radash

Radas: Erdhi momenti final, për rinovimin më duhen dy minuta

Sport Ekspres — Sat, 11 May 2019 18:49:17 +0000

Mbrojtësi dhe kapiteni i Skënderbeut, Marko Radas, ka folur për mediat para ndeshjes kundër Teutës, ku tha se deri në fund të sezonit çdo ndeshje është finale për të arritur tek objektivi Europë. “Erdhi momenti final, tani i gjithë sezoni është një fianle. Çdo gjë varet nga këto tre ndeshje. Nëse nuk fitojmë nesër, nuk mund të arrijmë tek objektivi ynë, që është Europa. Largimet? Çdo lojtar do të mendojë për vete. Normale që lojtarët e rinj kanë ambicie dhe çdo gjë mund të ndryshojë nëse nuk arrijmë tek objketivi ynë këto tri ndeshje.

Kemi pasur momente kur kemi humbur vetëbesimin, ndonjëherë në futboll ndodh kjo gjë. Kur humb besimin, duhet kohë dhe rezultate që ta fitosh sërish. Besoj që të gjithë ne do të ndryshojmë për mirë.

Kristi ka qenë sëmurë, Muzaka shpresoj të jetë gati. Por edhe nëse nuk janë gati, kemi një grup prej 20 lojtarësh dhe të gjithë janë gati për të dhënë maksimumin. Kemi edhe mbështetjen e presidentit Takaj, i cili është munduar t’i karikojë të gjithë lojtarët. Kundër Teutës, do të jetë një sfidë shumë delikate, por ne kemi shpresa për tre pikët.

KAS-i? Nuk mendoj se është një pyetje për mua, por për klubin. Normale që dhe ne lojtarët shohim TV dhe lexojmë media, flasim dhe me njëri-tjetrin për këtë ccështje. Duam të jetë një vendim pozitiv, pasi është mirë për futbollin kur skuadrat ecin përpara. Mbetemi në pritje.

Rinovimi? Me mua është e lehtë, presidenti mjafton të më flasë 2 minuta. Kjo nuk është parësore, por ndeshjet e mbetura në kampionat. Të arrijmë njëherë Europën, pastaj kemi kohë për të gjitha”, u shpreh Radas.

Largimi i Alitit dhe “garda e vjetër”, Radash flet para ndeshjes

Sport Ekspres — Mon, 11 Feb 2019 16:24:14 +0000

Mbrojtësi dhe kapiteni i Skënderbeut, Marko Radash ka folur për “Supersport” para ndeshjes kundër Laçit. Kroati do të jetë në stol, pasi nuk është në formë optimale, por ka besim se skuadra e tij do të marrë fitoren:

GARDA E VJETËR – “Ndoshta unë, Kristi dhe Muzaka jemi gardë e vjetër dhe do t’i ndihmojmë të gjithë. Nuk e di këto çunat që erdhën dhe ato që kanë qenë më përpara nuk përgjigjen tek ato gjëra që ne besojmë. Po prape, shpresoj që sot të nisim kthesën dhe të rikthehemi te rezultatet pozitive”.

RIKTHIMI – “Kam qenë i sëmurë dhe kam qenë në Kroaci për disa ditë. Sot jam në pankinë, ndërsa javën tjetër do të jem në fushën e lojës.

MUNGESAT NË MBROJTJE – “Po, ka shumë mungesa. Por lojtarët që janë në dispozicion do bëjmë më të mirën. Sambu dhe Pëllumbi janë lojtarë të rinj, por kanë shumë cilësi… Lulaj është dëmtuar, Aliti është larguar. Por besoj se dyshja që do të luajë sot do të bëjë mirë dhe do të arrijmë te objektivi i sfidës”,- përfundoi Radash.

Radas: Synojmë medoemos Kupën, për kampionatin luftojmë deri në javën e fundit

Sport Ekspres — Sat, 19 Jan 2019 20:06:20 +0000

Mbrojtësi i Skënderbeut, Marko Radas ka folur pas ndeshjes miqësore përballë Teutës, ku ka thënë se objektivi i Skënderbeut është fitimi me doemos i Kupës së Shqipërisë. Po ashtu, veterani i prapavijës pranoi se për titullin kampion, Skënderbeu do të luftojë deri në javën e fundit të sezonit.

Për “DurrësLajm”, Radas u shpreh: “Mendoj që nuk jemi akoma në nivelin e duhur, por kemi dhe një javë kohë që të rritemi dhe të arrijmë atje ku kemi dëshirë. Nuk e di, do të shikojmë nivelin tonë dhe pastaj do të flasim për objektiva.

Edhe në Kupë do të synojmë çdo ndeshje për fitore. Duam t’i shkojmë Kupës së Shqipërisë deri në fund, ndërsa sa i takon titullit kampion, jam i bindur që do të luftojmë deri në javën e fundit”,- tha Radas.