Rahem Sterling, i cili zhbllokoi shifrat në minutën e 13-të, ka kryer një gjest shumë të bukur në fund të ndeshjes. Sulmuesi i Sitit ka shkuar drejt tifozëve të Liverpulit për të firmosur autografe dhe për të bërë disa ‘selfie’ me fansat e kuq.

24-vjeçari kaloi 5 vite në Liverpul përpara se të transferohej te “qytetarët”. Ai nuk i ka harruar ish-tifozët e tij, të cilëve ju ka dhuruar disa momente shumë emocionuese, duke bërë të mundur që ta harrojnë për disa çaste humbjen.

Raheem Sterling may have left Merseyside but he’s a still an inspiration to young fans up and down the country!

? pic.twitter.com/pBmP8rZt2t

— Football on BT Sport (@btsportfootball) August 4, 2019

Love this, @sterling7! ? pic.twitter.com/c7Gqf64RQn

— England (@England) August 4, 2019

Ai lumturoi nxënësit, të cilët ndoqën falas nga stadiumi gjysmëfinalen e FA Cup kundër Brajtonit, që u fituar me golin e Gabriel Zhezus.

Kësaj radhe nuk bëhet fjalë për gëzim. Dejmëri Daukins ishte vetëm 13 vjeç dhe ëndërronte të bëhej një futbollist i madh. Ai ishte pjesë e moshave të Kristal Palas dhe cilësohej si një talent dhe premtim i madh.

Fatkeqi Dejmëri kishte rezultuar me leuçemi dhe në muajin mars humbi betejën më të rëndësishme. Sterling ishte njohur me djaloshin dhe familjarët e tij në një spital në muajin nëntor.

Mes tyre kishte lindur një miqësi e fortë dhe sulmuesi i Sitit i dedikoi Dejmërit një gol të shënuar me Anglinë. Sterling është trishtuar nga vdekja e talentit dhe ka vendosur të paguajë të gjitha shpenzimet e funeralit. Ceremonia mortore zhvillohet të premten në Dagenham dhe aty pritet të marrë pjesë edhe Rahem.

24-vjeçari ka ngritur përsëri zërin kundër racizmit. Ai preferon të përballet dhe jo t’i shmanget kësaj dukurie të keqe, ndërsa thekson se ndihet krenar me ngjyrën e tij të lëkurës.

Jaja Ture insistoi para disa ditësh që të gjithë lojtarët e ekipit duhet të largohen nga fusha, kur dikush prej tyre ofendohet me kore raciste. Sterling nuk është dakord dhe e shpjegon mendimin e tij.

“Nuk mendoj se po tentoj të bëj diferencën. Unë tregoj atë që më ka ndodhur dhe njerëzit e shohin nga perspektiva ime. Mendoj se kjo është mënyra më e mirë për të ecur para. Nuk jam dakord që lojtarët duhet të largohen nga fusha kur ofendohen. Fitimi i ndeshjes do i lëndojë më shumë atë që këndojnë kore raciste, të cilët tentojnë që të dekurajojnë. Nëse ti largohesh nga fusha, fitojnë ata, kështu që është më mirë të qëndrosh dhe të fitosh ti”, thekson lojtari i lindur në Xhamajka. Sulmuesi i “Qytetarëve” zbulon dhe një detaj gjatë fëmijërisë së tij. Forca e tij e madhe buron nga këshillat e nënës së tij.

“Duke u rritur, nëna ime ma ka përsëritur gjithmonë që jam një djalosh i zi i mrekullueshëm. Jam krenar dhe i lumtur për ngjyrën time të lëkurës. E di që abuzimi nuk është i mirë. Ai të infekton dhe disa njerëz nuk e përballojnë dot. Nëna ime ka insistuar gjithmonë gjatë rritjes time që ta dua veten.”

Sterling ka luajtur për tre sezone me Liverpulin përpara se të kalonte te Mançester Siti në vitin 2015. Ai është rritur në Londër, aty ku ka kaluar për mrekulli, ndërsa racizmin e provoi për herë të parë në qytetin e “Beatles”.

“Në Londër ka bashkësi të ndryshme dhe në klasë kam qenë i rrethuar nga njerëz të çfarëdolloj race apo ngjyre lëkure. Nuk më ka rastisur të ndjej racizmin në Londër, ndërsa disa episode më kanë ndodhur në Liverpulin verior. Aty provova për herë të parë se çfarë do të thoshte racizëm”, përfundon lojtari i kombëtares angleze.

Të shtunën luhet ndeshje gjysmëfinale e “FA Cup” kundër Brajtonit. Takimi zhvillohet në Londër dhe klubi po has vështirësi në shitjen e biletave. Siti ka shitur 25 mijë nga 30 mijë biletat që ka në dispozicion dhe ka kthyer 2 mijë bileta që i kishte marrë ekstra nga Federata.

Këto janë më të shtrenjtat, pasi çmimi i tyre shkon në 120 sterlina. Tifozët janë ankuar dhe për orarin e ndeshjes dhe orarin e kufizuar të trenave në Londër atë ditë, që do të mundësonte rikthimin e tyre në Mançester.

Nga ana tjetër, drejtuesit e “Qytetarëve” janë befasuar nga kërkesa e Rahem Sterling. Sulmuesi ka vendosur t’u dhurojë disa momentet emocionuese 550 nxënësve të shkollës së tij të vjetër në veriun e Londrës.

Sterling do të paguajë biletat e 550 fëmijëve nga etni dhe vende të ndryshme. Ata do të jenë të pranishëm në mitikun “Wembley” për të ndjekur nga afër idhullin e tyre, ndërsa ky i fundit do të paguajë rreth 20 mijë sterlina vetëm për kënaqësinë e tyre.

“Kjo tregon edhe njëherë se çfarë djali me zemër të madhe është Rahem. U befasuam nga kërkesa e tij. Ai nuk donte që kjo gjë të bëhej publike dhe nuk dëshironte vëmendje. Donte vetëm të bënte një gjë të mirë për nxënësit e ish-shkollës së tij”, sqaron një zyrtar i klubit për “Daily Mail”.

Ndërkohë sulmuesi i Mançester Sitit e ka me deklaratën e Bonuçit pas ndeshjes. Mbrojtësi i bardhezinjve u shpreh se një pjesë të fajit e kishte edhe Kean duke e ndarë në 50-50. Nuk është aspak dakord Stërling dhe i drejtohet direkt Leos: “Faji është 50-50 Bonuçi? E vetmja gjë që mund të bësh është të qeshësh.”

Ndërsa Pol Pogba dhe Depaj e kanë me tifozët dhe bëjnë thirrje për ta luftuar këtë fenomen që vetëm e bën pis futbollin dhe jo vetëm.  “Unë mbështes çdo luftë kundër racizmit. Jemi të gjithë të barabartë.”, shprehet Pogba. I ngjashëm është edhe postimi i holandezit, i cili shkruan: “Duhet të flasim. Jemi të barabartë.”

Eder Militao ishte goditja e parë e “Los Blancos”, me mbrojtësin brazilian të Portos që do të përforcojë repartin difensiv të ekipit. Perez pritet të bëjë një merkato të madhe dhe cilësorë ne verë.

Siç raporton “The Mirror”, Zidan ka dy dëshira për krahët e sulmit. Ai kërkon të sjellë në “Santiago Bernabeu” dyshen: Eden Hazard dhe Rahem Sterling. Belgu është 28 vjeç, kontrata me Çelsin i përfundon në vitin 2020 dhe e ka shprehur publikisht ëndrrën e tij për të luajtur në Madrid.

Nga ana tjetër anglezi i Sitit. Sterling është 24-vjeç dhe kontratat me “qytetarët” i përfundon në vitin 2023. Reali ka gati 350 milionë euro për të siguruar shërbimet e kësaj dyshe, por në fillim duhen bindur trajnerët Mauricio Sarri dhe Pep Guardiola.

Klubi i Çelsit u shpreh se “do të marrë veprimin më të fortë të mundshëm aty ku është e nevojshme”, ndërsa policia ka folur se “është në dijeni të një video që po qarkullon në internet, në të cilën pretendohet se është kryer abuzim racist kundër një futbollisti.”

Sterling ka folur për episodin e ndodhur në një prononcim në faqen e tij zyrtare në rrjetet sociale. Lojtari, i cili festoi 24-vjetorin e lindjes gjatë ditës së djeshme, është një tip që nuk preferon të flasë, por kur e bën e shpreh me zë të lartë mendimin e tij.

Ai e kalon me një buzëqeshje ofendimin e pësuar nga tifozi i Çelsit, nuk ka shumë besim në përmirësimin e gjerave, ndërsa sulmon shtypin për ndasitë dhe provokimin e racizmit.

Reagimi i plotë i Rahem Sterling

“Mirëmëngjesi, dua t’u them që nuk jam një person, të cilit i preferon të flasë, por kur kam diçka për të thënë e shpreh mendimin tim. Në lidhje me fjalët që janë thënë për ndeshjen kundër Çelsit, siç mund ta shihni nga reagimi im, më mbetet thjeshtë të buzëqesh, pasi nuk pres që gjërat të rregullohen.

Ju jap një shembull: janë dy lojtarë të rinj, të cilët sapo kanë nisur karrierën e tyre, luajnë në të njëjtin ekip dhe të dy janë në rrugë të mbarë. Të dy i blejnë mamave të tyre nga një shtëpi të re, të cilat u kanë dhuruar shumë dashuri dhe përkushtim për t’i bërë këta që janë. Por,shikoni se si gazetat i pasqyrojnë mesazhet e tyre, atë të djaloshit me ngjyrë dhe të atij që është i bardhë. Mendoj se kjo është e papranueshme, të dy janë të pafajshëm, nuk kanë bërë asnjë gabim. Djaloshi me ngjyrë shihet me syrin e keq dhe kjo ndihmon në fryrjen e zjarrit të racizmit dhe sjelljet agresive. Të gjitha gazetat që nuk e kuptojnë se pse njerëzit e çdo moshe janë racistë në ditët e sotme, u them që të mendohen dy herë, të bëjnë publicitet të drejtë dhe t’u japin lojtarëve shanse të barabarta të gjithëve.”

Tanimë vjen momenti i spanjollit për t’u ankuar. Erik Dajer, në ndeshjen Spanjë-Angli, i bëri një ndërhyrje të ashpër mbrojtësit të Realit të Madridit. Tifozët anglezë mbështetën mbrojtësin e tyre, ndërkohë që Ramos ka reaguar së fundmi për një simulim të Sterling.

Ai ka publikuar një video ku shfaqet sulmuesi i Mançester Sitit, i cili rrëzohet pa i ndërhyrë askush. Komenti i spanjollit është i qartë: “Nuk kam çfarë të them më shumë”. Më saktë, shikoni videon dhe gjykoni.

???
Nada más que decir.
Nothing else to say. pic.twitter.com/BCuQI3n7hT

— Sergio Ramos (@SergioRamos) October 17, 2018

“The Times” raporton se Sterling dëshiron një rritje prej 100 mijë sterlinash në javë, që do ta bënte sulmuesin lojtarin e gjashtë më të paguar në Premier League. Momentalisht futbollisti 23-vjeçar përfiton 175 mijë sterlina në javë.

Sterling nuk është se dëshiron të bëhet më i paguari në klub. Kevin De Brujn është ai që merr më shumë nga të gjithë: 280 mijë sterlina në javë, por me bonuse i shkojnë deri në 342 mijë sterlina në javë. Palët janë në bisedime për kontratën e re dhe mbetet për t’u parë se si do të shkojnë ato.

Së fundmi, sulmuesi 23-vjeçar ka barë një tatuazh tepër të veçantë dhe të bukur. Anglezi ka ngjyrosur pjesën e sipërme të këmbës së majtë, ku shihet ai dhe i biri, Tiago, i cili erdhi në jetë vitin e kaluar.

Sterling i ka dhënë një puthje të birit dhe sulmuesi ka vendosur ta përjetësojë foton me djalin e tij, duke e bërë tatuazh. Diçka e tillë u vu re dhe në ndeshjen me Arsenal, ku dallohet tatuazhi me Tiagon e vogël. Sulmuesi e ka postuar në rrjetet sociale ku shkruan: “Dyshja e Dashurisë dhe futbollit”.