“Jeta ime ka ndryshuar për mirë, që kur erdha te Reali i Madridit. Zidan më ka folur shumë dhe më ka ndihmuar. Ai më ka kërkuar që të mos dëgjoj ato që thuhen ose shkruhen për mua, por thjesht të dëgjoj fjalët e shokëve të skuadrës.

Ramos, Modriç, Benzema, janë lider të lindur. Edhe fjala e Marselos dëgjohet shumë. Këtu jemi si një familje, secili mundohet të ndihmojë njëri-tjetrin. Megjithatë, lideri ynë mbetet Serxhio Ramos, që për mua është një ikonë e futbollit dhe një ndër mbrojtësit më të mirë i të gjitha kohërave”, përfundoi talenti brazilian.

Ajo që tërhoqi më së shumti vëmendjen, ishte diskutimi mbi Topin e Artë, ku sipas Figos meriton ta fitojë Serxhio Ramos. Legjenda portugeze mendon se mbrojtësi dhe kapiteni i Reali e ka kualitetin për ta fituar një çmim të tillë, por fakti që është një mbrojtës ndoshta e penalizon paksa.

“Është e qartë që Serxhio Ramos e meriton ta fitojë Topin e Artë. Të jesh një mbrojtës, është e njëjta gjë sikur të jesh portier, pasi është shumë e vështirë për të fituar një çmim individual, megjithëse Kanavaro ia arriti. Varet nga momenti dhe viti, por për kualitetin që ka, është e qartë që Ramos duhet ta fitojë”, përfundoi Figo.

Së fundmi, mbrojtësi i Real Madrid ka dal menduar të qetësojë situatën mes të dyve duke komplimentuar “pleshtin”. I pyetur gjatë një intervistë mbi krahasimin Maradona-Mesi, Ramos ktheu përgjigjen  e mëposhtme:

https://www.youtube.com/watch?v=e_R3W_CgWM4

“E respektoj Maradonën, por në Argjentinë të gjithë e dinë që ai është vite dritë larg lojtarit më të mirë në historinë e Argjentinës, që për mendimin tim është Leo Mesi”, tha Ramos në një intervistë për “goal.com”.

LETRA E RAMOS

Si futbollistë duhet të flasim në fushë, por ky sezon nuk e tregon këtë. Ngjarjet e fundit kanë qenë katastrofike dhe unë nuk po fshihem. Ne nuk po fshihemi. Ne lojtarët jemi kryesisht përgjegjës për këtë gjë, dhe si kapiten, unë më shumë nga të gjithë të tjerët. Prandaj mendova se mënyra më e sinqertë për t’u përgjigjur pikëpyetjeve që po qarkullojnë për ne anembanë botës është që të flasim drejtpërdrejtë për çdo problem.

A ishte një gabim karton i marrë në Amsterdam? – “Absolutisht që ishte gabim dhe marrë përgjegjësi 200% për atë veprim”.

Përse po regjistroje dokumentarin personal gjatë ndeshjes me Ajaksin ? – “Ishte pjesë e marrëveshjes. Gjithashtu nuk më shkoi mendja që ndeshja do të përfundonte në atë lloj mënyra. Me kalimin e minutave periudha e regjistrimit u zvogëlua”.

A pati debat me presidentin në dhomat e zhveshjes ? – “Çdo problem në dhomat e zhveshjes, zgjidhet po në dhomat e zhveshjes. Nuk pati ndonjë problem të madh. Këtu çdokush ka një interes të përbashkët: Real Madridin”.

A kritikova lojtarët mbas ndeshjes ? – “Ne gjithmonë flasim e motivojmë njeri-tjetrin në dhomat  e zhveshjes. Bisedat kryhen gjithmonë në mënyrë konstruktive”.

E vërteta e sherrit në stërvitje me Marselon? – “Ne flasim në çdo seancë stërvitore. Kjo është pjesë e pandashme e nj punë me presion si e jona. Marselo është si një vëlla për mua. Ishte thjeshtë një shaka, nga ato që ndodhin nga dita në ditë”.

Ç’po ndodh me trajnerin ? – “Është një vendim që nuk na takon ne dhe nuk duam të ndërhyjmë. Kemi respekt të madh për pozicionin e tij dhe gjithmonë mbështesim trajnerin e klubit tonë”.

Këto reflektime vijnë padyshim si pasojë e një sezoni shumë zhgënjyes, por nëse ne nuk na ndaloi dot suksesi, s’kemi ndërmend ta lëmë humbjen që të na ndalojë. E kemi obligim që të vazhdojmë të punojmë dhe të përmirësohemi. Na duhet të kujtojmë se disa prej nesh janë me fat që luajnë për Real Madridin, disa prej nesh janë me fat që janë bërë pjesë e historisë së këtij klubi. Real Madrid ishte dhe do jetë gjithmonë Real Madrid. Askush nuk e bën legjendë Realin, por të gjithë se bashku e kemi shkruar këtë legjendë. Së bashku na duhet të punojmë për të ardhmen dhe për të rikthyer shpresën, ‘Hala Madrid’!

Fantazisti spanjoll, Isko, nuk ishte pjesë e skuadrës në transfertën e fituar me rezultatin 4 – 1 ndaj Real Vajadolit. Media spanjolle “MARCA” ka zbuluar se kjo gjë ka ardhur si pasojë e një dënimi nga kryesia  e klubit, pasi Isko nuk pranoi të udhëtonte me autobusin e skuadrës në prag të sfidës me Ajaksin të mërkurën e kaluar.

Në një mbledhje të bërë ditën e enjte, Isko shpjegoi se mori këtë vendim për shkak të raporteve të tensionuara që ekzistojnë midis tij dhe trajnerit Solari. Kapiteni i “Los Blancos”, i cili kryesoi mbledhjen theksoi se klubi vjen gjithmonë i pari.

Sipas “MARCA”, Solari nuk ishte pro dënimit për Iskon, por pezullimi ka ardhur me udhër nga lart. Ndërkohë, mësohet se lojtari ka kërkuar falje për sjelljen e tij dhe pritet që palët të pajtohen në ditët në vijim.

Konflikti filloi për një arsye qesharake. Sipas dëshmitarëve në vendngjarje, skuadra po zhvillonte një ndeshje brenda grupit dhe në fund fitoi skuadra e Marselos. Braziliani filloi të festonte dhe kjo solli reagimin e Ramos.

Secili nga lojtarët nuk po hapte rrugë. Marselo insistonte se kishte festuar me vite në atë lloj mënyre dhe nuk e kuptone reagimin e Ramos. Në debat e sipër u desh ndërhyrja e lojtarëve të tjerë të skuadrës për të qetësuar situatën.

Të dy lojtarët nuk po kalojnë një moment të mirë. Ramos ishte protagonisti i një sherri në dhomat e zhveshjes me presidentin Perez, ndërsa Marselo dëshiron prej muajsh që të largohet në kërkim të një aventure të re.

Edhe në El Clasico-n e sotëm Ramos mori karton dhe do të mungojë në ndeshjen e ardhshme, në Vajadolid.

Ndërkaq, mediat dhe tifozët e kanë vendosur në shënjestër yllin e Spanjës për një shpullë lëshuar ndaj Mesit gjatë një dyluftimi.
https://twitter.com/Hip10ster/status/1101943271037767689?s=19

Mesi u tërbua dhe gati sa nuk u kacafyt me Ramos, duke i thënë ato që mendonte për të, por VAR nuk ndërhyri në atë rast.

Pas ndeshjes Sergio Ramos u mundua të linte pas polemikat: “Betohem, nuk e godita me dashje. Ia thashë edhe Mesit, në fushë me pas ndeshjes, ishte një moment shpejtësie dhe nuk e godita qëllimisht. Titulli? Morëm goditje të rëndë, por do të luftojmë derisa matematikisht të jemi në lojë”.

“Do të gënjeja nëse do të thoja që veprimi s’ishte me dashje”, tha kapiteni i Realit, që më pas e kundërshtoi këtë deklaratë me një postim në “twitter”, por kjo nuk i ka ardhur në ndihmë.

Sot, ka dalë dënimi për kapitenin e Realit, i cili është dënuar me dy ndeshje. Ramos do të mungojë në sfidën e kthimit përballë Ajaksit, si dhe në sfidën e parë të fazës tjetër, nëse Reali arrin të kualifikohet përballë gjigantëve holandezë.

Ky vendim ka shkaktuar jo pak frikë në kampin e Real Madrid, pasi me shumë gjasa me të masë do të ndëshkohet dhe kapiteni i “Los Blancos”, Serxhio Ramos, i cili bëri të njëjtin gjë në përfundim të ndeshjes kundër Ajaksit të Amsterdamit.

Ajo që e bën më të rëndë situatën e Ramos është fakti që spanjolli e pranoi para gazetarëve se veprimi i tij ishte bërë me dashje, duke thënë: Do të gënjeja nëse do të thoja që veprimi s’ishte me dashje. Kapiteni i Realit e kundërshtoi më pas këtë deklaratë me një postim në “twitter”, por vështirë se 32-vjeçari do ia hedhë pa u lagur.

Në rast se UEFA përdor të njëjtin standard Ramos do të mungojë në përballjet e çerekfinales, kjo gjithmonë nëse Reali eliminon Ajaksin.

1) Espanjol 1-0 Real Madrid, La Liga, 18 shtator 2005
I pari karton i kuq në karrierën e spanjollit. Dy kartonë të verdhë (min. 61’ dhe 87’)

2) Real Madrid 2-1 Olimpiakos, Liga e Kampionëve, 29 shtator 2005
Vetëm 10 ditë pasi mori kartonin e parë të kuq, Ramos ndëshkohet sërish. Në minutën e 91’, spanjolli ndëshkohet direkt me të kuqe pas një ndërhyrjeje të ashpër.

3) Real Sociedad 2-2 Real Madrid, La Liga, 27 nëntor 2005
Kundër Sociedadit, Ramos i prishi shumë punë skuadrës së tij, pasi e la në disavantazh të dy golave dhe të një lojtari më pak.

4) Real Madrid 3-3 Vijareal, La Liga, 7 maj 2006
Në ndeshjen e fundit të Zinedin Zidan, Ramos ishte protagonist. Pas një goditje me bërryl kundër Diego Forlan, spanjolli “skuqet” sërish.

5) Real Madrid 1-1 Atletiko Madrid, La Liga, 1 tetor 2006
Kartoni i parë i kuq në një derbi kryeqytetas. Ramos bëri dy faulle të ndëshkueshme me të verdhë njëri pas tjetrit dhe la Realin me një lojtar më pak.

6) Sevija 2-0 Real Madrid, La Liga, 3 nëntor 2007
Dy faulle të pakuptueshme dhe dy kartonë të verdhë. Kjo humbje e Realit i pa “Galaktikët” të zbresin në vendin e tretë në renditje, me Sevijan që i parakaloi.

7) Rekreativo 2-3 Real Madrid, La Liga, 1 mars 2008
Në këtë ndeshje, Ramos nuk ishte vetëm. Plot 3 kartonë të kuq, me kapitenin e Realit që u ndëshkua në minutën e 55’.

8) Majorka 1-1 Real Madrid, La Liga, 5 prill 2008
Dy kartonë të verdhë për 20 minuta. Një prekje topi me dorë në minutën e 46’ dhe një faull taktik në të 66-ën, bënë që Ramos ta mbyllte sfidën para kohe.

9) Real Madrid 4-3 Malaga, La Liga, 9 nëntor 2008
Karton i kuq i menjëhershëm. Ramos godet me shkelm në gjoks kundërshtarin Eliseu, me portugezin që qëndroi i shtrirë në fushë për shumë minuta.

10) Atletiko Madrid 2-3 Real Madrid, La Liga, 7 nëntor 2009
Derbi dhe karton i kuq përsëriten sërish. Ramos ndërhyn si lojtar i fundit kundrejt Serxhio Agueros dhe lë skuadrën e tij me një lojtar më pak.

11) Ajaks 0-4 Real Madrid, Liga e Kampionëve, 23 nëntor 2010
Dy kartonë të verdhë për vonesa loje. Po, për vonesa loje, edhe pse Reali po fitonte me rezultat të thellë. Shumë menduan se e bëri me qëllim, në mënyrë që të zeronte kartonët për në fazën me eliminim direkt.

12) Barcelona 5-0 Real Madrid, La Liga, 29 nëntor 2010
David Vijës, Lionel Mesit, Çavit dhe Karlos Pyjol. Ramos i goditi të gjithë. Humbja 5-0 kundër Barcelonës mbahet mend edhe për këto veprime të Ramosit në fundin e ndeshjes.

13) Barcelona 2-2 Real Madrid, Kupa e Spanjës, 25 janar 2012
Karton i parë i verdhë për protesta dhe i dyti për një goditje me bërryl ndaj Serxhio Buskets. “El Clasico” e dytë radhazi që Ramos “skuqet”.

14) Vijareal 1-1 Real Madrid, La Liga, 21 mars 2012
Karton i kuq në ndeshjen e tij të 300-të për Realin e Madridit. Vetëm Serxhio Ramos e feston në mënyrë të tillë.

15) Real Madrid 4-0 Selta Vigo, Kupa e Spanjës, 2 janar 2013
Pas një kartoni të verdhë të panevojshëm në mesin e pjesës së parë, Ramos bëri një ndërhyrje shumë të ashpër kundër Augusto Fernandez. Karton i kuq i menjëhershëm, pavarësisht të verdhit!+

16) Real Madrid 2-0 Rajo Vahekano, La Liga, 17 shkurt 2013
Ramos shënoi, mori dy të verdhë dhe la skuadrën me një lojtar më pak brenda 20 minutash lojë. Rekord!

17) Real Madrid 4-1 Gallatasaraj, Liga e Kampionëve, 27 nëntor 2013
Spanjolli u ndëshkua me karton të kuq të menjëhershëm në minutën e 26’. Me këtë karton të kuq, Ramos pati një mesatare të një kartoni të kuq çdo 20 ndeshje për Realin e Madridit.

18) Osasuna 2-2 Real Madrid, La Liga, 14 dhjetor 2013
Fillimisht u ndëshkua me të verdhë për një faull ndaj Alvaro Sehudos, por kapja e tij me duar në fytin e këtij të fundit bëri që gjyqtari të ndërronte mendje dhe t’i tregonte kartonin e kuq.

19) Real Madrid 3-4 Barcelona, La Liga, 23 mars 2014
Nejmar i vjedh kohën Ramosit brenda zonës së penalltisë në minutën e 65’ dhe për gjyqtarin nuk ka dyshime: Penallti dhe karton i kuq për kapitenin e “Galaktikëve”!

20) Las Palmas 1-2 Real Madrid, La Liga, 13 mars 2016
Pasi i “mbijetoi” sezonit 2014-15 pa marrë asnjë karton të kuq, Ramos u rikthye! Një ndërhyrje e pakuptueshme dhe shumë e rrezikshme kundër mbrojtësit Momo bëri që Ramos të merrte kartonin e tij të kuq të 20-të në karrierë.

21) Barcelona 1-2 Real Madrid, La Liga, 2 prill 2016
Falë zotit për Kristiano Ronaldon! Ramos la skuadrën e tij me 10 futbollistë përballë rivalëve të përjetshëm, por Reali ia doli të marrë një fitore shumë të rëndësishme në minutat e fundit, falë golit të yllit portugez.

22) Real Madrid 2-3 Barcelona, La Liga, 23 prill 2017
Për herë të parë në karrierën e tij, Ramos kaloi një vit kalendarik pa u ndëshkuar me karton të verdhë. Por Barcelona zbarkoi në “Santiago Bernabeu” dhe Ramosi bëri atë që di të bëjë më mirë: La Realin me një futbollist më pak!

23) Deportivo 0-3 Real Madrid, La Liga, 20 gusht 2017
Pas një përplasjeje të fortë me Fabian Shar, Ramos ndëshkohet me të verdhë. Por nuk mbaron këtu, pasi kapiteni i Realit konfrontohet edhe pas ndërhyrjes me mbrojtësin e Deportivos, duke detyruar gjyqtarin t’i tregojë kartonin e dytë të verdhë.

24) Atletiko Bilbao 0-0 Real Madrid, La Liga, 2 dhjetor 2017
Pasi mungoi tri ndeshje për shkak dëmtimi (hundë e thyer), Ramos u rikthye në formacion duke mbajtur një maskë. Por Ramos nuk qëndroi deri në fund të sfidës në fushë, pasi u ndëshkua me karton të kuq tri minuta nga fundi.

25) Real Madrid 1-2 Zhirona, La Liga, 17 shkurt, 2019
Kaluan shumë muaj pa parë Ramosin të “skuqet”, por spanjolli na e plotësoi dëshirën. Në takimin e sotëm përballë Zhironës, ku Reali u përmbys dhe u turpërua në “Santiago Bernabeu”, Ramos la skuadrën e tij me dhjetë futbollistë në minutën e 90’.

VERONIK ISTREFAJ

Gjithçka normale? Jo, në fakt, sepse Ramos e mori qëllimisht kartonin dhe nëse pamjet filmike të bënin ta hamendësoje këtë gjë, deklarata e madrilenit pas ndeshjes e konfirmoi bujshëm.

“E kisha në mendje kartonin, do të gënjeja nëse do të thosha që nuk e mora qëllimisht. Nuk është mirë të mendojmë se jemi kualifikuar, por vendosa që është më mirë të mungoj në ndeshjen e ardhshme. Do jem si tifoz në tribunë“, deklaroi 32-vjeçari, pa e ditur se kështu dënoi vetveten.

? ¡Escucha las declaraciones de @SergioRamos tras lograr la victoria en Ámsterdam en su partido 600 con la camiseta del @realmadrid!
? ¡¡Enhorabuena capitán!! ? pic.twitter.com/wniMgpZjc9

— Real Madrid C.F.? (@realmadrid) February 13, 2019

Në vjeshtë Korona i Portos u dënua me 2 ndeshje pezullim nga UEFA, për shkak se mori karton të verdhë të qëllimshëm në ndeshjen e pestë në grup, kundër Shalkes. Në këtë mënyrë, ai synonte të mungonte në ndeshjen e gjashtë dhe të ishte në fushë kundër Romës, por mungoi për pezullim.

Ramos, i cili dje luajti ndeshjen numër 600 me fanellën e Realit, e kuptoi gafën dhe postoi një mesazh në Twitter, për të përgënjeshtruar veten: “Në një ndeshje ka shumë tension, vendimet duhen marrë për punë sekondash. Më vjen keq që nuk do jem me shokët e skuadrës për një ndeshje, nuk e mora qëllimisht kartonin e verdhë“. A do të mjaftojë për ta shpëtuar?

Quiero dejar claro que me duele más que a nadie, que no he forzado la tarjeta, como tampoco lo hice contra la Roma en mi anterior partido de @ChampionsLeague, y que apoyaré desde la grada como un hincha más con la ilusión de poder estar en cuartos.#HalaMadrid https://t.co/zL0Heok5Vp

— Sergio Ramos (@SergioRamos) February 13, 2019

Natyrisht, një veprim që ka acaruar tej mase tifozët e Atletikos, aq më shumë që ndeshja u karakterizua nga vendime shumë të çuditshme të arbitrit dhe të teknologjisë VAR, ku duket qartë se sistemi është sërish difektoz, sepse goli i anuluar Moratas ishte i rregullt, ndërsa penalltia për Realin ishte faull i nisur jashtë zone.

Reali luan nesër në orën 17:30 finalen e Botërorit për klube kundër arabëve të Al Ain. Sergio Ramos ka folur në konferencën për shtyp përpara finales, por atij nuk i pëlqen shumë të flasë për ish-trajnerin e tij.

Kapiteni është i përqendruar te finalja e madhe dhe “thumbon” gazetarët e pranishëm. Në fund replika me Kristiano Ronaldon, i cili e cilësoi grupin e Juventusit si më të mirin më të cilin ka luajtur ndonjëherë. Një deklaratë e tillë nuk është pëlqyer në Madrid, por Ramos vendos të injorojë fjalët e ish-shokut të skuadrës.

MURINJO – “Unë nuk jam askush për të vendosur se kush duhet të jetë trajneri i Realit të Madridit. Kemi 5 vite pa Murinjon dhe akoma flisni për të. Ne mund të fitojmë një tjetër trofe, ndërsa ju e keni mendjen te Murinjo. Kapiteni nuk i zgjedh trajnerët.”

CR7 – “Ne nuk e kemi dëgjuar atë të flasë për Realin. Kur ishte këtu, ai ka parë grupin që ekziston falë të cilit kemi fituar trofe. Jemi të lumtur që ai po bën mirë tek ekipi i ri.”

FINALJA – “Mund të bëhemi kampionë bote për herë të tretë rresht. Askush nuk ia ka dalë më parë të bëjë një gjë të tillë. Do të ishte e bukur në aspektin psikologjik të rinisemi me një tjetër trofe të fituar.”

Lajmi që Serxho Ramos ka rezultuar pozitiv në testin e anti-dopingut pas finales me Juventusin ka bërë shumë bujë, aq më tepër për faktin se vetë UEFA e ka mbajtur të fshehtë, duke mos marrë masa për lojtarin e kampionëve të Europës.

Në Spanjë i kanë kushtuar shumë vëmendje kësaj pjese, duke e akuzuar UEFA-s se po përdor dy standarde. E vërteta është konkrete dhe Jashanica duhet të presë derisa të përfundojë pezullimi 2-vjeçar, ndërsa në anën tjetër është rasti i Ramos që vijon të luaj i pashqetësuar. Një rast që tregon shumë për faktin se si lojtarët e skuadrave që quhen të vogla nuk trajtohen njësoj me ata lojtarë që luajnë në nivele të larta.

Sipas dokumentit sekret të zbuluar nga gazetarët gjermanë, UEFA pranoi të bënte një përjashtim special për spanjollin, duke u mjaftuar me një komunikatë faljeje nga ana e drejtuesve të klubit dhe gjithçka u la në harresë.

Substanca për të cilën Ramos rezultoi pozitiv  quhet “Desametazon”, një substancë kjo që mund të përdoret vetëm me leje paraprake nga UEFA. Real Madrid u justifikua me faktin se doktori i klubit kishte bërë një “ngatërresë”, dhe se faji i takonte “bluzave të bardha”, e jo lojtarit.

Kapiteni Serxho Ramos ka zgjedhur që të reagojë përmes një postimi në rrjetet sociale, duke theksuar se nuk është momenti i duhur për të folur, por duhet punë. Një mesazh i qartë se nuk mund të zgjidhet asgjë me fjalë, por skuadra duhet të bëjë kthesën në fushën e lojës.

“Ne jemi të ndërgjegjshëm dhe ndihemi përgjegjës për situatën ku ndodhemi, por nuk është momenti për fjalë, por për të vepruar”, shkuan Ramos në “twitter”. Reali ka marrë vetëm 1 fitore në 7 ndeshje në të gjitha garat, por njëkohësisht ka humbur 4 nga 5 takimet e fundit.

Somos conscientes y nos sentimos responsables de esta situación.
Pero no es momento de hablar, es momento de actuar. El primer paso empieza hoy.
We’re aware and feel responsible for this situation. But this is no time to talk, it’s time to act. Today’s the first step #HalaMadrid pic.twitter.com/SUB59Ot8nT

— Sergio Ramos (@SergioRamos) October 31, 2018

Sa i përket statistikave, në piedestal është ngjitur Luis Suarez, që ka një mesatare fantastike. Ndonëse uruguaiani ka zhvilluar vetëm 9 ndeshje kundër Realit me fanellën e Barcelonës, ai ka shënuar po kaq gola. Me një mesatare një gol për “El Clasico”, sulmuesi ka mesataren më të lartë se të gjithë lojtarët e tjerë në histori. Suarez barazon Ronaldon në këtë klasifikim të veçantë.

Sa i përket anës negative është Serxho Ramos që është bërë lojtari i cili ka regjistruar më shumë humbje se asnjë lojtar tjetër në historinë e një “El Clasico”. Kapiteni i kampionëve të Europës ka përjetuar plot 18 humbje ndaj Barcelonës, një statistikë që nuk e ka përjetuar askush para tij dhe nuk është aspak për t’u krenuar.

Gjatë një ushtrimi stërvitor, një nga lojtarët e rinj, konkretisht 21-vjeçari Reguilon, e ka “goditur” në hundë qendërmbrojtësin. Ramos, i nevrikosur ka gjuajtur me top, por nuk e ka kapur shokun e skuadrës.

“AS” ka publikuar videon e episodit të ndodhur dhe shihet qartë tensioni në skuadrën madrilene. Tre humbjet radhazi, me Alaves, CSKA Moskë dhe Levanten, kanë bërë që situata të jetë e nderë te Reali, që nesër luan në Champions kundër Viktoria Plzen.

Tanimë vjen momenti i spanjollit për t’u ankuar. Erik Dajer, në ndeshjen Spanjë-Angli, i bëri një ndërhyrje të ashpër mbrojtësit të Realit të Madridit. Tifozët anglezë mbështetën mbrojtësin e tyre, ndërkohë që Ramos ka reaguar së fundmi për një simulim të Sterling.

Ai ka publikuar një video ku shfaqet sulmuesi i Mançester Sitit, i cili rrëzohet pa i ndërhyrë askush. Komenti i spanjollit është i qartë: “Nuk kam çfarë të them më shumë”. Më saktë, shikoni videon dhe gjykoni.

???
Nada más que decir.
Nothing else to say. pic.twitter.com/BCuQI3n7hT

— Sergio Ramos (@SergioRamos) October 17, 2018

Ish-portieri i Liverpulit ka treguar për atë mbrëmje sa të madhe, aq dhe të zezë për të, pasi bëri gafa që i kushtuan rëndë. Karius thekson se ndikim në paraqitjen e tij pati përplasja me Ramos, duke vënë në dukje faktin se ai asnjëherë nuk i kërkoi falje për ndërhyrjen dhe se jo e ka bërë që të dyshojë nëse ishte e qëllimshme apo jo.

“Duhet të them se në gabimet e mia kishte dhe ndikim dëmtimi që pësova nga përplasja me Ramosin. Nuk kishte një rreze të pastër, pasi ende e ndjeja dhimbjen. Ramos nuk më kërkoi falje pasi më dëmtoi, por nuk mund të them nëse e ka bërë me qëllim apo jo”.

Kujtojmë që në po të njëjtën ndeshje, Ramos ishte protagonist tek dëmtimi i Salah. Opinioni sportiv e kryqëzoi mbrojtësin spanjoll, duke e akuzuar se ishte një ndërhyrje e qëllimshme ndaj egjiptianit.

Por, ky festim i Ramos ka shqetësuar pamasë medien serbe “Kurir” që në një shkrim të saj për festimin e spanjollit është vendosur titulli sensacional: “Ramos, çfarë di ti. Kapiteni spanjoll festoi me shqiponjën shqiptare dhe kroatët mbetën të shokuar”.

Më pas në artikull diskutohej rasti i Granit Xhakës dhe Xherdan Shaqirit si dhe propagandë serbe mbi rrezikun që i kanosej ballkanit nga Shqipëria e madhe.

Ditën e djeshme erdhi një tjetër gol nga 32-vjeçari. Kësaj radhe me një penallti “panenka” që barazoi rezultatin në transfertën kundër Zhironës. Goli i djeshëm vlen shumë dhe për librat e rekordeve, pasi falë tij Ramos barazoi rekordin Leo Mesin, duke shënuar për të 15-in sezon radhazi.

Edhe pse thjeshtë një qendërmbrojtës, Ramos renditet i 13-ti në listën e golashënuesve aktiv të La Ligas me 56 gola, shifër kjo që ka një diferencë prej 21 golash nga mbrojtësi më i afërt. Në një intervistë për mediet angleze shoku i tij i ngushtë dhe kolegu i ekipit, Lukas Vazkes, deklaroi: “Ramos është personi me vetëbesimin më të madh që unë kam parë ndonjëherë, jam i bindur se nëse do fillonte të luante në majën e sulmit 20 gola në sezon s’do të ishin të paarritshëm për të”.

Për një dekadë problemi ishte i zgjidhur, por tani e tutje trajneri i ri Lopetegi duhet të vendosë vetë, ose të lejojë lojtarët të vendosin, por alternativa e dytë nuk është e lehtë për t’u realizuar.

Statistikat janë interesante: në epokën Ronaldo vetëm tre futbollistë kanë goditur penallti me shumë se një herë. Sergio Ramos ka rekordin, me 7 penallti, por vetëm 5 prej tyre i ka shënuar.

Plotësisht të saktë dy emra të tjerë të rëndësishëm të Los Blancos, Benzema e Geret Bejl, të cilët kanë gjuajtur dhe shënuar tre penallti. Pikërisht këta të dy janë kandidatë seriozë për të gjuajtur penalltitë tani e tutje, por edhe Ramos mund ta kërkojë vetë përgjegjësinë.

Klop i është kthyer sërish finales së Champions League dhe ka kujtuar episodet ku dëmtuan lojtarët e tij. Ramos i është përgjigjur: “Klop ankohet për stilin tim të lojës? Po mundohet të justifikojë humbjen, por nuk është finalja e parë që humbet. Nuk kisha asnjë qëllim të dëmtoja ndonjë lojtar të Liverpulit dhe as ndonjë tjetër në karrierën time.

“Disa prej nesh kanë vite që punojnë në nivele të larta, nuk jam i sigurt nëse Klop mund ta thotë këtë. Gjithsesi, ai mund të qëndrojë i qetë, votova atë kur zgjodha trajnerin më të mirë”.

Ditët e fundit Ronaldo deklaroi se Juventusi ishte ndryshe, i duket si një familje. Natyrisht, nuk mund të mos preken nga këto fjalë në Madrid dhe Ramos reagoi: “Nuk e di çka dashur të thotë, nëse e ka për skuadrën apo klubin. Di të them që ne kemi qenë gjithmonë si një familje vitet e fundit. Ai ka qenë çelësi i suksesit tonë, vetëm të bashkuar mund të fitohet. Në kemi bërë gjithçka që Kristiano të ndihet si pjesë e familjes me ne”.

Numri 1 i “Furisë së kuqe” synon të kthehet në Spanjë te “Los Blancos”, por klubi anglez nuk e lejon. Kushti i vetëm i “Djajve të kuq” është rikthimi i Kristiano Ronaldos në “Old Trafford”. Më 31 gusht 2015, për shkak të një problemi me dokumentet, De Gea qe aq i pafat saqë “ngeci” në Mançester, edhe pse klubet teorikisht kishin rënë dakord për transferimin e tij.

Mungonte Ronaldo, për të dytën ndeshje rresht i pezulluar (i mbeten edhe 3), por Zidan ka krijuar një “tank” që tashmë nuk ndalet më dhe nuk shqetësohet fare nëse i mungon ndonjë ingranazh. Deri para pak Ronaldo ishte fari ndriçues i Realit, tashmë fitorja më e madhe e Zidan është pikërisht lehtësia me të cilën Reali po përballon mungesën e yllit të vet.

Deri mbrëmë gjithçka po ecte në mënyrë perfekte, por mungonte në apel Geret Bejl: uellsiani u kthye fuqishëm, shënoi një gol dhe dha një asist, duke shtuar armët në dispozicion të kampionëve të Europës.

Kasemiro konfirmoi se është një lojtar kyç në mesfushën e Realit, me një tjetër ndeshje të mirë, kurorëzuar me një gol në pjesën e parë, ndërsa Toni Kros vulosi fitoren pas një ore lojë, me pasim final nga Bejl.

Një skuadër e madhe ka nevojë edhe për një portier të madh dhe Kejlor Navas tregoi se është në vendin e duhur, duke pritur një penallti në minutën e 89-të ndaj Andones. Njolla e vetme, karton i kuq për Sergio Ramos në shtesë, kur mori të verdhën e dytë të ndeshjes për një goditje me bërryl ndaj një kundërshtari në një duel ajror.

Penalltia mbi Luis Suarezin ishte tjetër çështje e nxehtë: “Jemi në tension të paparë në ndeshje të tilla. Për mua nuk ishte penallti. Nuk bsoj se arbitri duhet të fishkëllejë, nëse nuk ka parë asgjë, ndaj shpresoj ta ketë parë mirë. Gjithsesi, për mua nuk pati asnjë kontakt”.