Radamel Falkao

Kërkohet një partner për Piatek, Milani i rikthehet dëshirës së vjetër

Sport Ekspres — Sun, 21 Apr 2019 10:18:35 +0000

Milani ka hedhur sytë drejt kampionatit francez. Kuqezinjtë dëshirojnë të përforcojnë repartin ofensiv dhe i janë rikthyer një dëshirë të vjetër. Ai quhet Radamel Falkao, sulmuesi i Monakos.

Kolumbianit i përfundon kontrata me ekipin nga Principata në vitin 2020 dhe rinovimi nuk ka ardhur ende. Siç raporton “A Bola”, 33-vjeçari ka vendosur të mos e zgjasë aventurën e tij me Monakon dhe po tenton të provojë një eksperiencë të re.

Milani është ndër klubet më të interesuara për të. Falkao premton eksperiencë dhe gola. Pavarësisht se ky sezon nuk ka qenë i mirë për ekipin e tij, sulmuesi latin ka shënuar 13 gola deri tani.

Statuja e Ronaldos e shëmtuar? Ka një konkurrent të fortë

Sport Ekspres — Fri, 21 Sep 2018 17:25:09 +0000

Radamel Falkao njihet si një ndër yjet e kombëtares së Kolumbisë. Padyshim ai dhe Hames Rodrigez janë idhuj në vëndin Amerikano-Latin.

Falkao, zëvendës kapiten i kombëtares kolumbiane, ka lindur në krahinën e Magdalenës, konkretisht në qytetin Santa Marta. Pikërisht në Santa Marta, po ndërtohet një statujë në nder të këtij të fundit. Një statujë, e cila për mënyrën se si duket nuk dihet në rast se do ta gezojë dhe aq shumë sulmuesin kolumbian.

Kujtojmë se gjithashtu një statujë tjetër që bëri mjaft bujë, ishte ajo që ndërtuan në nder të Kristiano Ronaldos, e cila nuk përngjante aspak me yllin portugez.

Golat e Milanit, Mendesh dhe Juventusi në mes

Sport Ekspres — Fri, 27 Jul 2018 12:39:14 +0000

Vazhdojnë përpjekjet e Milanit për afrimin e një bomberi. Leonardo po punon për t’i dhuruar një sulmues të madh Gatuzos dhe për të rikthyer entuziazmin te tifozeria e kuqezinjve. Objektivat kryesore janë Higuain dhe Morata, por një emër tjetër ka dalë në skenë. Radamel Falkao. 32-vjeçari kolumbian i Monakos.

Kuqezinjtë po ideojnë një shkëmbim sulmuesish. Falkao në Milano dhe Andre Silva në principatë. Menaxher i të dyve është Zhorzhe Mendesh, i cili mund të thjeshtojë operacionin, siç citon “Tuttosport”.

Kjo shihet si një dopio-lëvizje nga ana e “Djallit”. Një plan B nëse nuk vjen Higuain ose Morata, por edhe një “presion” ndaj Juventus për të ulur kërkesat e tyre kundrejt Higuain dhe Kaldara.