Liverpulit i duhet të presë akoma, ndërsa trofeu i madh i futbollit anglez mungon që nga viti 1990 në qytetin e “Beatles”. Djemtë e Klop bënë detyrën dhe mposhtën në shtëpi ekipin e Ulvërhempton me rezultatin 2-0.

Dygolëshi i Sadio Mane, i cili u shpall golashënuesi më i mirë bashkë me Salah dhe Obamejang (me nga 22 gola) i dha fitoren vendasve, të cilët e mbyllën kampionatin fantastik me 97 pikë, por që fatkeqësisht nuk mjaftuan për fitimin e titullit.

Pep Guardiola dhe tifozët e “Citizens” u trishtuan shumë kur Glen Mërrej kaloi Brajtonin në avantazh në minutën e 27-të. Ekipit nga Mançester i bënte punë vetëm fitorja dhe Sergio Aguero riktheu qetësinë pas vetëm një minutë.

Francezi Laporte kaloi ekipin e tij në avantazh pa u mbyllur pjesa e parë dhe tashmë Siti ishte kampion i Anglisë. Golat e Mahrez dhe Gyndogan në pjesën e dytë vulosën gjithçka dhe festa nisi, pasi Siti e mbylli sezonin me 98 pikë!

72. We’re nearly there, guys!

What a stunning freekick from @IlkayGuendogan that was! ?

?? 1-4 ? #BHAMCI #mancity pic.twitter.com/vpkRLbxkhg

— Manchester City (@ManCity) May 12, 2019

Ky ishte titulli i dytë rresht me Guardiolën në stol dhe i gjashti në historinë e klubit. Llogaritë e tjera ishin mbyllur prej kohësh dhe java e fundit e Premier Ligës u mbyll me plot 36 gola të shënuar.

Brajton-Mançester Siti 1-4
(Mërrej 27’ / Aguero 28’, Laport 38’, Mahrez 63’, Gyndogan 72’)

Bërnlej-Arsenal 1-3
(Barnes 65’ / Obamejang 52’, 63’, Nketiah 90+4’)

Kristal Palas-Bornmuth 5-3
(Batshuaj 24’, 32’, Simpson (aut) 37’, Van Anholt 65’, Tounsend 80’ / Lerma 45’, Ibe 56’, King 73’)

Fulhem-Njukasëll 0-4
(Shelvi 9’, Perez 11’, Shar 61’, Rondon 90’)

Leister-Çelsi 0-0

Liverpul-Ulvërhempton 2-0
(Mane 17’, 81’)

Mançester Junajtid-Kardif 0-2
(Mendez-Laing (pen) 23’, 54’)

Sauthempton-Hadërsfilld 1-1
(Redmond 41’ / Pritçard 55’)

Totenhem-Everton 2-2
(Dajwr 3’, Eriksen 75’ / Uollkot 69’, Tosun 72’)

Uotford-Uest Hem 1-4|
(Delofeu 46’ / Nobwll 15’, 78’, Lanzini 39’, Arnautoviç 71’)

“Nuk dua të bëj deklarata të bujshme. Gjithsesi kthimi tek Ajaks është 100% në mendjen time. Kam përjetuar momente shumë të mira këtu. Familja ndihej shumë e lumtur gjithashtu. Totenhemi në finale? Të shohësh si e nisëm këtë kompeticion dhe si shkoi kjo ndeshje, kjo tingullon si diçka e çmendur.”

“Nuk jam tej mase i gëzuar, pasi më lëndon fakti që Ajaksi është eliminuar. Është një ndjenjë e çuditshme, e dyfishtë. Këtu tifozët na kanë pritur në mënyrë të jashtëzakonshme. U jam mirënjohës. Ishte një situatë tërësisht e kundërt nga ajo çka pamë me Luis Suarez në Liverpul”, përfundoi 30-vjeçari.

Sipas studimeve të fundit, fitimet e 20 klubeve të Premier Ligës gjatë sezonit 2017/2018 kanë kapur shifrën 5.4 miliardë euro! Sa për të dhënë një shembull: në Serinë A shifra arrin 2.4 miliardë euro, pra shumë më pak se gjysma e asaj çfarë kanë futur në xhep klubet angleze.

Ndryshim të madhe ka edhe te rrogat e lojtarëve. Në Premier kanë shpenzuar 3.3 miliardë euro, ndërsa në Serie A vetëm 1.5 miliardë euro. Sezoni i kaluar në Angli pati rritje me 8% nga stadiumet dhe 12% nga imazhi.

Për të kuptuar më mirë ndryshimin e madh midis dy kampionateve vlen të theksohet ky fakt. Totenhemi, që u rendit në vendin e tretë sezonin e kaluar, fitoi rreth 430 milionë euro, ndërsa kampionët e Juventusit vetëm 411 milionë të tilla.

E ardhmja e këtij të fundit duket çdo ditë e më larg Mançesterit. Bisedimet për rinovimin e kontratës kanë ngecur dhe nuk po gjejnë rrugën e duhur. Sulmuesi është një nga lojtarët më të mirë të Sitit, por në ndeshjet e fundit Guardiola ka preferuar treshen Bernardo Silva, Aguero dhe Stërling, çka shton edhe më  shumë dyshimet.

Bajerni i Mynihut është gati për t’u vënë në sulm. Gjermani është pikërisht elementi që mungon në Allianz Arena me Roben e Riberi në ditët e fundit si bavarezë. Çmimi i Sane është shumë i kripur, megjithatë në Mynih e kanë kuptuar se duhet të hapin kasafortën për të qenë kompetitiv në Evropë.

Ata kanë 88 pikë kur janë edhe tre ndeshje për t’u luajtur, shumë pikësh kjo që nuk është arritur kurrë që nga ndryshimi i formatit të kampionatit anglez në vitin 1992. Para këtij viti ishin 42 raunde për t’u luajtur, ndërsa tani 39 . Të kuqtë kanë mundësi ta çojnë në 97 pikë rekordin e tyre.

Skuadra që i afrohet këtij rekordi është ajo e Rafa Benitez në 2009. Atë vit përfunduan të dytët. Nëse Liverpul kalon shifrën e 90 pikëve do të thyente rekordin e të gjitha kohërave të klubit. Rekordi i vendosur në vitin 1988 është shënjestra e radhës për djemtë e Klopit, që pretendojnë t’i kthejnë tifozëve titullin pas 29 vitesh thatësirë.

Mesfushori ka pranuar se do të bëjë për herë të parë në jetën e tij tifo për Junajtid. Anglezi ka dalë nga Lids Junajtid, skuadër që ka një urrejtje prej dekadash për Mançester Junajtid. Gjithashtu edhe eksperienca e kaluar te Siti ka bërë që Milner ta çojë të gjithë karrierën e tij, duke u munduar t’i shkaktojë dhimbje tifozëve të “Djajve të kuq”.

Megjithatë në një intervistë për mediat angleze ai shprehet se do të bëjë tifo për Mançester Junajtid në derbin e Mançesterit të mërkurën. Nuk do e shohë ndeshjen sepse i duket humbje kohë. Thotë se i intereson vetëm rezultati në fund.

“Të jem i sinqertë nuk e shikoj Sitin. Më duket humbje kohe teksa pres që ato të pësojnë gol. Do ta fik celularin dhe do ta ndez pas përfundimit të ndeshjes. Ndoshta do të jëm duke duke ngrënë darkë apo duke bërë diçka tjetër. Megjitahtë do të jetë hera e parë në jetën time që bëj tifo për Mançester Junajtid”, tha 33-vjeçari.

Niki Bat aktualisht është trajner tek moshat e Mançester Junajtid. Ai është aktivizuar me “djajtë” në periudhën 1992-2004. Regjistron 387 ndeshje me Junajtid. Gjatë karrierës së tij në Old Trafford ai ka fituar plot gjashtë tituj kampionë të Anglisë dhe një Champions League.

Ky është i dyti rast në pak ditë në Mançester, ku ish yjet e kësaj skuadre kanë probleme me policinë. Pol Skolls akuzohet për thyerje të rregullave me bastet sportive dhe së shpejti do t’i drejtohet gjykatës.

Lajme të çuditshme vijnë nga Anglia. Burime të brendshme të prestigjozes “Daily Star”, zbulojnë disa të dhëna mbi trajnerin italian dhe performancën e tij. Sipas gazetarit Dankan Kestëlls, Sarri nuk dëshiron të vazhdojë të jetë trajner i “Bluve të Londrës”. Ai nuk ndihet mirë në  kryeqytetin anglez dhe ndjen shumë presion nga njerëzit pranë klubit.

Gazetari i famshëm shkon edhe më tej. Ai thotë se Sarri nuk po bën maksimumin në “Stamford Bridge” dhe po pret që drejtuesit ta shkarkojnë. Gjëndja e tij ka arritur deri aty ku do të gëzohej nëse e largojnë nga puna. Ish-trajneri i Napolit do ta pranonte me kënaqësi largimin dhe do të kthehej në Itali, ku destinacioni më i mundshëm është Roma.

Belgu vendosi të largohej dhe e bëri. U ble nga Volsburgu për 22 milionë euro, ku fitoi vendin e titullarit dhe u shndërrua në një yll. Mançester Siti e mori nga “ujqërit” gjermanë për plot 74 milionë euro, duke u bërë një nga blerjet më të shtrenjta për “qytetarët”.

27-vjeçari kujton si një moment kyç kalimin e tij nga Çelsi te skuadra gjermane. Pasi lojtari kishte kërkuar largimin nga “Blutë e Londrës”, Zhoze Murinjo e kishte ftuar në zyrën e tij për të parë atë çfarë mesfushori kishte bërë për skuadrën.

Trajneri ishte treguar i sinqertë me djaloshin. Portugezi ishte shprehur se ai ishte zgjedhja e pestë apo e gjashtë, pasi statistikat e lojtarëve të tjerë ishim shumë më të mira. De Bryjn më pasi i kishte kërkuar largimin dhe Murinjo me keqardhje e kishte lejuar.

“Një bisedë më Murinjon mendoj se është momenti i dytë më i rëndësishëm në karrierën time. Ai më thirri në zyrë. Kishte disa letra në dorë dhe tha: ’Një asist, zero gola dhe dhjetë rikuperime të topit’. Mu desh një minutë për ta kuptuar. Më pas filloi të lexonte statistikat e lojtarëve të tjerë si Uillian, Oskar apo Mata. Ato kishin shifra si 5 gola, 10 asiste, diçka e tillë.

Unë i thashë se disa prej këtyre lojtarëve kanë luajtur 20 ndeshje, ndërsa unë vetëm tre të tilla. Më foli mbi idenë e një huazimi. Pastaj u shpreh: ’Nëse Mata largohet, ti do kalosh nga zgjedhja e gjashtë në të pestën’. I thashë se ndihem sikur klubi nuk më dëshiron dhe dua të më shesësh.

Mendoj se në atë moment Murinjo ishte disi i zhgënjyer. Gjithsesi, them se e kuptoi se më nevojiteshin minuta. Klubi më shiti dhe mori më shumë para se sa shpenzoi për mua. Në Volsburg gjeta një situatë shumë më të mirë”, përfundon ylli i Mançester Sitit.

Siti i Guardiolës ka stilin e një “Tiki-Taka” të moderuar dhe përshtatur dhe fuqinë e skuadrës, ku asnjë lojtar nuk është lider, por të gjithë shënojnë dhe janë të rëndësishëm. Djemtë e Klopit janë disi më të ndryshëm. Një ekip me dy lidera që e mbajnë ekipin të karikuar, gjiganti Van Dijk në mbrojtje dhe magjiku Salah në sulm.

Ecuria e këtyre dy skuadrave në këtë vit është gati perfekte. Liverpuli në 34 përballje ka grumbulluar 85 pikë. Një pikë më pak kanë në “Etihad Stadium”, por me një ndeshje më shumë për të luajtur. Shifra rekord të këtyre skuadrave, ndërkohë që në vitet e shkuara ka disa kampionate që janë fituar me një numër pikësh më të ulët se ç’kanë tani  Liverpuli dhe Siti. Të mendosh që këto të fundit kanë edhe 15 pikë në lojë dhe Liverpuli 12.

Liverpool (85) and Man City (83) already have more points than seven Premier League title-winning teams needed to lift the trophy.

It’s not even Easter ? pic.twitter.com/8aWTr7Nftu

— ESPN UK (@ESPNUK) April 15, 2019

Nëse këto ekipe do të luanin në vitin 2011 apo 2015, tani do të ishin shpallur kampion. Më lart është lista e skuadrave, që e kanë fituar titullin me më pak pikë se ç’kanë këto dy ekipe tani. E vetmja që i afrohet është Mançester Junajtid i vitit 1996.

Sipas “The Sun”, ai ka rënë në radarët e Realit të Madridit. Spanjollët janë të gatshëm të paguajnë plot 100 milionë euro për të, duke kaluar kështu 50 milonët që shpenzuan për të marrë adoleshentin tjetër, Vinisius Zhunior. Gjithsesi nuk i afrohen 180 milionë eurove që PSG shpenzoi për Mbape, që mban rekordin si adoleshenti që ka kushtuar më shtrenjte.

Për Reinier ka pasur një interes të theksuar edhe nga Liverpuli, që është përpjekur të bisedojë me familiarët e lojtarit që vitin e kaluar kur ai ishte 16 vjeç. Përtej interesit të anglezëve, madrilenët janë të favorizuar për të transferuar talentin e Flamengos.

Një figurë si presidenti i Bajernit Uli Hënes ka opinionin e tij rreth këtij fenomeni. Gjermani është i mendimit se nuk duhet të shpenzohen shifra të tilla për një futbollist. Gjithashtu, presidenti bavarez e kthen në shaka mënyrën se si vijnë paratë që sheikët investojnë për të përforcuar skuadrat e tyre.

“Miku im Pep më ka treguar çfarë ndodh kur ai dëshiron të blejë ndonjë lojtar që kushton 100 milionë euro. Merr disa video të lojtarit dhe shkon në Katar, të takojë Sheikun.

“Më pas konsumohet një vakt luksoz, shikohen videot dhe Sheiku transferon shumën e nevojshme për blerjen e lojtarit. Ditën tjetër Sheiku hap pak milimetra më shumë rubinetin e gazit dhe i rikuperon paratë menjëherë.

“Jam krenar që në raste të tilla Bajerni nuk vepron kështu, sepse bazohet te fitimet e veta për të blerë lojtarë, jo duke marrë borxh“.

Ai ndodhet në një formë të mirë, ndërsa shkëlqeu dhe me Kroacinë në Botërorin e Rusisë. 25-vjeçari ishte pranë kalimit te Mançester Junajtid gjatë verës, por vendosi të qëndrojë në Gjermani.

Rebiç ka folur për të ardhmen duke zbuluar dëshirën e tij. Premier Liga e tundon dhe sulmuesi beson se një ditë do të provojë emocionet e futbollit anglez.

“Nuk mund ta mohoj që shumë klube, sidomos nga Premier Liga, kanë shprehur interes për mua. Kampionati anglez është tërheqës dhe i përshtatet stilit tim. Do të më pëlqente të provoja një aventurë në ishull”, është shprehur sulmuesi.

Këshilli i qytetit miratoi zgjerimin e stadiumit “Selhurst Park” nga 25 mijë vende në mbi 34 mijë, ndërsa drejtuesit e klubit kanë vendosur t’i vijnë në ndihmë tifozëve të tyre, por jo vetëm. Ata kanë vënë në shërbim të njerëzve të pastrehë 10 shtretër kampi, batanije, ushqim dhe dushe të nxehtë në një nga sallat e stadiumit. Të enjten u hap salla dhe endacakët e parë shijuan një mbrëmje të ngrohtë.

“Duam të vihemi në ndihmë të komunitetit. Jemi të kënaqur që po punojmë me Këshillin e Croydon dhe me agjencitë e tyre partnere për t’iu siguruar njerëzve në nevojë strehim në këtë mot dimëror jashtëzakonisht të ashpër”, komenton Fil Aleksandër, administratori i deleguar i Kristal Palas.

Në Premier League kanë menduar që sjelljet e gabuara të trajnerëve të ndëshkohen njëlloj si ato të lojtarëve me përdorimin e kartonëve të verdhë e të kuq, një risi mëse e vonuar e futbollit modern.

Grumbullimi i disa kartonëve do të shoqërohet me masa të tjera ndëshkimore, si pezullim me një ndeshje (masa më e lehtë) deri në një maksimum prej 16 ndeshjes. Një rregull tjetër i ndryshuar do të jetë ai i vlefshmërisë së kartonëve vetëm për kompeticionin specifik, pra një dënim në Premier League nuk do shlyhet më me ndeshje të kupës FA, etj.

Nisur nga një studim i bërë nga mediat britanike, skuadra e drejtuar nga Zhoze Murinjo, Mançester Junajtid shihet si favoriti kryesor për fitimin e titullit në Premier në maj të vitit të ardhshëm.

Për kompanitë e basteve, Mançester Junajtid kuotohet i dyti pas Mançester Sitit të Pep Guardiolës, por nisur nga numri i basteve të vëna, “Djajtë e kuq” shihen nga lojtarët e skedinave si pretendenti numër një për suksesin në Premier. Edhe pse Junajtid është mundur të martën nga Reali i Madridit në finalen e Superkupës së Evropës, kjo nuk i ka lëkundur pozitat e Junajtidit në lidhje me Premier Ligën. Kompanitë e basteve kanë bërë me dije se pjesa më e madhe e basteve janë vënë për suksesin e Mançester Junajtidit, që kuotohet 2.5, pra shton me 150% fitimin mbi shifrën e investuar. Për lojtarët e basteve, pretendenti numër 2 për titullin në Premier është Mançester Siti i Guardiolës, i cili për vetë kompanitë e basteve është favorit absolut me 1.89.

Pas dyshes së Mançesterit, në vendin e tretë vjen Liverpuli, skuadra e tretë për të cilën janë vënë më shumë baste. Ndërkaq, ka rënë shumë popullariteti i Çelsit, teksa tifozët nuk besojnë shumë tek një tjetër mrekulli e ekipit të Kontes. Ndaj bastet për Çelsin kampion janë në vendin e katërt për nga numri.