Rafael Leao

Leao flet si “Djall”: Te Milani për sukses, me Piatek do të jem perfekt

Sport Ekspres — Fri, 02 Aug 2019 16:56:12 +0000

Milani ka sjellë në Milano një talent mjaft interesant, Rafael Leao. 20-vjeçari zbarkoi në Milano për shifrën e 30 milionë eurove, që shkojnë në xhepat e Liles. Sulmuesi do të veshë fanellën me numrin 17. Ai ka thënë fjalët e para si Milanist.

MILANI-“E kam zgjedhur gjithmonë në Play Station sepse ishte një klub shumë i fortë. Shumë legjenda të mëdha kanë luajtur këtu. Kam parë shumë video të Kaka, Rui Kosta, Sedorf e Maldinit. Ata lojtarë të mëdhenj kanë shkruar historinë e këtij klubi dhe të futbollit evropian.”
IDHULLI KUQEZI-“Kaka nuk ishte nga kjo botë. Lojtarët brazilianë janë shumë të talentuar dhe Kaka ka lënë gjurmë të pashlyeshme këtu. Nuk mund ta besoj se kam firmosur me klubin, ku një legjndë si Kaka ka fituar Topin e Artë.”

BASHKËPUNIMI ME PIATEK-“Të luajnë dy sulmues dhe jo një është favor sepse ka më shumë shnace për të shënuar. Njëri mund të qëndrojë në qendër dhe tjetri të lëvizë lirisht sipas rastit. Unë kam ardhur të ndihmoj pavarësisht se në ç’pozicion më vë trajneri. Sa më shumë gola të shënojë Piatek aq më mirë është për ne. Shpresoj të arrijmë sa më shumë suksese.”

FESTIMI ME TELEFON-“Kjo nisi kur luaja me Sportingun dhe babai im nuk mundi të ishte i disponueshëm të më shihte. Që atëherë e bëj këtë shenjë si për t’i thënë babait se shënova një gol për të.”

Përforcohet sulmi, Milani prezanton portugezin e talentuar

Sport Ekspres — Thu, 01 Aug 2019 13:24:24 +0000

Milani vazhdon të përforcohet. Sot ka ardhur edhe zyrtarizimi i transferimit të Rafael Leao në Milanelo. Kuqezinjtë paguan 30 milionë euro te Lila për kartonin e 20-vjeçarit, i cili ka firmosur një kontratë 5-vjeçare.

Sulmuesi portugez është një produkt i Sporting Lisbonës, ndërsa verën e kaluar u transferua në kampionatin francez. Tetë gola në 26 ndeshje shënoi Leao dhe tani është gati të nisë aventurën me “djallin kuqezi”.

Lojtari potent aktivizohet në rolin e sulmuesit të parë dhe të dytë, si edhe në rolin e sulmuesit të majtë. Aktualisht është pjesë e Portugalisë U21 me të cilët ka zhvilluar 5 ndeshje.

Gjithçka e kryer, talenti Leao zbarkon në Milano

Sport Ekspres — Tue, 30 Jul 2019 09:40:35 +0000

Milani sakrifikoi Patrik Kutronen për të sjellë në Milano talentin portugez Rafael Leao. Kartoni i 20-vjeçarit i ka kushtuar “djallit” 30 milionë euro. Leao mbylli një sezon pozitiv në Francë, ku shënoi 8 gola në 24 aktivizime.

Ditën e sotme Leao është parë në aeroportin e Malpensës, ndërsa më pas është drejtuar për në zyrat e Milanit ku do t’i nënshtrohet analizave mjekësore për të finalizuar transferimi e bujshëm.

20-vjeçari është një prodhim i akademisë së famshme të Sportingut të Lisbonës. Në Portugali nuk iu dha kurrë shansi për të treguar veten, por francezët e Lilës treguan të mprehtë duke siguruar shërbimet e lojtarit me kosto 0.

Roma sfidon Interin dhe Juven për talentin portugez

Sport Ekspres — Tue, 23 Jul 2019 20:45:45 +0000

Rafael Leao është talenti portugez i radhës që ka shpërthyer në këtë periudhë të artë për futbollin luzitan. Juventus, Inter, Napoli dhe së fundmi Roma kërkojnë me ngulm shërbimet e djaloshit. Leao aktivizohet si sulmues qendre, por edhe në krahun e majtë.
Interi e sheh atë si alternativë në rast të dështimit të blerjes së Lukakut, që me shumë mundësi nuk do arrihet të përmbyllet. Megjithatë, është Roma që futet fuqishëm në garë për 20-vjeçarin. Klubi verdhekuq do i mundësonte më shumë minuta në këmbë të riut.

Vlera e tij në merkato është rreth 15 milionë euro me Lilen që do të mundohet të nxjerrë sa më shumë para nga shitja e tij. Presidenti i klubit francez ka pohuar se do e shesë talentin dhe do vendosë me lojtarin mes gjithë ofertave që kanë ardhur në drejtim të tij.