Promes

Ajaksi tregon dhëmbët, gati firmat me dy sulmues luksi

Sport Ekspres — Mon, 24 Jun 2019 20:41:19 +0000

Viti 2019 ka qenë një sukses i papërshkrueshëm për Ajaksin e Amsterdamin. Skuadra holandeze u rikthye te titulli kampion pas katër vitesh, ndërsa rrugëtimi në Champions League u ndal në mënyrë të dhimbshme në sekondat e fundit të gjysmëfinales.

Të ardhurat nga Champions League dhe shitja mesfushorit Frenki De Jong kanë sjellë mbi 150 milionë euro të ardhura në arkat e Ajaksit, ndërsa me miliona të tjera do shtohen nga shitja e kapitenit Matis De Ligt.

S’do mend që buxheti i kampionëve të Holandës ka prekur një shifër rekord dhe në javët në vijim priten blerje të bujshme. Sipas së përditshmes holandeze “De Telegraaf”, dy objektivat e Ajaksit janë sulmuesi i Sevijës Kuinsi Promes dhe talenti i PSV-së Stivën Bergvajn.

Të dy lojtarët janë pjesë e kombëtares holandeze, por Ajaksi mund t’ia lejoj vetes këto blerje luksi.

Ajaksi e nis merkaton me goditje “big”, holandezi firmos për 5 vite

Sport Ekspres — Mon, 24 Jun 2019 15:41:45 +0000

Ajaksi e ka nisur merkaton me një blerje të bujshme, të paktën për sa i përket nivelit të kampionatit holandez.

“Harkëtarët” kanë nënshkruar me Kuinsi Proms. Kështu raportojnë mediat në Holandë, me 27-vjeçarin që ka firmosur një kontratë 5-vjeçare me Ajaksin.

Kështu, Proms rikthehet në Eredivisie pas eksperiencave me Spartakun e Moskës dhe Sevijan së fundmi. Anësori do të jetë padyshim një ndër pikat më të rëndësishme të ekipit të Ten Hag për sezonin e ardhshëm, ku pritet të jetë edhe zëvendësuesi i Neresh, i cili sipas gjasave do të largohet në një klub më të madh.

Çfarë gafe nga mbrojtja e Anglisë, shënojnë “Tulipanët” (VIDEO)

Sport Ekspres — Thu, 06 Jun 2019 21:00:06 +0000

Sapo ka filluar koha shtesë, Holanda ka gjetur golin e avantazhit. Mbrojtësi i Anglisë, Stones, vonohet shumë dhe gabon. Depai i rrëmben topin dhe gjuan menjëherë, por Pikford pret. Megjithatë, topi shkon në këmbët e Promes, i cili shënon me portën e boshatisur. Në epërsi “Tulipanët”.

UEFA Nations League

Holandë – Angli 2-1
De Ligt 73’, Promes 97’ / Rashford 32’

Leonardo shkon deri në Rusi, një holandez po e “çmend”

Sport Ekspres — Sat, 11 Aug 2018 17:17:34 +0000

Një ndër problemet më të mëdha të Milanit të sezonit të shkuar ka qenë krahu i majtë i sulmit, pozicion ku në shumicën e rasteve është përshtatur mesfushori turk Hakan Çalhanoglu, i cili edhe pse ka bërë një punë të kënaqshme, nuk dëshiron më të sakrifikojë në atë pozicion.

Për t’i gjetur një zgjidhje këtij problemi, drejtori i ri sportiv Leonardo po shikon në të gjithë ligat e evropiane për një lojtar të denjë për atë rol. Sipas “Sky Italia”, i preferuari i Leonardos për momentin është sulmuesi i Spartakut të Moskës, Kuinsi Promes.

Promes është një sulmues holandez, i cili prej katër sezonesh luan në Rusi, duke “shpërthyer” në gola. Në 112 aktivizime në kampionati rus, ai ka shënuar 58 gola, një mesatare kjo thuajse e barabartë me 1 gol në çdo dy ndeshje. Ecuria e mirë në Rusi i ka siguruar 26-vjeçarit dhe një vend titullari në përfaqësuesen e Holandës gjatë tri viteve të fundit.

Drejtuesit Spartakut të Moskës kërkon 25 milionë euro për kartonin e lojtarit dhe te Milani janë gatshëm ta plotësojnë këtë kërkesë të tyren, por me anë të një marrëveshje huazimi me detyrim blerje, lëvizje kjo që nuk do të rëndojë shumë në bilancet e skuadrës kuqezi.