Raphael Varane

“Qëndroj te Reali dhe sezonin e ardhshëm”, francezi flet me bindje

Sport Ekspres — Thu, 23 May 2019 11:23:14 +0000

Te Reali i Madridit, është projektuar një revolucion i madh, me shumë emra që pritet të largohen dhe të afrohen te “Los Blancos”. Luka Joviç është afrimi i parë te “Galaktikët”, por priten dhe shumë afrime të tjera.

Të gjithë këto yje që mund të transferohen në Madrid këtë verë, ka vënë në diskutim të ardhmen e shumë futbollistëve që janë aktualisht pjesë e klubit madrilen.

Një ndër ta, është dhe mbrojtësi francez, Rafael Varane. 25-vjeçari ka fituar gjithçka në karrierën e tij, por ky sezon ka qenë për t’u harruar. Megjithatë, Varane është i bindur se do të vazhdojë të jetë pjesë e Real Madridit dhe sezonin e ardhshëm. Për spanjollen “Marca”, Varane u shpreh: “Zërat për një largim të mundshëm? Qëndroj te Reali dhe sezonin e ardhshëm!”

Reali e nis me spastrime, një ushtri e tërë drejt largimit

Sport Ekspres — Wed, 24 Apr 2019 09:24:20 +0000

Real Madridi është në prag të një revolucioni të madh. Zidan pritet të bëjë një spastrim masiv për të ripërtërirë skuadrën dhe sjellë njerëz, që i shtojnë uri për trofe. “El Confidencial” bën të ditur një listë të zezë me emrat që kanë mundësitë më të mëdha për t’u larguar nga Santiago Bernabeu.

Vendin kryesor të kësaj liste e zë Garet Bejl. Uellsiani është i pari mes emrave si Mariano Diaz, Dani Sebajos apo Markos Jorente. Një “ushtri” me spastrime, por nuk mjafton me kaq pasi kësaj liste i shtohet edhe Rafael Varan. Mbrojtësi ka shprehur vetë dëshirën për të shkuar larg Madridit.

Një mes Toni Kros dhe Luka Modriç është gjithashtu në dyshim mbi prezencën e tyre tek Reali në sezonin e ardhshëm. Gjermani ka kohë që përflitet se do të largohet, por edhe Modriç nuk do të ishte aspak çudi nëse nuk e shohim vitin tjetër të vishet i bardhë.

Ardhja e njërit prej Kristian Eriksen apo Pol Pogba do t’i shtonte shumë shancet për një largim të njërit prej mesfushorëve.E gjithë kjo listë largimesh do të gjenerontë shumë miliona për Perez dhe do të hapte rrugën për blerje faraonike në Madrid, ku mungojnë prej kohësh.

Kështu Zidan do të bënte seleksionimet e tij, por edhe do të sigurojën një pjesë të mirë të të ardhurave për lojtarë si Hazard, Pogba, Eriksen, Salah apo Militao.

Varan kërkon largimin nga Reali, zbulohet shkaku i mërzitjes

Sport Ekspres — Sun, 31 Mar 2019 10:10:41 +0000

Reali i Madridit mund të humbasë një nga pikat më të forta të ekipit në fund të sezonit. Rafael Varan kërkon të largohet nga kryeqyteti spanjoll. Mbrojtësi dëshiron të provojë një aventurë të re dhe e ardhmja e tij është midis Premier Ligës, Serisë A dhe kampionatit francez.

Në Spanjë zbulojnë shkakun e vërtetë të kësaj kërkese. 25-vjeçari zhvilloi një Botëror fantastik me Francën e tij dhe në fund arriti të ngrinte në qiell kupën më të rëndësishme në futboll.

E nëse shokët e ekipit u nderuan nga klubet e tyre, për Varan nuk e vrau kush mendjen te Reali. Grizman, Lemar dhe Hernandez u nderuan nga Atletiko, ashtu siç Barcelona respektoi kampionët Umtiti dhe Lenglet. E gjitha kjo ndodhi në fillim të sezonit, ndërsa për Varan nuk u kujtua askush.

Mbrojtësi nuk e ka harruar këtë gjest të klubit të tij, që ka të bëjë më shumë me respektin dhe nderin e lojtarit. Ai është ndjerë keq nga trajtimi i Realit dhe po pret me padurim fundin e sezonit për të nisur një eksperiencë të re, pas tetë vitesh me “Los Blancos”.

Këshilla e Ronaldos: Juventus, na duhet ky lojtar

Sport Ekspres — Tue, 26 Mar 2019 11:27:53 +0000

Kristiano Ronaldo është një futbollist plot kualitet dhe personalitet. Portugezi po shijon sezonin e parë në Serie A me Juventusin e tij. Kampionati është mbyllur dhe pritet vetëm zyrtarizimi i titullit kampion, ndërsa Champions Liga është objektivi i madh.

Sulmuesi ka një influencë të madhe te drejtuesit e klubit, të cilëve ju jep këshilla dhe ide të ndryshme sa i përket merkatos. Siç raporton spanjollja “Sport”, 34-vjeçari i ka bërë një kërkesë bardhezinjve: merrni Rafael Varan.

Ata njihen mirë së bashku, pasi kanë luajtur dhe fituar për shumë sezone me Realin e Madridit. Ronaldo e vlerëson shumë francezin, i cili është ndër mbrojtësit më të fortë në botë.

25-vjeçarit i përfundon kontrata me “Los Blancos” në vitin 2022, ndërsa klauzola e largimit të tij është 500 milionë euro. Megjithatë, gjithmonë sipas medias iberike, nevojiten të paktën 90 milionë euro për të nisur negociatat me Florentino Perez. CR7 i ka kërkuar drejtuesve të “Zonjës së Vjetër” që të sakrifikojnë për një lojtar të tillë, i cili do të përforconte shumë repartin defensiv të Juventusit.