Qatar

VIDEO | Kolumbia fluturon me Zapatën, Argjentina “katastrofë”

Sport Ekspres — Thu, 20 Jun 2019 07:00:55 +0000

Kolumbia ka marrë fitoren e dytë në grup, teksa këtë herë ishte radha e Katarit për të dalë me kokën ulur. Një gol i shënuar nga Duvan Zapata katar minuta para përfundimit të kohës së rregullt mjaftoi, ndërkohë që duhet thënë se Kolumbia e dominoi ndeshjen.

Katari qëndroi me forca të shumta në mbrojtje, por pavarësisht kësaj kolumbianët patën disa raste shënimi. Të ftuarit në Copa America mund të surprizonin në minutën e 90-të, pasi iu afruan golit të barazimit. Me fitoren e marrë, Kolumbia bën tutje.

Argjentina nuk po di të fitojë. Pas humbjes në ndeshjen e parë me Kolumbinë, këtë herë barazoi 1-1 me Paraguajin dhe renditet në vendin e fundit në grup. Lionel Mesi u mundua të bënte diçka, por kundërshtari ishte i vendosur mirë në fushë dhe me një kundërsulm arriti të kalonte i pari në avantazh me Sançez.

Në fundin e pjesës së parë portieri Armani mund të ndëshkohej me karton të kuq, por arbitri i ndeshjes e “fali”. Protesta të shumta nga lojtarët e Paraguajit. Mesi me shokë e nisën vrullshëm pjesën e dytë, teksa fituan një penallti. Gjithçka u vendos nga VAR dhe Mesi nuk fali.

Pak minuta më pas Otamendi gaboi me një ndërhyrje në zonë dhe shkaktoi penallti. Armani bëhet “hero”, duke ndalur Gonzales. Argjentina u mundua shumë të realizonte golin e fitores, por tensioni i pengoi ata të ishin të qetë para portës. Kështu, gjithçka u mbyll me rezultatin 1-1 dhe “Albicelestët” duhet të fitojnë me çdo kusht përballjen e radhës me Katarin.

COPA AMERICA – GRUPI B

Kolumbi-Katar 1-0
Shënues: Zapata 86’

Argjentinë-Paraguaj 1-1
Shënues: Mesi 57’ (pen.) / Sançez 37’

E diel, më 23 qershor, ora 21:00
Kolumbi-Paraguaj
Katar-Argjentinë

VIDEO | E pamundur, shikoni çfarë humbasin lojtarët e Katarit!

Sport Ekspres — Sun, 16 Jun 2019 19:42:02 +0000

Sfida mes Paraguait dhe Katarit, e vlefshme për Copa America, ka pasur 35 minuta shumë interesante. Paraguai arriti të gjejë golin në minutën e 4’ të takimit, me anë të sulmuesit veteran, Kardozo. Mëngjarashi u tregua i saktë nga pika e bardhë e penalltisë, duke mposhtur portierin e Katarit.

Në minutën e 16’, sulmuesit e Katarit kishin mundësinë më të mirë për të shënuar, por me portën e boshatisur, dy sulmues nuk arritën të shtyjnë topin drejt rrjetës.

Clinical finishing from Qatar pic.twitter.com/t8nNlXr5vQ

— Amin???? (@YNWMeIly) June 16, 2019

Sheikët “pushtojnë” futbollin, pronarët e PSG-së gjejnë klubin e radhës

Sport Ekspres — Mon, 03 Jun 2019 16:57:24 +0000

Familja mbretërore e Katarit dëshiron ta bëjë markën e saj, një pjesë të rëndësishme e futbollit evropian. PSG është klubi që ka përfituar më shumë nga paratë e puseve të naftës. Parizienët që nga koha që u bënë pronë e sheikëve arabë, janë shndërruar në një nga klubet më të mëdha në Evropë. Blerja e Nejmar dhe Mbape tregon më saktë fuqinë e këtij klubi.

Logoja historike e Lidsit

Lids Junajtid janë “fatlumët” e radhës. Klubi që aktualisht luan në Championship, por që ka një histori jo modeste në futbollin elitar anglez, pritet të bëhet pronë e familjes mbretërore nga Katari. Siç shkruan “L’Equip”, administratori i deleguar Naser Al Kelaifi është takuar në Doha me Andrea Radrixanin.

Ky i fundi është pronari aktual i Lids Junajtid. Në ditët në vijim pritet të kemi një marrëveshje, ku klubi anglez do të kalojë në pronësi të “Qatar Sports Investmens”. Akoma nuk ka informacione rreth shifrës që do të kryhet kjo blerje.

Leeds United owner Andrea Radrizzani to meet with PSG President Nasser Al-Khelaifi in Doha today as talks continue regarding a Qatar Sports Investments purchase of the Championship club. (L’Éq)

— Get French Football News (@GFFN) June 3, 2019

Qartësohet e ardhmja e Riberisë, së shpejti në një ekip me Ksavin dhe Gabin

Sport Ekspres — Mon, 15 Apr 2019 16:39:39 +0000

Frenk Riberi do t’i japë fund karrierës te Bajerni i Mynihut në fund të këtij sezoni. Francezi e mbyll “kapitullin” e tij me skuadrën bavareze 12 vite pas transferimit nga Marseja në verën e 2007-ës.

Edhe pse ka mbi supe 36 vite, kërkesat për lojtarin mbeten të shumta. Sipas “Kicker”, agjenti i Riberisë, Alen Miljaço po negocion me një klub australian dhe një klub nga Katari.

Për momentin oferta nga Lindja e Mesme është më joshësja përsa i përket aspektit financiar. Ekipi i interesuar për francezin është Al Sad, klub ky më i pasuri në shtetin që do të organizojë Botërorin e ardhshëm.

Një tjetër fakt interesant mbi këtë ekip është se në të ndodhen dy mesfushorë të mëdhenj që Riberi i njeh mirë. Bëhet fjalë për legjendën e Barcelonës Ksavi Hernandez, i cili ka dhe një vit kontratë me kryesuesit e kampionatit të Katarit. Futbollisti i dytë, është ish-kapiteni i Atletikos, Gabi.

VIDEO | Arritje historike e Katarit, për herë të parë “sundues” i Azisë

Sport Ekspres — Fri, 01 Feb 2019 17:23:10 +0000

Katari shkuran historinë, teksa për herë të parë, shpallet mbret i Azisë. Kombëtarja nga lindja e mesme ka arritur të triumfojë në finalen e madhe ndaj Japonisë, me shifrat 3-1. Suksesi në finale, vjen si shpërblim i një super turneu të zhvilluar nga Katari.

Takimi nisi mjaft mirë për ekipin e drejtuar nga Feliks Sançez, teksa në minutën e 12-të Ali Almoez, shënoi një supergol, duke mposhtur portierin japonez me një roveshatë.

Festa e Katarit nuk u mbyll me kaq, teksa në minutën e 27-të Abdulaliz Hatem shënoi një tjetër supergol, duke tronditur “samurajit”.

Pjesa e dytë nisi me përpjekje të shumta nga Japonia, por Katari vijoi të rezistonte. Në minutën e 69-të, ishte talenti i Salcburg, Takumi Minamino, i cili rihapi ndeshjen, duke shënuar golin që çoi shifrat në 2-1.

Gjithsesi, pavarësisht këmbënguljes së Japoninsë, në minutën e 83-të arbitri i takimit akordoi 11-metërsh në favor të Katarit. Nga pika e bardhë goditi Akram Afif, i cili u tregua i saktë, duke hipotekuar gjithçka.

Triumf absolut i Katarit, që në të gjithë kompeticionin ka pësuar vetëm një gol dhe ka shënuar plot 19 gola, duke fituar çdo takim, një rekord më vete ky. Kështu, projekti i Katarit premton dhe në Botërorin 2022, pse jo, mund të jetë një nga surprizat.

VIDEO | Irritohen tifozët në Kupën e Azisë, godasin lojtarët me… këpucë

Sport Ekspres — Tue, 29 Jan 2019 15:58:58 +0000

Në Emiratet e Bashkuara Arabe po zhvillohet Kupa e Azisë 2019, e cila ka nisur që në datën 5 janar dhe do të përfundojë me 1 shkurt, kur do të luhet dhe finalja e madhe. Trofeu do të diskutohet midis Japonisë dhe Katarit.

Në gjysmëfinalen e luajtur sot, përballeshin Katari dhe vendasit e Emirateve të Bashkuara Arabe. Sfida përfundoi me triumfin e miqve, të cilët “shkërmoqën” me shifrat, 4-0 vendasit. Nga dy gola për çdo pjesë, bënë që Katari të siguronte kalimin në finale.

Gjithsesi, vëmendjen më të madhe të ndeshjes e mori episodi i ndodhur në momentin që Katari shënoi golin e dytë. Pas golit të shënuar nga Ali Almoez, futbollistët miq festuan, por problemi ishte se ndodheshin poshtë tribunës së tifozëve vendas.

Kjo gjë irritoi pa masë tifozët, të cilët hodhën drejt futbollistëve nga Katari… këpucë. Ngjason disi e çuditshme, por është e vërtetë. Disa këpucë vërshuan drejt lojtarëve, por fatmirësisht gjithçka mbeti me aq dhe ndeshja vijoi të luhej normalisht.
https://twitter.com/mrjordangardner/status/1090258401840386050