OLIMPIADA “TOKIO 2020” – “Garat ku kemi marrë pjesë nuk vlejnë vetëm për medalje, por edhe për të marrë pikë për Olimpiadën “Tokio 2020”. Tani Olimpiadë shkohet me kualifikim individual, pikët nuk mblidhen më si ekip”.

VENDI I TRETË NË BOTËROR – “Në Amerikë unë u përgatita për të marrë një medalje në vendet e treta, por në garë nuk arrita të jepja maksimumin tim dhe dola në vend të katërt me 155 kg në shkëputje dhe 188 kg në shtytje. Në kontrollet që u zhvilluan, doli që peshëngritësi i vendit të tretë kishte përdorur substanca të ndaluara. Pas procedurave të federatës botërore mu dërgua medalja dhe certifikata”.

REKORDET – “Rekordi që vura tani në kampionatin kombëtar është 193 kilogram, në peshën 81 kg, pasi kam ndryshuar peshën nga 77 kg në 81. Atë kampionat vendosa pesë rekorde të rinj”.

EMOCIONET E PODIUMIT – “Himni në podium është moment shumë emocionues. E kam përjetuar në shumë raste. Është puna e shumë viteve. Ti punon të gjithë vitin për pak sekonda, është një emocion i madh, të paktë janë ata që arrijnë në podium. Është një krenari e papërshkrueshme të shikosh flamurin tënd të valëvitet, për të paktën një ditë je heroi i vendit tënd. Sidomos këto kohë, ku rrallë na bie të shikojmë lajme pozitive”.

KUSHTET –  “Palestra në fakt është rregulluar. Është bërë një ambient i ri te qendra olimpike. Stërvitemi në kushte të mira krahasuar me të shkuarën, por jemi ende shumë mbrapa me shtetet evropiane. Duhet të jemi në të njëjtin nivel që të konkurrojmë. Duhet punuar edhe mbi ligjin e sportit dhe trajtimin e sportistëve”.

RUTINA E STËRVITJES – “Stërvitem 2 orë e gjysmë paradite dhe 2 orë e gjysmë pasdite. Është një stërvitje e fortë, nuk është si një vrap nga liqeni ose një stërvitje rreth një orë në palestër. Nëse pretendon të arrish rezultate në rang botëror, çdo ditë duhet të kërkosh të përmirësohesh. Regjimi është shumë i rëndësishëm, duhet të dish ku të pushosh dhe çfarë të hash. Sidomos para garave ku do të na duhet të biem 2-3 kile dhe hamë ushqime shumë të lehta. Për të arritur deri te suksesi ka shumë sakrifica. Dhimbjet muskulore janë pjesë e stërvitjes. Në nivele elitare ka dhimbje të përditshme”.

TRAJNERI – “Trajneri im është Zef Kovaçi. Bashkëpunoj prej më shumë se 10 vitesh me të. E kam si shok, psikolog, prind trajner. Ai bën të gjithë. Ndihem me fat që punojmë bashkë”.

OBJEKTIVI NË EUROPIAN – “Objektivi im në radhë të parë është që të marrë pikët e vlefshme për Olimpiadën e më pas të konkurroj për medalje. Kemi tre prova në dy stilet, në provën e parë do synojmë të futemi në garë sa për pikët, ndërsa më provat e mëpasshme do punojmë për medaljet”.

Ndryshe nga ccdo edicion më, parë këtë vit do të ketë vetëm sportistë meshkuj. Kampionati i cili do të zhvillohet në Turkmenistan ka nisur në datën 1 nëntor dhe do të zgjasë deri më datën 10 nëntor. Briken Calja do të kërkojë medalje në në peshën deri në 73 kg, ashtu si dhe Arbër Çerçizi. Të dy këta sportistë do të garojnë më 4 nëntor 2018. Erkand Qerimaj dhe Daniel Godelli do të garojnë në peshën deri në 81 kg, ndërsa në peshën 89 kg do të garojë Krenar Shoraj.

Sigurisht që priten rezultate të larta nga përfaqësuesit tanë, kjo për faktin se rezultate e arritura në këtë kampionat botëror, pasi do të merren parasysh për kualifikueset për në Lojërat Olimpike në 2020.

Skuadra shqiptare ka arritur në Turqi, diçka që është njoftuar dhe nga trajneri i ekipit kombëtar Sokol Bishanaku, i cili ka treguar se skuadra është akomoduar në nga Ashgabat  të Turmekistanit.

Garimi i Qerimajt në stilin e shkëputjes nisi me peshën 155 kg, provë të cilën e realizoi me sukses. Në dy provat e tjera Qerimaj dështoi të ngrinte 157 kg. Në këtë stil Qerimaj i rendit në vendin e katërt.

Megjithatë, një ndër tre peshëngritësit që u ngjitën në podium është zbuluar se ka përdorur doping për të përmirësuar rezultatet e tij dhe për pasojë është skualifikuar. Sipas rregullores, i takon Qerimajt të ngjitet një shkallë më lart, që do të thotë se Shqipëria bëhet me një medalje bronzi në stilin e shkëputjes.

Edhe një herë, peshëngritësi shkodran konfirmon se është një ndër yjet e peshëngritjes sonë, që më shumë merret me llafe dhe akuzon për komplote, në një kohë që Federata Botërore e Peshëngritjes ashtu si na hoqi medaljet e Romela Begajt, ashtu na dha një tjetër tani.