Në fakt, Gerhard Progni erdhi si dëshirë e teknikut korçar në merkaton e shkuar të verës, ndërsa Bushiç u largua nga Flamurtari në janar për të vazhduar karrierën e tij te “Djemtë e Detit”.

Në Superligë, Progni luajti 30 ndeshje, ku dhe shënoi 7 gola. Ndërsa Bushiç, u aktivizua 17 ndeshje me Flamurtarin dhe 12 ndeshje me Teutën, duke shënuar 6 gola në total. Të dy lojtarët janë vënë zyrtarisht nën urdhrat e Gentian Mezanit te Gjilani.

TITULLI I PARTIZANIT – “Unë kam dalë nga shkolla e Partizanit, gjithsesi nuk është se nuk e kam shijuar titullin kampion, pasi e kam fituar më parë me Skënderbeun. Më behet qejfi për presidentin dhe mbi të gjitha për tifozët”.

SITUATA TE TIRANA – “Ata kanë zhvilluar dy ndeshje shumë të mira kundër nesh. Në njërën fituam me fat, ndërsa në të dytën na mundën në Durrës. Problemi më i madh i kësaj skuadre është se tregojnë shumë luhatje. Bëjnë pesë ndeshje shumë të mira dhe më pas pesë ndeshje të këqija. Ndeshja pa tifozë? Disa lojtarë nuk e përballojnë mirë presionin. Ka futbollistë që kur i shajnë tifozët e kanë mendjen tek ata dhe jo te futbolli. Siç duket te Tirana lojtarët nuk ndihen mirë nga presioni i tifozëve dhe u vendos që ajo ndeshje të luhet pa ata”.

LICENCIMET – “Besoj se federata nuk publikon licencimet për shkak se prishet gara. Nëse ndonjë ekip merr vesh që nuk përmbush kriteret atëherë mund të fillojnë tolerimet. Shpresoj që ky vit i mbushur me ekipe me probleme pagash të jetë një mësim për të ardhmen”.

TEUTA – “Jemi në një pozitë të mirë. Shpresojmë të kapim kupat e Europës, edhe sikur të renditemi të katërt. Vendi i dytë është diçka që vlen më shumë për klubin, ne lojtarëve na intereson vetëm Europa. Për të ardhmen nuk e di,  s’kam folur ende me presidencën”, përfundoi Progni.

“Bëmë një ndeshje deri diku të mirë. Kanë meritë edhe kundërshtarët kur nuk fitojmë, siç ndodhi edhe sot. Kjo humbje na vret, vret çdo rezultat negativ. Donim shumë të fitonim për vazhdimësinë e rezultateve. Bëmë shumë gabime. Nëse do vendin e parë, nuk duhet të gabosh. Ndoshta po shpërqendrohemi nga vendi i parë”.

“Pse Progni gjuajti penalltinë? Po gjuan mirë edh enë goditjet standarde, ndaj mendova se ishte i duhuri dhe më i qeti. Nuk më ngel peng, penalltia humbet. Ehe pse penalltitë ndikojnë direk në rezultat”.

“Bushiç? Bëri një ndeshje të mirë, bëri ato çfarë i kam kërkuar. Jam dakord me atë që sulmuesi matet me gola. Ka tre javë që nuk shënon. Shpresoj të kthehet sa më shpejt. Nuk ka diskutim që ka mbështetjen time maksimale”.

“Osmani? Është shumë i rëndësishëm. Kapiteni ka rëndësi edhe për mënyrën se si organizon ekipin. Humbëm pas shumë javësh me mungesën e tij”.

“Dalja e mbrojtësve të krahëve? Minutat e ara bëmë atë që kërkuam. Kapëm hapësirat e kundërshtarit. Mund të shënonim me Kamara. Mbrojtësit  e krahut duhet të shtynin, sidomos kur u fut në lojë edhe Latif. Fusha ndikoi, pasi na pengoi në pasin e fundit”.

“Është e vërtetë që me Dungën patëm probleme. Gjatë gjithë lojës fitoi çdo duel me dyshen e qendrës së mbrojtjes. Kjo u pa. Ndodh që edhe lojtarët nuk janë në maksimumin e tij. Mesfushorët e qendrës mendoj se bënë mirë. Kallaku e rriti lojën, por nuk diskutohet që në një terren më të mirë bëhet më i rëndësishëm. E lashë në fushë sepse ka vizion për lojën”.

Pjesa e parë u mbyll pa gola në Durrës, por të dyja skuadrat kishin raste të pastra për të shënuar. Fillimisht, ishte talenti i Teutës, Kallaku, ai që nuk ia doli të gjejë rrjetën përballë portierit të ri, Sali, i cili e ndali tentativën e 20-vjeçarit.

Edhe Laçi kishte mundësi për të shënuar, por sulmuesi i kurbinasve Xhixha, ishte i pafat, pasi gjuajtja e tij u përplas në traversën e portës së mbrojtur nga Isli Hidi. Traversën do e godisnin edhe “Djemtë e Detit” në pjesën e dytë. Mesfushori anës, Gerhard Progni ishte njeriu që tronditi portën e Salit, pasi gjuajtja e 32-vjeçarit u përplas fort në traversë.

Megjithatë, Progni do të gjente rrugën e rrjetës disa minuta më vonë. Mesfushori i durrsakëve do të mposhte portierin Sali në minutën e 67’ të sfidës, duke zhbllokuar shifrat dhe duke i dhënë avantazhin të besuarve të Shkëmbit. Prognin e asistoi direkt nga porta “gardiani” Celeski, i cili u aktivizua në pjesën e dytë në vend të Hidit.

Në minutën e 76’, Teuta do të dyfishonte, me anë të mesfushorit Klinti Qato. 21-vjeçari lëshon një goditje shumë të bukur nga jashtë zone dhe ndëshkon sërish portierin e kurbinasve. Ky gol i Qatos do të vendoste dhe rezultatin final të sfidës, me Teutën që fitoi pastër 2-0.

Miqësore, 16 janar 2019  – “Olimpic Park”, Durrës

Teuta – Laçi   2-0
Shënues: Progni 67’, Qato 76’

Teuta: Hidi, Frashëri, Osmani, Shkalla, Beqja, Gashi, Sidibe, Traore, Kallaku, Progni, Kamara. (U aktivizuan: Celeski, Avdyli, Qato, Bicaj, Vila, Vecaj). Trajner: B. Shkëmbi

Laçi: Sali, Sefgjinaj, Fangaj, Mersinaj, Shtubina, Eller, Çokaj, Jonuzi, Lushkja, Berisha, Xhixha. (U aktivizuan: Toro, Pjeshka, Cema, A. Berisha, Bytyçi). Trajner: B. Prenga

Gjyqtar: Klodian Shahini

Një ndër lojtarët kryesorë të skuadrës së Shkëmbit në këtë sezon ka qenë sulmuesi Gerhard Progni. Futbollisti 32-vjeçar ka folur për “Supersport”, në një intervistë ku ka përsëritur se skuadra e tij ka si objektiv vetëm Europën.

“Nga ndeshjet miqësore që kemi zhvilluar deri më tani besoj se jemi në rrugën e duhur,  kemi marrë ngarkesën e nevojshme”.

“Krahasimi me Partizanin ? Ata bënë më mire gjatë fazës së parë, pasi u mundën vetëm nga Skënderbeu, ndërsa ne gjatë fazës së dytë kemi luajtur më mirë se ata. Objektivi është Europa për titullin s’mund të flas. Rivalë të tjerë për titull? kemi shumë, Kukësi, Skënderbeu, ndoshta mund të jetë dhe Laçi”, përfundoi Progni.

Ditën e nesërme, djemtë e Shkëmbit do të vihen përballë një tjetër testi përgatitor. Durrsakët do të zhvillojnë një takim miqësore ndaj Laçit në “Olympic Park” në orën 13:30.

Të zotët e shtëpisë e filluan mirë ndeshjen duke dalë të parët në avantazh me anë të mbrojtësit italian Bonani, i cili shfrytëzoi në maksimum një gabim të portierit Hidi. Në pjesën e dytë në fushë u duk vetëm Teuta që krijoi raste të shumta shënimi. Latif barazoi shifrat me një penallti dhe më pas, golat e Prognit e Beqjes përfunduan përmbysjen e Teutës.

KATEGORIA SUPERIORE – JAVA 12
E mërkurë, më 7 nëntor, ora 14:00
Stadiumi i Kamzës, Kamzë

KAMZA –TEUTA 1-3
Shënues: Bonani 17′ / Latif 78′ (pen.), Progni 80′, Beqja 84′

Kamza: Avdyli, Frashëri, Arrabal, Bonani, Idrizaj, Malaj, Mehmeti, Zisi (Rezi 84′), Fukui (Mumajesi 68′), Peçi (Plaku 54′), Roloviç. Trajner: Klodian Duro.
Teuta: Hidi, Gjorgievski, Bicaj (Kamara 46′), Shkalla, Beqja, Osmani, Progni, Sidibe, Kallaku (Vecaj 65′), Avdyli, Latif. Trajner: Bledi Shkëmbi.

Gjyqtarë: Emirion Sino, Ilir Tartari, Orgest Grabova, Kridens Meta.
Delegat: Marjus Sulejmani; Vëzhgues: Fiqiri Haxhiraj.
Kartonë të verdhë: Peçi 28′, Zisi 29′, Arrabal 39′, Malaj 76′ / Kallaku 26′, Bicaj 44′

17′ GOL – Bonani ka kaluar Kamzën në avantazh. Sulmuesi Roloviç ekzekutoi një goditje dënimi, Hidi nuk e kontrolloi dot topin dhe italiani i ndodhur aty pranë ka goditur dhe ka shënuar.

NDESHJA NË VLORË – “Ne kishim shkuar për të marrë 3 pikë. U pa dhe nga loja që po bënim presion. Edhe me një pikë jemi të kënaqur. Luajtëm ndaj Flamurtarit dhe për mënyrën se si shkuan gjërat na kënaq dhe një pikë”.

MOMENTI I DISKUTUESHËM – “Edhe vetë anësori nuk ishte i sigurt, e pyetëm në fundin e pjesës së parë dhe tha që nuk ishte i sigurt dhe mund të kem gabuar. Tensionin e krijoi Flamurtari dhe jo ne”.

GOLI – “Është e vërtetë që stërvitem. Kisha dy javë që përgatitesha dhe e prisja që të merrja goditje e parë nga e djathta dhe e kisha planifikuar që të godas poshtë”.

AVENTURA TE TEUTA – “Kam pasur pak problem ambientimi. Më pas kam luajtur në dy ndeshje jo në pozicionin tim. më pas kam folur me trajnerin dhe gjërat po shkojnë mirë”.

OBJEKTIVAT – “Ne luftojmë për Europa League-n. Kemi disa lojtarë me eksperiencë por dhe lojtarë të rinj. Nuk e kemi dhënë ende 100%. Do shikoni një Teuta më të bukur dhe më të fortë.

LUFTA PËR TITULL – “Kukësi ka ndryshuar shumë nga ai i dikurshmi. Fusha është një faktor shumë i rëndësishëm, por është pas Skënderbeut dhe Partizanit. Skënderbeu ka disa lojtarë që luajnë bashke. Partizani ka entuziazëm dhe dëshirë më të madhe”.

“Demat” kanë zhvilluar sot një takim miqësor me skuadrën e Tomorit, ku kanë arritur një sukses të thellë 6-1. Gjithsesi, duhet të veçohet që në formacion titullar ishin shumë emra të rinj, por dhe disa nga afrimet e kësja vere.

Që në sekondat e para ishte Klejdi Daci, i cili shënoi sapo ishte mbushur një minutë lojë. Më pas kanë qenë beratasit ata që kanë arritur të barazojnë shifrat.

Në pjesën e dytë trajneri Gega ka aktivizuar një pjesë të madhe të titullarëve dhe rezultati flet vetë më pas. Progni shënoi sapo startoi pjesa e dytë dhe më pas Gojkoviç, Hila e Trashi si dhe një autogol i skuadrës së Tomorit.

PARTIZANI 6 – 1 TOMORI

Shënues: Daci 1′, Progni 46′ , Gojkoviç 52′, Hila 54′ , autogol 87′, Trashi 90′

Formacioni i Partizanit: Xhika, Lala, Bitri, Shaqiri, Hysenaj, Kodra,  Statoviç, Henri, Bardhi, Zhdrella, Daci.  

U aktivizuan: Hoxha, Atanda, Gojkoviç, Kalari, Ibrahimi , Hila, Mala, Telushi, Trashi, Progni

Të kuqtë e Dalipit kanë kontrolluar takimin në çdo moment të tij, ndërkohë që kuqeblutë e Ernest Gjokës edhe pse janë munduar sidomos në pjesën e parë, duke pasur edhe raste nuk arritën t’i konkretizonin. Goli i Asanit në pjesën e parë, falë një aksioni personal dhe fantastik të shqiptarit me pasaportë maqedonase si dhe goli i Prognit, i ardhur nga gjumi i mbrojtjes kuqeblu, në gjysmën e pjesës së dytë ishin ndoshta epilogu i një sezoni të tmerrshëm të shkodranëve, të cilët pas humbjes së sotme, duhet të pranojnë fatin e tyre. Rënien në Kategorinë e Parë, edhe pse matematikisht akoma janë në lojë për të qëndruar në Kategorinë Superiore.

Golat

32?- Perlë e Asanit. Sulmuesi shqiptar merr një top në mesfushë dhe avancon drejt portës shkodrane, kalon Pjeshkën e Malotën dhe në hyrje të zonës godet diagonal dhe shënon, duke çuar në avantazh Partizanin.

64?-Progni merr një top nga mesfusha, sheh që porteri Sherri del keq dhe godet menjëherë, duke çuar në 2-0 rezultatin e takimit. Mbrojtja e shkodranëve në gjumë.

Partizani – Vllaznia 2-0

Shënues: Asani 32′, Progni 64′

Partizani: Hoxha, Ibrahimi, Gojkoviç, Belica, Kalari (Fejzullahi 59′), Mala, Telushi, Bardhi, Asani (Çulum 71′), Abdurrahimi, Progni (Trashi 66′). Trajner: Klevis Dalipi. Të gatshëm: Xhika, Atanda, Çani, Sulejmani.

Vllaznia: Sherri, Çinari (Ribaj 61′), Krymi, Mersini, Pjeshka, Gocaj, Malota, Lika, Vucaj, Sukaj, Orelesi (Tafili 70′). Trajner: Ernest Gjoka. Të gatshëm: Selimaj, Kalaja, Gurishta, Berisha, Bardulla.

Gjyqtarë: E. Jorgji, E. Ganxhi,  A. Mahmuti, F. Xhemalaj

Kartonë të verdhë: Progni 27′, Telushi 65′ / Vucaj 42′

Delegat: L. Nyrishmi; Vëzhgues: P. Pjetrushi.

Roli i ri – “Të jem i sinqertë e mendoja pak më të vështirë pozicionin tim në mbrojtje, por po të shikojmë në ndeshjet e fundit skuadra ka pësuar vetëm një gol, ku padyshim është edhe meritë e lojtarëve të tjerë. Besoj se një mesfushor krahu nuk e ka edhe shumë të vështirë të bëj rolin e mbrojtësit të krahut. Besoj se ndeshje pas ndeshje performanca ime në këtë pozicion do të përmirësohet edhe më shumë.

Partizani po kthehet në rrugën e duhur – “Është e vërtetë, nuk e kishim menduar një nisje të tillë të kampionatit, por janë afruar mjaft lojtarë të rinj, trajneri po ashtu, dhe është pak e vështirë për të kuptuar mentalitetin e kampionatit shqiptar. Në ndeshjet e fundit skuadra ka gjetur harmoninë, janë bërë disa rregullime në formacion dhe besoj se në vazhdim skuadra do të jetë gjithmonë në ngritje. Jemi të vetëdijshëm që edhe tifozët janë paksa të zhgënjyer me fillimin që i kemi bërë kampionatit, afrimet e reja kanë dashur kohën e tyre, por besoj se ne do bëjmë akoma më mirë në mënyrë që Partizani të jetë aty ku e duan të gjithë. Partizani çdo vit ka si objektiv fitimin e titullit, por edhe Kupën e Shqipërisë. Pavarësisht diferencës prej 8 pikësh me Skënderbeun ne do të luftojmë për të arritur te titulli. Në kohën kur isha pjesë e Flamurtarit ne ishim 8 pikë larg Skënderbeut, por në fund Flamurtari e humbi kampionatin, ndaj shpresa vdes e fundit dhe ne do të besojmë deri në fund”.

Flamurtari në fundjavë – “Kanë kaluar disa vite nga periudha që luaja me Flamurtarin, sigurisht në Vlorë kam kaluar 3 vite të kënaqshme, jam ndjerë mjaft mirë pavarësisht se nuk arritëm të fitonim titullin. Por në përballjen e së dielës nuk kam emocion të veçantë. Nga koha kur isha unë pjesë e Flamurtarit në skuadrën aktuale kanë ndryshuar shumë duke filluar nga presidenca e deri tek lojtarët. Vlerësojmë çdo kundërshtar si rival. Po të shikoni Laçi erdhi na mori fitoren në shtëpi, ndaj mendoj se nuk ka ekipe të forta apo ekipe të lehta. Flamurtari është një skuadër shumë e mirë, sidomos në repartin e sulmit ku dyshja Alvesh-Bushiç janë të rrezikshëm, por ne do bëjmë lojën tonë, luajmë në fushën tonë dhe kam shumë besim që do të marrim 3 pikët, pasi nuk na lejohen më gabime”.

Është përforcimi i dytë veror për Partizanin, që sërish bën Pazar tek Teuta, sepse pret aty ka marrë edhe Kotobellin ditët e fundit. Në sezonin e sapombyllur Progni u aktivizua deri në dhjetor në Azerbajxhan te Zira (14 ndeshje e 2 gola në kampionat) dhe më pas te Teuta (15 ndeshje e dy gola).

Mesfushori 30-vjeçar është formuar si lojtar te Partizani, duke u aktivizuar për katër sezone deri më 2008, ndërsa tani kthehet dhe ka marrë fanellën me numrin 88.

Për faqen zyrtare të klubit, Progni deklaroi: “Vij te Partizani për të fituar titullin kampion. Rikthehem në klubin ku jam formuar si lojtar profesionist dhe te Partizani është një rikthim në shtëpi dhe kënaqësi e madhe të vesh përsëri fanellën e kuqe. Besoj se këtë sezon do t’u dhurojmë tifozëve tanë të mrekullueshëm trofeun të cilin e presin prej kohësh. Shpresoj se ky do të jetë viti i Partizanit dhe premtoj të jap maksimumin, për të realizuar objektivat që klubi ka në këtë sezon futbollistik”.