Rabio

Në internet nuk dorëzohen, sigurohet fondi dhe rinisin kërkimet për Sala

Sport Ekspres — Sun, 27 Jan 2019 11:06:47 +0000

Një fushatë për mbledhjen e fondeve për rinisjen e kërkimeve për Emiliano Salën dhe pilotin Dejvid Ibotson, është realizuar me sukses. Për një ditë e gjysmë mbi 2000 persona kontribuuan për të mbledhur 300 mijë euro.

Fushata u realizua në platformën online “GoFundMe”. Paratë do të përdoren për të filluar kërkimin në det në mënyrë private, pasi institucionet shtetërore hoqën dorë nga kërkimet 48 orë pas zhdukjes së avionit.

Donacioni i Rabio

Komuniteti i futbollistëve ka qenë ndër kontribuuesit më të mëdhenj në këtë fushatë. Mjafton të përmendim faktin se donacioni më i madh ka ardhur nga futbollisti i PSG-së, Adrien Rabio, dhuroi 25 mijë euro.

Fushata e rinisjes së kërkimeve për Sala, futbollisti i PSG-së befason me gjestin e tij

Sport Ekspres — Sat, 26 Jan 2019 19:50:18 +0000

Vendimi i autoriteteve angleze për të ndërprerë operacionet e kërkimit për Emiliano Salën dhe pilotin Dejvid Ibotson, nuk është pritur aspak mirë nga familja e futbollistit argjentinas. Së fundmi, një kompani private në Paris ka filluar të mbledhë fonde me anë të internet për të rinisur kërkimet.

Shuma që po tentohet të mblidhet me anë të platformës “Go Fund Me” është 300 mijë euro. Në mënyrë të pabesueshme brenda një ditë janë mbledhur 215 mijë euro dhe është vetëm çështje orësh para se objektivi i vënë të kapet.

Mbi 2000 veta kanë kontribuar në këtë platformë, por donacioni që bie më shumë në sy është ai mesfushorit të PSG-së Adrien Rabio, i cili dhuroi 25 mijë euro në një transaksion të vetëm.

Trajtim “non grata” për Rabio, te PSG-ja po ia bëjnë jetën ferr

Sport Ekspres — Fri, 28 Dec 2018 21:03:38 +0000

Vendimi i Adrien Rabio për të mos rinovuar kontratën e tij me PSG-në, ka shkaktuar një zemërim të madh te drejtuesit e klubit francez, që shpresonin se do të arrinin ta bindnin lojtarin dhe mamanë e tij, që është njëkohësisht agjentja e mesfushorit.

Në fund të gjitha orët e harxhuara për të negociuar një kontratë të re, rezultuan të kota dhe 23-vjeçari pritet të largohet në merkaton e verës si lojtar me parametra 0. Tani, te PSG-ja po mendojnë se si t’ia bëjnë muajt në vazhdim një eksperiencë sa më të pakënaqshme.

Përveç faktit që i është bërë e ditur se nuk do të jetë më pjesë e stolit, tani e tuje Rabiosë, nuk do i lejohet as qëndrimi në dhomat e zhveshjes, që është një e drejtë për çdo pjesëtar të skuadrës.

S’ka më kthim, Rabio refuzon çdo ofertë të sheikëve

Sport Ekspres — Tue, 02 Oct 2018 15:13:47 +0000

Rrugët midis Adrien Rabiosë dhe PSG-së duket se do të ndahen në fund të sezonit. Mesfushorit francez i mbaron kontrata me kampionët e Francës në muajin qershor dhe më pas do të jetë i lirë në treg, ku interesi për të kanë shfaqur shumë ekipe.

Ditën e sotme “Paris United”, një ndër portalet më pranë klubit parisien ka raportuar se bisedimet midis klubit dhe agjentes së lojtarit, që është dhe njëkohësisht mamaja e tij, kanë përfunduar dhe mes palëve nuk është gjendur akordi për gjetjen e kontratës.

Ky lajm me siguri ka vënë në lëvizje shumë klube nëpër Europë që duan shërbimet e 23-vjeçarit. Gjatë merkatos së verës klubet që u përfolën më shumë ishin Juventusi dhe Barcelona, por është mëse e sigurt që me kalimin e muajve për të do shtohen ofertat dhe nga palë të tjera.