Primavera

VIDEO | Çfarë makthi për Milanin, bie një kategori më poshtë

Sport Ekspres — Sat, 25 May 2019 16:09:52 +0000

Ekipi primavera i skuadrës së Milanit nuk ka mundur të sigurojë mbijetesën në elitën e futbollit të moshave në Itali. “Djajtë” e vegjël u ndalën në një barazim 1 – 1 me Fiorentinën, rezultat ky që i rendit në vendin e parafundit në tabelën përfundimtare me vetëm 31 pikë pas 30 ndeshjesh.

Ndeshja pati një fund shumë të dhimbshëm pasi Milani po kryesonte me një gol të Salës të realizuar në minutën e 13-të. Një fitore do i siguronte një mundësi për të shkuar në “play-out”, por nuk ishte e thënë.

Në sekondat e fundit të kohës shtesë, toskanët barazojnë me anë të Pierozit dhe më pas gjithçka mbaroi për Milanin që vitin tjetër do të jetë pjesë e divizionit të dutë: Primavera 2. Gjatë viteve të fundit ekipi Primavera i Milanit nuk ka spikatur në kampionat, por gjithsesi ekipi i parë ka përfituar jo pak, duke siguruar lojtarë si Patrik Kutrone, Davide Kalabria dhe Xhanluixhi Donaruma.

Dritë në fund të tunelit, Konti rikthehet të luajë pas një viti

Sport Ekspres — Fri, 02 Nov 2018 19:50:44 +0000

Milani arriti në mesjavë një fitore mjaft të rëndësishme ndaj Xhenoas, triumf që i katapulton kuqezinjtë në vendin e katërt. Zona Champions për momentin është e tyre për është vetëm fillimi i kampionatit dhe trajneri Gatuzo, ka shumë punë përpara. Në ndeshjen ndaj Xhenoas, kuqezinjtë kishin të gatshëm Andre Kontin, i cili vinte pas 225 ditëve mungesë.

Ditën e sotme Milani merr një tjetër lajm të mirë nga mbrojtësi i djathtë. Konti ka luajtur titullar në sfidën që ekipi i moshave kuqezi ka zhvilluar ndaj Kievos. 24-vjeçari ka luajtur për thuajse një orë, konkretisht 59 minuta, ku është zëvendësuar më pas nga Baraxeta.

Ndërkohë, për sa i përket sfidës, kuqezinjtë e vegjël pësuan një disfatë ndaj Kievos në shifrat 0-2. Golat u shënuan nga Rovalia dhe Rabas që në pjesën e parë. Kjo humbje e lë Milanin në vendin e dhjetë, në kuotën e 7 pikëve pas shtatë ndeshjesh të luajtura. Një nisje jo e mirë e Pimaveras kuqezi.

20 talentet më premtues në Itali, në listë dhe një shqiptar

Sport Ekspres — Thu, 18 Oct 2018 12:44:14 +0000

Sajti i njohur italian “calciatoribrutti.com”, ka hartuar një listë me talentet më premtues të çdo skuadre në Serie A. Në listën me 20 lojtarë bën pjesë dhe një shqiptar. Bëhet fjalë për mesfushorin e Sasuolos, Aristidi Kolaj.

Kolaj aktivizohet si mesfushor krahu dhe ka një raport mjaft të mirë me goli, pasi në 30 aktivizime në kampionatin e moshave ka realizuar 11 gola. Kolaj krahas pasaportës shqiptare disponon dhe atë italiane. 19-vjeçari u grumbullua për herë të parë me kombëtaren U21 të Shqipërisë në muajin maj, ku luajti si titullar në miqësoren e humbur me rezultatin 2-0 ndaj Bosnjës në “Elbasan Arena”.

Ndërkohë, vlen për tu përmendur se në ekipin “primavera” të Sasuolos luajnë dhe dy shqiptarë të tjerë: Mesfushori Alesandro Ahmetaj dhe qendërmbrojtësi Denis Dembacaj.

Lista me 20 lojtarë

Atalanta – Ebrima Kolei (Gambia)
Gabriele Korbo – Bolonja (Italian)
Rikardo Daga – Kaljari (Italian)
Musa Xhuara – Kievo (Gambia)
Hamed Traore – Empoli (Bregu i Fildishtas)
Josip Maganjiç – Fiorentina (Kroat)
Andrea Eriko – Frozinone (Italian)
Antonio Kandela – Xhenoa (Italian)
Edi Salsedo – Inter (Italian/ Kolumbian)
Kristian Makun – Juventus (Venezuelian)
Eduardo Reci – Lacio (Italian)
Frenk Tsaxhud – Milan (Italian)
Xhanluka Gaetano – Napoli (italian)
Federiko Pele – Parma (Italian)
Andrea Markuçi – Roma (Italian)
Titas Krapikas – Sampdoria (Lituanez)
Sasuolo – Aristidi Kolaj (Shqiptar/Italian)
SPAL – Lazar Nikoliç (Serb)
Torino – Vinçenco Miliko – (Italian)
Udineze – Filip Vasko – (Sllovaki)