“Ekipi i Albpetrol Patos do t’i kalojë 75% të aksioneve Koço Kokëdhimës. Kjo pritet të votohet në bashki brenda disa javëve, ku më pas do bëhet fusha stërvitore, fusha e stadiumit aktual dhe ndryshimi i emrit, nga Albpetrol në Apolonia B”, shkruhet fillimisht në këtë postim.

Tifozët e quajnë një veprim të papranueshëm, duke sugjeruar edhe emrin në rast se do ketë ndryshim. “Një gjë e papranueshme kjo nga tifozët patosarakë, ku ekipit me traditë t’i bëhet diçka që nuk ka ndodhur në asnjë vend të botës. Më mirë mos të ketë privatizim dhe të shikojmë me pasion atë ekip në shi, në diell e në erë. E ndjekim nga pas kudo që shkon skuadra dhe kjo nuk duhet lejuar që të ndryshojë emri. Diçka duhet ta kërkojë edhe kryetarja e bashkisë, që emri t’i vihet KS Patos. Presim një përgjigje, pasi kjo të diskutohet edhe me tifozët, të cilët nuk e pranojnë diçka të tillë. Faleminderit!”, përfundon deklarata.

Pas këtij vendimi ka ardhur reagimi nga klubi, që nëpermjet një postimi në llogarinë zyrtare në “facebook”, e ka cilësuar vendimin e këshilltarëve të majtë si një hap pas për futbollin dhe konfirmoi se çështja e privatizimit do të ridërgohet për votim.

REAGIMI I KLUBIT TË TOMORIT

Futboll Klub Tomori | Privatizimi

Në vend që të bëjmë hapa përpara në lidhje me futbollin vazhdojmë e kthehemi sërish prapa në kohë. Sot ishte momenti që t’i hapnim rrugën privatizimit, ku LSI dhe PD ishin (pro) kësaj çështjeje, teksa është për të ardhur keq indiferenca e PS dhe mos votimi i tyre pozitivisht për këtë situatë. Bashkia Berat do ta ridërgojë sërish këtë çështje në Këshillin Bashkiak, pasi jemi në kohën që kemi shlyer të gjitha detyrimet e akumuluar dhe jemi gati për hapin e madh në futboll

Për gjithçka që është arritur në bisedimet mes tyre, SportEkspres.com e ka pasqyruar hollësisht situatën, ndërsa vetë bashkia ka dalë me një komunikatë zyrtare, ku tregon punën e bërë gjatë viteteve që ajo e menaxhon FK Tomorin, por edhe interesin për privatizimin e tij.

DEKLARATA – “Përgjatë ditëve të fundit, “Futboll Klub Tomori” ka ndjekur me interes dhe kujdes të gjitha informacionet e pasqyruara në mediat e shkruara, online apo edhe studiot televizive, në lidhje me interesimin e kompanisë “Mela Holding Grup” për të blerë 76% të aksioneve të klubit tonë.

Saktësojmë se Bashkia Berat ka qënë gjithmonë e gatshme për t’u ulur në tavolinë me investitorë seriozë dhe me plane konkrete, ashtu si ka bërë dy ditë më parë me përfaqësuesit e kompanisë në fjalë. Dëshira, interesi dhe puna e këtij institucioni do të jetë maksimal për të nisur procedurat e shitjes të aksioneve. Njoftojmë se brënda muajit shkurt (25 shkurt mbahet mbledhja) kjo çështje do të kalojë në Këshillin Bashkiak për të miratuar dhënien deri në 76% të aksioneve.

Institucioni jonë do të bëjë gjithçka për të përshpejtuar procedurat, duke i hapur rrugën privatizimit të klubit. Kujtojmë që, për të gjithë ata të interesuar edhe më parë si: “Salillari Ltd” apo dhe të tjerë, se kjo procedurë do të nisë shumë shpejt dhe do të jetë një garë e hapur.

Theksojmë se Bashkia Berat gjatë këtyre katër viteve të fundit ka zbatuar me rigorozitet dhe korrektësi një plan të qartë në dy aspekte: larja e borxheve të akumuluara nga klubi në vitet 2010-2015, si dhe në atë sportive duke marrë parasysh se skuadra gjendej në një nga pikat më të ulta të historisë si  pjesëmarrëse në Kategorisë së Dytë.

Pikërisht përgjatë kësaj periudhe, falë investimeve që i janë dedikuar buxhetit të sportit, dhe në veçanti atij të FK Tomorit, është shlyer në total një shifër marramëndëse prej 253.5 milion lekë (të vjetër)”, kështu citohej midis të tjerave në deklaratën e Bashkisë Berat, sa i përket situatës për privatizimin e Tomorit.

AGRON KAJA