Kështu ai po shqyrton ofertat brenda vendit, ku duket se ka gjetur zgjidhje. Mediet italiane raportojnë se Interi ka arritur një marrëveshje për huazimin e lojtarit te Fiorentina. Klubi viola e pret me krahë hapur, por një ngërç është paga prej 4.5 milionë euro që 31-vjeçari merr te Interi. Gjithsesi, brenda pak ditësh do të ketë një marrëveshje.

Sipas raportimeve të Sportmediaset, klubi vjollcë ka arritur në parim akordin me Raxha Naingolan. Mesfushori belg ishte një ndër objektivat e mëdha të mesfushës.

31-vjeçari i ka dhënë fjalën Fiorentinës, që tashmë duhet të arrijë një akord edhe klubin e Interit. “Ninxha” ishte një ndër blerjet më të bujshme të zikaltërve verën e kaluar, po dëmtimet dhe disa probleme nuk e lejuan të japë maksimumin.

Ardhja e Antonio Kontes në pankinën e Interi i dha fund aventurës së tij. Trajneri leçez ia ka bërë të qartë prej kohësh faktin që ai nuk është pjesë e planeve të tij dhe Naingolan ka vendosur të largohet, më saktë është detyruar.

31-vjeçari po kërkon për një ekip të ri, ose më saktë për një ekip të vjetër. Eusebio Di Françesko ka punuar me belgun te Roma dhe dëshiron ta bëjë sërish një gjë të tillë te Sampdoria, por “ninxha” dëshiron Kaljarin.

Naingolan luajti katër sezone në Sardenjë, aty ku u kthye në simbolin dhe liderin e Kaljarit. Mesfushori potent dëshiron të rikthehet sërish në ishull dhe Kaljari është gati ta presë me krahë hapur.

Problem mbetet paga e lartë prej 4.5 milionë eurosh. Interi mund të zgjidhë situatën, duke vendosur të paguajë një pjesë të konsiderueshme të rrogës së tij, ndërsa duhet parë se deri sa mund të ofrojë ish-ekipi për të.

Gianluca Di Marzio raporton se për belgun interesohet Sampdoria. Trajner i klubit dorian është Eusebio Di Françesko, i cili ka punuar me “ninxhën” te Roma dhe po bën të pamundurën për ta bindur që të zgjedhë transferimin në Xhenova.

Problem i madh mbetet paga prej 4.5 milionë euro e 31-vjeçarit. Tratativa nuk do të jetë aspak e thjeshtë, por Sampdoria beson fort se mund të arrijë një marrëveshje me lojtarin dhe klubin e Interit.

#Calciomercato | #Nainggolan, pazza idea per la #Sampdoria ?https://t.co/CYOZawefKA

— Gianluca Di Marzio (@DiMarzio) July 25, 2019

Flasim për Emanuel Vinjato, 18-vjeçarin e Kievos, i cili aktivizohet si mesfushor i avancuar, sulmues i dytë dhe sulmues i djathtë. Lojtari me baba italian dhe nënë braziliane cilësohet si një talent i pastër dhe lista e klubeve që e ndjekin është e gjatë.

Kontrata me klubin veronez përfundon verën e ardhshme dhe Vinjato nuk ka pranuar rinovimin. Pas këtij refuzimi qëndrojnë kampionët e Gjermanisë, të cilët mund ta blejnë me një çmim disa herë më të ulët, pasi atij i mbetet edhe një vit kontratë.

Përveç Bajernit për Vinjaton interesohen edhe Juventusi, Napoli, Sasuolo dhe Xhenoa. Gjatë këtij sezoni ai është aktivizuar në 10 ndeshje dhe ka shënuar një gol në Olimpico kundër Lacios së Strakoshës.

Vinjato mund të qëllojë një investim fantastik për të ardhmen. Disa nga cilësitë e tij më të mira janë shpejtësia, asistet dhe driblimi fantastik. Djaloshi ka dy pasaporta, por deri tani ka vendosur të përfaqësojë Italinë.

Debutimin në Serie A e ka bërë në moshën 16-vjeçare, në humbjen e Kievos 3-5 përballë Romës në majin e vitit 2017. Ndërsa po bënte nxehjen, aty pranë ishin edhe Françesko Toti dhe Raxha Naingolan.

Legjenda e Romës i afrohet dhe e pyet djaloshin se kush është, ndërsa Vinjato i përgjigjet: “Jam një djalë i Kievos, ditëlindja 2000”. Një përgjigje mes sikletit, pasi ndodhej përpara Françesko Totit. Ky i fundit buzëqesh dhe bën shaka me “ninxhën”, ndërsa i rikthehet Vinjatos. “Ngjan si 12 vjeç, dëshiron të marrësh dhjetë vite nga të miat?”, për t’i dhënë fund bisedës simpatike midis Totit, Naingolan dhe Vinjatos.

Belgu ka treguar vazhdimisht paqëndrueshmëri në sjelljen e tij jashtë fushe. Futbollin nuk e konsideron si aktivitetin kryesor dhe nuk heziton aspak “të shijojë” jetën duke pirë dhe kaluar netë të zjarrta nëpër klube natë. Ndërkohë, çështja Ikardi dihet dhe është bërë virale tashmë. Argjentinasi i ka prishur prej kohësh marrëdhëniet me klubin dhe Marota shprehet se ai është në merkato.

“Duhet të tregohemi që pastër dhe transparentë. Ikardi dhe Naingolan janë lojtarë të përsosur, por kjo nuk mjafton për projektin tonë. E them me transparencë dhe me respekt se Ikardi është në merkato, gjithmonë duke respektuar marrëveshjen kontraktuale”, foli hapur Marota.

“Daily Mail” raporton se Konte i ka kërkuar drejtuesve të klubit që të shesin Mauro Ikardin dhe Raxha Naingolan. Karakteri i lojtarëve nuk është i duhuri sipas trajnerit dhe në ekip duhet të ketë vetëm lojtarë që derdhin gjak për Interin.

Paratë e përfituara nga largimi i dyshes do të investohen për të dy lojtarë të tjerë, konkretisht Arturo Vidal dhe Romelu Lukaku. Mesfushori kilian është ëndrra e madhe e Kontes. Të dy kanë punuar bashkë te Juventusi dhe kanë një raport fantastik me njëri-tjetrin.

Konte sheh te Vidal karakteristikat e duhura dhe liderin perfekt për mesin e fushës, ndërsa gjiganti belg do të ishte investimi i duhur për repartin ofensiv. Lukaku po pret me entuziazëm kalimin tek Interi dhe ky është mentaliteti i duhur sipas Antonio Kontes.

Drejtuesit e Inter po punojnë edhe për shitjen e Ikardit te Juventus. Konte nuk e dëshiron qëndrimin e kësaj dysheje me justifikimin se prishin harmoninë e grupit. Lukaku pritet të zëvendësojë Ikardin dhe Barela do të vijë për të mbuluar hapësirën e lënë bosh nga Naingolan.

Kampionët e Spanjës po tentojnë shitjen e mesfushorit kilian, i cili është i preferuari i trajnerit zikaltër. Bashkë kanë punuar te Juventusi dhe Konte e vlerëson shumë. “Do doja ta kisha gjithmonë në ekipin tim Vidalin. Është një futbollist i madh, një mesfushor i fortë dhe një djalë shumë i mirë, me të cilin kam një raport fantastik”, shprehej trajneri leçez në dhjetor të vitit 2017.

Nga ana tjetër, Barcelonës i mungon një lojtar me karakteristikat e belgut të Interit. Problem mbeten pagat e lojtarëve. Naingolan përfiton 4.5 milionë euro në sezon, ndërsa Vidal 9 milionë të tillë, pra dyfishin. Sinjali është dhënë dhe tani pritet të nisin negociatat për të realizuar një operacion që do i kënaqte të gjithë.

Raxha Naingolan është ndër emrat që përfliten për t’u larguar. Zërat e merkatos e lidhin me një rikthim në Romë, por mesfushori belg mendon ndryshe.

31-vjeçari ka komentuar shkurt dhe qartë të ardhmen e tij. “Ninxha” dëshiron të qëndrojë tek Interi, ndërsa jep një koment edhe për Luçiano Spaletin.

“Kam edhe tre vite kontratë me Interin. Kaq mund të them sa i përket të ardhmes time. Spaleti? Ishte dhe mbetet një trajner shumë i mirë”, thekson Naingolan në një event të organizuar në qytetin e  Peskarës.

Mesfushori u pyet dhe foli mbi disa tema, por përgjigja që dha kur u përmend talenti i Romës, Nikola Zaniolo, habiti jo pak. Naingolan deklaroi se Zaniolo ka vetëm 20 ndeshje të mira, ndërsa ai vetë ka qenë për plot 10 vite në formë të mirë.

“Është normale të flasim mirë për të rinjtë, por sot çdo gjë atyre u serviret në pjatë argjendi. Më përpara, ne na duhej të tregonim shumë më shumë edhe me vështirësi shkonim në Serie B. Për momentin ka bërë 20 ndeshje, nga këto ka luajtur mirë në 18. Unë isha për 10 vite në nivele shumë të larta”, përfundoi mesfushori belg.

“Ninxha” ka folur edhe njëherë për largimin e tij nga ekipi kryeqytetas. Fajin e ka vetëm një person, i cili nuk është më pjesë e klubit. Flasim për Monçin, ish-drejtorin sportiv spanjoll.

Në një prononcim për “Hln.be”, Naingolan zbulon ngjarjen e ndodhur. Ai nuk kishte zgjedhje tjetër përveç largimit, përndryshe në Romë mund të shpërthente nga momenti në moment Lufta e Tretë Botërore.

“Te Roma pata një grindje me Monçin, drejtorin sportiv të klubit, i cili nuk u soll në mënyrë profesionale me mua. Nëse do të më kishte thënë në verë që dëshironin të më shisnin, do kisha pranuar. Monçi nuk veproi kështu, por dërgoi disa persona në Turqi. Donte të më shiste atje pa dijeninë time. Në atë moment e kuptova se koha ime te Roma kishte mbaruar. Ose unë, ose ai. Nuk kishte më vend te Roma për të dy. Unë jam i sinqertë dhe di të them kaq: nëse do të qëndroja te Roma pas asaj që më bëri spanjolli, çdo ditë mund të kishte ndodhur nga një Luftë Botërore”, përfundon 30-vjeçari zikaltër.

Ekipi dhe Naingolan – “Ekipet që janë pas nesh po bëjnë mirë, kështu që ne duhet të bëjmë detyrën tonë. Gjithashtu, jemi në Europa League, kështu që të shohim se çfarë do të ndodhë. Pata disa probleme, por tani jam i fokusuar vetëm për të luajtur futboll dhe për të dhënë më të mirën për ekipin.”

Çështja Ikardi – “Mendoj se ka pasur shumë diskutime për gjëra që nuk janë pjesë e futbollit dhe kjo gjë nuk më pëlqen. Shpresoj që ta zgjidhin sa më shpejt, sepse jemi një skuadër e bashkuar dhe duam të fitojmë bashkë. Ikardi gjithmonë i ka kaluar momentet e vështira dhe shpresoj si për të, ashtu edhe për ne ta kalojë këtë moment sa më shpejt të jetë e mundur. E ka treguar dhe më parë që është i aftë ta bëjë diçka të tillë. Nëse duam të shkojmë larg na nevojitet çdo lojtar.”

I vëllai i futbollistit, Manuel Naingolan, ka dhënë një intervistë për medien belge “Het Latste Nieuws”, ku ka lëshuar disa deklarata shumë të forta në lidhje me gjendjen mendore të të afërmit të tij.

“Nuk e di ç’po ndodh me të. E marr në telefon, por nuk më përgjigjet. Kam frikë se mos ka disa probleme në jetën familjare. Njerëzit më thonë se duhet të jem më i ashpërt me të, por fjalët e mia nuk kanë asnjë lloj efekti tek ai. Ndihma e një psikologu? Ndoshta do ta ndihmonte për të paktën një javë, por më pas ai do t’i rikthehej huqeve të vjetra, siç ka bërë gjatë të gjithë jetës së tij”

“Mendoj se jep më pak se gjysmën e asaj që ka, duke ditur çfarë talenti ka ai. Problemet me kombëtaren? Nuk ndryshuar opinion në lidhje me këtë çështje. Roberto Martinez duhet ta grumbullonte, pasi një trajner i madh di së të menaxhojë një karakter të vështirë si Raxha”, tha i vëlllai i mesfushorit belg.

Në një rrëfim për mediat italiane, mesfushori 30-vjeçar ka folur rreth largimit nga Roma, pritjes që iu bë nga klubi zikaltër si dhe nga shokët e tij të skuadrës. Gjithashtu, Naingolan foli dhe për planet e tij pasi të tërhiqet nga futbolli, ku habiti jo pak duke thënë se do të largohet nga bota e futbollit, pasi nuk e sheh veten si trajner apo si ekspert.

“Shokët e skuadrës dhe klubi më pritën shumë mirë. Kjo ka rëndësi, pasi për mua nuk është e lehtë që të ndryshoja ekip. Kam qenë gjithmonë shumë i lidhur në vendet ku kam luajur, si në Kaljari ashtu dhe në Romë, dhash dhe mora shumë. Jam i lumtur që jam këtu, ku trajneri më ka dashur dhe më do si dhe kam një marrëdhënie të shkëlqyer”.

“Roma? Që kur mora vesh që donin të më shisnin, e mbylla atë kapitull. Kisha një periudhë në të cilën isha shumë i hidhëruar që karriera ime në Romë erdhi drejt fundit. Mënyra ime e lojës më bën që të jem i respektuar dhe i pëlqyer, sepse gjithmonë jap më të mirën në fushë. Jashtë fushës është një histori tjetër. Duhet ta shijosh veten dhe në qoftë se nuk e bën diçka të tillë sa je i ri, kur do e bësh?”

“Ka lojtarë që qëndrojnë zgjuar deri në pesë të mëngjesit pas ndeshjes, të tjerë preferojnë të shkojnë për darkë. Nuk shoh ndonjë diferencë mes të dyjave. Në qoftë se jeta ime do të ishte vetëm shpi-fushë dhe fushë-shpi, koka ime nuk do të ishte mirë, pasi kam nevojë që të qetësohem mendërisht”.

“E sigurt që nuk do të kem të bëjë me botën e futbollit pasi të tërhiqem. As si trajner, as si ekspert, asgjë. Sidomos kjo e fundit, do të ishte e pamundur për mua. Jam shumë i sinqertë, them gjithmonë atë që mendoj”.

“Nuk kam frikë nga kjo, pasi nëse unë do të duhet ta lë Kaljarin, nuk do të ndodhë për para. Do iki vetëm për ambicie”, shprehet Barela, i cili më tej tregon se nuk ndien presion prej faktit që njerëzit presin shumë nga ai.

“Të ndihesh pjesë e një populli nuk është barrë, por krenari. Më shumë se të tjerët unë gëzohem kur fitojmë dhe vuaj kur humbim. Unë e di që njerëzit duan gjithnjë e më shumë prej meje, por edhe duhet ta dinë që edhe kur luaj keq kam dhënë gjithçka”, ka shtuar mesfushori në “SportWeek”, shtojcë e “Gazetta dello Sport”.

Barela është vetëm 21 vjeç dhe thekson se kalimi në një klub më të madh nuk do ta ndryshojë atë si njeri: “Jam i sigurt që do të mbetem i njëjtë edhe nëse shkoj të luaj diku tjetër. Mua nuk më intereson Ferrari apo shtëpitë luksoze. Heq fiksimet e mia, por nuk luaj futboll për të blerë makina të bukura. Kur të fitoj mjaftueshëm për të blerë Ferrarin, ndoshta do ta blej atë. Por unë nuk jetoj për këtë”.

NGJASHMËRIA ME NAINGOLAN – “Ekziston një interpretim i njëjtë i lojës, pasi asnjëri nga ne nuk lëshon pe në fushë. Është edhe mënyra se si rrëshqasim për ta marrë topin, por ai është më i fortë fizikisht”.

UNË INTERIST? – “Jo, nuk bëj tifo për Interin. Gjithmonë kam mbështetur Kaljarin, por në shtëpinë time të gjithë janë interistë dhe kur isha fëmijë lumturohesha kur ata fitonin”.

Gjithsesi, mesfushori belg duket se është rikthyer të flasë përsëri për çështjen e Romës, teksa këtë herë vjen me akuza të forta dhe deklaron se te Roma nuk e kanë respektuar dhe e larguan si të padëshirueshëm.

Unë u zhgënjeva nga disa gjëra, që unë si burrë nuk mund ti pranoj kurrë. Kisha gabimet e mia, por faji nuk ishte i imi plotësisht për largimin. Ata bënin gjëra pas shpinës time dhe nuk vinin të përballeshin me mua si burrat. Roma po përpiqej të merrte sa më shumë nga transferimi im, madje hyri në kontakte me klube që unë nuk do t’i pranoja kurrë. Më trajtuan si një lojtar të parëndësishëm.

ROMA – “Në atë kohë Spaleti më thirri për të luajtur me Interin dhe nuk e mendova dy herë. Në fillim kisha pak një ndjenjë pendese, por mikpritja që më bënë këtu ishte diçka e bukur. Kam gjetur një klub mjaft të organizuar dhe presidenti Zheng është gjithmonë pranë nesh, ndryshe nga Roma që presidenti vinte një her në vit.”

JUVENTUS – “Ata janë një ekip i fortë dhe kanë fituar për shtatë vite rresht kampionatin, por sezoni është i gjatë dhe do të kemi ndeshje direkte për të luajtur. Ne duhet të vazhdojmë me rezultatet e mira dhe të përpiqemi të përfitojmë nga ndonjë ndalesë e tyre. Pse antipati ndaj Juves? Më kanë kërkuar për pesë vite rresht. Unë gjithmonë thoja jo, ata prapë shin aty, ndoshta kjo mund të jetë”.

RONALDO – “Kristiano i ka sjellë dhe shumë vëmendje tani Serisë A, që në vitet e fundit i kishte humbur shumë. Gjithashtu na motivon edhe më shumë për ta mundur. Midis tij dhe Mesit do të zgjidhja Leon. Ronaldo ka nevojë patjetër për ekipin, ndërkohë Mesi ndonjëherë mund të driblojë katër apo pesë lojtarë dhe ta fitojë ndeshjen i vetëm”.

CHAMPIONSI – “Është një kompeticion më i lehtë se sa Seria A dhe në këtë gjë këmbëngul shumë. Në grup luan gjashtë ndeshje dhe çdokush përpiqet të fitojë, ndërsa në Itali, ti vihesh përballë 10 burrave që shkojnë pas topit dhe mbrohen pothuajse gjithë kohën dhe të duhet një punë e madhe që të arrish fitoren”.

STILI I FLOKËVE – “Nuk do ta shihni më stilin mohikan. Është koha për të thënë stop. Jam 30 vjeç tani dhe nuk mund të vazhdoj të mbaj flokët në atë mënyrë. Tani do më shihni në stilin normal. Gjithsesi ndihem i nderuar që shoh fëmijë që mbajnë të njëjtin model nga unë”.

LOJTARI MË I MIRË QË KA LUAJTUR – “Duke mos përfshirë këtu Françesko Totin, mendoj se është Miralem Pjaniç. Në qoftë se Juventus nuk do të kishte Pjaniç, nuk do të ishte i njëjti Juventus. Ndërsa nga ana tjetër është dhe Maikon. Ndodhte shpesh që të shihja nga ai dhe t’i thoja vetes: “Si dreqin arriti ta bëjë këtë?”, përfundoi mesfushori i Inter.