Stërling është shprehur se u transferua në Mançester për të fituar Premier Ligën, diçka që nuk mund t’ja arrinte në Liverpul. Në fakt ky transferim rezultoi i frytshëm, pasi që nga ardhja e tij, “Qytetarët” kanë triumfuar dy herë në këtë kompeticion.

Ndoshta Premier Liga është e rëndësishme për të, por mund të themi edhe se prej ikjes nga Liverpuli, Stërling ka humbur “shijen” e të puthurit trofeun e Champions League.

“Që kur shkova në Liverpul mendova se nëse nuk e fitoj Premier Ligën deri në moshën 21-vjeçare, do të shikoj opsione të tjerë. Ashtu veprova dhe erdha te Siti, ku fitova titullin tim të parë”, u shpreh ylli i ekipit të Guardiolës.

Ndërkohë së fundmi Rahem Sterling ka dhënë një deklaratë për “Mirror” dhe ka zbuluar se si Guardiola i ndryshoi ata. Sulmuesi anglez e thotë hapur sekretin dhe ato janë gjobat.  “Sekreti ynë është mentaliteti. Guardiola u përpoq ta ndryshonte atë dhe vendosi shumë gjoba. Nuk dua të zbuloj shume detaje”, thotë fillimisht Sterling.

“Kishte gjoba për të mbajtur njerëzit nën kontrollon dhe për të qenë i sigurt që të gjitha janë seriozë dhe të gatshëm. Ndëshkime nëse kishte vonesa në takime, gjëra të vogla për t’u siguruar që mentaliteti ynë ishte i duhuri. Kur ne e demonstruam se mund ta bënim diçka të tillë, ai i hoqi gjobat. Ia vlejti, pasi paraqitjet tona u përmirësuan edhe më shumë këtë sezon”, përfundon sulmuesi anësor.

Stërling u akuzua si tradhtar dhe se u largua drejt Sitit vetëm për të fituar më shumë, ndërsa së fundmi, një version të tijin e jep dhe trajneri i Liverpulit në atë kohë. Brendan Roxhers është rikthyer të flasë për periudhën e tij 3-vjeçare në “Anfield” dhe për një temë të nxehtë si ajo e Stërling.

Sipas trajnerit, 24-vjeçari u largua sepse kërkonte të bëhej më i miri dhe se nuk kishin të bënin as paratë dhe asgjë tjetër në këtë histori.

“Për Stërling nuk kishin të bënin paratë dhe se sa ai fitonte. Nëse do të ishte për paratë, ai do të kishte qëndruar te Liverpuli. E mori atë vendim për t’u bërë më i miri që mundej.”

Anglezi i ekipit të Guardiolës po bën shumë mirë në fushë, aty ku ka shënuar nëntë gola në këtë sezon dhe ka dhuruar shtatë asiste. 24-vjeçari po “shkëlqen” dhe jashtë saj, duke kryer një gjest të thjeshtë, por tepër emocionues. Ai është kontaktuar nga Sju, një gjyshe e dëshpëruar nga sulmet raciste kundrejt nipit të saj, Etan Ros.

Sterling nuk ka nguruar t’i ofrojë mbështetjen e tij djaloshit, duke i dërguar një letër motivuese dhe tepër të veçantë. Fjalët e zgjedhura nga sulmuesi janë fantastike dhe ai i kërkon Etanit të vazhdojë përpara me kokën lart dhe të jetë krenar me veten.

“I dashur Etan. Së fundmi kam marrë vesh nga gjyshja jote e dashur Sju për kohën e vështirë që po kalon për shkak të abuzimeve raciale. Mos harro të mbash kokën lart, të jesh krenar për atë që je dhe mos lejo askënd të ta marrë guximin. Ti je i fortë dhe shumë trim, ndërsa gjyshja jote është shumë krenare për ty. Vazhdo të jesh vetvetja djalosh. Mos harro se të flasësh nuk ta lehtëson jetën, por asnjë ndryshim nuk ndodh lehtë. Me mirësjellje, Rahem Sterling”, përfundon letra e sulmuesit të Mançester Sitit.

“Speaking up isn’t easy, but easy never changed anything.” ?@sterling7 offering support to a young fan who was racially abused ? pic.twitter.com/uSrRBfsII8

— COPA90 (@COPA90) January 10, 2019

https://twitter.com/SufcLouis/status/1079549210003935232

Tiago Stërling shikohet teksa tregon aftësitë e goditjeve, që për një 1-vjeçar janë shumë mbresëlënëse. Koha do të tregojë nëse vogëlushi do të ndjekë hapat e babait, por duhet thënë se fillimi duket shumë premtues.