“Mendoj se për të korrigjuar janë vetëm daljet në sulm dhe disi mbajtja e topit. Nëse veprojmë më mirë se ndeshjen e parë gjatë kundërsulmeve, jam i bindur se do t’ia dalim të shënojmë gol”

“Partizani në këtë ndeshje të kthimit shkon si një ekip i fortë, këtu bëmë një ndeshje të mirë e panë të gjithë. Besimi nuk mungon. Ne besojmë shumë, pasi të gjithë e panë në ndeshjen e parë që dhe ne jemi një ekip i fortë. Sot u stërvitëm për goditjet e 11-metërshave, pasi nuk i dihet, ndeshja mund të mbyllet pa gola, por e mira është që ne të shënojmë”.

Pjesa e parë, u mbyll me dominim e skuadrës azerbajxhanase. Në pjesën e dytë, Partizani u zgjua dhe që në minutat e para, dha shkëndija. Çinari ndalet nga portieri, Belica nga traversa. Edhe Asani dhe Melo patën rastet e tyre. Pavarësisht të gjitha tentativave, goli mungoi dhe dy skuadrat u ndanë në barazim 0-0.

UEFA CHAMPIONS LEAGUE / TURI I PARË KUALIFIKUES
E mërkurë, më 11 korrik 2019, 17:30
Stadiumi “Selman Stërmasi”,  Tiranë

PARTIZANI – KARABAK   0-0

EPISODET – 

70′ – Telushi tenton një pasim të gjatë për Çinarin, i cili po afrohej rrezikshëm drejt zonës kundërshtare. Megjithatë, shkodrani nuk e stopon dot topin.

52’ – Partizani shumë pranë golit. Fillimisht, është Çinari ai që godet me kokë, por portieri mik pret dhe çon topin në goditje këndi. Asani kroson dhe “Demat” godasin traversën me kokë. Aksioni vijon dhe në fund godet Asani me të majtën, por topi devijohet në tjetër goditje këndi.

45’ – Partizani e mbyll pjesën e parë në sulm, duke dalë dy herë rrezikshëm nga krahu i djathtë me anë të Kordeiros dhe Ibrahimit, por krosimet nuk janë të sakta. Fraksioni i parë i lojës mbyllet pa gola, 0-0.

40’ – Lerda i pakënaqur, kalon Çinarin në të djathtë dhe Asanin në majë të sulmit, por hapësirat mungojnë për “Demat”

32’ – Ulet ritmi i Karabakut, Partizani fiton metra të rëndësishme dhe rrezikon me kundërsulme

20’ – Partizani është me fat, Karabaku shumë pranë golit. Ozobiç i gjendur totalisht i lirë brenda zonës dhe me portën thuajse të boshatisur, godet traversën.

10’ – Minuta të qeta, Karabaku qarkullon topin dhe synon krahët, Partizani mbrohet mirë.

1’ – Nis takimi në “Selman Stermasi”

FORMACIONET

Partizani: Hoxha, Ibrahimi, Belica, Bitri, Hakaj, Telushi, Mala, Kordeiro (Broja 68′), Asani, Çinari, Mensah (Braun 58′). Trajner: F. Lerda

Karabak: Vagner, Huseinov, Mamadov, Medvedev, Míshel, Kuintana (Romero 62′), Emreli, Sadigov, Zubir, Ozobic, Almeida. Trajner: G. Gurbanov

Braziliani ka dhënë një prononcim për portalin “gazetaonline.com.br”, ku ka folur mbi takimin e sotëm. Sipas 25-vjeçarit faktori fushë do të jetë i rëndësishëm për të kuqtë. “Të debutosh në ndeshjet e Champions League është një rast shumë special. Jam shumë i motivuar, ashtu si pjesa tjetër e skuadrës së Partizanit.

Kemi bërë një fazë përgatitore shumë të mirë për këtë ndeshje. E dimë që Karabak është një kundërshtar shumë i fortë. Kemi si qëllim që të shfrytëzojmë faktorin fushë. Duhet të marrim një rezultat pozitiv, në mënyrë që të shkojmë në Azerbajxhan me një situatë sa më komode”, ka deklaruar braziliani.

Në portë s’ka vend për diskutim me Alban Hoxhën që do të mbrojë kuadratin e “demave”. Surpriza e madhe vjen në mbrojtje. Lorenc Trashi është ulur në stol. Lerda ia ka besuar rolin e mbrojtësit të majtë shkodranit Esin Hakaj. Pjesa tjetër e mbrojtjes plotësohet nga dyshja e qendërmbrojtësve Bitri, Belica dhe në të djathtë Ibrahimi.

Në mesfushë Telushit dhe Malës i bashkëngjiten  braziliani Melo, i cili do të aktivizohet në të krahun e majtë. Treshja e sulmit përbëhet nga Asani në të djathtë, Mensah në të majtë dhe Çinari në qendër.

Partizani formacioni i mundshëm
(4 – 3 – 3)
Hoxha, Ibrahimi, Belica, Bitri, Hakaj, Telushi, Mala, Melo, Asani, Çinari, Mensah

“Karabaku nuk e sheh veten favoritë, pasi luhet në nivele si Champions League, ku janë ekipe të barabarta. Do donim të fitonim, por edhe një barazim do të ishte mirë. Nëse nuk pësojmë gol do të jetë mirë, duke shënuar ne normalisht.

“Nuk mund t’i krahasoj ndeshjen e vjetshme ndaj Kukësit me këtë sivjet. Pas ndeshjes së nesërme mund të them diçka. Partizanin nuk është se e kam parë shumë dhe pasi të luajmë mund të dalim në konkluzione”.

“Është ndeshje e vështirë dhe është shumë vapë. Na duhet disiplinë dhe t’i harrojmë temperaturat. E kam parë që kanë bërë disa ndryshime te Partizani. Ndryshimet e shumta që kanë bërë mund të sjellin edhe një element surprizë për ne”.

“Ikja e Agollit? Ansi nuk e ka lënë këtë ekip si lojtar, ai ka ikur nga një familje. E ndjejmë mungesën e tij si një anëtar i kësaj familjeje. Eliminimi i mundshëm nga turi i parë?  Për çdo ekip është humbje eliminimi nga raundi i parë. Nëse ndodh, do të shohim përpara”, u shpreh në mbyllje Gurbanov.

Së fundmi ata kanë nënshkruar me Haime Romero Gomez. Anësori i krahut të majtë do të mbajë numrin 9 dhe “CV”-ja e tij tregon vlerat. Futbollisti 28-vjeçar sezonin e fundit është aktivizuar me Kordobën në Segunda. Në të shkuarën ai është aktivizuar edhe në La Liga, me Osasunën dhe Granadën.

Romero hapat e parë i ka hedhur tek Albasete, ku ka spikatur dhe është transferuar më pas në Serie A. Udineze dhe Bari janë skuadrat me të cilat është aktivizuar, ndërkohë që më pas ka provuar të luajë edhe me Orduspor në Superligën turke.

Në verën e vitit 2013 u rikthye në Spanjë dhe u bë pjesë e Realit të Madridit. Ai luajti edhe një ndeshje miqësore me madrilenët, kundër PSG-së. Romero zëvendësoi në fillimin e pjesës së dytë Kristiano Ronaldon. Ajo ishte ndeshja e parë me ekipin e parë të Realit, më pas u aktivizua me ekipin e dytë.

“Ndeshja e kthimit mes dy skuadrave e vlefshme për turin e parë kualifikues të Champions League, do të luhet në stadiumin ‘Dalga Arena’. Klubi i Karabakut ka njoftuar se ky takim nuk do të luhet në impiantin ‘Tofig Bahramov’, por në “Dalga Arena” në Baku.

Në ndryshim të stadiumit ‘Tofig Bahramov’, i cili regjistron një kapacitet prej 31.200 vendesh, ‘Dalga Arena’ disponon 6.500 vende impiant i cili është funksional nga viti 2011. Në këtë stadium luan ndeshjet si ekip pritës Ravan FK, skuadër e divizionit të parë”, njofton klubi i Partizanit.

“Si zakonisht, në këtë kompeticion do të përballemi me një kundërshtar tepër serioz. Skuadrat shqiptare janë shumë të disiplinuara. Ne po kalojmë kohë të vështira”, u shpreh fillimisht Gurbanov, i cili do të rikthehet sërish në Shqipëri.

Një vit më parë eliminoi Kukësin. Më tej trajneri i Karabak deklaron: “Sa di ata kanë marrë një trajner të ri dhe do përballemi me një kundërshtar tepër më të fortë se ai që ishte sezonin e kaluar. Ata mund të kenë akoma prurje të reja në ekip. Duhet të jemi tmerrësisht të kujdesshëm”.

“Kur erdha ne këte vend 9 vite më parë, nuk do e besoja që shumë gjëra do të ndryshonin kaq shumë te unë. Kam jetuar në vende të tjera me parë, kam luajtur futboll. Çdo gjë ishte shumë e zakonshme, ishte normale… Gjithçka ndryshoi kur erdha tek Qarabag, 9 vite më parë. Drejt, 9 vjet, plot krenari, kujtime dhe vlera në cdo moment.

9 vjet Qarabag… Kam fituar shumë gjëra, kampionate, trofe, pjesëmarrje në Ligën e Europës, Ligën e Kampioneve, por më e rëndësishmja, fitova shtëpinë time të dytë. Kam kaluar kujtime që nuk do i harroj kurrë. Këto 9 vite kanë qenë vitet më të bukura të jetës sime. Dashuria e njerëzve, shpresa, Qarabag… Futbolli ishte më shumë se një lojë. 9 vite gëzime e sakrifica. U rritëm së bashku, u ngjitëm në majë.

U bëmë zëri i 1 milionë të shpërngulurve nga shtëpitë e tyre, u bëmë zëri i Azerbaixhanit. 5 kampionate, 3 kupa, 4 pjesëmarrje në Ligën e europes, në Ligën e Kampioneve. Shpresoj të kem një pjesë në këtë sukses. Sa e mrekullueshme ishte ta vishja më shumë se 300 herë uniformën e Qarabag.

Është një ndjenjë tjetër të luash për Qarabag. Sot po shkoj, por unë gjithmonë do të të mbaj në zemer, Qarabag, Azerbaixhan. Dashuria e njerëzve ishte e pabesueshme dhe e paharrueshme. Si mund të harroj ata që më duan dhe vleresojnë mua? Ata qe më mbeshtesin?

Tifozë, ju falenderoj shumë. Jeni pjesa më e bukur e këtyre 9 viteve të paharrueshme. I dashur Qarabag, ti je gjithmonë me mua, je ne zemrën time, të dua, Qarabag, Azerbaixhan. Do takohemi së shpejti dhe mos harroni, Qarabag ësht Azerbaixhan…”

 

View this post on Instagram

 

Kur erdha ne këte vend 9vite më parë, nuk do e besoja që shumë gjëra do të ndryshonin kaq shumë te un. Kam jetuar në vende të tjera me parë, kam luajtur futboll.Cdo gjë ishte shum e zakonshme, ishte normale…Gjithcka ndryshoi kur erdha tek Qarabag, 9 vite më parë.Drejt, 9 vjet, plot krenari, kujtime dhe vlera në cdo moment. 9vjet Qarabag…Kam fituar shum gjëra, kampionate, trofe, pjesëmarje ne ligën e europes, ligën e kampioneve..por më e rendesishmja, fitova shtëpine time të dytë.Kam kaluar kujtime që nuk do i harroj kurrë.kto 9vite kan qenë vitet më të bukura te jetes sime.Dashuria e njerëzve, shpresa, Qarabag..Futbolli ishte më shume se një lojë.9 vite gëzime e sakrifica.U rritëm së bashku, u ngjitëm në majë, Qarabag.. U bëmë zëri i 1 milion të shpërngulurve nga shtëpitë e tyre, u bëmë zëri i Azerbaixhanit. 5 kampionate, 3 kupa, 4 pjesmarje ne ligën e europes, ne ligën e kampioneve.. Shpresoj te kem një pjesë në këtë sukses.Sa e mrekullueshme ishte ta vishja me shumë se 300 herë uniformen e Qarabag.. ësht një ndjenjë tjeter të luash për Qarabag.Sot po shkoj, por un gjithmon do të të mbaj ne zemer, Qarabag, Azerbaixhan.Dashuria e njerezvë ishte e pabesueshme dhe e paharrueshme.Si mund të harroj ata që më duan dhe vleresojnë mua, Dhe ata qe më mbeshtesin? Tifozë, ju falenderoj shumë.Jeni pjesa më e bukur e këtyre 9 viteve të paharrueshëm. I dashur Qarabag, ti je gjithmon me mua, je ne zemrën time, të dua, Qarabag, Azerbaixhan. Do takohemi së shpejti dhe mos harroni, Qarabag ësht Azerbaixhan…?? #Qarabag#AgdamAzerbaycan

A post shared by Ansi Agolli (@ansiagolli) on Mar 16, 2019 at 9:30am PDT

Në përfundim të takimit trajneri i Karabagut, sqaroi arsyen e largimit të 36-vjeçarit: “Nuk ka njerëz në futbollin tonë që nuk e duan Agollin, por familja e tij ndodhet në Amerikë, i uroj fat”, tha
Kurbanov.

Ndërkaq, vetë lojtari përgatiti një mesazh lamtumire për tifozët e tij. Një video speciale me kohëzgjatje pesë minuta, ku Agolli jep përshëndetet me fansat Karabagut në gjuhën azere.

Sipas sajtit “sportal.az”, Agolli është në negociata me ekipin amerikan “New York Cosmos”. Në një intervistë të dhënë me këtë portal, Agolli shpjegoi vendimin për t’u larguar nga Azerbajxhani pas thuajse një dekade:

 – U zhgënjeve që nuk luajte sot?
– “Jo, nuk u mërzita. Jam futur 317 herë në fushë me fanellën e Karabagut. Ky ekip është gjithçka për mua”

– Po largoheni për shkak të familjes, apo ka ndonjë arsye tjetër?

“Sigurisht familja luajti rol të madh në këtë vendim. Ata jetojnë në SHBA. Mendoj se ky është hapi i duhur. Ndonjëherë të duhet të marrësh disa vendime të dhimbshme. Çdo fillim e ka një fund”.

Më epikja vjen nga Azerbajxhani dhe është Karabaku i Ansi Agollit që përmes një postimi tërheq vëmendjen.  “Juventus, do ta shohësh si i shënohet Atletikos së Madridit?!”, shkruajnë azerët, që vjet ishin në grupe me spanjollët në Champions.

Në takimin e zhvilluar në Azerbajxhan ndeshja u mbyll në barazim pa gola, kurse në “Wanda Metroploutano” Karabaku shënoi i pari me anë të Michel. Tomas shmangu humbjen e Atletikos së Madridit, që në fakt u penalizma nga takimet me azerët dhe nuk e kaloi dot fazën e grupeve.

Megjithatë, legjenda e Karabakut sqaron të gjithë dhe mohon spekulimet, duke lënë gjithçka të hapur për të ardhmen.

“SportEkspres.com” ka kontaktuar mbrojtësin 36-vjeçar, i cili ka mohuar lajmin e përhapur ditën e sotme: “Ajo është faqe tifozësh, nuk është faqja zyrtare e klubit. Tifozët japin mendime, apo komentojnë zëra merkatoje, por gjithçka është në rangun e bisedave mes tifozëve. E vërteta është që nuk kam vendosur ende, jemi në kulmin e sezonit, në garë të egër për titull dhe nuk ka kuptim që të merremi me çështje të tilla në këtë moment“.

Futbollisti i famshëm i kombëtares sonë, me të cilën luan prej më shumë se një dekade, është pjesë e Karabak që prej vitit 2010, ka fituar 5 tituj kampionë në Azerbajxhan dhe ka qenë gjithnjë lojtar kyç, në fushë e jashtë saj.

Këtë sezon aktivizimi i tij ka qenë më “i llogaritur”, për shkak të kalendarit shumë të ngjeshur, por sërish Agolli ka luajtur 13 ndeshje në të gjitha kompeticionet dhe mbetet një lider te kampionët e Azerbajxhanit.

Situatë kaotike, me një tymnajë të madhe që pushtoi stadiumin, ndaj arbitri i ndeshjes ndali sfidën, derisa u rikthye normaliteti.

Ndeshja u ndal kur Karabag kryesonte 1-0 dhe nuk pati më gola as pas rifillimit të takimit. Me këtë fitore Karabag merr pikët e para në grup, por kualifikimi duket mision i pamundur.

#UEL match #Vorskla v #Qarabag was suspended, because of the piroshow in the stands pic.twitter.com/9FJDmkiX5T

— Hrach Khachatryan (@hrachoff) November 8, 2018

Në këtë transfertë trajneri Unai Emeri nuk do të ketë në dispozicion mesfushorin, Henrik Mkhitarjan. Mungesa e armenit nuk vjen si pasojë e dëmtimeve ose  pezullimeve, por nga kombësia e lojtarit të “topçinjve”.

Azerbaixhani ia ndalon me ligjin shtetasve armen hyrjen në territorin e  shtetit të tyre, kjo për shkak të konflikteve që ekziston midis dy kombeve për shkaqe territoriale. Vlen të përmendet se kjo nuk është here e parë që Mkhitarjan është detyruar të mos udhëtojë me skuadrën e tij, pasi e njëjta gjë ka ndodhur në vitin 2014 kur Dortmundi u ndesh po me Karabagun.

Ndërkohë në horizont është një problem akoma dhe më i madh, pasi finalja e këtij edicioni të Europa League zhvillohet në kryeqytetin e Azerbaixhanit, Baku, çka do të thotë se nëse Arsenali arrin në finale Mkihtarjan s’do të mund të kontribuoj në takimin final të turneut.

RAUNDI I DYTË, NDESHJA E KTHIMIT

KARABAK 3- 0 KUKËSI (0-0)

Shënues: Kuintana 23′ (11 metërsh), 56′ (11 metërsh), Delarzh 89’

Karton i kuq: Alla 52′

FORMACIONET

Karabak: Vagner, Medvedev, Sadigov, Hysejnov, Guerrier, Slavçev, Garajev, Dani Kuintana, Zubir, Miçel, Emegara. Trajner: G.Gurbanov.

Kukësi: Frashëri, Maliqi, Qaqi, Shameti, Alla, Rrumbullaku, Musolli, Dzaria, Uilliam, Çyrbja (Shpehar 46′), Plaku(Rexhinaldo 46′). Trajner: A.Cungu.

DIREKT

55′ – Kundërsulm i Karabakut, Maliqi prek me dorë topin dhe sërish 11-metërsh. Nuk gabon  Kuintana  këtë herë.

53′ – Emegara gabon nga pika e bardhë e penalltisë.

52′ – Alla prek topin me dorë dhe karton i ikuq për mbrojtësin si dhe 11-metërsh për vendasit.

46′ – Cungu bën dy ndyshime në fillimin e pjesës së dytë, duke aktivizuar Rexhinaldon dhe Shpeharin!

39′ – Guerrier provon nga brenda zonës, e gabuar tentativa e tij.

23′ – Frashëri ndërhyn në mënyrë të parregullt ndaj sulmuesit Emegara. Kuintana nuk gabon nga pika e bardhë e penalltisë.

19′ – ME FAT KUKËSI. Pas një goditje dënimi Miçel ka goditur me kokë, duke gjetur shtyllën e Frashërit.

18′ – Shameti ndëshkohet me karton të verdhë.

14′ – Slavçev ndëshkohet me karton të verdhë.

13′ – Slavçev në tentativë për të arritur topin, i jep një goditje në kokë Stivi Frashërit. Probleme për portierin e Kukësit, por gjithçka ka kaluar fatëmirësisht. Kujtojmë që verilindorët nuk kanë në dispozicion as portierin e dytë Maloku, pasi nuik ka udhëtuar me ekipin për shkak se Azerbajxhani i ka refuzuar vizën.

10 – Miçel provon me të djathtën në dalje të zonës, pas një gabimi të Dzarias brenda zone, topi shkon ngjitur me shtyllën.

3′ – Zubir provon me një goditje nga e majta, por vetëm rrjetë e jashtme.

1′ – NIS NDESHJA!

Kukësi do të ndeshet me Karabakun sot në orën 19:00 në ndeshjen e kthimit të turit të dytë kualifikues të Champions League. Skuadra kuksiane do të kërkojë kualifikimit pas barazimit pa gola një javë më parë në ndeshjen e zhvilluar na “Loro Boriçi”.

Ashtu siç pritej, tekniku Armando Cungu nuk ka bërë asnjë ndryshim nga ndeshja e parë, pasi zbresin në fushë të njëjtët futbollistë. Një formacion mbrojtës, pasi skuadra verilindore luan me tre mbrojtës qendre dhe në të majtën e sulmit është vendosur mbrojtësi Uilliam.

Në anën tjetër tekniku i Karabakut ka ulur në stol Ansi Agollit. Ish-kapiteni i Shqipërisë e nis nga stoli ndeshjen e kthimit, ndryshe nga një javë më parë që zbriti në fushë si titullar. vendasit luajnë me një sulmues të deklaruar, pasi vetëm Emegara është në repartin e aktivizuat.

PJESA E PARË

Ka përfunduar pjesa e parë në Baku mes Karabakut dhe Kukësit. Verilindorët po munden minimalisht nga një gol i realizuar në minutën e 23-të nga Kuintana me 11-metërsh. Frashëri ndërhyri në mënyrë të parregullt ndaj sulmuesit Emegara dhe gjyqtari nuk nguroi që të tregonte dorën nga pika e bardhë e penalltisë. Vendasit kanë dominuar dhe Kukësi nuk ka mundur që ta rrezikojë asnjëherë seriozisht portën e azerëve. Kujtojmë që Kukësi është ende në lojë për kualifikimin, pasi me një barazim me gola do të kalonte më tej në sajë të rregullit të golit në fushën kundërshtare.

“Ne do të luajmë një ndeshje shumë të rëndësishme, por nuk do të japim gjithçka, edhe pse duhet të jemi shumë të kujdesshme. Duhet ë jemi të durueshëm dhe të mos kalojmë në aventurë. Skuadra është gati për këtë sfidë”.

“Kundërshtari nuk i mungon besimi dhe do të jetë përgatitur mjaft mirë për këtë ndeshje. Do përpiqemi të marrim një rezultat pozitiv, por ne e dimë se do të kemi një kundërshtar ndryshe nga ndeshja e një jave më parë dhe ne duhet të jemi gati për çdo surprizë”.

“Është bërë e zakontë që skuadrat luajnë në mbrojtje ndaj nesh në ndeshjet e fundit, por mua nuk më intereson kjo gjë”.

“Ata do përpiqen që të neutralizojnë sulmet tonë, por jam i bindur se do të fitojmë bindshëm dhe me shumë gola. Duhet të sulmojmë gjatë gjithë kohës dhe nuk duhet t’u krijojmë hapësira. Kam besim se ndeshja do të zgjidhet brenda 90 minutave. Unë besoj se kësaj radhe do të luajmë futbollin që unë kërkoj”.

Kukësi përfaqëson Shqipërinë në Champions dhe nesër i duhet një rezultat pozitiv, jo vetëm për arritur kualifikimin, por dhe për të ruajtur një traditë të veçantë. Kjo është hera e tretë që një skuadër shqiptare përballet me ekipe nga Azerbajxhani dhe e shkuara flet mirë për ekipet e Superiores.

Veç Kukësit edhe Skënderbeu e Laçi janë ballafaquar me ekipe nga Azerbajxhani dhe deri më tani bilanci është pozitiv, pasi asnjëherë skuadrat azere nuk kanë mundur që të regjistrojnë një fitore në 5 përballjet e deritanishme.

Në edicionin 2013-2014 ishte skuadra e Skënderbeut që arriti të kualifikohej pas barazimit në transfertë dhe fitores minimale në shtëpi në kohën shtesë ndaj Neftçi Baku. Në sezonin 2015-2016 ishte ekipi i Laçit që u eliminua nga Keshla me rezultatin e përgjithshëm 1-1, pasi azerët barazuan me gola në Shqipëri dhe një javë më vonë ruajtën barazimin pa gola në shtëpi.

Asnjë humbje për skuadrat shqiptare në pesë takim nga skuadrat azere deri më tani dhe ky duhet të jetë sa një ogur i mirë për kuksianët, por edhe një motiv për ta ruajtur këtë bilanc pozitiv. Kukësi do të ishte i kënaqur dhe me një barazim me gola në këtë sfidë, pasi do të avanconte më tej në sajë të golit në fushën kundërshtare.

Nuk do të jetë një mision i lehtë, për faktin se kundërshtari ka shumë cilësi, por dhe eksperiencë në arenën ndërkombëtare. Misioni në Baku do të jetë akoma dhe më i vështirë edhe për faktin se skuadra vendase do të ketë një mbështetje të madhe nga ana e tifozerisë.

Vetë klubi ka njoftuar se deri ditën e djeshme janë shitur plot 10.000 bileta. Kjo sfidë do të luhet në “Tofiq Bahramov Republican Stadium”,  që është një impiant me 31.200 vende. Praktikisht janë shitur afro 1/3 e biletave.

Një leksion nga azerët, duke marrë në konsideratë faktin se Kukësi ka pasur shumë pak mbështetje nga tifozeria në dy ndeshjet e para.

Presidenti i Kukësit, Safet Gjici, ka bërë dhuratat e rastit: një çifteli dhe qeleshe. Njëjtë veproi edhe me maltezët e Valetës, të cilët u eliminuan nga verilindorët falë një goli të shënuar në fushë kundërshtare.

“Momente nga dreka zyrtare e delegacioneve të Kukësit me Qarabakut, ku i pranishëm ishte dhe delegati i Uefa-s, z. Roy Cathcart.

Në një nga restorantet tradicionale të Shkodrës i dhurova një çifteli, instrumentin karakteristik të folklorit të Kukësit, si dhe një qeleshe, delegatit të Uefa-s, si dhe delegacionit të Qarabagut.

Ndeshja mes FK Kukësi vs Qarabag FK është e vlefshme për eliminatoret e Champions League dhe do të luhet sonte në ora 19:00 në stadiumin “Loro Boriçi” të qytetit të Shkodrës”, shkruan Gjici në faqen e tij zyrtare në “Facebook”.