“E kisha piketuar Mehmetin që kur pranova detyrën e trajnerit të Kastriotit. E kam njohur që kur drejtoja Kamzën dhe besoj se ai do ketë kontribut në synimin tonë për ngjitjen në Kategorinë Superiore. Është një lojtar shumë cilësor dhe te skuadra jonë besoj se vjen si vlerë e shtuar dhe me përvojë”, deklaron trajneri i Kastriotit, i cili tregon se do ketë edhe afrime të tjera.

“Sot ose nesër do kemi dy përforcime të tjera. Jemi në formatimin e skuadrës, pasi dihet që nga Kastrioti janë larguar disa titullarë nga sezoni i kaluar. Të gjitha “gropat” që na janë krijuar po mundohemi t’i plotësojmë. Por, siç edhe e shikoni, Kastrioti synon vetëm lojtarë cilësorë dhe me përvojë, sepse synimi ynë është vetëm ngjitja në Kategorinë Superiore”, mbylli deklarimin e tij trajneri Ramadan Ndreu.

AGRON KAJA

Ndreu për herë të fundit ka drejtuar Kukësin në Superiore, ndërkohë që në shkuarën ka qenë në krye të Kamzës dhe Laçit. Objektivi i tij është të rikthejë në elitë Kastriotin dhe nga drejtuesit ka marrë garancinë se një pjesë e mirë e titullarëve do të qëndrojnë në ekip edhe në Kategorinë e Parë.

Ndreu theksoi për Sportekspres.com se bërthama e skuadrës të sezonit të kaluar është: “I falenderoj drejtuesit për besimin. Është një detyrë e vështirë, sepse marr një skuadër që më lidh shumë historia, një skuadër që erdhi nga Superiorja dhe synon përsëri ringjitjen në atë kategori. Në këto ditë që e kam studiuar nga larg skuadrën, mendoj se bërthamën nga sezoni i kaluar do ta ruajë dhe janë lojtarë që garantojnë synimin për kthim në Superiore”.

Ndreu deklaron se ka nevojë për afrime, por gjithçka do bëhet në raport me largimet. “Skuadra të Superiores kanë treguar interes për dy-tre lojtarë të Kastriotit dhe nëse këta largohen, atëherë ata do të zëvendësohen me të tjerë të rinj. Kështu do zhvillohet merkato këto ditë, sepse duke e ruajtur boshtin e sezonit të kaluar, riformatimi i skuadrës së re bëhet më profesional”, përfundoi Ndreu.

AGRON KAJA

Kjo situatë i ka detyruar drejtuesit e klubit që të vendosin së pari teknikun për sezonin e ri dhe “grepat” janë hedhur te njohja e vjetër, Ramadan Ndreu, i cili është pushim pas shkarkimit nga pankina e Kukësit në fazën e tretë të Kategorisë Superiore.

Për SportEkspres.com, sot Ndreu deklaroi se është ende në bisedime me drejtuesit e klubit dhe se fundjava tjetër pritet që të ketë konkretizimin e marrëveshjes. “Unë jam ende në bisedime me drejtuesit e klubit dhe ndoshta këtë fundjavë do mbyllim gjithçka”, ishte kjo deklarata e Ramadan Ndreut, i cili nuk sqaroi më tej nëse kishte oferta të tjera veç Kastriotit. Gjithsesi, mbetet për t’u parë nëse palët do dakortësohen në këtë projekt mes tyre në Kategorinë e Parë.

AGRON KAJA

“Nesër, të dielën, në mbrëmje do t’u jap një përgjigje të saktë”, ishin fjalët e Ramadan Ndreut përmes një “sms”-je për SportEkspres.com, duke lënë të kuptohet se dita e dielë do ta vendosë atë përfundimisht në pankinën e Kastriotit. Kjo merr më shumë kuptim, kur alternativa tjetër për stolin e Kastriotit, njohja e vjetër Samuel Nikaj, pohoi se me të është bërë një bisedë, por do mbetet në kampionatin kosovar.

“Unë te Kastrioti jam si në shtëpinë time, por edhe këtë sezon kam menduar që të vazhdoj me Vushtrrinë. Nëse do të zgjidhen në drejtim personat që e kishin këtë skuadër në sezonin e kaluar, edhe unë do qëndroj. Në të kundërt, rikthehem në Kategorinë e Parë në Shqipëri te një ekip me traditë (Besëlidhja), që më ka bërë ofertë këto ditë”, deklaroi Samuel Nikaj.

AGRON KAJA

Ndreu, në prononcimin e dhënë për SportEkspres.com rikthehet pas në kohë: “Kujtoj sfidën Kastrioti-Laçi para një dekade, ku situatat ishin ndryshe. Laçi erdhi në Krujë për të shpëtuar Kategorinë e Parë, ndërsa ne e kishim siguruar matematikisht ngjitjen në Superiore. Në atë ndeshje unë si trajner i Kastriotit hodha në fushë një formacion të alternuar, por gjithë ndeshjen e kujtoj si një betejë, në të cilën Laçi me motivim dhe këmbëngulje mori tri pikët. Këtë radhë do jetë ndryshe”.

Tekniku krutan shikon favorit Laçin para ndeshjes së të shtunës: “Për Kastriotin do të varet mbijetesa nga rezultati që do marrë të shtunën. Nëse fiton, i rrit shumë shanset për të qëndruar në Kategorinë Superiore. Them se do jetë shumë e vështirë, sepse Laçi kërkon Europën dhe nuk mund të gabojë në shtëpi në këtë fazë të kampionatit. Unë do jem i fundit që do mësoj rezultatin, sepse nuk do shkoj në stadium. Për mua zemra është e ndarë në dysh!”.

AGRON KAJA

Trajneri i Kukësit vlerëson kundërshtarin e radhës dhe nuk i kursen elozhet për Vasil Shkurtajn. Sulmuesin e cilëson më të mirin dhe rikthimi te golat mund ta dërgojë atë në kombëtare.

Kukësi nuk i ka humbur shpresat për titullin, nuk dorëzohet deri në fund, ndërsa trajneri e mbyll me një koment për ngjarjet e fundit që kanë ndodhur dhe faktin që nuk bezdiset nga emrat që qarkullojnë si pasardhës të tij në stolin verilindor.

FORMA – “Në këto dy ndeshje që drejtoj skuadrën, mendoj se kemi bërë ndeshje të mira. Sidomos me Teutën. Ishte një skuadër e fortë dhe me pretendime për të kaluar turin. Besoj se na bën mirë në aspektin moral për vazhdimin e garës. Çfarë duhet përmirësuar? E para në përgjithësi shkuara nuk kishte moralin e duhur. Ka diçka, kur ndryshohet trajnerit varet se si merr rrjedha. Mendoj se kemi marrë për mirë dhe moralisht ekipi është mirë. Jemi munduar që në këto dy ndeshje të luajnë ata që janë mirë fizikisht. Kjo besoj se na ka dhënë rezultat”.

“Titulli? Gjithçka është e hapur, nuk e themi për të mbajtur skuadrën në tonus. Kemi objektivat tona, matematika e lejon. Janë edhe 30 pikë në lojë”.

“Terreni? Për të dyja skuadrat është njëlloj, do fitojë ekipi që triumfon në duele dhe ka më shumë mobilizim e uri”.

“Kupa, për kampionatin? Kuptohet që kampionati ka të tjera vlera. Kjo është një hipotezë. E rëndësishme është që Kukësi të japë maksimumin. Luajmë jashtë dhe kushdo do kishte pasur vështirësi. Jemi afër Kupës dhe jemi një klub që kemi investuar shumë. E meritojmë një trofe, të paktën Kupën”.

“Sulmi? Në këtë ngjeshje të kampionatit, është problem. Koha e rikuperimit është e shkurtër. Jam i paqartë për formacionin. Gjatë kësaj periudhe me ndeshje të ngjeshura do mundohem ta freskoj skuadrën. Kjo është më e mira. Duhet vrapim dhe punë, ndaj këto ndeshje kanë konsumim. Do bëjmë ndryshime”.

“Jeni të zhgënjyer nga Shkurtaj? Varet se si e shikoni ju. Për sulmuesin pika kryesore është goli, por mendoj se Shkurtaj në këto dy ndeshje që drejtoj unë është lojtari më i mirë në skuadër. Sidomos me Teutën, që bëri shumë volum. E them me pastërti që ishte më i miri për të dyja skuadrat. Kam besim absolut tek ai. Është në një moment ngërçi. Ai është i fortë dhe potent. Po të shkojë te goli, me potencën që ka mund të bëhet pjesë e kombëtares”.

“Loja e fortë e Kastriotit? Jo për ta mbrojtur, por në historinë e futbollit ka skuadra që luajnë fort. Në këët pjesë të dytë të kampionatit, po t’i marrësh pikët, janë ndoshta pas Partizanit. Të gjitha ekipet poshtë kanë paraqitur futboll dhe mund të humbësh apo ta barazosh me ta”.

“Kampionati më i çuditshëm? Nga aspekti i garës sportive, është më i miri. Kur ka garë për çdo pozicion, ka cilësi. Është luftë e ndershme dhe kjo është shumë e rëndësishme”.

“Tensioni i kampionatit? Janë ngjarje sporadike. Dy-tre momente nuk prishin një kampionat të mirë që po bëhet. Janë gjera që ndodhin në gjithë botën. E mira është të mos ndodhin, por ka tension. Gjithsesi janë sporadike dhe jo të përgatitura”.

“Emra të shumtë për pankinën e Kukësin, ju vë në presion kjo? Kam mbi 15 vjet trajner dhe nuk kam frikë asnjë. Ardhja këtu nuk është rastësi. Ndoshta ka qenë një dëshirë e presidentit edhe më parë. Nuk jam nga ata që ndjej pr4esionin. Ka vite që punoj vazhdimisht dhe nuk më tremb presioni. E rëndësishme është që deri në fund të kampionatit të bëj më të mirën dhe të vlerësoj mundësinë që më ka dhënë presidenti dhe për të treguar që po punojmë mirë”.

Trajneri i verilindorëve, Ramazan Ndreu, foli për “RTSH Sport” në prag të këtij takimi, të cilin e ai cilësoi tejet delikat për shkak të rezultatit të ndeshjes së parë që u mbyll me shifrat 2–2.

REZULTATI – “Është një rezultat që kërkon shumë kujdes. Është një rezultat që mund të të lërë në gjumë, pasi mund të duket sikur je duke fituar, por në fakt nuk ke arritur asgjë”.

LOJA – “Jemi në një fazë të mirë. Edhe në ndeshjen ndaj Partizanit bëmë një lojë të mirë. Kur ekipi bën volum loje, kjo të bën të ndihesh më i sigurt. Shametin nuk do e kemi të gatshëm për këtë sfidë.”

NDËRRIMI I STADIUMEVE –“Ne jemi mësuar nga një fushë në tjetrën, si në Elbasan, si në Shkodër. E keqja e kësaj është te tifozët, të cilët i kemi pasur shumë të pakët”, përfundoi Ndreu.

“Minutat e fundit? Deri në momentin e golit ishim mirë. Ai moment ishte një vendosje gabim e mbrojtësit të majtë dhe qendërmbrojtësi. Do e shoh më vonë. Ai ishte momenti i vështirë për ne, pasi në përgjithësi e kontrolluam lojën”.

“Penalltia? Është një vjedhje, nuk është penallti. Ai është lojtar që i vjedh penalltitë. Ka marrë topin dhe është përplasur te këmbët e Cuculit”.

“Gabimet e njëpasnjëshme? E vërtetë, ishin tre pasme gabim te Teqes, sidomos te goli. Ishte gabim i rëndë. Ra fuqia dhe nuk e shtyu dot topin. Nj moment u goditëm. Ishim më lart si në sulm, por edhe në mbrojtje. Na ndëshkuan në të vetmin rast”.

“Problemet fizike, prej punës jo të mirë të Cungut? Jo, rastësisht nuk është kjo. Ka 3-4 ndeshje që skuadra kur pëson në fund, çedojmë në 35 minutat e fundit. I druhesha, është problem i hershëm. Lidhet me disa lojtarë, që erdhën me vonesë. Kjo jep pasoja”.

“E kam thënë, të luash jashtë është e vështirë. Je gjithë kohën emigrant, nuk e dimë ku luajmë. Kjo ndikon, por jemi optimistë. I kemi lojtarët. Nuk e them për hipokrizi, por futbolli prodhon të papritura., Skuadrat janë aty-aty. Do shpresojmë që edhe kundërshtari të gabojë”.

Tekniku krutan flet edhe për konkurrencën, gjendjen e Cuculit dhe të Musollit. “Jam nga ata që çdo lojtari i jap atë që meriton. Nuk ka hatërmbetje në skuadër. Kur ka shumë lojtarë cilësorë, ka rivalitet dhe kjo e çon skuadrën përpara”, shton Ndreun, i cili nuk ndalet me kaq.

“Cuculi është gati, ndoshta jo në 100 për qind të formës së tij. Gjithsesi ai është i domosdoshëm, për vetë pozicionin delikat që mbulon. Eksperienca e tij na jep garanci. Musollin e kemi aktivizuar në ndeshjet stërvitore dhe në miqësore, por ende nuk është gati. Besoj se për 2-3 javë do të jetë edhe ai gati”, deklaron trajneri i Kukësit.

Në fund ai flet edhe për ndeshjen me Partizanin, që luhet të premten në Shkodër: “Shkojmë për të treguar më të mirën me Partizanin. Kuptohet që fitorja na bën punë dhe duam ta fitojmë. Sigurisht është futboll dhe janë tre rezultatet në lojë. Jemi të mobilizuar, kemi më shumë dëshirë se kundërshtari, pasi duam të ngushtojmë diferencën”.

NJOFTIMI – “Futboll Klub Kukësi njofton përfundimin e bashkëpunimit me trajnerin Armando Cungu. Si pasojë e rezultateve negative te javëve të fundit, drejtuesit e Klubit dhe Armando Cungu kanë arritur me mirëkuptim përfundimin e bashkëpunimit.

Falenderojmë trajnerin Cungu për kontributin e dhënë në drejtimin e skuadrës sonë dhe i urojmë suksese në karrierë. Që nga dita e sotme në krye të pankinës sonë do të jetë Ramazan Ndreu,
i cili mbante detyrën e drejtorit të menaxhimit te klubi ynë”, njofton klubi verilindor.

“Tashmë ka vetëm një fakt, që trajneri Cungu është larguar nga drejtimi i Kukësit. Por, ende nuk është vendosur për pasuesin e tij, për të cilin është folur e shkruar se do të jem unë. Nesër (të hënën) besoj se do të ketë një vendim më të qartë për këtë pozicion te Kukësi”, deklaroi Ramadan Ndreu.

Dy humbjet e fundit që Kukësi ka pësuar me Tiranën dhe Teutën bënë që në klubin verilindor të bënin këtë lëvizje në pankinë. Verilindorët renditen në vendin e tretë në kampionat dhe numërojnë 8 pikë më pak se Partizani kryesues, që nga ana tjetër ka edhe një ndeshje më pak dhe luan sot me Laçin.

AGRON KAJA

]]> https://sportekspres.com/trajneri-i-ri-i-kukesit-ramadan-ndreu-sqaron-situaten/feed/ 0 https://sportekspres.com/merkato-rexhinaldo-dhe-strategjia-e-re-e-kukesit-ndreu-i-prek-te-gjitha/ https://sportekspres.com/merkato-rexhinaldo-dhe-strategjia-e-re-e-kukesit-ndreu-i-prek-te-gjitha/#respond Tue, 15 Jan 2019 14:12:39 +0000 http://sportekspres.com/?p=229756 Ramadan Ndreu, ndryshe nga pjesa tjetër e drejtuesve, ndodhet në Shqipëri dhe një ditë më parë mbylli transferimin e mbrojtësit të majtë Faton Xhemaili. Në një prononcim për “Supersport”, krutani foli fillimisht për merkaton.

“Skuadra e Kukësit në merkaton dimërore ka qenë e kujdesshme. Jemi menduar gjatë, që në çdo lëvizje të jemi në grup, për vetë faktin që ka një rregull në futboll: kur skuadra funksionon mirë dhe nuk shfaq shumë probleme, edhe në merkato duhet të jesh shumë i kujdesshëm. Mendoj se kemi qenë, duke afruar dy lojtarë, që unë mendoj se ishin të domosdoshëm. Qoftë Rroca, qoftë dhe Shkurtaj. Kurse për pikat e tjera do të afrojmë lojtarë, akoma nuk  e kemi mbyllur merkato, për të plotësuar grupin. Do përforcohet mesfusha mendoj”.

SHKURTAJ DHE RROCA – Presidenti Gjici ka shpenzuar për blerjen e dy lojtarëve të Luftëtarit dhe Ndreu e komenton kështu: “Mendoj që në dy lëvizjet e para të Kukësit, me Shkurtajn dhe Rrocën, kemi bërë lëvizjet e duhura. Kjo sepse janë dy lojtarë të nivelit të lartë në cilësi, por edhe në kosto. Presidenti mendoi se ishte një hap shumë i madh, shumë i mirë, duke pasur parasysh që këta lojtarë do në shërbejnë. Kemi idenë se edhe në perspektivën tonë mund t’i shesim. E vërtetë është se kishim kohë që ishim në bisedime, por e mira është që në një klub të punohet brenda dhe më pas të bëhet e ditur”.

REXHINALDO – Afrimi i Shkurtajt ka bërë që të ketë edhe pakënaqësi te Rexhinaldo: “Klubi ka gjithë të drejtën të afrojë lojtarë të një pozicioni dhe lojtari nga ana profesionale duhet ta pranojë. Kuptohet që vështirësia e kapjes së një vendi në formacion është e madhe, kështu që Rexhinaldo për momentin është lojtar i Kukësit. Ai do respektojë kontratën dhe vendimet e marra nga trajneri. Sa i përket lojës, skuadrën mund ta vendosim me një ose me dy sulmues dhe këtë e vendos trajneri. Por të dy lojtarët janë të ngjashëm dhe ai që do të jetë më në formë do ta nisë takimin”.

XHEMAILI – Te Kukësi po mendojnë të afrojnë edhe të rinj tani: “Klubi ka ndryshuar strategji, madje të gjitha klubet shqiptare, për të afruar lojtarë që kanë të ardhme dhe mund të shiten në të ardhmen. Kjo duhet të jetë strategjia, që të fitohet edhe financiarisht. Sa i takon Xhemailit, për mendimin tim është një lojtar me nivel. Mendoj se do të jetë një lojtar që do na ndihmojë shumë dhe do na shërbejë. Në të ardhmen do të jetë në treg për t’u shitur”.

OBJEKTIVI – Synimi i verilindorëve është i qartë: “Kemi shumë shanse për të dalë kampion. Dhe këto 3-4 lojtarë që janë afruar kanë nivel, do na japin shtysën për të thënë se jemi kandidati kryesor për të fituar titullin. Investimet nga presidenti janë rritur, kështu që edhe përgjegjësia është shumë e madhe. Ne ia shpërblejmë presidentit duke dalë kampion, pasi janë bërë investime. Futbolli i tillë është, i pranon të gjitha”.

POZICIONI – Ndreu ka folur edhe për pozicionin e tij si drejtor: “Vështirë është t’i ndash, edhe profesioni i trajnerit që unë e kam ushtruar shumë ka emocione të jashtë zakonshme. Edhe në këtë pozicion që jam te Kukësi më pëlqen dhe e bëj me dëshirë. Jam mirë edhe në këtë pozicion”.

Për pjesën tjetër të sezonit, Ndreu deklaron se Kukësi lufton në të dy frontet e këtij sezoni: Titullin Kampion dhe Kupën e Shqipërisë. Ndërsa për merkaton e janarit, drejtori Ndreu thekson se Kukësi thuajse e ka mbyllur me Rrocën e Shkurtajn, por ai nuk e përjashton edhe ndonjë emër të ri, që sipas tij të jetë talent që t’i shërbejë skuadrës për sezonin tjetër.

INTERVISTOI: AGRON KAJA

Si e përshkruani skuadrën e Kukësit në 18 javët e dy fazave të para të Superiores?
-Për Kukësin, dy fazat e para kanë qenë shumë të mira, pavarësisht pikëve që kemi marrë dhe pozicionin në renditje. Ne jemi ekipi i vetëm në Superiore që kemi zhvilluar lojëra të mira dhe 3 pikët larg Partizanit nuk janë ndonjë diferencë e madhe. Realisht ne jemi skuadër e stabilizuar.

Ku ka gabuar Kukësi në këto 18 javë, duke u nisur nga vendi i dytë në renditje?
-Skuadra u rinovua gjatë verës dhe si e tillë ka në përbërje lojtarë të rinj, të cilët duan kohën duhur që të përshtaten me grupin. Kjo ka qenë pjesë më e errët e Kukësit në dy fazat e para, ndërsa në treguesit e tjerë mendojmë se pritshmëritë tona janë arritur.

Përveç lojës së mirë që Kukësi ka zhvilluar, cilët kanë qenë treguesit e tjerë të skuadrës në dy fazat e para?
-Faza e dytë ka qenë më e mirë për Kukësin, thuajse në të gjithë treguesit. Së pari me ndeshje shumë të mira, por edhe me rezultate të tilla. Kjo situatë na jep më shumë besim për dy fazat e tjera që të mos ndryshojmë kursin e rezultateve, por edhe synimet tona të sezonit.

Duke qenë në periudhë pushimesh, gjatë janarit do të ketë stërvitje dhe merkato te Kukësi?
-Përgatitjet do të vazhdojnë, por ne kemi zyrtarizuar edhe merkaton tonë pas mbylljes së fazës së dytë me Rrocën, ndërkohë që edhe Shkurtaj është pjesë e Kukësit, shpejt do të kemi edhe zyrtarizimin e tij. Merkato e dimrit është e vështirë për lojtarë cilësorë, ne do të shohim për ndonjë talent në moshë të re.

Po stafi teknik i Kukësit, sa mendoni se i është përgjigjur nivelit të skuadrës në dy fazat e para?
-Stafi teknik, dhe në veçanti trajneri Cungu, kanë bërë punë shumë të mirë me skuadrën. Natyrisht që gjithçka e mirë lidhet edhe me punën e trajnerit, i cili ka meritën e formimit të një grupi shumë të mirë, njëherësh ka edhe një bashkëpunim të shkëlqyer me lojtarët. Kjo ka shumë rëndësi.

Mbeteni ende në synimin final për titullin kampion?
-Absolutisht që po, madje do të thoja se Kukësi në këtë sezon lufton në të dy frontet: Kampionat dhe Kupë. Më duhet ta përsëris edhe një herë faktin se kemi lojtarë cilësorë, të cilët e garantojnë arritjen e këtij suksesi, për të cilin do të luftojmë deri në fund.

Në fakt është e çuditshme, kur mendon se Kukësi nuk është se ka rival për titullin Flamurtarin. Tashmë Ndreu duhet të mendohet mirë kur të shfaqet në ndonjë stadium tjetër. Dukshëm i mërzitur, krutani që është drejtor menaxheria te Kukësi, ka folur shkurtimisht për “SportEkspres.com”.

“Kam një jetë të tërë që kam dhënë kontributin tim te Kastrioti, kam qenë trajner aty dhe është ekipi i qytetit tim. Ishte një ditë pushimi për mua dhe zgjodha ta shikoj atë ndeshje, sikurse mund të ndjek çdo ndeshje të kampionatit tonë. Tani lexojmë lloj-lloj gjërash, që nuk kam aspak dëshirë t’i komentoj. Realisht më vjen shumë keq për situatën e krijuar dhe që me të cilën nuk kam asnjë lidhje”, u shpreh Ndreu.

“Pavarësisht se rezultatet nuk kanë qenë në favorin tonë, të jem i sinqertë lojërat kanë qenë të mira. Po e ndajnë lojën episodet, siç e patë edhe në këtë ndeshje kur na ndëshkoi Durrësi. Po I njëjti fenomen ka ndodhur edhe në ndeshjet e kaluara, ndaj duhet të jemi shumë të kujdesshëm në goditjet standarde të kundërshtarit. Kjo për shkak se aty po goditemi. Sa i takon vazhdimësisë, lojërat e mira të japin pak moral. Gjithsesi mendoj se duhet te jemi pak më cinik në drejtim të rezultatit”, u shpreh për “SportEkspres.com” dhe kolegët tanë të “Telesport”.

Pavarësisht se Partizani ka 10 pikë më shumë se Kukësi, drejtori Ndreu thekson se puna e trajneri Cungu nuk vihet në dyshim. “Unë them se nuk ka lidhje me trajnerin, ai ka bërë një punë shumë të mirë. Por kampionati është në mesin e fazës së dytë dhe gjithçka është e hapur. Duhet të përmirësohemi dhe të jemi më cinikë e konkretë. Pra duhet t’i gjëmojmë rezultatit”, shtoi zyrtari i Kukësit.

I pyetur në lidhje me atë që i mungon Kukësit, Ndreu tha: “Po ta lexosh lojën me kujdes jemi jo të saktë para portës. U bënë një seri ndeshjesh që po humbim raste. Rexhinaldo është një lojtar i shkëlqyer, por ka një ngërç psikologjik dhe shpresojmë nga ndeshja në ndeshje të çlirohet”.

Për sulmin vetëm Rexhinaldo është në dispozicion të trajnerit Cungu dhe Ndreu e pranoi se atij i mungon një partner përpara. Gjithashtu ai komentoi edhe largimin e sulmuesit Haris Harba. “I mungon një partner Rexhinaldos? Pa diskutim. Jemi të cunguar sepse kemi vetëm një forcë në sulm, siç është Rexhinaldo. Po të ishte edhe një partner tjetër, do të ishte shumë më mirë. Kjo pasi ka momente që skuadra do të shtojë forcën sulmuese, por ne jemi të vakët aty. Kështu që na mbetet fazën e tretë që të marrim minimalisht një sulmues shumë të mirë”.

“Harba? Ndodh që lojtarë prej të cilëve ke pritshmëri të madhe të ikin. E vërteta është se ai nuk dha asgjë dhe prishëm kontratën me konsensus. Dëmi ishte në krahun tonë, pasi mbetëm vetëm me Rexhinaldon. E përsëris që në merkaton e janarit të hidhemi në sulm për të marrë një ose dy sulmues shumë të mirë”, përfundoi Ndreu, i cili në lidhje me gjykimin nuk kishte dëshirë të bënte komente pa i parë rastet sërish.

VLADIMIR PRENGA

Ndër të tjera, Flamurtarit nuk i pëlqen fakti që një ndeshje kaq e rëndësishme gjykohet nga një arbitër që këtë sezon ka drejtuar vetëm një ndeshje të elitës së futbollit shqiptar. Klubi vlonjat, përmes zyrës së shtypit, ka shpërndarë edhe një deklaratë.

“Klubi i Flamurtarit, pas kartonëve te panumërt të marrë ndeshjen e kaluar dhe pas pezullimit të Bathës prej pamjeve filmike, kur moviola ndërhyri në mënyre absurde për të ndryshuar vendimin e gjyqtarit, gjejmë rastin të ankohemi publikisht për zgjedhjen e gjyqtarit Blerim Ziri, për ndeshjen kundër Kukësit, të premten në Kamëz.

Ndeshja më e rendësishme e kësaj jave nuk mund të gjykohet nga një gjyqtar që ka drejtuar vetem një ndeshje sivjet në Superligë (jo rastësisht) Kukësi-Kamza. Vjet ai u pezullua për skandale të tilla. Veç lidhjeve farefisnore me drejtorin e Kukësit, Ramadan Ndreu, personi ne fjalë nuk ka shkelur më shumë se dy herë ne vitin e fundit në fushën e lojës.

Pa asnjë lloj paragjykimi, vetëm bazuar në fakte, kërkojmë që kjo luftë e hapur ndaj Flamurtarit të mbyllet. Mes shumë gjyqtarëve, ne pranojmë cilindo me përjashtim te nipit të Ndreut”, thuhet në komunikatën e Flamurtarit, shpërndarë për mediat. .

Ndreu ka eksperiencë në futbollin tonë, pasi ka drejtuar si trajner Kastriotin, Laçin dhe Kamzën. Gjithashtu ai ka bërë edhe rolin e drejtorit sportiv dhe e di mirë se çfarë duhet në një klub futbolli.

Ai do të jetë Drejtor Menaxhimi dhe praktikisht është numri dy i Kukësit tani. Presidenti Safet Gjici nuk mund të ndjekë gjithçka ndodh në klub, pasi ka edhe obligime të tjera. Kështu do të jetë Ramadan Ndreu ai që do të organizojë punët në klub.