Puskas Academy

VIDEO | Dueli mes shqiptarëve, Latifi ndëshkon Bazelin me supergol

Sport Ekspres — Fri, 18 Jan 2019 09:58:34 +0000

Bazeli dhe Akademia Pushkash kanë zhvilluar dje një ndeshje miqësore përballë njëra-tjetrës, një sfidë që i pati të gjitha dhe që përfundoi me rezultatin 2-1 në favor të zviceranëve. Ajeti dhe Latifi ishin protagonistë me golat e realizuar, ndërkohë që ra në sy edhe fakti që Taulant Xhaka mbante shiritin e kapitenit.

Fillimisht, ishte Albian Ajeti që shënoi. Sulmuesit të talentuar iu deshën vetëm nëntë minuta lojë që të gjente rrugën e rrjetës, duke konfirmuar momentin e mirë që kaloi në gjysmën e parë të kampionatit.

Ky gol i Ajetit duket se do të vendoste rezultatin final të sfidës, por me anë të një kundërsulmi në minutën e 87’, Bazeli shënoi sërish me anë të zviceranit Frei, duke dyfishuar.

Akademia Pushkash nuk do të dilte pa gol nga kjo sfidë dhe për të shënuar mendoi ish-ylli i Skënderbeut, Liridon Latifi. 24-vjeçari do të shkurtonte diferencat në minutën e 90’ të sfidës me një gol spektakolar nga gositja e dënimit. Gjithsesi nuk mjaftoi që ekipi hungarez të shmangte humbjen.

Miqësore

Bazel – Akademia Pushkash 2-1
Shënues: Ajeti 9’, Frei 87’ / Latifi 90’

VIDEO | Latifi gjen golin në ndeshjen e kupës, merr fund pritja 3 mujore

Sport Ekspres — Tue, 04 Dec 2018 17:10:13 +0000

Liridon Latifi është rikthyer të shënojë pas më shumë se tre muajsh pritje. Ish-sulmuesi i Skënderbeut shënoi golin e tretë në fitoren 6 – 0 të Akademisë Pushkash ndaj skuadrës modeste të Penzugyor, takim ky që u luajt në kuadër të Kupës së Hungarisë.

Latifi u transferua në kampionatin hungarez në verën e 2017-ës. Sezoni i parë nuk kishte si të shkonte më keq. Aktivizime të paktë dhe asnjë gol, sikur të mos mjaftonin këto një zënkë me trajnerin e Atila Pinter, bëri që lojtari i kombëtares shqiptare të luante për muaj të tërë me ekipin e rezervë. Sezoni i ri, ka nisur më mbarë, por 24-vjeçari nga Prishtina ende nuk e ka siguruar një vend në formacion, duke u futur më së shumti nga stoli i rezervave.

VIDEO | Shoku i Latifit shënon supergol, befason portierin nga 60 metra

Sport Ekspres — Sun, 21 Oct 2018 11:20:54 +0000

Liridon Latifi nuk po kalon një moment të mirë në Hungari, teksa prej katër sfidash nuk aktivizohet asnjë minutë me ekipin e tij, Akademia Pushkash. Gjithsesi mbrëmjen e kaluar ekipi i Latifit priste kryesuesit e Ferencvarosh në një sfidë mjaft të vështirë.

Ndeshja përfundoi me një fitore surprizë të Akademisë Pushkash, me rezultatin e ngushtë 1-0. Golin e fitores e shënoi hungarezi, Janos Hegedus. Një gol që është një ndër më të bukurit për mënyrën e ekzekutimit, teksa Hegedus provoi nga gjysmëfusha e tij, duke kapur të papërgatitur portierin kundërshtar dhe duke dërguar të tijtë në avantazh. Një gol për t’u mbajtur mend gjatë për 22-vjeçarin.

Liridon Latifi ndërkohë është aktivizuar në vetëm katër ndeshje si titullar, teksa janë luajtur 11 javë nga fillimi i kampionatit. Gjithashtu një sfidë lojtari ynë është aktivizuar në fund si zëvendësues. Akamdemia Pushkash ndodhet për momentin në vendin e nëntë të renditjes, në kuotën e 11 pikëve.