Rafael Van der Vart

Sabia Boulahrouz e tepron, 40-vjeçarja e fiksuar pas futbollistëve pozon për “Playboy”

Sport Ekspres — Sat, 27 Jul 2019 17:26:26 +0000

Sabia Boulahrouz është një ndër modelet më të njohura në Gjermani. Edhe pse 40 vjeç dhe nënë e dy fëmijëve zonja gjermano-turke vazhdon të ushtrojë një partneritet me edicionin e gjerman të revistës së njohur “Playboy”.

Sabia më parë ka qenë e lidhur me futbollistin holandez Khalid Boularouz, me të cilin ka dhe dy fëmijët e saj, por lidhja u ndërpre pas katër vitesh martesë, pasi Sabia filloi një romance të re me një tjetër yll të kombëtares holandeze, bëhet fjalër Rafael Van der Vart, fatkeqësisht historia midis tyre ishte jetëshkurtër dhe nuk e mbushi dot një vit.

“Ishi” i sfidës premton spektakël: Totenhem dhe Ajaks nuk janë si Atletiko

Sport Ekspres — Tue, 30 Apr 2019 17:13:01 +0000

Totenhemi sontë do të presë Ajaksin në kuadër të gjysmëfinaleve të Champions League. Rafael van der Vart është një nga ish-yjet e të dy ekipeve. Holandezi ka dalë në akademinë e Ajaksit, ku ka shpenzuar edhe pesë vitet e para si profesionist. 36- vjeçari gjatë karrierës së tij të gjatë ka shpenzuar edhe dy vite me Totenhemin. Sot është ndalur të flasë për sfidën e orës 21:00.

Ai e sheh si një sfidë që do të prodhojë një futboll tërheqës. Ai shprehet se të dyja ekipet luajnë bukur, ndryshe nga ekipe të tjera që luajnë futboll të shëmtuar, ku merr si shembull Atletikon e Madridit. Sipas tij Totenhem është favorit.

“Është një gjysmëfinale ëndrrash. Janë dy ekipe ku kam luajtur më parë. Ajaks është jeta ime, ndërsa në Londër kam kaluar dy vite fantastike. Janë dy skuadra që prodhojnë futboll. Nuk më pëlqen loja me topa të gjatë dhe shumë faulle. Për shembull nuk më pëlqen loja e Atletikos, që për mua nuk luajnë futboll. Totenhemi ka disa vite në katërshen e më të mirave të një kampionati si Premier Liga. Sigurisht, do të mungojë Kejn, por ka lojtarë të tjerë dhe Ajaksi do ta ketë shumë të vështirë”, përfundoi Van der Vart.

Interesimi i Venger dhe “turpërimi” i Xhek Uilsher, Van der Vart kthehet vite pas

Sport Ekspres — Fri, 30 Nov 2018 21:31:14 +0000

Rafael Van der Vart shijoi suksesin më të madh të karrierës së tij në Londër, ku iu bashkua Totenhemit pas një sezoni të dështuar te Real Madrid. Iu deshën pak ndeshje për të fituar simpatinë e tifozëve të “spurs”-ave, por historia mund të kishte qenë krejt ndryshe, pasi holandezi mund të ishte transferuar te rivalët e përjetshëm të Arsenalit. Detajet e historisë i thotë vetë mesfushori në një intervistë për “inews”.

INTERESIMI I ARSENALIT – “Pak muaj para se të transferohesha te Uest Hemi, mora një telefonatë nga Robin Van Persi. Ai më tha se Arsen Venger ishte i interesuar për mua dhe do të më shikonte në një ndeshje të kampionatit spanjoll. Bëra një paraqitje të mirë në atë takim, dhe filluan negociatat, por nuk gjetëm dot gjuhën e përbashkët për kontratën. Tani mund të them se jam i lumtur që nuk ndodhi ai kalim, pasi nuk do të kisha përjetuar gjitha ato vite të bukura te Totenhemi”.

KUJTIMI MË I BUKUR NGA DERBI – “Mbaj mend një ndeshje, ku driblova Xhek Uilsher dy herë mes këmbësh në pak sekonda. Ajo ishte një ndër ndeshjet më të mira të karrierës sime, shënova dy gola dhe ndihesha i pandalshëm.

VIDEO E DRIBLIMIT NDAJ UILSHER

Rrëfimi i Van der Vart: Nga kërcënimi i Ibrës, te problemet me Realin

Sport Ekspres — Tue, 06 Nov 2018 11:55:27 +0000

Rafael Van der Vart lajmëroi tërheqjen nga futbolli ditën e djeshme. 35-vjeçari i Esbjergut pësoi një dëmtim të rëndë, duke i dhënë fund futbollit të luajtur. Fantazisti holandez i është rikthyer karrierës së tij të gjatë me ekipet e Ajaksit, Hamburgut, Real Madridit, Totenhemit, Betis, Midtjyllandit dhe së fundmi Esbjergut, duke treguar një detaj interesant me suedezin Zllatan Ibrahimoviç në prononcimin për “Four Four Two”, ndërsa i rikthehet eksperiencës me Realin e Madridit.

IBRAHIMOVIÇ – “Në periudhën e Ajaksit, Ibra më kërcënoi se do të thyente këmbët. Por, është gjithashtu e vërtetë se ai e bënte këtë gjë me të gjithë. Gjerat mes nesh nuk shkuan mirë, por tani e kuptoj se është më mirë të kesh në ekip njerëz, të cilët t’i thotë gjërat në sy siç bënte Ibra, edhe pse shumë herë grindeshim me njëri-tjetrin. Nuk ka patur ndonjë debat të veçantë, thjeshtë nuk binim dakord me Ibrën.”

REALI – “Jam ndjerë shumë mirë në Madrid, por ishte e komplikuar të shkojë diku pa u vënë re, edhe pse është bukur kur tifozët të kërkojnë për ndonjë bisedë. Huande Ramos më linte në pankinë dhe luante një futboll që nuk më përshtatej. Më pas erdhi Pelegrini, i cili ma bëri të ditur se isha zgjedhja e tij e pestë, pas Gutit, Kakasë, Graneros dhe Raulit. Njerëzit mund të thonë që dështova te Reali, por po të shohësh statistikat, vihet re se kam luajtur mjaftueshëm dhe kam shënuar ndonjë gol. E kujtoj gjithmonë më dashuri eksperiencën time te Reali i Madridit.”