“Ndeshja ndaj Kastriotit Ishte një humbje që ne nuk e prisnim. I kishim llogaritur ndryshe gjërat. Por ne nuk dorëzohemi, kampionati është ende i gjatë ka dhe shumë ndeshje për të rikuperuar”.

“Normalisht gara do të jetë shumë fortë deri në fund. Ne do e bëjmë tonën. Kukësi? Fillimisht është një sfidë midis dy skuadrave, ndërsa më pas një sfidë personale, pasi unë kam qenë ish-lojtari i Kukësit dhe kam dëshirë ta fitoj këtë ndeshje”, tha Qaqi.

Dihej se Kamza kishte nevojë për një afrim në mbrojtje dhe tekniku Gjoka e konfirmonte shpesh këtë gjë. Ardhja e Qaqit pritet ta përforcojë këtë repart, por dhe largimi i Teqjas është një “mungesë” e rëndësishme.

Qaqi pritet të ketë më shumë minuta te skuadra periferike e kryeqytetit, pasi te verilindorët e Kukësit, nuk preferohej shpesh nga tekniku Cungu.

Kapiteni i verilindorëve ka “shtrënguar  dhëmbët” në ndeshjen e fundit ndaj Flamurtarit, ku ka luajtur i dëmtuar, por për takimin e sotëm stafi mjekësor nuk i ka dhënë gjirokastritit “dritën jeshile”. Në mungesë të Shametit te Kukësi i duhet të hedhin një sy nga stoli.

Me shumë gjasa  Cungu do t’i besojë një vend titullari lojtarit të ardhur nga Laçi, Harallamb Qaqi, i cili në këtë sezon të Superiores është aktivuar në tri takime, ku në vetëm një prej tyre e ka nisur që nga minuta e parë.