Një ndeshje aspak e lehtë ajo e sotmja, sepse Levante lufton për mbijetesë dhe e dinte që nuk kishte ç’të humbte, ndaj shkoi në Camp Nou për të prishur festën dhe për pak nuk ia doli.

U desh aktivizimi i Mesit pas pushimit për të ndezur Barcelonën, që e kishte mendjen te festa dhe te Liverpuli.

Fundi i takimit ishte plot tension, sepse Levante sulmoi me forca të shumta dhe Barça ishte me fat, kur një gjuajtje e bukur nga Enis Bardhi goditi shtyllën dhe u zotërua mbi vijën fatale nga Ter Stegen, perfekt edhe sot.

Ky është triumfi i dytë radhazi në La Liga dhe i teti në 11 sezonet e fundit për Barcelonën, një statistikë kjo që tregon qartazi superioritetin e katalanasve nën epokën e Leo Mesit.

Barcelona 1 – 0 Levante
Shënues: Mesi 62’

Marrëveshja e re do zgjasë për 10 vite dhe sipas gazetës spanjolle “MARCA”, në arkat e klubit madrilen do të derdhen çdo vit një shumë rekord prej 110 milionë eurosh, pra në total 1.1 miliardë euro përgjatë 10 viteve.

Me këtë marrëveshje Reali dyfishon të ardhurat nga marrëveshja e mëparshme e fanellës,“parakalon” Barcelonën që përfiton 85 milionë në sezon nga kontrata me firmën amerikane “Nike”. Me këto të ardhura të shtuara pritet që “Los Blancos” të shfaqin muskujt në merkaton e janarit dhe verës, ku shënjestrat kryesore do të jenë Eden Hazard dhe Robert Levandovski.

Vendimi i zhvillimit të ndeshjeve jashtë Spanjës në shkëmbim të shumave monetare është cilësuar si një lëvizje shumë drastike dhe që mund të cenojë mbarëvajtjen e kampionateve të gjithë botën. Një kundërshtari i këtij vendimi ishte dhe presidenti i federatës spanjolle, Rubiales.

Në janar të 2018-ës, është planifikuar ndeshja e parë në Amerikë, midis Gironës dhe Barcelonës. Ajo që çuditi më shumë opinionin publik në Spanjë ishte se të dy presidentët e klubeve kishin rënë dakord që ndeshja të zhvillohej në Majemi të Floridas, duke injoruar kështu kërkesat e fansave lokalë.

Largimi i Kristiano Ronaldos dhe Zinedin Zidan ka bërë që atmosfera në grup të pësojë një goditje të rëndë . Në shkrimin e së përditshmes spanjolle theksohet se në dhomat e zhveshjes janë krijuar klane dhe situata mund të shpërthejë nga momenti në moment.

Por, Lopetegui dhe stafi i tij mbeten optimist se atmosfera mund të rikthehen ajo e mëparshmja, pasi ishte e pritshme që largimet e dy figurave aq të rëndësishme si Zidan dhe Ronaldo, do të sillnin një efekt negativ në skuadrën madrilene. Tani tekniku bask duhet të kthejë skuadrën te ritmi i fitoreve dhe më pas ndasitë midis lojtarëve do të sheshohen.

Të gjendur para kësaj situate në Madrid, po mundohen që të paktën të sigurojnë një sulmues rezervë cilësor, pasi francezi Benzema ka një raport shumë të shpeshtë me dëmtimet sidomos ato me tërheqjet muskulore, diçka kjo që përkeqësohet me kalimin e ditëve.

Sipas medies kolumbiane “OndaCero”, përfaqësuesit e Realit kanë pasur kontakte me Monakon për të afruar në ekip sulmuesin Radamel Falkao. 32-vjeçari shihet si një zgjidhje afatshkurtër derisa në treg të dalë një lojtari i një kalibri Botëror. Te Monako janë gati për ta lëshuar kolumbianin, për t’i hapur rrugë sulmuesve të rinj, Pelegri dhe Syla.