Benfika përforcon mesfushën, braziliani rikthehet në Europë

Sport Ekspres — Mon, 27 Aug 2018 11:48:52 +0000

Benfika godet në merkato duke përforcuar mesfushën. Portugezët kanë arritur akordin me brazilianin Ramirez, i cili do të kalojë në Portugali në formën e huazimit. 31-vjeçari shihej si një përforcim i Interit, por tratativat nuk u konkretizuan kurrë.

Braziliani rikthehet në Europë mbas eksperiencës në futbollin kinez me ekipin e Jiangsu Suning. Ai do të kryejë vizitat mjekësore ditën e hënë, siç dhe pohon “Record”.

Ramirez u aktivizua në sezonin 2009-2010 me Benfikën ku arriti të shënojë 4 gola në 26 ndeshje. Forma e mirë e paraqitur me klubin portugez bëri që Çelsi ta blinte në përfundimin e atij sezoni, ndërsa tashmë mesfushori është gati për të nisur eksperiencën e dytë në karrierë me “Shqiponjat” e Lisbonës.

Tare hedh sytë nga Kina, një brazilian për mesfushën

Sport Ekspres — Thu, 02 Aug 2018 16:14:46 +0000

Mbas afrimit të Korreas dhe Badelj, Lacio kërkon një tjetër mesfushor. Ramirez, i cili aktivizohet në kampionatin kinez me Jangsu Suning, është objektivi i ri i bardhekaltërve.

Siç citon “Corriere dello Sport”, klubi kinez kërkon 3 milionë euro për lirimin e brazilianit. Ky i fundit kërkon rikthimin në futbollin europian me Lacion që kërkon shërbimet e tij. Ramirez la Çelsin në verën e vitit 2016 për t’u larguar drejt Kinës, për shumën e 25 milionë eurove.

Sot mjaftojnë vetëm 3 milionë për ta kthyer në kontinentin e vjetër, por problem mbetet paga e tij e lartë. Gjatë merkatos së janarit u fol dhe për një interesim të Interit, por palët nuk arritën akordin.