Rama, Musolli, Frashëri, Shameti, Cuculi dhe Kitanovski janë lojtarët që nuk kanë preferuar të paraqiten në seancën e parë stërvitore dhe me shumë gjasa, do të jenë të larguar nga blutë. Përveç mungesave, ka pasur dhe një lojtar të ri në stërvitje. Bëhet fjalë për mesfushorin nga Maqedonia, Armend Çajani, i cili ka luajtur më parë me Shkupin dhe Genc Kalemler.

Një ndër lojtarët e përfolur më së shumti për një ndarje me kryeqytetasit është Lukas Kardozo. 25-vjeçari ka qenë i pafat gjatë qëndrimit të tij me kryeqytetasit. Një dëmtim i rëndë në gju gjatë vitit të kaluar bëri që braziliani të qëndronte për më shumë se 8 muaj larg fushave të blerta.

Një largim nga Shqipëria preferohet nga sulmuesi, por fjala e fundit i takon klubit kryeqytetas. Braziliani ka një ofertë konkrete, gjithsesi largimi nga “demat” s’do të jetë aq i thjeshtë. Partizani nuk pranon ta lëshojë futbollistin pa u kompensuar nga ana financiare.

Kardozo iu bashkua të kuqve në janar të vitit 2018 nga maqedonasit e Pelister. Për kartonin e 25-vjeçarit u pagua një shumë te përafërsisht 30 mijë euro, shumë kjo që Partizani kërkon ta marrë mbrapsht në rast largimi të futbollistit.

Në një intervistë për “Supersport”, Rama flet mbi humbjen në transfertë dhe mbi mënyrën se si skuadra duhet ta nisë ndeshjen e kthimit edhe pse rezultati i takimit të parë nuk lë shumë vend për të shpresuar.

“Në pjesën e parë bëmë një lojë të shumë të mirë. Krijuam disa raste për shënuar, por fatkeqësisht nuk ia dolëm dot. Në pjesën e dytë ndodhi ajo që ndodhi. Pësuam tri gola, prej të cilëve duhet nxjerrim mësime”.

“Mendoj se më shkaktuan një penallti, por arbitri e pa ndryshe. Po ta kishim një gol në fushë kundërshtare do ta kishim shumë herë më të lehtë. Gjithsesi në futboll ndodhin gjëra të papritura. Duhet të besojmë e të mundohemi të fitojmë lojën, na duhet energji pozitive”.

“Siç e kam thënë dhe më përpara, në letër janë një ekip më i fortë se ne. Vlerën që e kanë, janë tre herë më të shtrenjtë se ne. në fushë, luhet me zemër, me karakter. Jam shumë i kënaqur që futbollistët e Partizanit na bënë dhe njëherë tjetër krenarë. Ata kanë një avantazh karshi nesh, pasi kanë vite që luajnë me njëri-tjetrin. Përveç se mbajtën topin më shumë se ne, goditje dhe rastet ishin tonat. Unë mundohem t’i shikoj gjërat me qetësi, më tepër se goli, më pëlqeu mënyra si ekipi u paraqit në fushë dhe zbatuan detyrat e trajnerit. Goli pastaj do të ishte qershia mbi tortë, por ndeshja është e hapur dhe ka edhe 90 minuta të tjera.

Unë mendoj që përpara se të bënim këtë ndeshje, trajneri ngulte këmbë dhe thoshte ka vetëm një ndeshje, vetëm një ndeshje. Nga ky takim i sotëm, morëm disa përgjigje të mirë. Tani vërtetë kemi vetëm një ndeshje. Do të kemi një javë më shumë stërvitje, Braun dhe Broja do të njihen me ekipin. Salomon ende nuk është në 100%, një javë na ndihmon shumë. Do të jemi më të gatshëm për të surprizuar atje.

Ne duhet të shkojmë atje për të bërë ndeshjen tonë, për të përfaqësuar ashtu siç duhet ngjyrat e Partizanit. Ndonjëherë, duhet edhe fati. Trashi? Është një lojtar që unë e dua shumë, gjithmonë ka sjellë cilësi te Partizani. Nuk ka çështje “Trashi”, këtu luan ai që i përshtatet më shumë trajnerit. Lerda preferoi Hakajn, që është më i mirë në fazën mbrojtëse. Po ta shikonit, Trashi përqafoi trajnerin në fund të ndeshjes, kështu që nuk ka asnjë çështje. Nëse Trashi do të shkojë diku tjetër për të vazhduar karrierën e tij, do të largohet me kushtet e duhura, pasi Partizani duhet të përfitojë nga transferimi i tij. Ne shpresojmë që Trashi të jetë transferta e parë e suksesshme e drejtimit tim te Partizani”, tha Rama.

Trajneri italian e mbylli aventurën e tij në Danimarkë te Velje dhe një rikthim i tij te “Demat” shihet si mëse i mundshëm. Sormani bëri mrekullinë me Partizanin, pasi i dha kualifikimin në turin e tretë në Champions League, duke eliminuar Ferencvarosin.

Aventura e Sormanit te Partizani zgjati vetëm 3 muaj, por pas largimit të tij, presidenti Demi u shpreh se i ka ngelur peng ky “divorc”. Tashmë, Sormani ka kaluar në krye të listës për trajnerin e ri të “Demave”.

EMOCIONET – “Së pari jam i lumtur që fituam Kupën. Për kombëtaren s’kam çfarë them më shumë. Jam një lojtar që dua të marr maksimumin çdo herë, sa herë që kam luajtur për Shqipërinë të gjithë e dinë se kam dhënë maksimumin në çdo ndeshje”.

PROBLEMI – “Në mëngjes pata disa probleme muskulore. M’u rikthyen pak gjatë ndeshjes, por më pas fillova të ndihesha mirë. Pjesën e dytë e filluam pak keq, na ka ndodhur shpesh kjo gjë gjatë sezonit, duhet të nxjerrim mësime nga gjëra të tilla”.

E ARDHMJA – “Për momentin s’kam folur me askënd. Për mua ishte e rëndësishme që shkoja diku ku mund të luaja. Më pas të shikojmë se ç’do të bëjmë”.

SUPERIORJA – “Shqipëria ka lojtarë të mirë e të talentuar. Kampionati po përmirësohet vit pas viti. Kam ardhur në një skuadër që më ka pritur shumë mirë dhe jam shumë i lumtur për këtë zgjedhje”.

Për këtë pjesë të parë, mesfushori i Tiranës, Edon Hasani, tha shkurtimisht për Supersport: “Pjesë e parë shumë e dobët, për t’u harruar. Duhet të reagojmë patjetër, të paktën për të shënuar një gol barazimi. Pjesë e parë për t’u harruar”.

Ndërsa sulmuesi i Kukësit, Valdet Rama, u shpreh: “Duhet t’i shfrytëzojmë rastet e krijuara, pasi është një ndeshje finale dhe gabimet nuk falen”.

Verilindorët kanë dy pikë më shumë se Flamurtari, që ka po ashtu një transfertë të vështirë në kryeqytet, përballë Tiranës. Në stërvitjen e sotme te Kukësi, mesfushori Eduart Rroca është parë të stërvitet i diferencuar dhe nuk do të jetë i gatshëm për sfidën kundër Kastriotit, për shkak të një problemi në shpinë. Megjithatë, futbollisti i ardhur në merkaton e janarit pritet të luajë në finalen e Kupës të dielën.

Po ashtu, nesër pritet të lihet pushim edhe Valdet Rama. Sulmuesi ka pasur disa shqetësime të vogla dhe për të mos rrezikuar aspak me prezencën e tij në takimin kundër Tiranës në fundjavë, do të qëndrojë pushim kundër Kastriotit. Kukësit i duhet vetëm një pikë për të siguruar vendin e dytë, ndërsa Kastrioti pritet të kërkojë me ngulm fitoren.

Gjici: Stadiumi do jetë 6 mijë vendesh. Sot është miratuar kontrata, është miratuar kontraktuesi. Fondet janë vënë në dispozicion. Është gati për të nisur punë.

Rama: Ta shohim kush e mbaron i pari

Gjici: Kanë 4 vjet që nuk e bëjnë. Më duket kanë më shumë se 6 vjet.

Rama: Ne jemi më modest, kemi edhe Arenën Kombëtare. Po të jenë ekip i fortë vitin tjetër, po.

Gjici: Partizanin e shohim në Champions, atje s’ka më. Atje është e vështirë. Gim Zeqo u tha të vetëve, Kukësi kaloi katër ture, duhet të dilnin ata kampionë. Në Europë nuk jemi konkurrentë, duam që të ecin gjithë ekipet. Përfaqësojmë Shqipërinë të gjithë. Po kaluan një tur do u them bravo u qoftë.

Gjici: Demin nuk e pashë ta ngrejë asnjëherë Kupën.

Rama: Demi e ka mendjen te Champions League.

Rama: As Partizani nuk ka pasur ndjekshmërinë që pritej. Një nga shqetësimet qëmë bën të mos gëzohem shumë, se edhe në ndeshjen me Tiranën nuk ishte plot. As në ndeshjen që u dha Kupa nuk ishte plot. Kishte vende bosh në sektorin tonë. Është një punë e madhe për të kthyer tifozët. Nuk ishte bosh, por kishte vende bosh.

Gjici: 1 milionë Tirana, stadiumi bosh. Kjo tregon që titulli duhet marrë me lodhje.

“Unë mund ta nis duke thënë që ka qenë një fat i madh që kam punuar me këtë grup, me presidentin Gaz Demin që është dhe miku im, pasi më ka krijuar kushte të mira për të punuar. Kam qenë me fat që kam punuar me këta djem, me trajnerin Gega. Kemi bërë një punë të madhe, që në fillim i kemi ndarë detyrat. Kemi dhënë çdo gjë për klubin, për objektivin tonë. Objektivi ynë nuk ka qenë të dalim kampion, por të rriteshim sa me shumë. Kjo përpjekje e jona, solli rezultatet, pasi dihet kur punon dhe kur ke brumë, rezultatet vijnë. Shpresoj që në të ardhmen të arrijmë edhe më shumë suksese”,

“As ne vetë si Partizan nuk i kemi bërë gjërat perfekte, kemi bërë gabimet tona gjatë rrugës, por shpresoj t’i rregullojmë. Këtë vit, kemi qenë më të qetë dhe kemi arritur të mbajmë presionin larg ekipit. Unë nuk mendoj se të merresh me gjërat e jashtme, janë frytdhënëse.  Nuk është se Partizani nuk ka qëllim të bëjë polemika. Një klub i madh si Partizani duhet të mbrojë të drejtën e vet, imazhin e tij dhe tifozët. Ka qenë meritë e jona që jemi shkëputur me pikë nga rivalët dhe e kemi bërë kampionatin më të qetë”.

“Ekipi i ka pushimet shumë të merituara, pasi duhet një energji e jashtëzakonshme të luash katër faza, 36 ndeshje në Superligë. Të mos harrojmë se kemi pasur dhe dy faza përgatitore në verë vjet. Këta djem, duhet të shkojnë te familja e tyre dhe të shijojnë pushimet, për të qenë sa më të gatshëm për sezonin e ardhshëm.

“Kur fituam titullin në derbi kundër Tiranës, kam qenë shumë më i ngarkuar. Tani, sigurisht është faza e nxehtë kur merren vendimet për përforcimet, por puna ka nisur me kohë. Ne e dimë shumë mirë që kundërshtarët që do të kemi përballë do të jenë të fortë, pasi shorti na vë në krahun e dobët. në planet e mia, nuk është të ndërton një ekip për Champions League apo Europa League, po për sezonin e ardhshëm në kampionat”, përfundoi Rama.

Drejtori i Partizanit, Olsi Rama, ka folur para ndeshjes kundër Kukësit, ku u shpreh se në stadium do të jetë një festë e madhe. Për sfidën kundër verilindorëve, merkaton dhe zërat për Migjen Bashën, Rama u shpreh:

“Ne kemi një ndeshje të dielën, do të jetë një festë të them të drejtën. Shpresoj dhe pretendoj që stadiumi do të jetë plot, për festën e titullit. Do të shikojmë në merkato për t’ui përforcuar aty ku skuadra ka nevojë. Unë si gjithmonë fokusin e kam te lojtarët e rinj. Por pjesëmarrja në Champions League kërkon dhe ndërthurjen e lojtarëve me eksperiencë. Bashën e pëlqej si lojtar, por fotoja është në tjetër kontekst”, përfundoi drejtori i Partizanit.

Për “Sport Ekspres” Ervin Kapaj tregon se pse ky edicion ka pasur një numër kaq të lartë dëmtimesh, duke u ndalur dhe te një rast i cili për të mund të konsiderohet si bast. Kapaj tregon për evitimin e operimit në rastin e Valdet Ramës, por në të njëjtën kohë edhe për rastet e ngjashme me lojtarë si Musolli, Vajushi, Ngo etj.

RIKUPERIMI I VALDET RAMËS  – “Ishte një kënaqësi personale që mora gjatë rikuperimit në kohë record të Valdet Ramës. Duke parë dëmtimin që ai kishte dhe pasi kishte bërë shumë vizita tek mjekë dhe kirurg të ndryshëm, kisha kënaqësinë që më besoi mua rikuperimin e tij që të evitonte operimin. Ishte një vlerësim i detajuar i dëmtimit, pasi më parë i kishin parë vetëm rezonancën e tij. Nëse shihej vetëm ajo tregonte se ishte konsumuar menisku dhe duhej me çdo kusht ndërhyrja kirurgjikale. Duke parë dhe moshën që është 31 vjeç, menisku e humbet funksionin e tij. Nuk duhet parë vetëm rezonanca pasi mund të gabojmë. Ne vizitojmë pacient dhe jo fotografi, ndaj ky është një element shumë i rëndësishëm. Duhet bërë dhe vlerësimi klinik, për të parë simptomat. Në sport gabohet sepse bazohen vetëm tek ekot apo rezonancat. Një mjek sportiv duhet të bëjë vlerësimin për të përcaktuar kohën e rikuperimit”.

POSTIMI PËR RAMËN NJË BAST ME VETEN  – “Dua të falënderoj klubin e Kukësit, pasi ma besoi lojtarin dhe nuk bëri asnjë ndërhyrje. Ata më besuan lojtarin, por e falënderoj dhe Valdetin për besimin që më dha vetë. Ishte më shumë se një sfidë për mua. Synimi është që koha e rikuperimit të jetë më e shpejtë. Futbolli do po ose jo, bëhet apo nuk bëhet. Mund të them se ishte një postim pak i nxituar, por me shpresën e madhe me eksperiencë kisha besim se do ia dilja dhe do ishte gati. Në fund erdhi rezultati dhe ai ishte në fushë e më pas shënoi”.

FATI I KEQ I KUKËSIT  – “Pjesa më e madhe e lojtarëve të Kukësit kanë ardhur këtu dhe një pjesë e konsiderueshme kanë pasur problem me gjurin, apo tërheqje muskulore. E kemi thënë shpesh se kjo vjen nga terrenet. Kukësi ka ndryshuar shumë terren këtë edicion. Kur luan në sintetik është i dëmshëm, por e di ku luan. Kur kalon sa në sintetik e më pas në natyral, këto trauma akumulohen”.

DËMTIMET NË MASË  – “Janë luajtur shumë ndeshje dhe nuk ka pasur terapi gjatë ndeshjeve. Traumat akumulohen dhe vijnë dëmtimet. Bëhen disa ndeshje në pak kohë. Të luash dhe të mos bësh terapi, mikrotraumat akumulohen dhe dalin në pjesë të ndyshme të trupit”.

BESIMI I LOJTARËVE  – “Është një përgjegjësi e madhe që më besojnë, pasi ata e kanë punë dhe nuk duhet të neglizhosh apo të abuzosh. Duhet të japësh gjithnjë maksimumin sepse futbolli apo futbollistët janë në qendër të opinionit publik. Në mes është reputacioni. Eksperienca është arma më e fortë. Lojtarët kanë fituar dhe besim dhe e transmetojnë nga njëri tek tjetri dhe kjo më ka ndihmuar shumë”.

KËSHILLAT PËR KLUBET  – “Duhet të investojnë tek stafi mjekësor i kualifikuar. Nuk duhen marrë njerëz pa eksperiencë, për faktin se kështu dëmtojnë dhe investimin e tyre. Duhet shumë kujdes, pasi nga pakujdesia dëmtimi mund të bëhet serioz. Marrim rastin e Maldin Ymerajt, i cili nëse do ishte trajtuar me kujdes për 10 ditë do ishte gati, por tani është i detyruar ta mbyllë sezonin para kohe. Faza e shkarkimit duhet të jetë pjesë e ekipeve, për mbingarkesat. Asnjë ekipi nuk i kushton që të marrë një makinë akulli dhe të krijojë vaska për lojtarët, për të shkarkuar ngarkesat që janë akumuluar. Fushat sintetike janë arsyeja kryesore e mikrotraumave”.

PARTIZANI – “Falëminderit për fjalët e mira, por unë besoj se erdha në një klub me shumë traditë dhe ku pjesa më e madhe e punës ishte bërë. Me ndihmën e presidentit dhe me të stafit, kurorëzuam një sukses që kishte kohë për të cilin punohej”.

PUNA E BËRË – “Partizani është një klub i madh dhe me të gjithë vështirësitë që mund të kesh, ka suport të madh nga njerëzit. Humbje do të ketë gjithmonë, por rëndësi ka si ngrihesh pas humbjes. Sado të bëjmë ndryshime të mëdha në ekip, parësore për ne ka qenë të instalojmë një skuadër një frymë besimi dhe të jemi sa më të afërt me njëri-tjetrin”.

BESIMI PËR TITULLIN – “Nuk ka mbaruar akoma kampionati, pasi ka dhe tre ndeshje. Duhet të japim maksimumin tonë, ta ngrejmë trofeun kundër Gjirokastrës. Unë e kam kuptuar potencialin e ekipit në ndeshjen kundër Mariborit. Ju mbase nuk e besoni, por humbja aksidentale në Korçë në javën e parë, ekipi tregoi që ishte në rrugën e mbarë”.

MERKATO – “Mua nuk më intereson farë tani për tani sezoni i ardhshëm. Për momentin, dua të shijoj fitoren e sotme. Se sa % e ekipit do të rikonfirmohet, ende nuk ka ardhur në axhendën time. Preferoj të punoj me lojtarët që kam, por aty ku do të jetë nevoja, do të ndërhyjmë në merkato, si për Champions League, ashtu dhe për sezonin e ardhshëm”.

EKIPI – “Unë nuk i ndaj lojtarët, pasi i gjithë ekipi punon që të shkojë te goli. Megjithatë, ata që shënojnë marrin merita më të mëdha. Falënderoj Shkodrën, pasi na ka dhënë dy fitore në derbi. Shpresoj që në ndeshjet e ardhshme të shikoni seriozitetin e Partizanit. Futbolli luhet me karakter dhe këta çuna që janë këtu, e kanë kuptuar që ndeshjet nuk fitohen ditën e diel, por gjatë gjithë javës.

Në seancën e sotme stërvitore, trajneri Gjoka ka pasur në dispozicion dyshen e lojtarëve, që i janë bashkuar pjesës tjetër të grupit. Shameti kryente prej disa kohësh stërvitje i diferencuar, ndërsa sot ka bërë një seancë të plotë. Ndërsa për Valdet Ramës, flitej për një operim dhe për mbyllje sezoni, por dhe sulmuesi i majtë është rikthyer të jetë i gatshëm.

Në një intervistë për të medien zvicerane “Blick”, Rama tregon rrethanat në të cilat erdhi ftesa nga trajneri Këbi Kuhn dhe rrugëtimin e tij në Zvicër që filloi nga kategoria e pestë dhe kulminoi me ngritjen në kategorinë e parë disa vite më vone me skuadrën e Tunit.

“Kam qenë i pari shqiptar që kam luajtur për përfaqësuesen e Zvicrës. Pas meje erdhi Valon Behrami dhe më pas djemtë e tjerë. Mendoj se dhe për ata ka qenë një ëndërr e bërë realitet”.

KISHTE INTERES NGA SHQIPËRIA ? – “Federata e Shqipërisë më kontaktoi, por asnjë herë nuk u bë një gjë konkrete. Kur më erdhi ftesa nga Zvicra e pranova menjëherë. Më mbush me krenari fakti që kam luajtur shtatë herë për kombëtaren e Zvicrës. Do t’i jem përjetë mirënjohës trajnerit Këbi Kuhn”.

“Kurrë nuk e kisha përfytyruar se një ditë do të luaja për Zvicrën. U rrita në Kosovë, më pas kur erdha në Zvicër fillova të luaja për një ekip të kategorisë së pestë. Gjithçka ndodhi shumë shpejt, mu duk si një mrekulli kur më kërkoi klubi i Tunit. Në vitin 2002 ekipi jonë kaloi nga kategoria e dytë në të parën. Goli që shënova në ndeshjen e play-off ndaj Vinterthurit është goli më i rëndësishëm i karrierës sime”.

SI U PRITE SI SHQIPTARI I PARË I ZVICRËS – “Më pritën shumë mirë. Nuk u thirra nga Zvicra për shkak të kombësisë sime, e fitova atë ftesë falë golave të mi”.

FESTIMET ME SHQIPONJË TË XHAKËS E SHAQIRIT – “Ajo ndeshje kishte shumë emocione. Lojtarët nuk menduan për pasojat e mundshme. Presioni që ke kur shënon në një ndeshje të tillë është shumë i madh. Festimi me Shqiponjë bëri shumë shqiptarë krenarë, por akoma dhe më i madh ishte gëzimi i fitores. Nëse do të kishim fituar ndaj Suedisë, nuk do të flitej më për çështjen e festimit”.

ME ÇFARË MERRENI TANI? – “Tani punoj në industrinë e sigurimeve, ndërsa si profesion të dytë kam atë të agjentit të lojtarëve. Vazhdoj të luaj futboll me një ekip amator, por tani nuk shënoj gola, pasi kam bërë plot gjatë karrierës sime”, përfundoi Rama.

TË GRUMBULLUARIT – “Normalisht, Kategoria Superiore po të krahasohet me ligat tjera europiane, është mbrapa dhe duhet të zhvillohet. Kur isha unë kombëtare, kishim dy-tre futbollistë të Superiores në kombëtare. Kemi kaluar mirë dhe kishin shumë kualitete. Por tani Shqipëria luan kundër kombëtareve të mëdha dhe vendimet e trajnerit më duken të sakta. Megjithatë, shpresoj që në të ardhmen të ketë lojtarë më shumë në kombëtare nga Superiorja”.

VENDIMI I DURMISHAJT – “Durmishaj e ka vendosur dhe nuk kam çfarë të them. Besoj e ka vendosur me familjen e tij. Ne dëshironim që ai të zgjidhte Shqipërinë, por ka zgjedhur dikë tjetër”.

OBJEKTIVA PERSONAL – “Unë si Valdet jam i fokusuar te Kukësi dhe të bëjmë maksimumin, për të kaluar Partizanin. Le të shohim përpara”.

GJENDJA FIZIKE – “Unë e ndjej veten mirë dhe ndeshjet që kam luajtur më kanë ndihmuar shumë. Duhen dhe disa ditë që të përgatitem, por në ndeshjen e radhës shpresoj të jem për 90 minuta. Gjithsesi, fokusi është te ndeshja e sotme, pastaj do të shohim”, u shpreh Rama.

“Kemi domosdoshmërinë që ta aplikojmë këtë dënim minimumi tre vite. Kemi shembuj pozitiv nga Anglia, ku jo vetëm që u zhduk dhuna, por u zhdukën edhe telat nga stadiumet. Burgimi dhe përjashtimi i përjetë i atyre që prekin vijat e bardha do të jetë hapi i parë që ne do bëjmë me parlamentin duke ndryshuar kodin penal”.

“Duhet t’i japim fund teatrit që bëjnë klubet shqiptare në aspektin e deklarimit të pagave të lojtarëve. Boll më me lojtarë që deklarohen paguhen sikur punojnë në masonë. Kjo nuk mund të vazhdojë. Jemi të gatshëm ta zerojmë tatimin nga fitimi për lojtarët për disa vite. Pse jo dhe të mos investojmë taksat për investimet në infrastrukturën sportive”

“Ne jemi gati të diskutojmë për një ligj për sponsorizimet, por nuk duhet të themi fjalë që nuk i mbajmë dot. Deri më sot ne nuk kemi asnjë stadium të menaxhuar normalisht. Është bërë federata si një ambulancë që merr përsipër menaxhimin, ndërkohë kur normaliteti do të kërkonte që pronarët e stadiumeve së bashku me klubet do të kërkonte të bashkitë me klubet të hynin në një logjikë të re. Këto janë disa ide të mia, nuk diskutohet që eksperienca e kujtdo këtu është më e vlefshme se sa të gjitha shembuj e marrë me vendime. Duhet që të krijojmë një komision të reformës me grupe të ndara, ku një grup të merret me

“E fundit është dhe krijimi i një arbitrazhi ligjor brenda në Shqipëri, kam dëgjuar shpesh që duhet shkuar në CAZ Lozanë. Qeveria do të bërë në dispozicion në çdo pjesë të saj. Fillimisht do të mbarojmë ndryshimet në kodin ligjor, më pas të tjerat t’i plotësojmë brenda 100 ditësh dhe të takohemi sërish. Ne do vazhdojmë të mbështesim Federatën dhe Futbollit, së shpejti do të fillojnë punimet për stadiumin e Kukësit, ndërkohë që në radhë po shohim nga Durrësi, Fieri dhe Vlora”.

“Për problemin e dhunës, duhet të kemi një qasje për të vendosur një bazë solide dhe për të hyrë në një bazë pa kthim. Duke u bazuar në njohuritë e mija të kufizuara, unë besoj se spektatorët në stadiume u takon një status i veçantë. Kjo është një gjë që vendet e tjera e kanë. Besoj se është koha që policia e shtetit dhe Federata të mos ia lënë topin njëra-tjetrës, por të bashkëpunojnë. E di që ka një problem ligjor, por kjo nuk është një arsye për t’u fshehur pas gishtit, por është një nga aspektet që ne duhet të trajtojmë”.

“Unë besoj se po aq e rëndësishme sa është policia në stadiume, aq e rëndësishme është që mos e kemi mendjen për herë të policia. Problemi më i madh i policisë është infrastruktura e stadiumeve. Klubet duhet të pajisin impiantet me kamera, tani jetojmë në epokën e teknologjisë”.

“Kur flas për status të veçantë për spektatorin, e kam fjalën për të përcaktuar disa nivel detyrimesh dhe ndëshkimesh. Për shembull duke filluar nga gjobat. Stadiumet nuk do jenë arena ku shahet me libër shtëpia arbitri dhe kundërshtari. Duhet të hyjë në një proces libri dhe në bazë të statusit të spektatorit të merren dënimet përkatëse. Ne do të ndërhyjmë menjëherë në kodin penal dhe kapërcimi i vijave të bardha do të dënohet me tre vite burg, jo gjobë. Kush kalon vijën e bardhë dhe hyn në tapetin e gjelbët është një kërcënim fizik për ata që janë duke kryer detyrën e tyre”.

“Kemi domosdoshmërinë që ta aplikojmë këtë dënim minimumi tre vite. Kemi shembuj pozitiv nga Anglia, ku jo vetëm që u zhduk dhuna, por u zhdukën edhe telat nga stadiumet. Burgimi dhe përjashtimi i përjetë i atyre që prekin vijat e bardha do të jetë hapi i parë që ne do bëjmë me parlamentin duke ndryshuar kodin penal”.

KATEGORIA SUPERIORE –  “Mund të them se kampionati shqiptar ka lojtarë shumë të fizikshëm dhe shumë të shpejtë, këtu nuk mungon cilësia. I kam thënë dhe trajnerit dhe presidentit që do të duhen dhe dy ose tri lojëra për të marrë formën time më të mirë. Në ndeshjen kundër Tiranës nuk luajta mirë, pasi kisha 11 muaj pa një ndeshje zyrtare”

“Më duhet të përshtatem sa më shpejt. Po punoj ekstra në stërvitje për të kapur nivelet e mija të mëparshme. Te Kukësi kam nënshkruar një kontratë deri në fund të sezonit për të ardhmen të shohim më pas”.

PARTIZANI – “Partizani po luan shumë mirë. Kukësi duhet të shikojë ndeshjet e veta, duke dhënë maksimumin në çdo lojë. Në fund të shohim se kush do të bëhet kampion”.

KOMBËTARJA – “Ka qenë gjithmonë një kënaqësi për mua që të luaj për kombëtaren shqiptare. Megjithatë nuk po e mendoj për atë pjesë, tani jam i fokusuar te Kukësi”.

“Do fillojmë ndërtimin e stadiumit të Kukësit. Pas Tiranës, Shkodrës dhe Elbasanit, do kemi edhe Kukësin me stadium. Ka shumë shanse që pas Kukësit, të bëhet stadiumi edhe në Korçë. Kemi një plan për rindërtimin e stadiumit.

Korça e meriton dhe nuk duhet që në gjithë këtë modernizim, ne të lëmë ende për një kohë të gjatë stadiumin në atë gjendje që është. Për mua, është stadium qesharak. Do investojmë seriozisht për të bërë një stadium model të standardeve evropiane”,- premtoi Rama.

DEBUTIMI – “Ishte kënaqësi që e fituam këtë ndeshje, duke parë që edhe e kemi humbur ndeshjen e parë 2-1. Ia dolëm si ekip dhe unë jam i kënaqur që isha pjesë e skuadrës në fushën e lojës, pasi kisha disa kohë pa luajtur.” 

VËSHTIRËSI – “Normalisht, ishte ndeshja e parë dhe unë vetëm 2 stërvitje kam me ekipin. Pak e nga pak, do i mësoj të gjitha gjërat se si luan ekipi. Mendoj se do të arrij shumë shpejt në nivelet më të mëdha. Kam punuar dhe në Gjermani dhe gjithmonë kam qenë në formë të mirë fizike.”

KUKËSI – “Skuadra më pëlqen që ka dëshirë vetëm të fitojë. Kjo gjë më pëlqen te Kukësi. Ne do të mundohemi të bëjmë detyrat që kemi dhe të arrijmë objektivat.

PRESIONI – “Unë do të mundohem çdo ndeshje të jap maksimumin dhe të fitojmë. Ashtu duhet të jemi e gjithë skuadra dhe të japim maksimumin, pastaj të shikojmë çfarë do të bëhet”,- u shpreh Rama.

31-vjeçari ka folur për “Supersport”, teksa ka falënderuar ekipin e Kukësit për mundësinë e dhënë, duke premtuar që do të japë maksimumin për klubin. Gjithashtu, Rama shtoi se shpreson që në fund, Kukësi të festojë titullin dhe të gjithë të qeshin në fund të sezonit.

“E ndjej veten shumë mirë që kam nënshkruar. Falënderoj Kukësin që më dha mundësinë të vija këtu dhe do bëj maksimumin për synimet që ka klubi. Besoj se është një etapë e re dhe e ndjej veten mirë dhe jam i gatshëm të jam maksimumin për këtë skuadër. Shpresoj që të arrijmë qëllimin që ka klubi dhe të qeshim në fund të sezonit. Shanset janë të mira”.

Ndërsa për “A2”, Valdet Rama tha:  “Për pesë muaj jam stërvitur rregullisht me Shalken. Nuk ka qenë e lehtë, por pas aventurës në Kinë dëshira ishte të kthehesha në Gjermani. Isha në bisedime me disa klube, por nuk gjetëm marrëveshje. Tani erdhi rasti të vija në Shqipëri: këtu flas gjuhën, e ndjej veten si në shtëpi dhe ku kam luajtur me Kombëtaren. Nuk kam pasur asnjë frikë që të vijë këtu.”

“Ditët e fundit kam qenë në kontakt me klubin, e ndjeva veten mirë dhe vendosëm së bashku me familjen të firmosja marrëveshjen. Jam i lumtur që u realizua. Me trajnerin (Panuçi) nuk kam pasur asnjë kontakt. Kam ardhur të tregoj veten, të kem sukses. Për të tjerat nuk e kam menduar, çfarë do të vijë, le të vijë.”

“Ëndrrat duhen për të pasur sukses. Nëse punon fort dhe e jep maksimumin, gjithçka në jetë është e arritshme”,- përfundoi futbollisti i Kukësit.

“Fitorja në Korçë, ka bukurinë e vet. Unë gjithmonë e kam thënë se nuk i shoh ekipet tjera, ndoshta i shoh në 2-3 javët e fundit. Lufta jonë është me veten tonë, që të përmirësohemi dhe të bëjmë diçka ndryshe.

Gjëja që pashë ka qenë dëshira e djemve për tu përmirësuar, fakti që janë të vetëdijshëm që kanë një ekip të mirë. Mendoj se kjo ishte dhe një nga arsyet që fituam. Terreni nuk na ndihmoi dhe bëri që të mbrohemi më shumë dhe të sulmojmë me kundërsulme. Shënuam shumë shpejt dhe kjo gjë na ndihmoi.

Blerjet e reja do të luajnë atëherë kur ta meritojnë. Jam shumë i kënaqur me Rexhepin dhe mendoj se është një prurje shumë e mirë për ekipin tonë”,- u shpreh Rama.

Në një prej videove, kryeministri tregon nga afër edhe pjesën e hyrjes kryesore të stadiumit, ku është  vendosur fasada e vjetër e stadiumit “Qemal Stafa”, një detaj interesant, që të na kujtojë “shtëpinë”e dikurshme të kombëtares shqiptare.

Shiriti i inaugurimit për “Arenën Kombëtare” do të pritet në fund të pranverës dhe me shumë gjasa ndeshje e parë zyrtare në këtë impiant do të jetë ajo ndaj Moldavisë më datë 11 qershor.

BARAZIMI I FUNDIT – “Jam pak i mërzitur nga rezultati në Gjirokastër. Prisja më tepër. Deri tani unë them që s’kemi bërë asgjë. Titulli kampion dimri është një titull “llamarine”. Vendin e parë e kemi merituar. Ka qenë fryt i një pune grupi nga lojtarët deri te presidenti, i cili gjithmonë ka qenë pranë skuadrës”.

GABIMET E FUNDIT – “Një nga shqetësimet e mia më të mëdha ka qenë se si do reagonte klubi kur gjërat do të çalonin. E dija shumë mirë që kjo do të ndodhte, pasi kampionati është i gjatë dhe ngarkesa do të bënte të veten te lojtarët. Pushimi erdhi në momentin e duhur për skuadrën tonë”.

“I kam gjërat e qarta se çfarë duhet të bëjmë për të ardhmen për të përmirësuar ekipin. Partizani synon që të bëjë sa më shumë miq dhe jo armiq. Kemi si qëllim që t’i mbushim sa më shumë shkallët e stadiumeve”.

DILAVER DUKA – “Duka është një lojtar që ka luajtur në “MLS”, të cilin trajneri Gega e njeh mirë. Është një lojtar me tipare sulmuese, i cili vjen nga një dëmtim ka pasur dhe disa probleme në familje. Ai ka pranuar të vijë te ne në provë. Tani të shikojmë”.

SHITJE NË JANAR  – “Ka interes për lojtarët tanë. Shpesh në stadium kanë ardhur skautë të huaj dhe unë kam folur me ta. Një nga leksionet e para që kam marrë është se një ekip nuk forcohet duke bërë blerje, por duke bërë shitje. Unë jam i gatshëm të diskutoj për çfarëdo lloj oferta, qoftë në janar. Në radhë të parë mua më intereson dhe ardhmja e lojtarëve, që mund të kalojnë në një kampionat më elitar. Paratë që do të marrim, nuk do t’i fusim në xhep, do t’i përdorim për të marrë lojtarë të tjerë”.

PIKAT E DOBËTA TË PARTIZANIT AKTUAL – “Trashi është një lojtar, i cili ka cilësi të jashtëzakonshme dhe me meritë fitoi çmimin “Topi i Artë”. Ai nuk është një mbrojtës i majtë tipik, pasi luan si një sulmuesi i shtuar, ndërkohë që bën mirë dhe fazën mbrojtëse. Në mesfushë jemi pak hollë. Bardhi është adaptuar mirë në rolin e qendërsulmuesit. Nuk është roli tij i natyral, por ai i ka vendosur në shumë vështirësi mbrojtësit me volumin e madh dhe cilësitë e tij teknike”.

KOMPLEKSI DHE STADIUMI I RI – “Punimet kanë ndaluar për arsye të financave. Unë nuk kam qenë pjesë e Partizanit kur u mor vendimi për atë projekt .Fillimisht ishte ideja e presidentit Demi për krijimin e një ministadiumi, pasi në atë kohë morëm vesh se do të prishej stadiumi “Qemal Stafa”. Shpresojmë që së shpejti të bëhet realitet kjo ëndërr e jona”.

DËMTIMI I ALBAN HOXHËS – “Komunikova mbas ndeshjes me Albanin dhe më tha se kishte dhimbje në gjoks dhe në krah. Sipas vizitës së parë që ai kreu në spital, nuk u fol për diçka serioze. Të nesërmen do të bëjë një grafi në Tiranë dhe do të marrim vesh shkallën e plotë të dëmtimit”.

GJYKIMI – “Ka pasur gabime nga gjyqtarët, por unë mendoj gabimet siç janë kundër nesh do të jenë në favorin tonë. Arbitrat shpesh bëhen protagonistë të ndeshjeve me gabimet e tyre. Arbitrat në Shqipëri duhet të kuptojnë se arbitri i mirë është ai që nuk flitet në fund ndeshjes. Në pjesën e parë pati një gjykim të drejtë, por në pjesën e dytë pati raste ku nuk pati fishkëllima për faulle të qarta, për shembull rasti i dëmtimit të Hoxhës”.

TITULLI KAMPION – “Kjo do të varet nga mënyra se si ne do punojmë e si do t’i shfaqim vlerat e skuadrës sonë. Mund të them se po i mësojmë kësaj skuadra si të fitojë. Po krijojmë një ekip që do të ketë një të ardhme të gjatë në futbollin shqiptar”.

ÇMIMET – “Jam i bindur që Trashi e meriton “Topin e Artë” të Superiores, për arsyen se e ka treguar në fushën e lojës se është një lojtar me shumë vlera. Gjithashtu jam i gëzuar edhe për nderimin që ju bë dy figurave të Partizanit si Perlat Mustës dhe Genc Tomorit. Kjo tregon se Partizani ka një traditë që shkon shumë përtej këtyre fitoreve që në këtë gjysmë edicioni”.

MERAKATO – “Merkato është një proces i vazhdueshëm dhe ne nuk është se fokusohemi vetëm në periudhën e janarit. Ne gjatë gjithë kohës studiojmë lojtar potencial, për të përmirësuar gjithnjë kolektivin tonë”.

VENDI I PARË – “Të jesh kampion dimri është një kënaqësi dhe një ndjesi e bukur të jesh në krye”.

“Fakti që nuk morëm sërish pikë. Ekipi ka krijuar një ngërç psikologjik, pas ndeshjes me Kukësin, ku duhet të merrnim 3 pikët. Nuk po arrijmë që të dalim dot aty ku duhet, që të dalim te goli, nuk po shfrytëzojmë rastet që na krijohen. Me gabimin e parë më pas ndëshkohemi. Nuk po e kuptojmë as vetë, pasi edhe pse punojmë gjatë gjithë javës për këtë problem, po na ndodh sërish në fushën e lojës. Do vazhdojmë punën dhe nuk do të dorëzohemi”.

“Shpresojmë dhe besojmë se është një moment kalimtar. Edhe sot çunat luajtën, dhanë maksimumin, por sërish ka diçka që nuk shkon. Na takon ne si staf që të punojmë gjatë gjithë javës dhe të gjejmë se ku është defekti sepse kampionati vjen e shkurtohet dhe ndeshjet vijën e pakësohen. Kemi dhe 69 pikë në lojë. Duhet të lëvizim, të marrim pikë, pasi kemi disa javë që jemi në fund. Ishte ndeshja jonë, ndaj një rivali direkt dhe nuk duhet të kishim dalë pa pikë”.

Me pak fjalë, kryeministri kërkon të mbyllë totalisht edhe bastet sportive, sepse qenkan njësoj si “e kuqe, e zezë”, si pokeri, ruleta e ç’të doni. Aftësia për të parashikuar Kupën e Botës qenka një krim i madh, sepse ne shqiptaret po humbasim paratë dhe qeveria kujdeset për paratë tona.

Tani, pa u futur te politika, pa u futur as te diskutimi se ku qëndron krimi nëse paratë e tua i bën rrush e kumbulla, kryeministri do bënte mirë që ndonjë shpjegim të na e jepte, sepse jemi bagëti, dhe bariu ynë duhet të na tregojë rrugën, për të mos shkuar në humnerë.

Kryeministri duhet të na shpjegojë: kompanitë e basteve janë biznes i ligjshëm apo jo? Duke qenë se paguajnë taksa, blejnë licenca për dyqane dhe për llogari online, punësojnë njerëz dhe paguajnë sigurime, logjika të thotë që janë të ligjshëm. Të huajt, ata me pak më shumë tru se ne, thonë “reklama është shpirti i biznesit”. Si do zhvillohet një biznes, kur kryeministri i thotë që reklama është krim? Pse kryeministrat dhe kryebashkiakët tanë kujdesen aq shumë që të kenë një karro me televizione e kamera nga pas, për të dalë sa më bukur edhe kur zbresin nga makinat e tyre varfanjake, apo nuk është reklamë kjo?

Ndoshta kryeministri, që është tifoz, duhet të shpjegojë pse Betclick apo Bwin sponsorizojnë Juventusin, Realin dhe Milanin, Sbobet sponsorizon në Angli e Spanjë, Bet365 sponsorizon Stoke City e kështu me radhë. Pse Championship në Angli quhet Sky Bet Championship? Kaq pak e duan veten të huajt, që i ligjërojnë dhe pranojnë bastet sportive, ashtu si reklamat e tyre? Mos ndoshta është një biznes si gjithë të tjerët, ashtu si kafenetë ku shqiptarët lënë paratë çdo ditë? Mos ndoshta nesër kryeministri do dalë dhe do urdhërojë: Të mbyllen edhe kafenetë, sepse po i lini paratë aty?

Po shteti ynë, nuk përfiton fare nga tregu i basteve? Mos ndoshta kanë të drejtë disa dashakeqas, kur thonë se lufta po bëhet që një kompani të kapë tregun dhe të mbyten të tjerat?

Meqë kryeministri i konsideron bastet plagën me të madhe për shqiptarët, pse nuk na jep një koment edhe për kompanitë celulare, që po tallen çdo muaj, duke ulur muajin në 28 ditë, apo duke rritur çmimin 20% brenda nate të gjithë njëkohësisht?

Po për karburantin më të fëlliqur në Europë, që na e shesin si frëngu pulën dhe e rritin çmimin çdo natë, nuk mendon kryeministri se është plagë?

Po për ushqimet që hamë, miellin që bëhet buka, ujin e ndotur që nuk e pijmë dot dhe blejmë shishe me ujë çdo ditë, mishin që vjen nga ana tjetër e planetit, nuk do kemi ndonjë koment në Twitter nga kryeministri?

Po për faktin që Tirana ka vetëm një spital shtetëror ku vdesin njerëzit në korridor, ndërsa disa fatlumë shkojnë te spitalet private me emra amerikanë e me staf shqiptar, nuk do kemi ndonjë batutë nga i pari i këtij vendi të kalbur?

Mos ndoshta do duhet që kryeministri që na do kaq shumë të bllokojë edhe telenovelat turke që po ndotin ekranet, apo muzikën tallava që po përdhunon veshët tona prej dekadash?

Zoti kryeministër, kujdesu më shumë për disa nga këto gjërat më sipër, si dhe na ruaj nga duelet e sherifave nëpër rrugë, se për lekët që lënë njerëzit në lloto nuk gjen dot zgjidhje, e shumta do lulëzojnë bastet ilegale, përveçse do ikin paratë nga Shqipëria.

Nëse kjo është demokracia, kthehu o Enver Hoxha, të na kujtosh pak si është diktatura!

Luçiano Moxhi vijon të ketë kontakte me drejtuesit e Partizanit dhe bashkëpunimi me të do të vijojë. Të njëjtat burime bëjnë me dije se Moxhi ka kontakt të vazhdueshëm me presidentin Demi dhe drejtorin Rama dhe nuk përjashtohet mundësia që në ditët e ardhme të ketë dhe ndonjë vizitë blic nga ana e ish-drejtorit të Juventusit. Pra, me pak fjalë, struktura e Partizanit nuk ka ndryshuar shumë dhe Moxhi mund të konsiderohet si këshilltar i presidentit Demi, i cili beson tek italiani.

Moxhi dhe Partizani do të vijojnë të ruajnë kontakte dhe ajo që mësohet tjetër është se shumë shpejt se italiani do të sjellë tek Partizani në huazim disa lojtarë nga Juventusi. Emrat nuk bëhen ende të ditur, por në orët në zhvillim mund të ketë diçka më konkrete. E sigurt është që te Partizani diçka po lëviz, por projekti mbetet ai i Luçiano Moxhit, i cili dhe pse dështoi në provën e parë ka besimin e “të kuqve”.

Ky rikthim i Moxhit në skenë ngre shumë pikëpyetje, sepse projekti i tij rezultoi një dështim, me afrimet aspak cilësore të sezonit të shkuar, ndaj ky hap pas në një farë mënyre tregon mungesën e ideve te Partizani, aty ku kanë dështuar në shumë drejtime, mjafton të kujtohet eliminimi pa zhurmë në Europa League, afrimi dhe largimi i Nikoliç, lufta e humbur me Edgar Çanin apo mungesa e afrimeve të tjera cilësore.

Olsi Rama është ndryshe. Nëse te Partizani ka pasur polemika pa fund kundrejt federatës, arbitrave e rivalëve këto vitet e fundit, vëllai i kryeministrit ka zgjedhur një linjë tjetër. Në fakt, është Drejtori i Përgjithshëm i Partizanit, jo vëllai i Edi Ramës, dhe Olsi ka nisur një revolucion të heshtur te Partizani. Diplomacia, arti i panjohur për shumicën e shqiptarëve, zotërohet mirë prej tij dhe është një kënaqësi ta dëgjosh, nëse nuk je pjesë e turmës, e njerëzve të etur për polemika, për ofendime, për akuza. Olsi Rama i thotë të gjitha, në një lidhje me emicionin “Zona Gol” në Supersport, duke nisur nga Partizani e deri te arbitrat, nga planet e së ardhmes e deri te dosja e UEFA-s që kërkon dënimin e Skënderbeut…

Merkatoja – “Kampionati ynë është i vështirë, ka një specifikë të veçantë, ndaj edhe lojtarët e ardhur verën e shkuar nuk u përshtatën dot si prisnim. Rregullimet e bëra në merkaton e janarit janë bërë duke menduar për të tashmen, por sidomos për të ardhmen, duke mbjellë tani dhe duke korrur më vonë”.

Akademia e Partizanit – “Është e vërtetë, nuk është në një situatë komode, sepse na u desh të lëviznim nga ish-klubi Dinamo. Projekti i klubit Partizani është shumë i bukur, është një kompleks 37.000 metra katrorë, me tre fusha, me një ministadium prej 4500 vendesh dhe një minihotel me të gjitha kushtet. Aty fillon kthesa e madhe e Partizanit, sepse një infrastrukturë e tillë të lejon të bësh punën në mënyrë më efektive. Projekti ka nisur, presidenti ka bërë një sforcim të madh dhe tani po kërkojmë të vazhdojmë investimin tonë. Në kushtet që jemi, nuk është e lehtë, por jemi optimistë që do të gjejmë fondet e mjaftueshme, nga vendi apo edhe nga UEFA, për të ndërtuar një klub model në Shqipëri. Planet tona nuk ndalen këtu, sepse duam të punojmë fort edhe për marketingun e klubit, për ta bërë sa më tërheqëse markën e një klubi të madh si Partizani, por kjo vlen edhe për klube të tjerë të rëndësishëm, si Skënderbeu, Flamurtari, Vllaznia e të tjera”.

Të ardhurat – “Nuk janë të mjaftueshme, sado të mëdha të jenë, duke përfshirë edhe ato nga kupat e Europës. Klubi duhet të krijojë të ardhura nga lojtarët që rrit vetë dhe i shet, duke i zëvendësuar me të tjerë të talentuar”.

Synimi për skuadrën – “Së pari, në këtë fazë unë dua lojën. Edhe pas humbjes kundër Kukësit i takova lojtarët dhe u thashë të ngrinin kokën. Po luajmë mirë, edhe ndaj Skënderbeut, por fati nuk është në kohën tonë këto kohë. Një ndër më të mirët në fushë për ne, Gojkoviç, shënoi edhe autogolin, një fatalitet”.

Lukas dhe Abdurahimi – “Janë lojtarë vërtet të mirë, por ende nuk e kanë kapur ritmin dhe nuk janë ambientuar në futbollin shqiptar. Besoj se do të ndodhë në vazhdim dhe do të habiteni me vlerat e tyre. Ne kemi disa lojtarë si Asani, Bardhi e ndonjë tjetër që duam t’i vlerësojmë dhe nuk mund t’i mbajmë në stol. Morëm këta lojtarë, Lukas e Abdurahimi, për të bërë një lojë pa pika referimi në sulm, në pritje të Çanit”.

Përgjegjësitë – “Ne takohemi shpesh dhe analizojmë ecurinë e lojtarëve, skuadrës dhe klubit. Partizani gjithnjë mundohet t’i ndajë përgjegjësitë, ashtu si detyrat”.

Starova – “Një ndër gjërat që po mundohemi të vendosim në klub është pjesa e përgjegjësisë. Të gjithë mendojnë se Starova ka gabuar në rastet kur është pezulluar, edhe ai vetë e di. Klubi ka pranuar me dinjitet dhe kokulur faktin që ai ka gabuar, por në asnjë moment nuk është vënë në dyshim pozicioni i tij si trajner. Dalipi ka kohë që është pjesë e Partizanit si zëvendëstrajner dhe nuk kemi pasur asnjëherë idenë për rokadë. Edhe kur iku Juliano, edhe kur e konfirmuam, treguam se kemi besim te aftësitë e Starovës, njohjet e tij në kampionatin shqiptar dhe shpresojmë se do të marrim rezultate deri në fund të sezonit. Ai e ka lidhur karrierën e tij në futboll me Partizanin, ka fituar titullin e fundit dhe ka qenë gjithnjë në krah të presidentit Demi, si trajner apo këshilltar. Ndoshta i ka rënduar fakti që ka marrë disa herë ekipe të ndërtuar nga të tjerë, por gjithnjë ka punuar me profesionalizëm. Ta ndryshojmë pak? Është në një moshë që nuk ndryshon dot më, duhet marrë me të mirat dhe të këqijat e tij”.

Përzgjedhja e lojtarëve – Ndarja e detyrave është shumë e rëndësishme dhe nuk më takon mua të zgjedh lojtarë, nuk jam i kualifikuar për këtë punë. I takon drejtorit sportiv, Preitin, që është shumë i zoti. Do të ndërtojmë edhe një rrjet skautësh, për të gjetur lojtarë të rinj brenda dhe jashtë vendit. Unë do të kem barrën e vendimmarrjes në fund, duke llogaritur aspektin sportiv dhe atë financiar, në bashkëpunim me stafin teknik poshtë meje dhe presidentin Demi”.

Marrëdhënia me FSHF-në – “Ndoshta jo gjithnjë kemi pasur marrëdhënie të mira, është e vërtetë, por duam të bashkëpunojmë, pasi Federata ka për detyrë të organizojë futbollin në Shqipëri”.

Moxhi – “Është një bashkëpunëtor i rëndësishëm i klubit, vjen shpesh në Shqipëri dhe shpresojmë që të ndihmojë edhe për transferimin e ndonjë lojtari të talentuar të Partizanit jashtë Shqipërie”.

Lojtarët e larguar në janar – “Kishin një kohë të gjatë te Partizani, nuk kishin realizuar objektivin personal, që ishte fitimi i ndonjë trofeu, ndaj kishin rënë në një rehati personale dhe duhej një lëvizje për të shkundur lojtarët dhe ambientin, për të arritur objektivat”.

Tifozët e zhgënjyer – “Së pari, falënderoj tifozët që ishin në Korçë dhe prania e tyre tregon që ata identifikohen me ekipin në fushë. Shpreson që titullin ta fitojmë vitin e ardhshëm, sepse nuk dua të spekuloj për dënim të mundshëm të Skënderbeut apo llogari të tjerë. Unë dua që Partizani ta fitojë titullin në fushë, duke mundur rivalët direktë. Synimi? Mendoj se loja po rritet dhe jemi brenda objektivit për kualifikim në Europa League”.

Kampionati – “Është shumë i ekuilibruar dhe i ashpër, të gjitha ekipet luajnë një futboll të fortë, ku kërkohet me çdo kusht rezultati pozitiv. Personalisht, nuk e preferoj këtë lloj futbolli. Unë shpresoj të bëhet më shumë për ndjekshmërinë e kampionatit, sepse në kampionate të nivelit tonë, si Seria B italiane për shembull, kanë stadiume me shumë më tepër spektatorë”.

Lojtarët e spikatur – “Ka lojtarë që është kënaqësi t’i shohësh. Abazaj, Bregu, Gavazaj, për shembull, janë lojtarë shumë cilësorë. Janë të Skënderbeut? Nuk ka rëndësi, por Skënderbeu ka punuar mirë, ka pasur një organizim shumë të mirë për të zbuluar talentet në Shqipëri, Maqedoni e Kosovë”.

Bashkëpunimi me Demin – “Bashkëpunim shembullor, marrëdhënie shumë e mirë, me respekt reciprok dhe hapësirë veprimi për mua. Ai e ka Partizanin shumë për zemër, është një pasion i vjetër i tij, është përpjekur gjithnjë për të mirën e klubit, për të rikthyer titullin te tifozët dhe klubi. Një derbi miqësor me Tiranën? Ne jemi gati”.

Skënderbeu – “Uroj dhe shpresoj që ato që shkruhen në raportin e UEFA-s të mos jenë të vërteta, sepse gjithçka do të ishte një goditje e rëndë për imazhin e futbollit tonë. Drejtësia sportive funksionon ndryshe nga ajo penale, funksionon në bazë të dyshimit dhe me sa kam parë, ka vite e vite të dhëna, por uroj të mos jenë të vërteta. Për mua, personalisht, dëshira është që Skënderbeu të jetë pjesë e kampionatit dhe ta mundim që prej ndeshjes së ardhshme e në vazhdim. Isha në Korçë për ndeshjen e djeshme dhe vura re që kishte shumë nervozizëm nga publiku, kishte shumë ofendime dhe nuk e prisja, pasi besoja se Korça do ta ruante qetësinë dhe qytetarinë e vet edhe në momente të vështira”.

Drejtori i përgjithshëm nuk shqetësohet për humbjen në Vlorë: “Kemi pësuar një humbje në Vlorë si rezultat i një 11-metërshi të akorduar në minutën e fundit të kohës shtesë. Mendoj se në përballjen e luajtur ndaj Flamurtarit ekipi ka zbatuar mjaft mirë detyrat taktike të dhëna nga trajneri. Në këtë fazë ku jemi për ne është mjaft e rëndësishme që skuadra të bëjë paraqitje të tilla, për më tepër që ndaj Flamurtarit nuk kishim në dispozicion disa prej lojtarëve të afruar gjatë merkatos së janarit. Merkaton mund ta konsideroj të përfunduar, jemi mjaft të kënaqur me elementët që kemi afruar në ekip. Kemi rritur cilësitë teknike e fizike të skuadrës dhe mendoj se kemi goditur aty ku ishte e nevojshme përforcimi i skuadrës”.

Çështja Fili

“Fili është lojtar i Partizanit. Ne prej disa kohësh kemi diskutuar edhe me menaxherin e tij mbi mundësitë që lojtari të ketë për të luajtur, pasi ka nevojë që të aktivizohet, duhet të fitojë besimin në aftësitë e tij. Ne e kemi konsideruar pjesë të Partizanit dhe prandaj kemi sugjeruar edhe një formë huazimi, që të kishim mundësi të shikonim edhe potenticialin e lojtarit. Fili nuk është i larguar kemi akoma për të biseduar. Çështja është që tek Partizani duhet të qëndrojnë vetëm lojtarët që kanë dëshirë të japin për skuadrën maksimumin e tyre. Besoj që fanela e Partizanit është e nderuar dhe e respektuar dhe e meriton që ti kthehet në këtë mënyrë respekti. Ne kemi afruar lojtarë përgjatë merkatos, normal që një lojtar si Fili ndihet disi në trysni , por është zgjedhja teknike e trainerit se cilët lojtar do të aktivizojë në fushë”.

Starova dhe e ardhmja

“I lexova edhe unë lajmet për trajner austriak në gazeta, por nuk ka asgjë të vërtetë”.

Rama shkoi në stadiumin Flamurtari, i shoqëruar nga kryetari i bashkisë, Dritan Leli, dhe presidenti i Flamurtarit, Sinan Idrizi.

Aty, Rama premtoi ndërtimin e stadiumit të ri të Vlorës mbi atë ekzistues, ndërkohë që të paktën ia ka dalë mbanë të bashkojë Lelin me Idrizin. Ky i fundit gjithnjë ka akuzuar bashkinë për mungesë interesi dhe korrektësie në marrëveshjen me investitorët turq të Flamurtarit.

Mesfushori i njohur, i cili ka luajtur edhe me kombëtaren shqiptare, ka firmosur për Janbianin, klub i Superligës kineze.

Në luftë për mbijetesë, Janbiani ka vendosur të investojë dhe ka afruar Ramën, duke e prezantuar sot, me një flamur shqiptar vendosur në mur pas tij.

Rama ka luajtur për shumë vite në Gjermani, por edhe Suedi e Spanjë.

Sezonin e fundit anësori ofensiv luajti me Vyrcburger Kikers në Bundesligën 2 gjermane.