Pulishiç

Te Dortmundi “fshihet” një yll, së shpejti drejt mitikut “Old Trafford”

Sport Ekspres — Fri, 22 Dec 2017 22:04:52 +0000

Kristjan Pulishiç është lojtari më i mirë i vitit në Shtetet e Bashkuara të Amerikës dhe kjo nuk ka ndodhur rastësisht. 19-vjeçari e ka merituar këtë nder, sepse në vitin 2017 ka qenë spektakolar me Dortmundin dhe kombëtaren.

Pyetja që lind është e thjeshtë: sa gjatë do të luajë ai në “Signal Iduna Park”? Pyetja vërtet vlen, sepse ofertat nuk mungojnë. Sipas “Daily Star”, Mançester Junajtid po e ndjek me vëmendje Pulishiçin, të cilin trajneri Zhoze Murinjo e sheh si lojtari perfekt për krahët e sulmit.

Natyrisht, “The Special One” ka edhe emra të tjerë në mendje për këtë rol të rëndësishëm, por Pulishiç mbetet një prioritet.

Mateus këshillon Bajernin: E kam gjetur unë Robenin e dytë, blijeni!

Sport Ekspres — Sun, 05 Nov 2017 11:22:49 +0000

Legjenda e futbollit gjerman, Lotar Mateus, mendon se Bajerni nuk ka pse bën përpjekje të mëdha për të gjetur pasuesin e Arjen Robenit (33 vjeç), sepse lojtari ideal luan në Bundesligë. Sipas tij, ai është Kristjan Pulishiç i Dortmundit.

Duke folur në “Sky” pas ndeshjes së djeshme Dortmund-Bajern (1-3), ish-kampioni i botës theksoi se klubi bavarez duhet të nxitojë për të blerë amerikanin.

“Nëse Bajeni një ditë kërkon për një zëvendësues të Robenit apo Riberisë, atëherë duhet të marrë masat për të blerë Pulishiçin. Ai është 19 vjeç dhe ka shumë cilësi. Me besimin dhe shpejtësinë e tij, ai mund të bëjë gjëra edhe më të mëdha”, – tha Mateus.