pushkash

Sulmuesi i Interit drejt Anglisë, akordi shumë pranë

Sport Ekspres — Fri, 02 Aug 2019 19:30:36 +0000

Sulmuesi i talentuar i Interit, Xhorxh Pushkash, është shumë pranë një kalimi te Birmingam në Angli. Ekipi që militon në kategorinë e dytë angleze (Championship), ka shfaqur interes për bomberin 23-vjeçar, që bëri një paraqitje te shkëlqyer në europianin Euro2019 për U-21 vjeçarët.
Pushkash luajti sezonin e shkuar si i huzuar tek ekipi i Palermos, ku në 33 ndeshje, shënoi 9 gola në Serie B. Ndërsa sezonin paraardhës, 23-vjeçari kaloi një tjetër aventurë si i huazuar, tek ekipi i Novarës, ku po ashtu shënoi 9 gola, por në vetëm 19 takime.

Nuk dihet ende sa është shuma konkrete që ka ofruar Birmingam për shërbimet e sulmuesit zikaltër, por në rast të një ofertë rreth 10 milionë euro, Interi vështirë se mund të refuzojë.

Derbi rus për sulmuesin e Interit, vijnë dy oferta

Sport Ekspres — Thu, 18 Jul 2019 08:51:35 +0000

Sulmuesi rumun George Pushkash ka tërhequr interesin e shumë klubeve nëpër Europë pas paraqitjeve të mirë në Europianin e 21-vjeçarëve, ku shënoi 4 gola në 4 takime. Futbollisti në pronësi të Interit pritet të largohet pas pesë vitesh si pjesë e ekipit zikaltër.

Në pesë vite tek Interi, Pushkash është aktivizuar në vetëm 6 ndeshje me skuadrën nga Milano, duke kaluar pjesën dërrmuese të kohës në huazim te ekipe te Serie B si Bari, Novara, Benevento dhe së fundmi Palermo.

Dy klubet të mbetura në garë për 23-vjeçarin janë CSKA-ja e Moskës dhe Spartaku i Moskës. Të dy ekipet ruse kanë paraqitur oferta në vlerën e 10 milionë eurove për kartonin e rumunit, shumë kjo që ka bindur drejtuesit e Interit, ndërsa tani i takon sulmuesit që të zgjedhë hapin e radhës të karrierës së tij.

E ardhmja Pushkash, Interi refuzon 8 milionë euro

Sport Ekspres — Tue, 16 Jul 2019 21:26:32 +0000

Interi ka marrë dy oferta prej 8 milionë eurosh për sulmuesin e tyre, Xhorxh Pushkash, sipas “InterNews”. 23-vjeçari është përfshirë në skuadrën e Antonio Kontes për fazën përgatitore në Azi dhe fluturoi në Singapor me ekipin e parë sot.

Pushkash ka një vit të mbetur në kontratën e tij me Interin dhe mund të zgjasë kontratën e tij për të qëndruar në klub këtë sezon, por një shitje duket shumë më e mundshme. Fiorentina dhe Torino janë ekipet e interesuara në Serie A, ndërsa CSKA Moska dhe Hamburg janë skuadrat e interesuara nga jashtë Italisë.

Sulmuesi ishte shumë i rëndësishëm për Palermon sezonin e shkuar, duke shënuar nëntë gola në Serie B. Megjithatë, Palermo falimentoi këtë verë dhe u detyrua të mos e aktivizojë të drejtën për të blerë sulmuesin rumun. Mbetet për t’u parë se cilën nga këto skuadra do të zgjedhë Pushkash për të vazhduar karrierën, por mësohet se Interi ka refuzuar dy ofertat nga 8 milionë euro që ka marrë për shërbimet e 23-vjeçarit.