“Ndjehem shumë keq për këtë ngjarje që ndodhi. Nuk jam kurrë për dhunën, sidomos kur këto gjëra ndodhin tek unë dhe familja ime, U kërkoj falje të gjithë familjarëve personave që ishin në fushë”

TELEFONATA ME HAMITIN – “Veprimi i parë që kam bërë pasi jam liruar,  kam telefonuar gjyqtarin Hamiti dhe i kam kërkuar ndjesë”.

“Shpresoj që të merret një vendim më i lehtë. Të paktën të mendojnë për futbollistët, pasi të gjithë kanë familje dhe fëmijë për të mbajtur. I bëj një lutje Federatës që ta mendojë sërish këtë vendim”.

Drejtuesi tjetër i Kamzës, kryebashkiaku Xhelal Mziu ka folur me tona shumë të ashpra në lidhje me vendimin e marrë nga Federata.

Mziu: “Unë dua që Federata të japë zgjidhje. Në të kundërt nuk do ta njohim Federatën. Nuk do merremi me futboll, është normale që të merremi me disa ekipe amatore”.

Për presidentin e klubit të Kamzës, Naim Qarri, është dhënë masa e sigurisë arrest shtëpie, ndërsa për pesë të arrestuarit e tjerë është dhënë masa detyrim paraqitje.

Dënime të ashpra ka pasur dhe për zyrtarët e klubit kamzali duke filluar nga presidenti Naim Qarri e deri te drejtuesit e tjerë.

VENDIMET E KOMISIONIT TË DISIPLINËS

3. FK “Kamza”, për dështim në përmbushjen e përgjegjësive për organizimin e ndeshjeve, duke mos zbatuar rregullat e sigurisë, duke mos garantuar sigurinë e zyrtarëve të ndeshjes dhe zbatimin e ligjit, në bazë të nenit 64/1/b, 64/1/c), 64/1/e), 65/1 dhe 65/2 të KDS, dënohet me përjashtimin nga çdo aktivitet futbollistik për sezonin 2018-2019 si dhe gjobë në masën 1.000.000 (njëmilion) lek. Në bazë të nenit 29 të KDS, FK “Kamza”, dënohet me zbritjen në Kampionatin Kombëtar të Futbollit të Kategorisë së Dytë duke filluar nga sezoni futbollistik 2019-2020 .

4. Zyrtari i FK “Kamza”, Naim Qarri, për dhunë ndaj zyrtarit të ndeshjes duke e goditur me grusht, në bazë të nenit 49/2/b) dhe 49/3 të KDS, dënohet me 36 (tridhjetë e gjashtë) muaj pezullim nga çdo aktivitet futbollistik si dhe gjobë në masën 100.000 (njëqindmijë) lek. Në bazë të nenit 20 dhe 21 të KDS, zyrtarit i ndalohet hyrja në të gjitha stadiumet e Republikës së Shqipërisë si dhe hyrja në dhomat e zhveshjes dhe territoret përreth fushave të lojës apo stolat e rezervave.

5. Zyrtari i FK “Kamza”, Andi Matraxhiu për sjellje të gabuar ndaj zyrtarit të ndeshjes në mënyrë të përsëritur dhe nxitje të urrejtjes e akteve të dhunës, në bazë të nenit 49/2/b) dhe 52 të KDS, dënohet me 36 (tridhjetë e gjashtë) muaj pezullim nga çdo aktivitet futbollistik si dhe gjobë në masën 100.000 (njëqindmijë) lek. Në bazë të nenit 20 dhe 21 të KDS, zyrtarit i ndalohet hyrja në të gjitha stadiumet e Republikës së Shqipërisë si dhe hyrja në dhomat e zhveshjes dhe territoret përreth fushave të lojës apo stolat e rezervave.

6. Zyrtari i FK “Kamza”, Albert Bana, për sjellje të gabuar ndaj zyrtarit të ndeshjes, në bazë të nenit 49/2/b) dhe 49/3 të KDS, dënohet me 18 (tetëmbëdhjetë) muaj pezullim nga çdo aktivitet futbollistik si dhe gjobë në masën 100.000 (njëqindmijë) lek. Në bazë të nenit 20 dhe 21 të KDS, zyrtarit i ndalohet hyrja në të gjitha stadiumet e Republikës së Shqipërisë si dhe hyrja në dhomat e zhveshjes dhe territoret përreth fushave të lojës apo stolat e rezervave.

Zyrtarët e arrestuar nga policia janë  presidenti i klubit Naim Qarri, drejtori sportiv Andi Matraxhiu dhe shefi i klubi Albert Bana, si dhe një tifoz me iniciale E.Gj.

Në njoftimin e bërë nga forcat e rendit thuhet gjithashtu se janë shpallur në kërkim 4 tifozë të tjerë, ndërsa për ngjarjen janë shoqëruar 14 persona.

Komunikata e policisë

Tiranë

Policia arreston në flagrancë 4 shtetas për ngjarjen e ndodhur në ndeshjen e futbollit Kamza – Laçi.

Shërbimet e Policisë të Komisariatit të Policisë Nr 5, falë reagimit të shpejtë dhe në kohë bënë kapjen dhe arrestimin e shtetasve:

– N.Q., President i Klubit Kamëz;

– A.M., Drejtor Sportiv i Klubit Kamëz;

– A.B., Shefi i Klubit Sportiv Kamëz;

– E.Gj., tifoz.

Gjithashtu nga verifikimet e bëra rezulton se si autorë të dyshuar për dhunën e ushtruar ndaj gjyqtarit të ndeshjes, dyshohet se janë dhe shtetasit: B.Q., A.Q., A.Q. dhe K.Q., tifozë, të cilët janë shpallur në kërkim policor.

Arrestimi i 4 shtetasve si dhe shpallja në kërkim e 4 të tjerëve u bë për veprën penale “Goditje për shkak të detyrës” dhe “Prishje e qetësisë publike”.

Më datë 03.03.2019, rreth orës 14.00 është zhvilluar ndeshja e futbollit Kamza – Laçi.

Këtë ndeshje Komisariati i Policisë Nr. 5 Tiranë nuk e ka marrë përsipër, pasi nuk janë zbatuar detyrimet dhe përgjegjësitë sipas përcaktimeve të ligjit 79/2017 datë 27.04.2017 “Për Sportin”.

Megjithatë Komisariati i Policisë Nr. 5 Tiranë për sigurimin e rendit e sigurisë publike jashtë ambienteve të stadiumit, para, gjatë dhe pas zhvillimit të ndeshjes, hartoi plan masash.

Kjo ndeshje është marrë përsipër për sigurimin e nga SH.R.S.F.  “Oktapus 1 Security”, të cilët kanë qenë në stadium me 12 efektiv të saj.

Në përfundim të kësaj ndeshje një punonjës i SH.R.S.F., i cili ishte në hyrjen kryesore të stadiumit hapi portën dhe kërkoj ndihmën e policisë, pasi disa tifozë kishin hyrë në fushë dhe  kishin goditur arbitrin dhe punonjësit e SH.R.S.F-së.

Pas këtij njoftimi shërbimet e planizuara me shërbim sipas urdhrit të shërbimit, janë futur në ambientet e stadiumit, duke bërë të mundur marrjen në mbrojtje të gjyqtarëve dhe vendosjen e rendit e qetësisë, duke vazhduar me shoqërimin e personave të futur në fushë dhe ata të cilët kishin goditur gjyqtarin e ndeshjes.

Në lidhje me sqarim e kësaj ngjarje janë shoqëruar edhe 14 shtetas të tjerë.

SITUATA TE KAMZA – “Këtë vit e shikoj ekipin në një situatë jo të mirë. Presidenti i ekipit nuk duhet të ndihet në vështirësi ekonomike, pasi jemi në gjysmën e sezonit dhe ai duhet ta kishte paguar ekipin, pasi ka 51% të aksioneve. Këtu nuk shoh vështirësi financiare, por kontradikta”.

“Siç e thashë Qarri ka 51% të aksioneve. Ne jemi në gjysmën e kampionatit dhe një pjesë e futbollistëve thonë që s’kanë marrë 6 ose 7  rroga, pra nuk është hedhur asnjë lek. Bashkia ka qenë  kontribuesi kryesor vitin e kaluar, për të mos thënë 100% vitin e kaluar. Këtë vit kemi kërkuar që të kemi një kuotë të paracaktuar, që të dimë sa duhet të kontribuojmë, por për momentin nuk ka asnjë gjë konkrete”.

“Bashkia është e gatshme të financojë kur presidenti të kryejë pjesën e vet të likuidimit ndaj lojtarëve. Më shumë se sa gjysma e kampionatit duhej financuar nga presidenti, si pronar i 51% të aksioneve. Ne si bashki do të financojmë pjesën tonë, kur këtë gjë ta bëjë dhe presidenti i klubit.”

“Duhet t’ju kujtoj se Qarri është akoma debitor për vitin e kaluar. Gjithsesi për këtë vit jam i gatshëm për të kontribuuar 49% e bashkisë, por e përsëris këtë gjë do e bëj kur ai të paguajë 51% e vet”.

“Nuk kam një krisje marrëdhëniesh me Naim Qarrin. I kam kërkuar që aksionet e tij ose t’i shesë ose t’i dhurojë, ose t’ia blejë bashkisë pjesën e mbetur. Është e pamundur që presidenti i klubit të jetë dikush që nuk kontribuon dhe bashkia të jetë donatori”.

“Nuk është aspak e moralshme që në sytë e publikut 90% e futbollistëve nuk u paraqitën në ndeshjen e Partizanit. Si mund të kesh 51% të aksioneve dhe të bësh blerje pa hedhur asnjë qindarkë. Vitin e kaluar ne financuam 100% të shpenzimeve, 0 lek ka paguar Qarri. Këtë vit i kam thënë ‘sa të kontribuosh ti do kontribuojë dhe bashkia’. Edhe pse kam 49% të aksioneve, s’kam pasur informacion mbi kontratat dhe blerjet e skuadrës”.

“Nëse Qarri ka falimentuar, siç ka falimentuar, pasi ka 4 ose 5 vite që nuk hedh asnjë lek, le t’i shesë aksionet. Kanë falimentuar kompani më të fuqishme, nuk është hataja nëse ka falimentuar Qarri. Është e pamundur që të kesh emrin dhe 0 financim”.

“Ky është një konflikt i hershëm që ka bashkia me Qarrin, por në vitet e kaluar i kemi mbajtur të fshehur. Këtë vit nuk kemi bërë asnjë mbledhje ku të diskutojmë për shpenzimet. Me mua nuk janë konsultuar prej vitesh për as edhe një kontratë. Normalisht pyetet, kjo nuk funksionon nëse bashkua paguan 100%. Unë u kam thënë shumë futbollistëve që ata po bëjnë kontrata të njëanshme”, tha Mziu.

Dukej e konfirmuar se sfida do të zhvillohej në stadiumin e Kamzës, sepse ra dakord edhe Kukësi, pavarësisht se dëshironte të luante një ditë më parë, për shkak se të hënën niset për në Mozambik Rexhinaldo.

Megjithatë, tashmë është Kamza ajo që del hapur kundër ndeshjes së Kukësit në stadiumin e saj.

Me një reagim të prerë në faqen zyrtare, presidenti Naim Qarri vë veton: “Nuk ka asnjë shans që Kukësi të luajë në stadiumin tonë!”.

Nuk dihet arsyeja e kësaj thyerjeje, pasi vetëm një javë më parë Kukësi luajti në Kamzë, ku u mund nga Flamurtari, në një stadium thuajse të mbushur. Nëse qëndrimi i Kamzës nuk ndryshon, nuk dihet ku do ta luajë Kukësi ndeshjen kundër Teutës, pasi opsionet janë me pikatore dhe ndoshta përfundon në Shijak, si Teuta-Tirana.