“Roma luajti një ndeshje të mirë dhe pasi pësuam gol, rrezikonim të linim shumë hapësira pas. Për këtë arsye, e pranoj me dëshirë këtë pikë. Duke parë edhe rezultatet e tjera, është një fundjavë e mbarë për ne“.

RANIERI – Një pikë në Milano nuk është kurrë keq, por Roma e Klaudio Ranierit e nisi shumë mirë dhe për një moment u duk se mund të parakalonte Milanin. Gjithsesi, pas ndeshjes trajneri verdhekuq ishte i kënaqur.

“Erdhëm me synimin për të kërkuar fitoren, mund të bënim diçka më shumë në kundërsulm në pjesën e dytë. Gjithsesi, një pikë në San Siro është mirë, e dimë që Interi në pjesët e dyta rritet shumë, ndërsa ne vuajtëm, nuk e di a ishte shkak edhe rënia fizike. Gjithsesi, e kërkuam fitoren deri në fund.

“Krahasimi mes Anglisë e Italisë? Në Itali presioni psikologjik i bllokon lojtarët, në Angli ka më pak taktikë e stres, luhet shpejt pa u shqetësuar“.

Pas ndeshjes, trajneri Ranieri ka folur për mediat. Italiani është shfaqur thuajse i dorëzuar, teksa është treguar edhe i sinqertë në përgjigjet e dhëna për sa i përket gjendjes aktuale të Romës.

NDESHJA – “Të them të drejtën po bëjmë gjithçka që mundemi. Pësuam golin e parë në tentativën e parë të kundërshtarit. Arritëm të barazonim, por ende nuk jam i sigurt se si. Pas fillmit të pjesës së dytë, pësuam përsëri. Është shumë e vështirë ta ndihmosh ekipin. Të tjerët vrapojnë më shumë , luajnë më fort dhe ne po bëjmë gjithçka që mundemi.”

MOMENTI – “Po mundohem që t’i rikthej sa më të fortë, por nuk është e lehtë. Zaniolo ishte në një formë të shkëlqyer, por pati probleme me stomakun të premten dhe nuk ishte në kondicionin e duhur për të startuar sot. Napoli ta vë shumë në vështirësi.”

LOJTARËT – “Kur e sheh nga jasht i krijon disa ide. Më pas, nga brenda ëshët shumë herë më ndryshe, por do mundohem të rregulloj aq sa të mundem. Ekipi ka kualitet, por kur vuan shumë humbje nuk mund të rikthehesh si me magji. Kemi lojtarë si De Rosi, Manolas, Kolaro apo Xheko, të cilët nuk janë në 100% e tyre. Fatkeqësisht kjo është situata.”

RIKTHIMI – “A pendohem që u riktheva te Roma? Kurrë! Nuk pendohem kurrë nesë shkoj te Roma kur ka nevoje.”

Mesfushori i talentuar i Romës u aktivizua në minutën e 85-të në vend të Marko Verratit dhe ndihet shumë i lumtur. Në një prononcim për “Rai”, 19-vjeçari nuk i kursen elozhet për Eusebio Di Françeskon, personin që i besoi një post titullari te Roma, ndërsa vlerëson shumë dhe trajnerin aktual të verdhekuqve, Klaudio Ranierin.

Zaniolo tregon dhe këshillat e shumta që merr nga Françesko Toti. Legjenda e Romës insiston që mesfushori të qëndrojë me këmbë në tokë dhe të vazhdojë të punojë fort për të mbajtur këtë nivel loje.

FALENDERIMET – “Debutimi me kombëtaren ishte një emocion i madh, një tjetër ëndërr e realizuar këtë vit, por e di mirë se duhet të qëndroj me këmbë në tokë. I jam shumë borxhli Di Françeskos, sepse bashkë me Mançinin ishin të vetmit që besuan tek unë. Eusebio më ka mësuar se si të sillem dhe jashtë fushave. Ai di se di të sillet me njerëzit. Më erdhi shumë keq që u largua. Kjo është diçka personale dhe unë e cilësoj atë si shumë të aftë. Tani është Ranieri dhe më duhet të jap maksimumin. Trajneri ka eksperiencë, ka fituar në karrierë dhe di si të sillet te një ambient si Roma”.

TOTI – “Françesko më jep këshilla se si të stërvitem, si të luaj dhe si të sillem. Dallohet qartë që është një kampion edhe jashtë fushave. Ma përsërit shpesh që duhet të qëndroj me këmbë në tokë. Më thotë që mjafton pak për të arritur diçka, por që është shumë e vështirë të qëndrosh në një nivel të caktuar.”

Trajneri Klaudio Ranieri ka provuar shijen e humbjes në ndeshjen e dytë në drejtim te Roma dhe pas ndeshjes shpërtheu në akuza: “Luajtëm kundër një skuadre, ndërsa ne nuk ishim skuadër. Treguam vetëm dëshirë, pa asnjë organizim, kjo është e pafalshme. Humbëm çdo duel, kështu nuk shkon. Spali luajti me thikë ndër dhëmbë, me të drejtë, ashtu do bëja edhe unë po të isha në vend të tyre, mbrojtje dhe vonesa loje në çdo moment”.

Më pas Ranieri vazhdon kritikat ndaj lojtarëve: “Duelet e humbura? Disa lojtarë nuk janë luftarakë, disa nuk kanë besim fare dhe nuk futen me siguri në duele. Spali ishte më i vendosur. Problem psikologjik? Me siguri ai është një ndër problemet, por duhet përmirësim në çdo drejtim, sepse sot taktikisht ishim shumë keq dhe vrapuam kot”.

Në fund, Ranieri paralajmëron të gjithë, natyrisht duke nisur nga vetja: “Nëse shkojmë në Champions League, ekziston një program, përndryshe shumë prej nesh largohen. Ua kam thënë edhe lojtarëve. Duhet të tregojnë që e meritojnë të luajnë te Roma dhe e meritojnë pagën që marrin. Nuk i di planet e klubit, por pa Champions është e qartë që klubi humbet miliona”.

Ndeshja nisi më mirë për vendasit, të cilët ushtruan presion që në minutat e para duke krijuar raste. Duhet të vinte minuta e 22-të që përpjekjet e Spal të shpërbleheshin. Pas një krosimi nga e djathta, ishte Muhamed Fares, i cili kërceu mbi të gjithë dhe çoi në avantazh të tijtë.

Roma erdhi me ndryshime në pjesën e dytëm duke kativizuar Zanilon dhe Perotin, me këtë të fundit që shënoi në minutën e 54-t. Një ndërhyrje e parregullt ndaj Xhekos, solli 11-metërshin, që argjetinasi e shndërroi në gol.

Gjithsesi, ekipi verdhekuq, siç shënoi ashtu edhe pësoi, pasi në minutën e 60-të Andrea Petanja u pengua në zonë nga Huan Zhesus dhe nga pika e bardhë sulmuesi italian nuk gaboi duke i dhënë fitoren ekipit të Spalit.

Spal – Roma 2-1
Shënues: Fares 22’, Petanja 60’(pen.) / Peroti 54’(pen.)

Sfida nisi menjëherë me ritëm, ku në 12 minuta u shënuan dy gola. Fillimisht, ishte Stefan El Sharaui, i cili shënoi një gol mjaft të bukur me të majtën, duke i dhënë avantazhin Romës.

Reagimi i miqve ishte i menjëhershëm, ku vetëm pas 3 minutash vunë baraspeshën në zhvillimet e një goditje standarte. Ishte Huan Zhesus, i cili në mënyrë të pafat shënoi në portën e tij.

Gjithsesi, ekipi verdhekuq arriti të gjente dhe një herë avantazhin, teska në minutën e 33-të ishte Patrik Shik, i cili kërceu mbi të gjithë me kokë dhe shënoi golin për të çuar shifrat në 2-1.

Pjesa e dytë ishte më e mirë për miqtë e Empolit, të cilët provuan deri në fund për të marrë diçka nga sfida. Në minutën e 80-të, Roma mbeti me 10 lojtarë, pas daljes me karton të kuq të Alesandro Florencit.

Tetë minuta më vonë, ishte Kruniç, i cili shënoi për Empolin, duke vëën përsëri baraspeshën, por vetëm për një moment. Roma konteston për një faull të Oberlin ndaj Huan Zhesus dhe arbitri i drejtohet sistemit VAR. Sipas pamjeve, gjyqtari vendos të anulojë golin për një top të prekur me dorë nga Oberlin dhe kështu gjithçka mbyllet në 2-1 mes vuajtjeve për Romën.

Trajneri i famshëm është ndalur te çështja e Patrik Shik. Ranieri pranon se çeku dhe Xheko mund të luajnë së bashku dhe ka besim të plotë te cilësitë e Shik. Ai dëshiron vetëm zhbllokimin e 23-vjeçarit.

“Shik dhe Xheko duhet të luajnë bashkë për mendimin tim. Patrikun e pashë të hynte në fushë me zemërim dhe dëshirë në Portugali kundër Portos. Ai është i fortë, ka cilësi të jashtëzakonshme, ka teknikë dhe shpejtësi. Nëse do të zhbllokohet dhe është afër kësaj, tifozët do të dashurohen me këtë djalosh”, thekson Klaudio Ranieri.

“Jam i lumtur që rikthehem në shtëpi. Kur Roma të thërret, është e pamundur të thuash jo”, foli shkurtimisht Ranieri.

Ndërkohë, përveçse trajnerit, foli edhe legjenda verdhekuqe, Françesko Toti, sipas të cilit, tashmë Roma është në duar të sigurta.

“Klaudio është nga qyteti i Romës, është një tifoz i ekipit tonë mbi të gjitha. Gjithashtu, është një ndër trajnerët më me eksperiencë në Botë. Kishim nevojë për disa duar të sigurta, të cilat të na udhëheqin drejt objektivit tonë, i cili është zona Champions.”

Bëhet fjalë për italianin e mirënjohur, Klaudio Ranieri. Disa çastë më parë, klubi italian zyrtarizoi firmën me Ranierin, që do të qëndrojë në krye të pankinës deri në fund të sezonit.

Ranieri këtë edicion futbollistik drejtoi skuadrën e Fulhemit, por nuk mori aspak rezultate pozitive, duke lënë skuadrën londineze në vendin e parafundit në renditje. Tashmë, italiani do të ketë një tjetër mundësi dhe duhet të nxjerrë medoemos Romën nga situata e vështirë ku ndodhet.

“Me të vërtetë jam shumë i mërzitur. Më vjen keq që gjërat nuk shkuan mirë për Klaudion. Është një trajner i madh dhe në të ardhmen, do të rilindë sërish dhe do të rikthehet në majat e futbollit. Ky shkarkim do e dëmtojë disi psikologjinë e tij, por është një njeri i fortë dhe do të reagojë”,- u shpreh Sarri.

Por ajo periudhë e suksesshme duket shumë larg dhe Ranieri nuk është më i njëjti. Pasi dështoi me Nantën në Francë, Ranieri u rikthye në Premier Ligë për të drejtuar londinezët e Fulhemit, por nuk ia doli që të ishte i suksesshëm.

Rezultatet jo të mira dhe renditja në fundin e tabelës ka bërë që presidenca e klubit të mendojë seriozisht pozicionin e teknikut italian dhe disa minuta më parë, kanë marrë vendimin final: Ranieri nuk do të jetë më trajner i Fulhemit!

Fulham Football Club Chairman Shahid Khan today named Scott Parker as Caretaker Manager, replacing Claudio Ranieri.

? https://t.co/cxx8utJdUy pic.twitter.com/3sikRtiH3I

— Fulham Football Club (@FulhamFC) February 28, 2019

Me këtë fitore londinezët shkojnë në kuotën e 47 pikëve, po aq sa Çelsi i vendit të katërt, që ka një ndeshje më pak. E veçanta e këtij takimi ishte aktivizimi i Mesut Ozil si titullar në një ndeshje kampionati pas më shumë se një muaji.

Ndeshja më spektakolare e ditës së sotme ishte ajo midis Fulhemit dhe Brajtonit. Vizitorët shtangën londinezët me dy gola të shpejtë, por në pjesën e dytë skuadra e Klaudio Ranieri përmbysi gjithçka, duke shënuar katër gola të njëpasnjëshëm.

Ulverhempton i dha një “shuplakë” Uest Hemit duke mundur londinezët me rezultatin 3 – 0, ndërsa Evertoni mori një fitore me shifre minimale 0 – 1 ndaj Hadërsfilldit të vendit të fundit.

Arsenal 2 – 1  Kardif

Fulhem 4 – 2 Brajton

Hadërsfilld 1 – 2 Everton

Ulverhempton 3 – 0 Uest Hem

Incidenti më i fundit ka ndodhur midis dyshes së sulmuesve Aleksandr Mitroviç dhe Abubakar Kamara. Të dy lojtarët luftojnë për një vend në formacion dhe rivaliteti ka kaluar nga fusha e lojës, në palestrën e skuadrës, ku pati një përplasje fizike mes ture.

Duhet përmendur që situata mes palëve u acarua kur francezi Kamara nuk lejoi serbin të godiste një penallti edhe pse trajneri Ranieri kishte vendosur Mitroviç si gjuajtësin e penalltive.

Sipas asaj që raportojnë mediet londineze, tekniku italian është tërbuar kur ka marrë vesh për përplasjen mes lojtarëve dhe ka kërkuar nga drejtuesit e klubit që të largojnë menjëherë sulmuesin francez, duke përfituar dhe fakti se ndodhemi në periudhë transfertash.

Kjo ndodhi dje në Fulham-Hadërsfild, në Premier Ligën angleze. Takim shumë delikat, me dy skuadra që po luftojnë për mbijetesë, ndaj fitorja vlente dyfish.

Në minutën e 82-të Fulhami fitoi një 11-metërsh dhe aty nisi kaosi. Sulmuesi Aboubakar Kamara doli kundër urdhrit të trajnerit Klaudio Ranieri, duke rrëmbyer topin për ta gjuajtur vetë.

Serbi Aleksandar Mitroviç, i caktuar si goditës i penalltive, kërkonte topin, lojtarët e tjerë i kërkonin ndihmë Ranierit dhe italiani bërtiste më kot nga pankina, sepse Kamara nuk lëshonte pe, me futbollistët kundërshtarë që shihnin të habitur spektaklin e shëmtuar.

Selfish by Kamara – entire ground (including several teammates!) imploring him to let Mitrovic take the penalty #FulvHud #cravencottage pic.twitter.com/7uw0RaC5Qm

— Jeff Hughes (@SamoJeff) December 29, 2018

Kamara e gjuajti penalltinë dhe e humbi, ia priti portieri kundërshtar. Pak minuta më vonë pikërisht Mitroviç shënoi golin e fitores 1-0 për Fulhamin dhe nisi festa, por pas ndeshjes Ranieri ishte tym.

“E pabesueshme, nuk më ka ndodhur kurrë në karrierë kjo gjë. Kamara nuk respektoi shokët e ekipit, mua, klubin dhe tifozët. Desha ta vrisja në ato momente. Fola me të, nuk kuptonte, nuk pranonte t’ia jepte topin Mitroviçit dhe as kërkoi falje”, tha Ranieri pas ndeshjes. Më siguri Kamara nuk do e shohë më fushën tani e tutje.

Trajneri italian ka folur shpesh mbi kritikat e shumta që i bënte e ëma 99-vjeçare. Për shembull në kohën kur Ranieri ishte në krye të pankinës së londinezëve të Çelsit, Renata do merrte për herë në telefon, sa herë që i biri nuk fuste në formacionin titullar irlandezin Damien Daf.

Në konferencën e sotme për shtyp si trajner i Fulhemit, Ranieri konfirmoi se vazhdon të flasë me mamanë e tij në lidhje me shumë aspekte të punës së tij. Futbolli është diçka që zonja 99-vjeçare e ka fort në zemër, pasi ajo nuk lë pa shikuari asnjë ndeshje të skuadrës së saj të zemrës, Romës, por tani është bërë medoemos edhe tifoze e skuadrës së birit, Fulhemit.

Shtatë humbje rresht në të gjitha kompeticionet, vetëm një gol i shënuar ndërkohë dhe një lojë mediokre, kanë bërë që serbi të largohet pas tre vitesh në drejtim.

Vendin e tij e merr eksperti i misioneve të pamundura, Klaudio Ranieri. Italiani është hero në Angli, sepse shpalli kampion Lester Sitin, historia me e çmendur e futbollit modern.

Shahid Khan today announced that he has appointed Claudio Ranieri as Manager of Fulham Football Club, replacing Slaviša Jokanovi?.

? https://t.co/BUE1vNnvaO pic.twitter.com/pfxS97ONPG

— Fulham Football Club (@FulhamFC) November 14, 2018

Edhe sezonin e shkuar Ranieri bëri një punë të shkëlqyer me një ekip modest në Nantë në Ligën 1 franceze, ndërsa tani kthehet në Premier Ligë, me një tjetër mision të nderlikuar, sepse i duhet të shpëtojë një skuadër që duket e mbytur dhe e dorëzuar, me vetëm 5 pikë dhe 31 gola të pësuar në 13 ndeshje.

Presidenti i anglezëve humbi jetën tragjikisht fundjavën e kaluar, pasi helikopteri i tij u rrëzua dhe shpërtheu. Lidhur me këtë ngjarje ka qenë pikërisht ish-trajneri i Leister, Klaudio Ranieri, i cili ditën e sotme është parë duke bërë homazhe për vdekjen e presidentit. Tekniku italian dhe presidenti i Leister kanë pasur një marrëdhënie mjaft të ngushtë, sidomos pas titullit të fituar në Premier Ligë.

Claudio Ranieri returns to the King Power Stadium to pay his respects to his friend Vichai #lcfc pic.twitter.com/oWogCMIrgq

— Mr Geoff Peters (@mrgeoffpeters) November 1, 2018

Dëshira e tyre ishte që të mblidhnin të ardhura për t’i ndërtuar një statujë Ranierit. Synimi ishte të grumbulloheshin minimalisht 10 mijë sterlina. E gjitha ka dështuar dhe shumë e mbledhur mund të konsiderohet edhe qesharake.

Nga peticioni i organizuar në internet u mblodhën vetëm 910 sterlina, çka bëri që nisma të dështonte. Gjithsesi vepra e Ranierit me lojtarët para dy sezonesh flet vetë.

Posti i lënë bosh nga uruguaino Gus Poje, fillimisht iu besua ish-lojtarit të përfaqësueses franceze Tieri Henri, por ky i fundit u tërhoq nga marrëveshja vetëm pak para momentit të hedhjes së firmës.

Objektivi i Ranierit te Bordoja do të jetë shmangia e rënies nga kategoria. Klubi nga Bretanja ka shitur disa lojtarë të rëndësishëm si Malkom dhe Labord dhe blerjet kanë qenë shumë të pakta.

Ranieri hyri në historinë e futbollit, duke udhëhequr Lesterin drejt titullit kampion vitin e shkuar, kundër të gjitha parashikimeve, aq sa triumfi i “Dhelprave” kuotohej 5000 në baste.

Megjithatë, në shkurt të këtij viti italiani u pushua nga puna, pasi Lesteri rrezikonte rënien nga Premier Ligë.

Tani Ranieri pason portugezin Serzhio Konseisao, pasi ish-mesfushori luzitan ka lënë Nantën për të marrë drejtimin e Portos, pas 6 muajsh të suksesshëm, duke e ngjitur Nantën në vendin e shtatë.

Ranieri ka drejtuar edhe Monakon në Francë, duke e ngjitur këtë skuadër në Ligën 1 në sezonin 2012-13 dhe duke e ngjitur në vendin e dytë në Ligën 1 në sezonin pasardhës.

Për Ranierin Nanta është ekipi i 17-të që drejton dhe në Itali nga klubet e mëdhenj i mungon në CV vetëm Milani.

Nanta e ka fituar 8 herë titullin në Francë, për herë të fundit në vitin 2001.