Së pari, problemet e krijuara gjatë ndeshjes dhe tensioni e ofendimet kanë degjeneruar dhe ka pasur edhe përplasje fizike mes tifozëve të Tiranës dhe policisë.

Disa tifozë janë arrestuar dhe shoqëruar në polici, duke bërë që asnjë nga grupimi “Tirona Fanatics” të mos largohej nga Korça pa u liruar shokët, gjë që ndodhi rreth orës 22.00.

Ndërkaq, korçarët e kanë me veten këtë radhë, sepse ka plasur keq mes tifozëve dhe Marko Radas.

“Ujqërit e dëborës” kanë akuzuar hapur lojtarët për shitjen e ndeshjes. Radas shkoi te tifozët te tribuna C për të folur me ta, por ka qenë e kotë, sepse tifozët e kanë refuzuar, e kanë ofenduar dhe kanë hedhur edhe stola drejt tij.

Debati zgjati disa minuta, aq sa Radas tentoi edhe përballjen fizike, i nervozuar në maksimum, ndërkohë që edhe nga tifozë të tjerë nëpër stadium kishte ofendime ndaj skuadrës.

Skandaloze, klubi më i fuqishëm i dekadës, mbreti i futbollit shqiptar prej vitesh, tashmë është duke u shkërmoqur dhe fakti që tashmë është në luftë me tifozët e vet tregon se perandoria po shembet.

“Të them të drejtën ishte një vit shumë i rëndësishëm për mua. Menaxheri im Shkumbin Qormemeti më ka bindur të shkoj te Skënderbeu. Falënderoj atë dhe presidentin Ardian Takaj që ka bërë shumë për të gjithë futbollin shqiptar, Skënderbeun dhe Korçën”.

“Të them të drejtën, para pak ditësh isha shumë afër transferimit te Malmo, por më pas folëm me drejtorin e Kalmarit. Unë e shoh shumë të rëndësishme që të jem pjesë kryesore e ekipit, prandaj vendosa të vij te Kalmari. E shoh këtë kalim si një trampolinë për të ardhmen”.

“Nuk kam folur me Etrit Berishën, por kam biseduar me ish-trajnerin e Kosovës  Albert Bunjakin, i cili më parë ka qenë në postin e asistentit te Kalmari. Ai më foli shumë mirë për këtë ekip”.

“Çdo lojtar e ka ëndërruar largimin në momente të mira. E di që nuk është në një moment shumë të mirë, por jam shumë i sigurt se çunat do të rikthehen më të fortë”.

“Ngjarja në Fushë-Krujë? Nuk dua të flas për detaje. Është gjynah për sportin e për futbollin që të flas për ato gjëra që kanë ndodhur. Aty ishin policë që u larguan. Lojtarë si Radas dhe Vangjeli kanë bërë shumë për futbollin shqiptar dhe nuk e meritonin të trajtoheshin ashtu”, përfundoi Aliti.

Për të motivuar ekipin mendon kapiteni Marko Radas. Kroati ka  folur në një intervistë për “Supersport”, ku ka folur mbi krizën e skuadrës së tij dhe për zërat për një fund të epokës së Skënderbeut.

ECURIA E DOBËT – “Ikën 12 lojtarë. Tani kemi një ekip të ri. Normalisht që duhet kohë për të pasur një lojë të mirë. Nuk mendoj se situata është katastrofë. Do të rikthehemi te ecuria pozitive”.

KASTRIOTI – “Kastriotin e vlerësojmë maksimalisht. Ata fituan në një fushë shumë të fortë si ajo e Gjirokastrës me rezultatin 5 – 1, kanë pasur dhe ndryshim trajneri”.

FUNDI I EPOKËS SË SKËNDERBEUT ? – “Jo aspak, ndoshta ka xhelozi. Skënderbeu nuk ka mbaruar. Po kalojmë një krizë, por Skënderbeu nuk do mbarojë kurrë”, përfundoi  Radas.

“Ishte një fitore e rëndësishme, pasi luanim ndaj një rivali për vendin e parë. Në fund dolëm mirë. Pjesa e parë ishte pak e vështirë për ne, por e menaxhuam mirë pjesën e dytë, e kontrolluam lojën dhe them se ishte një fitore e merituar”.

“Pavarësisht nëse do kishim fituar sot ne mbetemi pretendent për kreun. Na bën punë kjo fitore pasi na çon në vendin e parë”.

Një skuadër mjaft cilësore sdhe mbi të gjithë në kulmin e sezonit Molde, ndaj me të drejtë niset favorite e madhe, por ashtu dukej edhe Anorthosis.

Tashmë Laçi ka fituar besim të madh në forcën e vet dhe duket se edhe kroatët Eller e Kendesh janë goditje të zgjuara, pa harruar natyrisht Erjon Hoxhallarin, e huazuar nga Tirana.

Gjithsesi, në mbrojtje Laçi ka mungesë eksperience dhe disa lojtarë kanë luajtur jashtë roleve të tyre, ndaj presidenti Pashk Laska ka kryer një goditje urgjente para turit të dytë, zbulon “Sport Ekspres”.

Bëhet fjalë për mbrojtësin e Skënderbeut Marko Radas, i cili ka një eksperiencë të jashtëzakonshme dhe luan mjaft mirë në qendër apo në të djathtë të mbrojtjes, nëse është nevoja.

34-vjeçari është te Skënderbeu prej vitit 2011, ka dalë 6 herë kampionat dhe është një pikë referimi, brenda e jashtë fushe, duke u konsideruar një lider, aq sa tashmë Skënderbeu i ka besuar shiritin e kapitenit, si shpërblim për besnikërinë.

Sot Radas ishte në Kompleksin Tropical në Durrës dhe përveçse ka bërë pak plazh, ka diskutuar edhe me presidentin Takaj për huazimin në Laç, për turin e dytë në Europa League. Natyrisht, më pas do të kthehet në Korçë, edhe nëse Laçi vijon rrugëtimin evropian, por nëse kjo ndodh, Pashk Laska do gjente plot lojtarë që do i luteshin për të shkuar te Laçi.

Edhe në Kroaci lajmi ka bërë shumë bujë, edhe për faktin se në listën e ndeshjeve të trupuara ka përfunduar edhe një humbje e thellë e Skënderbeut me Dinamo Zagrebin.

Goal.com ka kontaktuar me Marko Radas, qendërmbrojtësin e Skënderbeut, i cili ka pranuar të flasë për këtë histori, në një moment që në histori është heshtje totale, pasi askush nuk di të thotë gjë, në pritje të vendimit final të UEFA-s.

“kështu dëgjova nga televizionet dje, ishte një lajm tronditës që mori dhenë, por ne nuk jemi përjashtuar ende, Skënderbeu nuk ka marrë asnjë njoftim zyrtar për përjashtim 10-vjeçar nga kupat e Europës”.

Radas nuk e ka ende të saktë informacionin, sepse sërish ia vesh Federbetit fajin për këtë histori, kur në realitet gjithçka po bëhet nga UEFA me bashkëpunimin e ngushtë të Sportradarit, kompania e kontraktuar për të sinjalizuar gjithë ndeshjet e dyshuara për trukime: “Federbet ka bërë kërkesë që UEFA të na dënojë, por nuk ka asgjë zyrtare. Federbet monitoron tregun e basteve dhe sinjalizon për kuotat e dyshimta”.

Për Radas, historia nuk ka kuptim: “Sinqerisht, nuk ka shumë logjikë në këtë histori, sepse jemi dënuar një herë nga UEFA për ndeshjet për të cilat akuzohemi. Tani duan të na dënojnë sërish, me dënimin më të rëndë në histori, nuk e kuptoj. Nëse kanë pasur prova kundër nesh, pse nuk na përjashtuan menjëherë, jo thjesht për një vit. Dje morëm vesh që hetimi është zgjeruar dhe ka ardhur njoftim më 7 shkurt, ndërsa pritet vendim nga UEFA”.

Gjithsesi, Radas garanton pastërti vetëm për veten: “Nuk kam ndjerë asnjëherë që shokët e mi mund të manipulonin ndeshje. Personalisht, nuk jam fajtor për asgjë, por nga ana tjetër nuk e vë dot dorën në zjarr nëse akuzohen shokët e mi të skuadrës”.

“5 pikë në një grup të vështirë në Europa League nuk është pak. Nuk e kishte menduar askush që do të arrinim deri këtu, por ja ku jemi. Na quani ekipi më i mirë në histori, me gojën plot e meritojmë. Vijmë pas dy barazimeve radhazi në kampionat dhe pavarësisht se luajmë në kryeqytet ne do të kërkojmë në këtë 90-minutësh vetëm fitoren”, këto e shumë të tjera ka thënë dje nga Durrësi mbrojtësi i Skënderbeut, Marko Radas. Kroati me shumë përvojë mbi supe është i bindur në fjalët e tij optimiste që thotë për këtë Skënderbe, dhe mendon që edhe nesër skuadra korçare do të jetë e pandalshme, pavarësisht se luan në transfertë.

Radas, 5 pikë në pesë ndeshje në Europë. Jeni të kënaqur me këtë paraqitje?
– Është një arritje e madhe të them të drejtën. Të marrësh 5 pikë në një grup të vështirë në Europa League nuk është pak. Nuk e kishte menduar askush që do të arrinim deri këtu, por ja ku jemi. Na quani ekipi më i mirë në histori, me gojën plot e meritojmë.
Por të eliminohesh në këtë mënyrë është mëkat, apo jo?
– Sigurisht që po, megjithëse duhet ta pranojmë që u përpoqëm të bënim maksimumin, por ajo ndeshje në Serbi vendosi shumë. Nuk ishte më në dorën tonë, megjithëse ne ia bëmë hyzmetin deri në fund. Kjo ka edhe anën e mirë, sepse kur të vjen keq për eliminimin do të thotë se ke qenë duke bërë mirë.
Vjet Sportingu, sivjet Dinamo e Kievit. Skënderbeu ia ka marrë dorën “kokave” të grupit.
– Treguam edhe një herë që nuk jemi këtu rastësisht. Treguam forcën tonë dhe e provuam ndeshjen e fundit në shtëpi me Dinamon. Gjatë gjithë kohës kemi luajtur si të barabartë me këdo dhe kemi mundur të marrim atë që duam në disa ndeshje, në të tjera fati nuk ka qenë me ne.
-Tani gjithçka është mbyllur, mbetet kampionati…
-Kampionati gjithmonë ka qenë primar për ne. Edhe kur luanim në Europë për objektiv, takimet në kampionat ishin gjithnjë primare, pasi duam të sjellim titullin me çdo kusht sërish në Korçë.
-Për momentin 5 pikë diferencë me vendin e dytë, pasi Kukësi fitoi dhe ju luani nesër. Një garanci e madhe për titullin kampion?
-Është një diferencë e mirë, por nuk e shohim që tani renditjen, pasi është ende herët. Do të mundohemi të ecim kështu deri në fund të sezonit dhe më pas do të bëjmë llogaritë tona. Është një rrugë e mirë deri tani dhe pas barazimeve do të shohim të kthehemi te fitorja, që është aq shumë e nevojshme për vazhdimësinë.
-Luani ndaj Partizanit, sa i vështirë është ky takim?
-Është një ndeshje në transfertë, por vështirësia është e njëjtë si të gjitha takimet e tjera. Partizani ka ndryshuar, por ne nuk na intereson shumë. Do të shkojmë atje për të bërë maksimumin dhe për të dhënë më të mirën. Të shohim se çfarë do të prodhojë ndeshja dhe më pas do të diskutojmë për rezultatet.
-Kukësi nga ana e vet fitoi dhe Flamurtari që ishte në vendin e dytë barazoi. Si i komentoni këto rezultate?
-Në fakt nuk na interesojnë shumë ne si skuadër, pasi ne jemi Skënderbeu dhe këtë sezon e kemi vetë në dorë fatin e titullit. Me këtë dua të them se nëse ne bëjmë mirë deri në fund, ashtu siç kemi bërë deri tani, absolutisht që nuk do të kemi nevojë as për hapat e gabuara të kundërshtarëve, apo të pyesim se si kanë dalë.
-Me këtë doni të thoni që ndaj Partizanit do të luani vetëm për tre pikë?
-E theksova edhe më sipër, që ne në çdo ndeshje futemi në fushë vetëm për tre pikë. Këtë do të bëjmë edhe këtë herë. Vijmë pas dy barazimeve radhazi në kampionat dhe pavarësisht se luajmë në kryeqytet ne do të kërkojmë në këtë 90-minutësh vetëm fitoren. Nëse bëjmë gjithçka mirë në fushë, patjetër që do ia dalim.
-Mos jeni paksa të lodhur, pasi të enjten keni luajtur ndaj Dinamos së Kievit?
-Ne jemi mësuar me këtë ritëm dhe nuk na bën asnjëherë përshtypje. Madje kur luajmë kaq shpesh, edhe ritmin e kemi më të lehtë që ta kontrollojmë. Skënderbeu ju them me bindje që do ia dalë edhe ndaj Partizanit dhe do të vazhdojmë të ruajmë diferencën me ndjekësit tanë.
-Së fundi, sipas jush cili është rivali më i fortë për titullin kampion për Skënderbe?
-Rivali më i fortë për ne është vetëm Skënderbeu. Ne e kemi vetë në dorë këtë vit titullin kampion dhe nuk besoj që kemi kundërshtarë, pasi ju e keni parë edhe në fushën e lojës se kush është Skënderbeu dhe se kush janë ekipet e tjera.

Dy ditë para ndeshjes së dytë në grup për Europa League, trajneri i Skënderbeut, Ilir Daja, thuajse e ka zbardhur formacionin dhe skemën taktike. Këtë gjë e ka bërë në seancën e djeshme, teksa janë zbuluar mungesat, rikthimet dhe risitë në formacion. Sigurisht, dy mungesa të sigurta tashmë janë ato të Tefik Osmanit dhe Marko Radasit, dy lojtarë të prapavijës, ndërkohë që rikthime janë ato të Bakari Nimagës dhe Bajram Jashanicës.

Risia në formacion është edhe ajo e Suad Sahitit, lojtarit që duket se ka një tjetër shans për të treguar vlerat e tij në ndeshjet europiane. Pjesa tjetër janë thuajse të njëjtët dhe trajneri Daja është munduar të bëjë pak rotacion, pasi Skënderbeut i duhet fitorja ndaj Jang Bojs.

RADAS – Tefik Osmani prej ditësh është mësuar se do të mungojë, pasi nuk është riaftësuar plotësisht dhe nuk do të rrezikohet. Një mungesë e papritur është ajo e kroatit me mjaft përvojë, kMarko Radas, i cili po stërvitet veç grupit, për shkak të një problemi shëndetësor. Pritej që dje të ishte me grupin, por sërish nuk ia doli. Ka pak shanse që Radas sot të jetë me skuadrën në stërvitje dhe maksimumi mund ta nisë nga stoli ndeshjen e radhës. Ndoshta kjo ndeshje do të kalojë pushim për Radasin. Në vendin e tij do të jetë Fidan Aliti, i cili në dy ndeshje zëvendësoi Jashanicën në mbrojtje dhe tani do të duhet të jetë zëvendësi i Marko Radasit.

RISIA – Për takimin e mbrëmjes së nesërme në “Elbasan Arena”, risia e madhe do të jetë ajo e Suad Sahitit. Në ndeshjen e fundit ndaj Partizanit ai nuk ishte pjesë e formacionit, por ka ardhur momenti që të zbresë në fushë nga minuta e parë dhe ta tregojë veten në krahun e majtë të mesfushës, ku luante më parë Liridon Latifi. Suadi ende nuk është përshtatur 100% me skuadrën, por këto ndeshje si titullar i bëjnë mirë dhe ka shanset e veta që të vërtetojë se erdhi te Skënderbeu për të zëvendësuar Liridon Latifit. Jong Bojs është një tjetër provë e madhe për mesfushorin e krahut të Skënderbeut.

FORMACIONI – Me këto ndryshime që ka bërë Daja në stërvitjet e fundit, skema e lojës do të jetë 4-2-3-1. Për emrat në fushë duhet thënë se gjithçka nis me kapitenin Orges Shehi, i cili dy ditë më parë mbushi 40 vjeç. Në mbrojtje luajnë Kristi Vangjeli, Gledi Mici, Bajram Jashanica dhe Fidan Aliti. Në mesfushë, dyshja Lilaj-Nimaga është e pandarë, pasi të dy lojtarët janë në formë dhe kanë treguar se janë titullarë të padiskutueshëm. Përpara tyre në krahë do të jenë Gavazaj dhe Sahiti, kurse pas sulmuesit Soue do të luajë Xhejms. Pritet shumë nga sulmi në këtë ndeshje, aq më tepër që Ali Soue u zhbllokua ndaj Partizanit, ku shënoi golin e parë. Kjo është 11-shja e Skënderbeut për ndeshjen e nesërme, por “vula” do të vihet pas seancës së fundit stërvitore, që do të zhvillohet sot, në stadiumin “Elbasan Arena”.        

Formacioni i mundshëm, 4-2-3-1

 Shehi – Vangjeli, Jashanica, Aliti, Mici – Lilaj, Nimaga – Gavazaj, Xhejms, Sahiti – Soue

Veterani i mbrojtjes korçare ka folur sot në një intervistë për “24sata.hr” në Kroaci, duke veçuar një fakt interesant në lidhje me shqiptarët nga Kosova te Skënderbeu, Latifi, Jashanica, Kelmendi, Shkodra e Gavazaj: “Nëse shënonim golin e 2-0 në ndeshjen e parë e pastaj, kush e di nëse Dinamo do të reagonte më, por nuk kemi asnjë peng. Në Korçë atmosfera është e shkëlqyer. Ne kroatët kemi ego të jashtëzakonshme, por kosovarët… Nuk mund ta besoni. Ata janë të bindur se do ta eliminojmë Dinamon. Shikoni, Dinamo nuk është Real Madridi dhe ne jemi një ekip i rrezikshëm, nuk kemi pse të frikësohemi”, tha Radas.

Radas zbulon edhe një kuriozitet në lidhje me të atij: “Babai im është tifoz i madh i Hajdukut të Splitit. Nëse ne eliminojmë Dinamon ai do të festojë dyfish: djali i tij do të luajë në Ligën e Europës dhe Dinamo do të jetë jashtë Europës”.

Mbrojtësi kroat u tregon kroatëve edhe premion e çmendur të presidentit Takaj: “E gjithë skuadra do të marrë 200,000 euro në rast kualifikimi. Do të thotë rreth 100,000 kuna për lojtar”, shprehet Radas, i cili e pranon se Dinamo këtë radhë nuk do të zbresë në fushë me nënvlerësim: “Ata menduan se skuadra jonë nuk kishte ndryshuar. Kujdes, skuadrat ndryshojnë për dy muaj, jo më për dy vite. Na nënvlerësuan shumë dhe ne e shfrytëzuam. Tani me siguri do të tregohen më të zgjuar, nuk kam dyshime për këtë”.

Sot Dinamos i kthehet ylli i sulmit, algjeriani Sudani, por Radas nuk ka frikë: “Po, por ai nuk u stërvit për 2-3 javë dhe kjo është thikë me dy presa. Por Dinamo nuk ka zgjidhje tjetër, duhet të përdorë çdo armë që ka, edhe nëse ai luan me një këmbë. Nëse e eliminojmë Dinamon, do të më vijë pak keq, por duhet të jem i ndershëm dhe do të jap gjithçka për Skënderbeun”.

Kroati, i rritur te Dinamo, është i bindur se këtë radhë Skënderbeu është më i fortë: “Mendoj se jemi më mirë se dy vite më parë, kur kishim 2-3 lojtarë cilësorë në aspektin individual, ndërsa sot jemi më grup dhe kjo është gjithnjë diçka më e mirë”.

Radas u pyet në lidhje me vendin që do të zinte Skënderbeu në kampionatin kroat: “Është një pyetje e vështirë. Dinamo është i shkëlqyer, Hajduku mbetet gjithnjë Hajduk, Rijeka është rritur ndjeshëm si klub në 4 vitet e fundit, më pëlqen politika që po ndjek Osijeku. Mendoj se do luftonim edhe ne për një vend në kupat e Europës”.

Mungon ylli i Dinamos, Sudani, a do të jetë më e lehtë për Skënderbeun? Batuta e Radasit: “Natyrisht, është njësoj si të pyesësh Ramosin a është me fat nëse mungon Mesi! Megjithatë, Dinamo ka lojtarë shumë të mirë, ndaj nuk besoj se mungesa e Sudanit do të jetë thelbësore”.

Leonard Trebicka

Pas Orges Shehit, lojtari më “veteran” te Skënderbeu është mbrojtësi Marko Radas. Prej vitit 2011 ai luan për Skënderbeun, duke qenë një nga pikat më të forta të tij. Te enjten luan në fushën e skuadrës, nga e cila ka dalë si futbollist, Dinamo e Zagrebit. Shumë herë Radas ka folur për mediet, por këtë herë ka emocione, sepse është rritur në atë stadium, ku do të luajë më 17 gusht. Ai e njeh më mirë se kushdo tjetër Dinamon e Zagrebit dhe ëndrra e tij është kualifikimi. Më 26 tetor mbush 34 vjeç, por është absolutisht një lider në repartin e prapavijës. Ai ka besim të madh se Skënderbeu këtë herë, ndryshe nga dy vite më parë, ka mundësi t’ia dalë ndaj Dinamos.  

EMOCIONET – Kuptohet, të enjten ai do të ketë emocione më të mëdha se të tjerët, sepse luan në vendin e tij. Futbollisti kroat i Skënderbeut ka lindur dhe jeton në Zagreb. Ka dalë pikërisht nga shkolla e Dinamos së Zagrebit, ku ka luajtur për 7 vite. Ja fjalët e Marko Radasit, kroatit të vetëm të Skënderbeut, për ndeshjen e radhës në stadiumin “Maksimir”: “Kam shumë emocione përpara kësaj ndeshjeje, e ndjej. Nuk është e lehtë, që një ditë të kthehesh të luash në shtëpinë tënde. Jetoj në Zagreb dhe e kam shtëpinë vetëm 10 minuta larg më këmbë nga stadiumi. Kam dalë nga akademia e Dinamos së Zagrebit. Jam formuar aty si futbollist dhe, sa herë shkoj në Zagreb për pushime, kthehem në stadiumin “Maksimir”. Kam mall për atë stadium, por tani shorti më vendosi përballë ish-ekipin tim. Janë emocione të veçanta, që i sjell vetëm futbolli. Kjo është hera e dytë, që do të luaj në Zagreb ndaj ish-ekipit tim, por këtë herë jemi ndryshe’, – thotë mbrojtësi Radas, tashmë një korçar i vërtetë, pasi flet edhe me dialekt.

DINAMO – Marko Radas flet edhe me detaje për kundërshtarin kroat të Skënderbeut, edhe për “spiunët” kroatë, që janë përfolur gjatë këtyre ditëve. Ai ka ndjekur ndeshjen e fundit ndaj Rijekës, ku Dinamo e Zagrebit fitoi në transfertë: “Kam 3-4 shokë te Dinamo dhe sigurisht që do t’i takoj sapo të mbërrij në Kroaci. Jam rritur me ta, ndërkohë që i kam thënë edhe trajnerit Ilir Daja se Dinamo nuk është ajo e para dy viteve. Në atë kohë kishim trajner Mirel Josën. Gjithsesi, nuk dua të them se do të jetë e lehtë këtë herë, por është thjesht një ndeshje futbolli dhe kush do ta interpretojë më mirë, do të kalojë në turin tjetër. Skënderbeu është i etur për të dhënë më të mirën në këtë raund “play-off”-i. Spiunët kroatë? (Qesh) Nuk e kuptoj në fakt këtë fjalë, pasi sot nuk është e vështirë të gjesh informacion si për ne, por edhe për ta. Nuk besoj se kroatët do të dërgojnë njerëz të na ndjekin në stërvitje, pasi jemi një skuadër e njohur dhe shumë mirë, me anë të videove, na studiojnë si të duan ata, ashtu siç po i studiojmë edhe ne. Nuk ka pse të kemi frikë nga këta “spiunë”, por nëse vijnë në Korçë, i njoh unë. E kam ndjekur ndeshjen e fundit, që Dinamo luajti ndaj Rijekës në kampionat, në transfertë. Janë shfaqur në fushë një skuadër e fortë, por kemi shanset tona dhe themi se do t’ia dalim”, – ka përfunduar Radas.

Mbrojtësi Marko Radas, një ndër veteranët e skuadrës korçare, duke folur për Supersportin ka shprehur bindjen te kualifikimi, edhe pse sipas tij fitorja nuk është detyrim.

“Rezultati i ndeshjes së parë ishte shumë i mirë. Ndeshja e dytë është më e vështirë pasi të gjithë presin të kalojmë. Duhet të luajmë me kujdes dhe besoj se do kalojmë.”

“Ashtu sic e kishim ne problem me orën tani e ka Kairati. Është fusha dhe tifozeria jonë dhe besoj që do na ndihmojnë. Duhet një taktikë e mirë dhe të jemi agresiv. Kemi nevojë për shumë gjëra.”

“Do bëjmë kujdes me Arshavin, por nuk do jemi vetëm ne qendërmbrojtësit të kujdesshëm, por gjithë ekipi. Ata kanë 11 lojtarë të mirë, do të veçoja numrin 10 (brazilianin Isael). Nuk jemi vetëm ne mbrojtësit që do të kujdesemi, por kemi edhe Osmanin me Lilajn para mbrojtjes. Parashikimi? Mendoj që do të mbyllet në barazim 0-0.”