin nga Vushtrria në formacionin e javës dhe e ka vlerësuar me notën 8.6.

There was just no stopping @milotrashica on Sunday ?#werder pic.twitter.com/jzvU034hpe

— SV Werder Bremen EN (@werderbremen_en) February 12, 2019

Të njëjtin vlerësim ka marrë dhe Vedat Muriqi, i cili aktivizohet në kampionatin turk me Rizesporin. Futbollisti shtatlartë ishte autori i një supergoli në ndeshjen e mbyllur në barazim 1 – 1 ndaj Antaliasporit. Vetëm marokeni Junes Belhanda ia kalon Muriqit me një vlerësim prej 9.8.

https://twitter.com/detayanalizzzz/status/1094223538377183232

?? Super Lig Team of the Week — Liverpool loanee Loris Karius features between the sticks after earning a clean sheet in @Besiktas's 2-0 win over Bursasporhttps://t.co/eRnSkIvVGV pic.twitter.com/vq2Ph6q8C1

— WhoScored.com (@WhoScored) February 12, 2019

Ylli i Kosovës ka gjetur golin që në minutën e pestë, duke devijuar me zgjuarsi një kros nga Kruze.

Fillim perfekt për Verderin, ndërsa Rashica po konfirmon se është në rritje konstante, duke gjetur gjithnjë e më shumë hapësirë në skuadrën e tij.

Pas dy golave në kampionat, 22-vjeçari ka gjetur edhe golin e parë në kupë për këtë sezon.

https://streamja.com/Qmdd

“Rashica është një lojtar i jashtëzakonshëm dhe tani duket më i kompletuar. I pati munguar finalizimi, por tani është përmirësuar dhe besoj se është gati. Shumë i kënaqur me ndeshjen e tij”,- tha shkurtimisht trajneri i Verderit.

Ndërsa vetë Rashica u shpreh: “Kohët e vështira i kam lënë pas. Nuk ka rëndësi nëse shënon nga 30 metra ose me portën e zbrazur, mjafton të jem aty për të ndihmuar skuadrën. Ky është momenti im dhe jam i fokusuar në maksimum që të arrij majat”,- përfundoi 22-vjeçari.

Megjithatë, kjo mbetet pjesë e së shkuarës dhe tekniku gjerman, nuk i kurseu komplimentat për lojtarin e përfaqësueses së Kosovës në daljen për shtyp në përfundim të takimit të sotëm, por pati dhe një këshillë.

“Djaloshi (Rashica) e meritonte këtë gol. Gjëja më e mirë është që kemi të bëjmë me një gol të thjeshtë. Nuk gjuajti topin fuqishëm nga distanca ose nuk dribloi dikë. Iu desh të ishte në vendin e duhur dhe shtyu topin në mënyrën e duhur. Kjo është çfarë kërkoj nga sulmuesit. Megjithatë, ai duhet të tregohet akoma më i qetë para portës, pasi pati dhe dy raste të tjera ku u tregua konfuz”, tha Kohfeldt.

Një nga lojtarët që e ka vuajtur më shumë këtë distabilitet është ylli i Kosovës, Milot Rashica. 21-vjeçari ka qenë një nga lojtarët më të mirë në ndeshjet që ka luajtur dhe duket se e ka fituar besimin e trajnerit, por ende nuk i është besuar një vend në formacionin shartues.

Gjithsesi, tekniku Kofeldt është i bindur për aftësitë e kosovarit dhe insiston se do t’i besohen më shumë minuta në pjesën e dytë të sezonit: “E kam thënë dhe e them sërish, nuk kemi nevojë për merkato. Çdo lojtar, është i dubluar dhe nuk do të në penalizojë ndonjë largim i papritur.

Jam i impresionuar nga lojtarët që kam dhe të gjithë e kanë justifikuar besimin tim. Rashica? Ka punuar shumë me një trajner në Afrikën e Jugut dhe jam i bindur se do të rikthehet edhe më i fortë. I kam premtuar minuta në gjysmën e dytë dhe shpresoj të vazhdojë me ritmet e kënaqshme që ka treguar edhe në fazën e parë”,- përfundoi trajneri i Verderit.

“Nuk do të bëjmë merkato. Lojtarët që ishin në plan për tu larguar janë larguar ose janë në tratativa për tu larguar. Kainz nuk do të zëvendësohet në këtë merkato, pasi duhet t’iu besojmë alternativave që kemi aktualisht në ekip.

Rashica është 22-vjeç dhe premton shumë, ka treguar në disa ndeshje që mund të nxjerrë ekipin përpara. Këtë gjë e tregoi dhe në takimin kundër Lajpcigut në kampionat, që për mendimin tim ishte nga më të mirët. Përveç Rashicës, ka dhe 2 lojtarë të tjerë që e mbulojnë atë rol dhe jemi të plotësuar”,- përfundoi Bauman.

Aktualisht, Verderi renditet në mesin e tabelës në Bundesliga, në vendin e 10-të në kuotën e 22 pikëve. Kjo ecuri nuk ka qenë shumë e mirë për skuadrën gjermane dhe trajneri ka disa emra për të kritikuar, përfshirë këtu dhe Milot Rashicën.

Sipas trajnerit, sulmuesi i përfaqësueses së Kosovës ka ende shumë punë për të bërë, sidomos në fazën difensive: “Miloti ka bërë një kapërcim shumë të madh kur erdhi këtu. Pati kaluar një periudhë të vështirë dhe duket se po zgjat shumë.

Në aspektin sulmues, është i jashtëzakonshëm, por ka shumë punë për të bërë në mbrojtje. Ai kërkon të luajë në krah dhe për të luajtur në atë rol, duhet të ndihmojë skuadrën. Po u përmirësua në këtë aspekt, do të bëjë shumë mirë këtu”,- u shpreh trajneri i Verderit.

SKANERI I VITIT 2018 – “Ka qenë një vit shumë i suksesshëm, si në aspektin personal, por dhe me përfaqësuesen e Kosovës. Në fillim të vitit u transferova nga Holanda në Gjermani, që ishe një nga hapat më të mëdhenj të karrierës sime. Ndërsa së fundmi e përmbyllëm në mënyrën më të mirë me kalimin e grupit në “Nations League”. Besoj se ka qenë një ndjenjë e jashtëzakonshme, jo vetëm për ne si lojtarë, por edhe për gjithë popullin shqiptar”.

“Ndeshja më e rëndësishme ka qenë ajo ndaj Azerbajxhanit në Prishtinë. Ai takim shoqërohej me presion për vetë rëndësinë që kishte. Por, ditëm ta menaxhonim mirë ndeshjen, ndoshta kjo dhe falë faktit që përfaqësuesja ka shumë lojtarë, që luajnë kampionate të forta dhe na ka qëlluar të luajmë ndeshje të tjera të rëndësishme. Goli i shpejtë na e bëri shumë më të thjeshtë”.

NATIONS LEAGUE DHE FAZA E GRUPEVE – “Nuk besoj se do të kemi mënyrë më të lehtë për t’u kualifikuar në Europian se sa play-off i Nations League. Por, ne po mendojmë për ndeshjet e grupit fillimisht. Besoj se mund të bëjmë diçka të mirë”.

BUNJAKU DHE SHALAND – “Fati i keq për Albert Bunjakun ka qenë se kemi qenë një brez lojtarësh të rinj në moshë dhe kemi pasur përballë kundërshtarë më të fortë. Me ardhjen e Shaland, u ndeshëm me kundërshtarë të nivelit tonë dhe ai solli një energji pozitive dhe vuri idetë e tij në lojën tonë. Besoj se kemi bërë progres të madh”.

RAPORTI ME VOKRRIN – “Për mua ka qenë një lajm shumë tronditës. Ka qenë një njeri që mund të diskutoje gjithçka, jo vetëm për futbollin. Ka qenë një humbje e madhe për të gjithë popullin shqiptar. Për shkak të tij, është plotësuar ëndrra e çdo shqiptari, që ka pasur dëshirë për të luajtur për Kosovën”.

VERDER BREMEN – “Për momentin po  gjithçka po ecën mirë. Fillimi ishte i vështirë, është një kampionat, që ndryshon shumë nga ligat e tjera. Por, së fundmi jam përshttur. Objektivi është të kualifikohemi për kupat e Europës. Dallimi ka qenë shumë i madh midis Holandës dhe Gjermanisë, mund të them ka qenë i njëjtë me ndryshimi që kam ndjerë nga kalimi nga Kosova në Holandë. Futbolli ka dallime, në Holandë luhet shumë lojë sulmuese dhe të jepen shumë raste shënimi, në Gjermani vrapohet më shumë”.

HAPI I RADHËS – “Për momentin ndihem shumë mirë te Verderi. Më pëlqen shumë kampionati dhe Atmosfera. Kontrata ime mbaron në vitin 2022, por në futboll nuk i dihet asnjëherë, gjithsesi unë kam si qëllim të fitoj sa më shumë e të përmirësohem këtu ku ndodhem tani”, përfundoi Rashica.

Në Belgjikë u luajtën çerekfinalet e Kupës. Sindrit Guri pa fitoren e 0 – 1 të Ostendes ndaj Ojpenit nga stoli i rezervave. Sulmuesi shkodran kishte pasur një ecuri të mirë në takimet e mëparshme të kupës, ku kishte shënuar në të dyja takimet e tureve të pëparshme, por mesa duket, cilësia e kundërshtarit ka bërë që trajneri i ekipit belg t’i besojë titullarëve këtë takim.

Edhe pse është e vështirë që të dallosh se kush ka spikatur më së shumti, kompania e madhe e lojërave elektronike “EA SPORTS FIFA” ka nxjerrë skuadrën e javës, ku bën pjesë dhe një prej lojtarëve të Kosovës. Milot Rashica është përzgjedhur në skuadrën e javës, edhe pse nuk është në njëmbëdhjetëshin e titullarëve.

Anësori, i cili luan te Verder Bremen ishte një nga më të mirët në ndeshjen me Maltën, duke qenë aktiv në të 5 golat që u shënuan. Edhe në takimin me azerët, mesfushori bëri mirë, çka nuk ka kaluar pa u vënë re edhe nga “EA SPORTS FIFA”.

?? It's #TOTW 10 featuring 90 Harry Kane, 89 Mohamed Salah & 87 Leroy Sané ??? #FUT #FIFA19 pic.twitter.com/WvzYLY0HcP

— EA SPORTS FC (@EASPORTSFC) November 21, 2018

Në vlerësimin e sajtit të famshëm të statistikave “whoscored.com”, sulmuesi mori e notën thuajse perfekte 9.9. Në dy takime të “Nations League”, trajneri Shaland e ka mbajtur 22-vjeçarin në stol, duke preferuar të luajë që nga minuta e parë Zhegrovën, por pas kësaj paraqitje, në ndeshje “finale” të së martës ndaj Azerbaixhanit, Rashica do të jetë një titullar i padisktueshëm. Të shpresojmë që loja e mirë e sulmuesit të ketë rënë dhe në syrin e trajnerit të Verder Bremenit Florian Kohfeldt, i cili në këtë sezon e ka aktivizuar vetëm 92 minuta në Bundesligë.

GOLI I PARË (ASIST) – 

GOLI I DYTË (PASIM KYÇ KOLOLLIT) –

GOLI I TRETË  (PASIM KYÇ DREJT MURIQIT) –

GOLI I KATËRT (ASIST ) – 

GOLI I PESTË –

Pas ndeshjes, Milot Rashica ka reaguar përmes një postimi në “twitter”, ku është së bashku me Kolollin dhe Valon Berishën, por më shumë vëmendje tërheqin mbrojtëset e tij të gjunjëve, ku shihet se 22-vjeçari në njërën anë ka flamurin e Kosovës dhe në tjetrën flamurin e Shqipërisë. Po ashtu foto shoqërohet me një varg të himnit shqiptar: “Me një dëshirë e një qëllim…”.

Kujtojmë që Rashica ishte një nga të paktit lojtarë që la Kombëtaren e Shqipërisë, për t’iu bashkëngjitur përfaqësueses së Kosovës pas Europianit, kur nuk u përzgjodh nga trajneri De Biazi për ndeshjes e “Francë 2016”. Gjithsesi, Rashica tregon se ai është i lidhur me Shqipërinë çka e dëshmon me këtë postim.

Me një Deshir e një qellim… ?????? pic.twitter.com/aUIFX5s5g5

— Milotrashica (@milotrashica) October 11, 2018

Në gjysmën e dytë të sezonit të kaluar Rashica u aktivizua në vetëm 9 takime të Bundesligës ku shënoi një gol. Në të pesta takimet ku e nisi titullar u zëvendësua, ndërsa në katër të tjerat e nisi nga stoli. Sezoni i ri filloi në mënyrë perfekte për djaloshin nga Vushtrria, i cili i dhuroi tri pikët skuadrës së tij me një goditje standarde në transfertën e vështirë ndaj Frankfurtit në javën e dytë të Bundesligës.

Një muaj e gjysmë pas atij goli, Rashica e gjen veten në një pozitë shumë të vështirë. Sulmuesi nuk ka marrë asnjë minutë në katër ndeshjet e fundit, madje në dy prej tyre nuk ishte as listën e 18 lojtarëve të grumbulluar. Duket qartë se trajneri Florian Kohfeld nuk ka një vlerësim të lartë për aftësitë e lojtarit të përfaqësueses së Kosovës, çka shton gjasat që 22-vjeçari të bëjë gati valixhet në muajin janar, ku mund huazohet ose largohet përfundimisht pas vetëm një viti në kampionatin gjerman.

Futbollisti 22-vjeçar e filloi mjaft mirë sezonin e tij të dytë me Verderit, teksa i dha tri pikët skuadrës së tij me golin që shënoi nga një  goditje dënimi në transfertën ndaj Ajntrahtit të Frankfurtit. Por, mesa duket kosovari s’do ta ketë aq të lehtë për të marrë minuta.

Konkurrenca tek ekipi i Verderit është shumë e madhe dhe Rashicës i duhet të luftojë për një vend me formacion me lojtarë të një niveli të lartë si japonezi Juja Osako, austriaku Florian Kainc ose ish-lojtari i kombëtares gjermane Robi Kruze.

Volfsburgu dhe Shalke u përballen në një ndeshje me gola, kartona të kuq dhe plot emocione. Arnold krosoi nga goditja e këndit dhe mbrojtësi amerikan, Xhon Bruks (33’), i cili ishte harruar në zonë nga lojtarët e Shalkes, shënoi me kokë duke kaluar Volfsburgun në avantazh. Shalke mbeti me 10 lojtarë në minutën e 65. Mbrojtësi Nastasiç.

Arbitrit iu desh të thirrte sistemin VAR në ndihmë dhe pasi pa pamjet, ai ndëshkoi serbin me karton të kuq për ndërhyrje të ashpër. Djemtë e Tedeskos nuk u dorëzuan dhe arritën të barazojnë ndeshjen. Bruks shkaktoi një penallti dhe algjeriani Bentaleb (86’) i ardhur nga stoli, u tregua i saktë nga pika e bardhë duke shmangur barazuar rezultatin. Vendasit nuk u demoralizuan, por arritën të gjejnë golin e fitores në minutat shtesë. Ginzçek (94’), i futur në fushë si zëvendësues, arriti të shënonte në limite duke i dhuruar “Ujqërve” një tri pikësh të artë.

Fortuna e Duseldorfit u rikthye në Bundesligë, por zhgënjeu para fansave të saj duke u mposhtur nga Augsburg 1-2. Vendasit shënuan në fundin e pjesë së parë me anë të Myler. Portieri mik nuk u mor vesh me një nga mbrojtësit dhe aty përfitoi Zimerman, i cili lëshoi një top drejt zonës dhe Myler tundi rrjetën e Augsburgut.

Miqtë reaguan në pjesën e dytë dhe arritën të barazojnë me anë të Hintereger. Shmid krosoi në zonë dhe mbrojtësi austriak goditi bukur me kokë duke barazuar shifrat. Augsburg gjeti dhe golin e dytë me anë të Han (77’), i cili shënoi me kokë duke kaluar miqtë në avantazh. Ky gol vlejti tre pikë.

Trepikësh i rëndësishëm për Hertën e Berlinit. I zakonshmi Ibisheviç (28’) shënoi golin e fitores. Veprim i bukur në krahun e djathtë nga Valtero Lazaro. Austriaku mbasi dribloi një mbrojtës, dha një asist të bukur dhe boshnjaku shënoi thjeshtësisht, duke kaluar kryeqytetasit në avantazh. Nurenbergu kishte shansin më të mirë për të barazuar ndeshjen me anë të një penalltie në minutën e 84’, por portieri norvegjez Jarshtein priti goditjen e suedezit Ishak.

Nisje e mirë dhe për Ajntrahtin e Frankfurtit. Fituesit e Kupës së Gjermanisë morën tri pikë në transfertën me Fraiburgun. Myler (10’) kaloi miqtë në avantazh me anë të një goli tepër të bukur. Francezi Haler i dhuroi një pasim të bukur me thembër gjermanit, i cili goditi fort duke mos i dhënë shpresë portierit të Fraiburgut. Vendasit gjeten golin në fillimin e pjesë së dytë, por u anullua, Niderlekner ishte në pozicion të parregullt. Haler (82’) shënoi dhe golin e dytë duke vulosur fitoren e miqve.

Verder Bremen dhe Hanover zhvilluan një sfidë të fortë midis tyre. Pjesa e parë u mbyll pa gola, ku vlen të theksohet një rast i Hanoverit me anë të Bebout, por Pavlenka i Verderit shpëtoi portën e tij me anë të një pritje fantastike. Minuta dhe për Milot Rashicën, i cili hyri në fushë në minutën e 52’ duke zëvendësuar Maks Kruzen. Uejdant (76’) kaloi Hanoverin në avantazh pas një pasimi shumë të bukur të Bebout. Vendasit nuk u dorëzuan dhe arritën të barazonin rezultatin me anë të Gebre Selasie (85’). Rashica krosoi një top të bukur në zonë dhe mbrojtësi çek goditi me kokë nga shumë afër portës duke i dhuruar një pikë Verderit.

Asisti i Rashicës

Fortuna Duseldorf – Augsburg 1-2 (Raman 39’/Hintereger 57’, Han 76’)

Fraiburg – Aintraht Frankfurt 0-2 (Myler 10’, Haler 82’)

Herta Berlin – Nyrenberg 1-0 (Ibisheviç 28’)

Verder Bremen – Hanover 1-1 (Gabriel Selasie 86’/Uejdant 76’)

Volfsburg – Shalke 2-1 (Bruks 33’, Ginzçek 94’/Bentaleb 86’)

Pas një huazimi 1-vjeçar te Herenven, Odegard është pranë një tjetër aventure në kampionatin holandez. Bëhet fjalë për ekipin e Viteses, që i kanë bërë një ofertë shumë të mirë lojtarit. 19-vjeçari nuk preferon të luajë në mesfushë, por si sulmues krahu dhe Vitese është gati t’ia plotësojë këtë kërkesë.

Nëse huazimi i tij i dytë merr aprovimin nga Madridi, Odergard do t’i bashkohet klubit holandez, që në gjysmën e dytë të sezonit që shkoi pati vështirësi të mëdha për të zëvendësuar sulmuesin e Kosovës, Milot Rashicën, kartonin e të cilit e shitën në Janar te Verder Bremen për 7 milionë euro.

Mesfushori anësor bën ambasadorin në Gjermani duke treguar se futbolli në Kosovë është rritur shumë, por nga ana tjetër thekson se shumë pak lojtarët nga vendi i tij ja dalin që të bëjnë hapa aq të mëdhenj sa ai. Synimet e Rashicës? Ai i zbulon vetë!

Rashica, që nga janari luani me Verderin, por tifozët nuk dinë mjaftueshëm për ju…
Unë jam një djalosh normal, si gjithë të tjerët. Preferoj që të qetësohem pas stërvitjes me të fejuarën time. Ajo më mbështet në çdo hap timin. Unë mund të flas me të për gjithçka.

Sa ju mungon shtëpia?
Ishte një hapi madh që unë arrita të kaloja nga Kosova në Holandë tre vite më parë. Nuk janë të shumtë që lojtarët nga vendi im të kenë pasur mundësinë të lujanë në një nga 5 ligat më të forta në Europë dhe për këtë mund të ndihem krenar. Unë dëshiroj që të jem një shembull për fëmijët në Kosovë.

Çfarë mund të na thoni për futbollin në Kosovë?
Kanë ndodhur shumë gjëra në këto tre vite. Infrastruktura po përmirësohet, pasi po ndërtohen stadiume të reja dhe sponsorët kanë nisur që të mbështesin më shumë klubet atje. Në kohën kur Kosova nuk njihej nga FIFA dhe UEFA nuk mund të luaja me Kombëtaren si tani.

Tani luani në Bundesliga…
Gjithçka dua që t’ia dedikoj familjes time. Ajo më mbështet gjithnjë. Kur isha fëmijë, babai im nuk hoqi kurrë dorë së më trajnuari. Atëherë ishte dentist dhe kishte shumë punë, por më dërgonte gjithnjë në stërvitje. Familja ime nuk mungonte në asnjë ndeshje dhe ata janë shumë krenar për mua.

Si po shkon aventura juaj me Verderin?
Unë ndihem mjaft mirë këtu. Në dimër nuk isha pjesë e skuadrës në fazën përgatitore, pasi u bashkova me vonesë me ekipin. Kjo ka ndikuar në gjysmën e dytë të sezonit. Tani jam mjaft mirë fizikisht dhe punoj çdo ditë me skuadrën.

Nuk keni pasur shumë hapësira këtë edicion në skuadër, prisni më shumë?
Në muajin e parë ka qenë shumë e vështirë për mua. Unë kisha nevojë që të përshtatesha. Diferencat mes futbollit holandez dhe atij gjerman janë të mëdha. Këtu është një ritëm më i lartë, stadiumet janë më të mëdha dhe stërvitja është më intensive. Kam punuar shumë në anën taktike si dhe atë mbrojtëse në fundin e fazës së dytë.

Cilat janë planet tuaja për edicionin e ri?
Dua që ta ndihmoj skuadrën time duke shënuar dhe shërbyer gola.  Unë kam punuar shumë dhe dua që të bind trajnerin që të më japë sa më shumë minuta. Dua që të luaj në sa më shumë ndeshje. Unë nuk do të ndalem edhe pse konkurrenca është e fortë. Në fund trajneri do të jetë ai që do të vendosë.

E fundit, jeni ju më i shpejti i ekipit?
Ne kemi shumë lojtarë të shpejtë. Nuk e di me saktësi nëse jam unë më i shpejti. Disa nga shokët e skuadrës më thërrasin raketa.

Anësori ofensiv i Kosovës, i cili ka shkëlqyer te Vitese në dy sezonet e fundit, ka kaluar me sukses kontrollet mjekësore, ndërkohë që klubi gjerman nuk i ka publikuar ende shifrat apo kohëzgjatjen e kontratës.

“Lëvizja te Verderi është një hap shumë i madh përpara për mua. Jam i bindur se do të dalim nga situata e vështirë në të cilën ndodhemi dhe do të kem mundësi të zhvillohem jashtëzakonisht personalisht”, shtoi ylli i Kosovës, i cili deri para Euro 2016 luante për Shqipërinë.

“Jemi shumë të lumtur që e mbyllëm këtë marrëveshje me shpejtësi dhe kemi marrë një lojtar shumë premtues si Miloti”, tha drejtori sportiv i Verderit, Frank Bauman.

“Jam shumë i kënaqur, është një lojtar me potencial të jashtëzakonshëm, i cili na fuqizon ndjeshëm. Është i shkëlqyer në situatat një kundër një, e kalon mirë mbrojtjen kundërshtare me depërtimet e tij dhe i shton cilësi lojës sonë”, u shpreh trajneri Florian Kofelt.

Rashica ishte një nga lojtarët më të spikatur te skuadra e Viteshes, çka nuk kishte kaluar pa rënë në sy dhe nga skuadrat e gjermane. Edhe pse ishin disa skuadra në garë për shërbimet e mesfushorit nga Vushtria, Verder Bremen ka fituar këtë duel.

Ditën e sotme Milot Rashica dhe e fejuara e tij kanë qenë në Bremen dhe gjithçka mund të quhet zyrtare. Kujtojmë që menaxheri i 21-vjeçarit është Altin Lala, i cili ka njohje të shumta në Gjermani.

Milot Rashica shkoi në Holandë në sezonin 2015/16. Që atëherë është një ndër yjet e klubit dhe ka edhe rekordin e golave dhe asisteve në dy sezonet e fundit, me 13 gola e 16 asiste. Pas Euro 2016 Rashica braktisi Shqipërinë për Kosovën, i zhgënjyer nga mos grumbullimi për Euro 2016. Prej kohësh Rashica lidhej me disa klube të njohur mes të cilëve edhe Napoli, por kampionati gjerman duket se është më i përshtatshëm për karakteristikat e tij.