Ky vendim vjen si pasojë e kërkesave të vazhdueshme të opozitës, por edhe për shkak të dy ngjarjeve të renda ma pasojë humbje. Bëhet fjalë për dy vrasje të ndodhura në ambientet e kazinove. Rasti i parë ndodhu pesë ditë më parë në Suharekë, ndërsa i dyti ditën e djeshme në Lipjan.

Duke marrë shkas nga këto dy ngjarje të renda, anëtarët e partive opozitare në kuvendin e Kosovës iniciuan një rezolutë për ndalimin e lojërave të fatit që kaloi ditën e sotme me 74 vota pro, asnjë votë kundër dhe pa asnjë abstenim.
Dy pikat e rezolutës janë si më poshtë:

1.Qeveria të nis procedurat ligjore për pezullimin e aktivitetit të të gjitha llojet lojërave të fatit, deri në plotësim ndryshimin e ligjit.

2.Brenda 30 ditëve Qeveria të sjell në Kuvend, ligjin e ri që ndalon aktivitetin e të gjitha llojeve të lojërave të fatit në një periudhë prej 10 viteve.

Siç citon uebsajti “Ultra Style”, ultrasit e Cërvenës, të njohur ndryshe si “Delije”, kanë nxjerrë një pankartë, ku shkruajnë: “Armata e Veriut është gati për Thaçin dhe Haradinajn”. Dy politikanët shqiptarë të Kosovës mbajnë postin e presidentit dhe kryeministrit të shtetit të Kosovës, ndërsa kanë qenë dhe drejtues të UÇK (Ushtria Çlirimtare e Kosovës).

Marrëdhëniet mes Kosovës dhe Serbisë janë acaruar kohët e fundit, ndërsa ultrasit e ekipit më të madh serb nuk kanë humbur rastin për të bërë një provokim të turpshëm. Një gjë e tillë nuk ka lidhje me futbollin dhe stadiumet, ndërsa është e habitshme se si është lejuar shpalosja e një mesazhi të tillë.