rafael nadal

Federer vs Nadal për t’u mos u humbur, “VIP”-at e futbollit në tribunë

Sport Ekspres — Fri, 12 Jul 2019 15:16:48 +0000

Turneu “Grand Slam”, Wimbledon, vlerësohet botërisht si evidenti më prestigjioz i sportit të tenisit. Këtë vit në gjysmëfinale ka një përballje speciale midis Roxher Federer dhe Rafael Nadal, një duel nga ata që nuk duhen humbur.

Përballja e dy legjendave ka sjellë interes të jashtëzakonshëm. Në shkallët e arenës qendrore ku do zhvillohet takimi janë paraqitur figura “VIP” nga çdo sferë e jetës, por sidomos nga futbollit.

Dy trajnerët me famë botërore Sir Aleks Ferguson dhe Zhoze Murinjo nuk mund të mungonin. Dejvi Bekam është një ndër ata që nuk mungon kurrë në këtë eveniment, ndërsa vend në tribuna ka pasur dhe për dyshen e mbrojtësve të Liverpulit Trent Aleksandër Arnold dhe Virxhil van Dajk.

"Hopefully we'll have a game for the ages"

It's fair to say @England and @LFC football player @trentaa98 is very excited to be at #Wimbledon for men's semi-finals day ? pic.twitter.com/xa8H5VKnNx

— Wimbledon (@Wimbledon) July 12, 2019

Dominanca e “Big 3”, Federer tregon problemin e brezit të ri

Sport Ekspres — Wed, 10 Jul 2019 21:14:20 +0000

Roxher Federer fitoi për të 100-ën herë një duel në turneun “Wimbledon”. Tenisti zviceran do të përballet këtë të premte me spanjollin Rafael Nadal. Federer dhe spanjolli janë miq shumë të mirë jashtë fushave të tenisit, por në të rivaliteti mes tyre nuk ka të përafërt. Në daljen për shtyp në përfundim të takimit Federer foli para gazetarëve në lidhe me fitoren ndaj Nishikorit dhe gjysmëfinalen e së premtes ndaj Nadal.

DUELI ME NISHIKORIN – “Kei Nishikori është një tenist shumë i mirë. Bën një lojë agresive që të vë shumë të vështirësi. Në fillim të ndeshjes më vuri në shumë telashe, por rëndësi ka reagova mirë kur humba setin e parë”.

DUELI I ARDHSHËM ME NADAL – “Shpresoj që të mos ketë erë në ndeshjen e së premtes. Mund të frymëzohem nga finalja e “Australian Open” ku e munda në një lojë me pesë sete. Fatmirësisht për mua kësaj radhe nuk do ndeshem në fushë me dhe. Të gjithë e pamë si përfundoi dueli jonë i fundit në “French Open” disa muaj më parë, nuk është aspak një kujtim i bukur për mua”.

MUNGESA E TALENTEVE NË TENIS – “Po jetojmë në një periudhë të pazakontë në tenis. 10 vite më parë askush nuk e mendonte se unë, Nadal dhe Xhokoviç do vazhdonin të qëndronin në majë për shumë kohë. E dyta, ndoshta ata nuk janë aq të talentuar se unë dhe Nadal dhe Xhokoviç. Mos harroni përveç ne të treve ka dhe tenistë të tjerë të moshës sonë si Del Potro dhe më parë Murrëi që u hapin shumë punë brezit të ri”.

Nadal shumë i fortë për Federer, spanjolli në finale për titullin e 12-të

Sport Ekspres — Fri, 07 Jun 2019 14:34:38 +0000

“Dueli i superheronjve”. Këto fjalë kishte zgjedhur spanjollja AS për të përshkruar gjysmëfinalen e “Roland Garros” midis Rafael Nadal dhe Roxher Federer. Një ndeshje e bukur u zhvillua, por në fund triumfoi spanjolli, i cili është fantastik në fushat me dhe.

Nadal i fitoi të tre setet me rezultatet 6-3, 6-4, 6-2 dhe tani do të përballet në finalen e madhe kundër Novak Xhokoviç ose austriakut Dominik Thiem (për momentin kryeson 1-0 me sete). 11 herë ka arritur të fitojë spanjolli Roland Garros, ndërsa 37-vjeçari zvicerian, i cili u largua mes duartrokitjeve të publikut, nuk merrte pjesë që nga viti 2015 në turneun francez.

Me këtë fitore, Nadal e përmirësoi rekordin e tij kundër Federer, me 24 fitore dhe 15 humbje. Nesër në orën 15:00 zhvillohet finalja e madhe dhe Nadal do të kërkojë triumfin e 12-të në kompeticionin e tij të preferuar.

22 not out!@RafaelNadal secures a 6-3 6-4 6-2 win over rival Federer, and his 22nd match win in a row at Roland-Garros…

? https://t.co/nKZ3xJ2F6o #RG19 pic.twitter.com/zIMYOPkEWN

— Roland-Garros (@rolandgarros) June 7, 2019

Nadal “shtypet” nga Xhokoviç, serbi vendos rekord në Australi

Sport Ekspres — Sun, 27 Jan 2019 11:22:52 +0000

Novak Xhokoviç është shpallur fituesi i turneut Grand Slam, “Australian Open”. Tenisi serbi mund në finale spanjollin Rafael Nadal. Megjithëse pritej të ishte një përballje shumë e luftuar, në arenën “Rod Laver”, të pranishmëve iu shërbye një shfaqje krejt tjetër, teksa 31-vjeçari mundi në tre sete 6 – 3, 6 – 2, 6 – 3.

Xhokoviç e filloi me vrull duke fituar 3 shërbimet e para të përballjes. Në setin e dytë pritje që spanjolli të kundërpërgjigjej, por ndodhi e kundërta, teksa Xhokoviç fitoi radhazi katër shërbime. Seti i tretë ndoqi të njëjtin skenar si të mëparshmit.

History Maker.

The moment you win your seventh #AusOpen title.@DjokerNole #AusOpenFinal pic.twitter.com/7HC5Gwyfuh

— #AusOpen (@AustralianOpen) January 27, 2019

Ky është trofeu i shtatë në “Australian Open”, duke kaluar legjendën Roxher Federer, i cili ka gjashtë të tillë. Në nëntë muajt e fundit, 31-vjeçari ka qenë një “përbindësh”, teksa ka fituar radhazi në turnetë Grand Slam të “Wimbledon”, “US Open” dhe së fundmi “Australian Open”. Me këtë triumf Xhokoviç çon në 15-të numrin e trofeve Grand Slam, vetëm Rafael Nadal (17) dhe Roxher Feder (20) ia kalojnë serbit.

Nadal i pandalshëm, kalon në çerekfinale pa lëshuar asnjë set

Sport Ekspres — Sun, 20 Jan 2019 08:33:14 +0000

Rafael Nadal vazhdon të tregojë formën e mirë në turneun Grand Slam, “Australian Open”. Spanjolli mundi tenistin çek Tomas Berdych në tri sete (6 – 0, 6 – 1, 7 – 6) dhe siguron kështu biletën për në çerekfinalet e turneut, ku do kundërshtari i ardhshëm do të jetë 21-vjeçari premtues Frances Tiafoe.

#AusOpen? en @tjcope – Octavos de final:

?? Rafael Nadal 6-0 6-1 7-6 Tomas Berdych ??

? 32 winners, 17 errores, 0 breaks

? 4 partidos, 0 sets cedidos

? Martes, cuartos, Frances Tiafoe ??: 21 años, 39 del mundo, nunca había pasado de 3R de GSlampic.twitter.com/bKi2H35o0j

— Angel Gª Muñiz (@agarciamuniz) January 20, 2019

Gjatë Grand Slam-it australian, tenisti spanjoll ka treguar një formë të admirueshme, duke mos humbur qoftë edhe një set në katër përballjet e para të turneut. Megjithatë, favoriti kryesor për këtë turne mbetet serbi Novak Djokovic, ndërsa rivalë që s’duhen të nënvlerësohen mbetet i riu Sacha Zverev dhe kampioni në fuqi Roger Federer.