Ky i fundit mori drejtimin e Sauthemptonit para sfidës në Kardif, ku erdhi një humbje zhgënjyese, që ka ndërlikuar edhe më shumë renditjen.

Të dielën Sauthemptoni do të presë Arsenalin dhe klubi u ka shpërndarë një letër 19.000 tifozëve me abonim vjetor, firmosur nga trajneri.

Hasenhytël u ka kërkuar mbështetje dhe bashkim tifozëve, të cilët janë të zhgënjyer nga ecuria e skuadrës, aq më shumë që në shtëpi rendimenti ka kohë që është shumë i dobët.

Për t’u prezantuar si duhet dhe për t’u bërë mik i tifozëve, austriaku ka bërë një gjest unik: për çdo tifoz një kupon që vlen një birrë para ndeshjes. Pra, 19.000 birra të paguara nga Hasenhytël! Nëse Sauthemptoni fiton ndaj Arsenalit, kushedi çfarë do ndodhë në ndeshjen pasuese në shtëpi…

Drejtuesit e ekipit anglez shkarkuan nga trajneri Mark Hjuxhs, pas një ecurie negative, ku pas 14 javësh kampionat kanë fituar vetëm një ndeshje. Hasenhytl pritet të firmosë një kontrate 3-vjeçare dhe zyrtarzimi të bëhet në orët në vazhdim.

Kjo lëvizje e Hasenhytl ka çuditur shumë vetë, pasi pritje që ai të kontaktohej nga ekipe të njëjti statusi më të lartë, ndër to Shalke ose Leverkuzen që nuk po kalojnë momente të mira. Nuk duhet harruar që 51-vjeçari ka qenë një ndër trajnerët e kontaktuar nga Bajerni i Mynihut për të zëvendësuar Jup Hajnkes, por  çuditërisht kjo ofertë u refuzua nga vetë ai duke thënë se nuk kishte eksperiencën e duhur për të marrë kontrollin e një skuadre të nivelit të bavarezëve.