“Besoj kam bërë vitin më të mirë këtu, kam shënuar 5 gola dhe i dhashë shumë pikë ekipit. Në katër vite këtu te Gjirkoastra, ky është viti im më i mirë. Ishte një kampionat shumë i vështirë, pasi shumë lojtarë u larguan, lojtarët e rinj nuk u ambientuan, trajneri i huaj nuk ndihmoi. Me ardhjen e profesor Julit, kemi bërë shumë mirë dhe kemi marrë pikët e duhura.

E ardhmja? Kam dhe një vit kontratë, oferta kam marrë, por e di klubi. Nuk e dimë kush do të jetë trajner sezonin e ardshëm, por besoj se do të bëjmë mirë sezonin e ardhshëm.

GOLI – “Të jem i sinqertë, ishte për krosim. Me ndihmën e Zotit, përfundoi në rrjetë”.

NDESHJA – “Nuk kemi zhvilluar një ndeshje të mirë sot, ndikon dhe lodhja, pasi kemi luajtur çdo tre ditë. Me fat, morëm një pikë sot dhe ishte shumë e rëndësishme për mbijetesën. Pikët janë akoma në lojë, kemi edhe katër ndeshje deri në fund. Sa më shumë pikë të marrim, aq më mirë do të jetë për ne.

TIRANA – “Nuk e kishim marrë lehtë, ishte një ndeshje shumë e vështirë përballë një rivali direkt. Dihen kualitetet e Tiranës dhe është një skuadër që të vendos në vështirë. Kjo pikë besoj se na ka shërbyer të dyve”, u shpreh Rrapo.

“Më gëzon goli, pasi na dha lehtësinë, por fitorja është më e rëndësishme se goli”.

“Me ardhjen e Mezanit jemi motivuar. Punuam pak se nuk kishim shumë kohë. Do të rritemi në javët e ardhshëm dhe do të shkojmë si vjet kur morëm fitore pas fitore radhazi”.

“Nuk po zhvillonim lojë të keqe dhe me Kostiç, por nuk po na dilte goli. Besoj se do jetë më mirë me Mezanin, merremi vesh më mirë. E kam për komunikimin, pasi jo të gjithë flasin mirë anglisht”.

“Duam që të kapim Europën si vjet, por si fillim duhet të dalim sa më parë nga kjo situatë ku ishim”.