Bie në sy emri i Elvis Kabashi, i cili pas thuajse një viti pushim nga futbolli, debutoi me fanellën e klubit rumun duke luajtur nga minuta e parë. Ish-lojtari i Juventusit u zëvendësua në fillim  të pjesës së dytë, ndërsa Naser Aliji luajti për 90 minuta. Te skuadra vendase Kamer Qaka u fut në loj në minutën e 71-të.

Zhvendosemi në Bullgari, ku ish-lojtari i Skënderbeut, Suad Sahiti ka qenë protagonisti i fitores së Septemvri Sofias ndaj Lokomotiv Plovdiv. Një goditje e fuqishme nga e 24-vjeçarit i mundësoi atij golin  e parë në kampionatin bullgar. Kjo ishte ndeshje e katërt e Sahitit me ekipin nga kryeqyteti i Bullgarisë.

Dinamo e Bukureshtit triumfoi pastër 3-0 dhe Aliji bëri një ndeshje të mirë si mbrojtës i majtë. Numri 7 ishte aktiv dhe ndihmoi shumë skuadrën në fazën e sulmit, si dhe ishte solid në prapavijë, duke kontribuar në rrjetën e paprekur për skuadrën e tij.

Edhe Qaka bëri një ndeshje relativisht të mirë, por nuk arriti të ndihmojë skuadrën që të shmangë humbjen e thellë. Madje, mesfushori u ndëshkua dhe me karton të verdhë në minutën e 82’. Me këtë fitore, Dinamo Bukureshti ngushton distancën me Poli Iashin në vetëm tri pikë, por asnjëra nga skuadrat nuk po bën një edicion të mirë deri më tani.

Drejtuesit e klubit rumun janë optimistë dhe besojnë se në verë Qaka do bëjë hapin e madh. Deri më tani këtë sezon, mesfushori shqiptar ka qenë një lojtar shumë i rëndësishëm për skuadrën e Poli Iashit, pasi ka luajtur 13 ndeshje, 12 nga to si titullar.

Në këto takime, Qaka nuk ka arritur të gjejë rrugën e rrjetës, por ka qenë një rregullator i lojës në mesfushë. Paraqitjet e 23-vjeçarit kanë bërë që shumë skuadra të shfaqin interes për shërbimet e tij.

Horia Sabo, financieri i klubit, ka deklaruar për “GSP.ro” se për mesfushorin ka oferta. Gjithsesi nuk zbulohet emri i klubit që e do. “Nëse ruan këtë ecuri pozitive, Kameri ka shansin të kapë një klub të madh në verë. Klubi që e do? Gjithçka në kohën e duhur, është herët për të folur”.

Edhe Azdren Llullaku ka arritur që të marrë një fitore me shumë vlera jashtë fushe me Astran e tij në fushën e Calarashit. Skuadra e 30-vjeçarit arriti që të shënonte dy herë në 20 minuta e para dhe vendasit e patën shumë të vështirë që të ndryshonin diçka në rezultat.

Astra ndodhet vetëm 3 pikë larg gjysmës së sipërme të tabelës, ndërsa ekipi i Qakës ka grumbulluar vetëm 21 pikë pas 18 javësh. Skuadra e Papës renditet akoma dhe më poshtë në klasifikim, me vetëm 20 pikë.

Mori vëmendje të madhe situata e Loret Sadikut, i cili fillimisht ishte në listën e trajnerit Panuçi, por më pas lojtari refuzoi të grumbullohej. Nuk ishte i këtij mendimi trajneri, i cili e konsideron pjesë të skuadrës për të ardhmes, edhe pse më vonë u pajtua me idenë se justifikimi i tij se nuk ishte në formën më të mirë duket disi mashtrim, duke parë se ai është një prej lojtarëve me më shumë minuta në skuadrën e tij.

A duhet ta lusim kaq shumë Sadikun, i cili refuzon sërish? Panuçi është i qartë, por vështirë se do të ketë një tjetër shteg për Sadikun. Vetë trajneri u shpreh: “Loret Sadiku, a është vërtet me probleme fizike, kur ndërkohë është titullar gjithnjë në Turqi? Në këtë moment duhet të ruaj ekuilibrat. Nëse pastaj ndonjë lojtar më gënjen, për të mos ardhur në kombëtare, është tjetër diskutim, ndoshta nuk e kupton rëndësinë e të luajturit në kombëtare. Ai më tha që nuk është mirë fizikisht, nuk e di nëse është i lumtur që luan vetëm në Turqi dhe jo në arenën ndërkombëtare. I thashë që kombëtarja është krejt ndryshe nga të luajturit te Kasimpasa, luan kundër kombëtareve më të mira në botë. Për mua nuk është problem, zgjedhjet e mia i bëj, në heshtje, fundja 11 lojtarë do t’i gjej për t’i hedhur në fushë. Uroj ta kërkojnë Reali e Barcelona, por është e vështirë që ta shohin te Kasimpasa, është më e lehtë që ta vënë re duke luajtur për Shqipërinë. E kuptoj zgjedhjen e tij, por unë nuk jam budalla, do vija në kombëtare me motor uji, me vrap. Ai më tha që duhet të mendohet, nuk tha që nuk do vijë. Secili vepron sipas mendjes së vet”.

Ishte disi më e befasishme ajo që tha për Kamer Qakën, kur u pyet se pse nuk ishte në grumbullim. Tekniku italian ishte i qartë duke deklaruar se futbollisti në fjalë është  treguar jo shumë profesionist.  Thirrje e qartë dhe e hapur për lojtarin që në një farë mënyre nënkuptonte “duhet t’i thërrasë mendje”.

“Qaka duhet të rritet pak, për të luajtur në arenën ndërkombëtare, sepse aty duhet më shumë karakter. E kam hedhur në fushë tre herë, dy herë më ka kërkuar ndërrim pas 10 minutash. Uroj ta bëjë hapin e madh, sepse përndryshe nuk më shërben. Duhet të rritet shumë si personalitet”

Temë delikate ishte dhe ajo e Ivan Balliut. Metz ka në dorë nëse mbrojtësi dot bashkohet me skuadrën apo jo, kjo për një arsye burokratike. FIFA e ka të qartë që klubet duhet të njoftohen 14 ditë para për një lojtar që e kërkon kombëtarja, ndërsa skuadra franceze është njoftuar vetëm 13 ditë para. Do të vijë apo jo, as vetë trajneri nuk e di. Ec e merre vesh se kush e ka fajin!

Situatë jo shumë normale, me kaq shumë çështje, pasi nuk po përmendim çështjen e Mavrajt, apo mungesën e Cikalleshi, të Panuçi e kishte gati arsyetimin  tij. Mungesa e minutave tani është bërë hit në konferencat e Panuçit, i cili edhe për Kaçen luajti të njëjtën “kartë”

Vazhdon momenti “jo” i Sindrit Gurit në kampionatin belg. Në transfertën përballë kampionëve në fuqi të Klub Bryzh, sulmuesi shkodran u aktivizua për vetëm 12 minuta për Ostenden në ndeshjen që përfundoi me humbjen e thellë 4 – 0 të skuadrës së tij.

Një tjetër sulmues i kombëtares shqiptare që po kalon një moment të keq është Xhakomo Vrioni, i cili fitoren e Venecias në transfertë ndaj Kremonezes. Aktivizimi i fundit i 20-vjeçarit në Serie B, daton më 22 shtator.

Kamer Qaka luajti për 90-minuta në ndeshjen e  fazës së 1/8 të Kupës së Rumanisë. Skuadra e Qakës, Poli Iashi u eliminua nga Vitoruli, në një takim ku gjithçka u vendos nga goditjet e 11-metërshave. Mesfushori shqiptar u tregua i saktë në penalltinë e tij, por nuk pati të njëjtën saktësi një prej kolegëve të tij.

Ish-lojtari i Laçit, po kalon një moment mjaft të mirë dhe trajneri duket se ka besim tek aftësitë e anësorit. Nga lojtarët kuqezi, Uzuni është i vetmi që po kalon një moment të mirë. Panuçi ka arsye për t’u gëzuar, duke marrë në konsideratë që dhe odise Roshi është i dëmtuar.

Kamer Qaka ka luajtur vetëm 45 minuta në humbjen e Poli Iashit me skuadrën e Hermanshtadtin. Skuadra e mesfushorit ndodhet në vendin e  10-të në kampionatin rumun.

Rikthimi në ekipin ku spikati në kampionatin rumun, duket se e ka gëzuar jashtë mase mesfushorin e kombëtares tonë, që përjetoi disa javë tejet të sikletshme te Steaua e Bukureshtit. Në intervistën pas ndeshjes Qaka deklaroi.

“Jam shumë i lumtur që jam rikthyer te Iashi, këtu ndihem si në shtëpi. Çfarë ndodhi, ndodhi. Rëndësi ka që tani jam këtu dhe asgjë s’ka ndryshuar. Nuk kam asgjë për të thënë për situatën time te Steaua me presidentin Xhixhi Bekali”…

Javët e fundit kanë qenë disi surreale për shqiptarin tjetër të kampionatit rumun, Kamer Qakën. Mesfushori i kombëtares shqiptare, fillimisht mori elozhet e presidentit të Steaus, Xhixhi Bekali, por më pas situtata mori një kthesë 180 gradë, me presidentin në fjalë që e caktoi si të pavlerë.

Fatmirësisht, situata ka marrë një zgjidhje. 23-vjeçari është rikthyer në huazim aty ku spikati, te skuadra e  Poli Iashit. Një zgjidhje perfekte, pasi kthehet në një ambient që e njeh, larg presionit që karakterizon një klub i madhësisë së Steauas.

Për këtë arsye, duhen kënaqur të gjitha palët dhe në verë pritet ankand, me vlerë fillestare 700 mijë euro sipas Iashit.

Fundjavën e shkuar Iashi mundi bujshëm Steauan, duke i hequr ndoshta titullin, ndërsa para ndeshjes pati debat në distancë mes presidentëve të dy klubeve.

Pronari i Steauas (teknikisht SBFC, sepse i është hequr emri) Xhixhi Bekali, deklaroi se mesfushori shqiptar do të jetë transferimi i parë në merkaton e verës për Steauan, pasi ka gjetur marrëveshjen me përfaqësuesit e lojtarit.

E kundërta ka ndodhur kur është pyetur presidenti i Poli Iashit, Adrian Ambrosie, i cili ka mohuar prerë deklaratën e Bekalit: “Është taktikë e tij që të ngacmojë me deklarata të tilla lojtarët më të mirë të kundërshtarit para një takimi të rëndësishëm. Nuk kam pasur asnjë bisedë me Steauan dhe nuk ka asnjë marrëveshje për Qakan, i cili kërkohet nga Universitatea e Krajovës, Zaragoza e disa klube të tjera”.

Kamer Qaka është i shitur në janar! Skuadra spanjolle e italiane duan shqiptarin më të ri të kuqezinjve. Në një intervistë për “Nettavisen”, vetë Qaka është shprehur kështu në lidhje me një transferim të tij në kampionatet më të mëdha europiane: “Kam lexuar shumë, por edhe kam folur me presidentin. Më tha që do të ishte mirë sikur të shitesha, ndonëse do të flasim pas pushimeve. Di që Braga ka bërë një ofertë konkrete. Edhe nga Suedia ka interes. Mund të iki nga ekipi shumë shpejt, ndonëse klubi e di shumë mirë që dua një kampionat të madh. Nga ajo që kam kuptuar, ekzistojnë 80 përqind mundësi që të lë skuadrën aktuale. Stili im i lojës është për Spanjën, Ligën portugeze dhe Serinë A. I pëlqej të tre kampionatet. Nuk më mbetet gjë tjetër veçse të pres dhe të përqendrohem në fushën e lojës”, është shprehur Qaka. Duhet thënë se CSM Poli Iashi ka bërë një biznes të shkëlqyer këtë verë, kur mori nga kampionati norvegjez Kamer Qakën, pa shpenzuar asgjë. Një blerje spektakolare, pasi mesfushori shqiptar në pak muaj është kthyer në një yll në kampionatin rumun dhe është bërë pjesë e kombëtares shqiptare, duke debutuar në Turqi.

Është vetëm 22 vjeç dhe deri këtë verë nuk njihej nga askush jashtë Norvegjisë, duke luajtur vetëm 28 ndeshje në Eliteserien dhe 36 në divizionin e dytë. Iashi e mori falas, duke pasur 75% të kartonit, ndërsa tani Qaka ka rënë në sytë e shumë klubeve dhe zyrtarët e Iashit konfirmojnë për “ProSport.ro” se CSU Krajova dhe Braga kanë shprehur interes. Mësohet së fundmi se dy klube të Serisë A janë vënë në ndjekje të Kamer Qakës dhe kanë monitoruar futbollistin edhe në ndeshjet e kampionatit rumun. Ky nuk është më një mister dhe e ka pranuar edhe vetë presidenti i klubit, i cili ka konfirmuar se në këtë çështje ishte përfshirë edhe trajneri i përfaqësueses, Kristian Panuçi, i cili ua kishte këshilluar këtyre dy ekipeve.

Sipas mediave italiane, dy ekipet në fjalë janë Sampdoria dhe Benevento. Në fakt emri i Sampdorias qarkullonte që në verë, kur përfaqësuesit e lojtarit ia kishin ofruar këtij klubi mundësinë për të firmosur me parametër zero me futbollistin, por nuk ishte arritur një akord, pasi xhenovezët nuk bindeshin nga cilësitë e tij. Me sa duket, paraqitjet e fundit, të shoqëruara edhe nga këshilla e Panuçit kanë bërë të vetën dhe klubi i Serisë A, ka ndjekur nga afër zhvillimin e mesfushorit shqiptar në këtë sezon duke menduar transferimin e tij. Skuadra tjetër është ajo e Beneventos. Ky ekip aktualisht mbyll tabelën e klasifikimit në Serinë A, ndaj nuk shihet si një zgjedhje parësore për futbollistin e përfaqësueses shqiptare.

Është vetëm 22 vjeç dhe deri këtë verë nuk njihej nga askush jashtë Norvegjisë, duke luajtur vetëm 28 ndeshje në Eliteserien dhe 36 në divizionin e dytë. Iashi e mori falas, duke pasur 75% të kartonit, ndërsa tani Qaka ka rënë në sytë e shumë klubeve dhe zyrtarët e Iashit konfirmojnë për ProSport.ro se CSU Krajova dhe Braga kanë shprehur interes, ndërsa ka zëra se në janar edhe Steaua (FCSB) dhe CFR Kluzhi, do të bëjnë një ofertë.

Për pasojë, Iashi ka vendosur edhe çmimin për yllin e vet: “Qaka është nën kontratë për dy vite dhe çmimi nga i cili nisin bisedimet është 1 milion euro. Ky çmim është në marrëveshje me agjentët e tij, të cilët e sollën tek Iashi”.

Qaka përfaqësohet nga italiani Alesandro Garini dhe kalimi i tij në Rumani është mundësuar nga palë të treta, që kanë kërkuar 25% të shumës së transferimit të ardhshëm.

Për këtë arsye, Panuçi ka grumbulluar një lojtar tjetër dhe emri është surprizë: Kamer Qaka.

Mesfushori 22-vjeçar ka lindur në Kosovë dhe është rritur në Norvegji, ku është aktivizuar fillimisht te Valerenga, ndërsa më pas te Honefosi, Sarpsborgu e Kristiansundi, para se në verë të kalonte në Rumani, te CSM Iashi, ky është titullar fiks.

Lajmi ka befasuar jashtëzakonisht Qakën, që ka pranuar me entuziazëm ftesën e Shqipërisë, aq sa deklaron se është përlotur nga emocionet.