Rapa

Rapa kërkon falje: Humbje turpëruese, do japim gjithçka në fushë

Sport Ekspres — Mon, 28 Jan 2019 11:20:15 +0000

Luftëtari u mund ditën e djeshme nga vizitorët e Kastriotit me rezultatin e thellë 5 – 1. Paraqitja e dobët e skuadrës gjirokastrite shkaktoi irritimin e tifozëve, që braktisën shkallët e stadiumit, madje disa shpërthyen në të shara.

Për të qetësuar disi situatën me tifozët ka menduar mbrojtësi Olti Rapa. Tepelenasi ka bërë një postim në llogarinë e tij në “Facebook”, ku u ka kërkuar tifozëve falje gjirokastritë dhe ka premtuar se ai dhe kolegët e tij do të japin gjithçka për të rikthyer skuadrës aty ku i takon.

Postimi i Rapës

Më vjen keq sinqerisht që erdhën gjërat në këtë situatë. Ne radhë te parë doja ti kërkoja ndjesë gjithë tifozëve dhe dashamirësve te Luftëtarit për ketë humbje turpëruese qe nuk ka justifikime. Te Luftëtari u formova dhe u rrita si njeri dhe sportist, gjithë këto vite te paharrueshme ne jetën time me disfata dhe suksese ndaj e ndjej qe kam me shume përgjegjësi se kushdo, te kërkoj ndjesë gjithë opinionit sportiv gjirokastrit. Ndaj e ndjej detyrim dyfish çdo tifozi, dashamirësi nga më i vogli të më i madhi ti premtoj se nga unë i pari dhe gjithë shokët e te japim gjithçka që Luftetari te kthehet aty ku i ka hije . Përzemërsisht Olti Rapa

Luftëtari humb dy titullarë para finales me Tiranën

Sport Ekspres — Sat, 10 Nov 2018 09:22:11 +0000

Luftëtari nxitoi në fundjavë dhe e aktivizoi kundër Laçit mbrojtësin Xhekson Ferrera, ndërkohë që kundër Flamurtarit nuk u rrezikua me të. Mbrojtësi brazilian pat pësuar një dëmtim para ndeshjes me bardhezinjtë, por në kampin bluzi bënë çmos ta aktivizonin.

Duke parë se si doli ajo ndeshje, por edhe paraqitjen e brazilianit, nuk ishte vendimi më i mirë. Kundër Flamurtarit ishte programuar titullar dhe në momentet e fundit ndryshoi plani, teksa vendin e tij e zuri Donald Rapo.

Nga ajo që mësohet, Xhekson nuk do të jetë në ndeshjen kundër Tiranës. Me mbrojtësin këtë herë nuk do të rrezikohet dhe do t’i lihet koha e mjaftueshme për t’u rikuperuar.

Veç mbrojtësit të krahut të majtë, një tjetër lojtar që Mezani nuk do të ketë në dispozicion është Oltion Rapa. Lojtari polivalent u ndëshkua kundër Flamurtarit me karton të verdhë (i katërti për të) dhe do të duhet të shlyejë pezullimin

Luftëtari “blen” në shtëpi, rinovon një nga shtyllat e mbrojtjes

Sport Ekspres — Wed, 10 Jan 2018 11:01:24 +0000

Ka qenë një ndër klubet më aktivë në merkaton e janarit, me disa afrime shumë cilësore, përveçse ka mbajtur Abazajn dhe Bregun deri në verë, por Luftëtari nuk ndalet me kaq.

Klubi gjirokastrit vlerëson edhe djemtë e vet, sepse i tillë mund të quhet edhe Oltion Rapa, edhe pse ka luajtur disa sezone te Butrinti.

Mbrojtësi 28-vjeçar ishte një nga titullarët në sezonin e ngjitjes në Superiore, luajti thuajse çdo ndeshje sezonin e shkuar (33 herë titullar) dhe ka qenë 16 herë titullar këtë sezon në Superiore.

Shenjë e qartë se është një lojtar që vlen shumë dhe di të luajë në disa pozicione në mbrojtje, ndaj sot klubi i ka rinovuar kontratën, duke zyrtarizuar gjithçka me një postim të shkurtër në Facebook.
?