“Biseda e parë që bëmë më tha që ka kuptuar se ka gabuar dhe ka mësuar. Mendoj se ishte e qartë në mendjen e tij se çfarë kishte ndodhur dhe jam i bindur që nuk do të përsëritet më. Xhordan i di përgjegjësitë e tij kundrejt klubit dhe imazhit të tij. Unë i thashë se futbollistët shpeshherë provokohen, por duhet të ruhen nga gjithçka, cilado qoftë situata.

Incidenti ka ndodhur në ditën e tij të pushimit, nuk ishte diçka që më pëlqeu. Do të luajmë në fundjavë dhe ai ka punuar së bashku me pjesën tjetër të skuadrës dhe do të jetë gati. Sezoni nuk ka mbaruar ende”, përfundoi Silva.

Pjesa e parë, edhe pse e dominuar nga ekipi i Guardiolës, u mbyll me shifrat 0-0. Në fundin e saj, Kevin De Brujn la lojën i dëmtuar, duke shqetësuar së tepërmi trajnerin spanjoll. Në fraksionin e dytë, Siti ishte më konkret dhe në minutën e 55-të shënoi golin e avantazhit,  me autor Rijad Mahrez.

Më pas, deri në fund “Citizens” administuan fitoren, duke marrë tre pikët dhe vendin e parë gjithashtu, me Liverpulin që tashmë është nën presion përpara derbit ndaj Everton.

Ndërkohë, në “Old Traford”, Mançester Junajtid ka triumfuar në frymën e fundit ndaj Sauthemptonit, duke përmbysur shifrat nga 0-1 në pjesën e parë, në 3-2 në fund të ndeshjes.

Sfida nisi mirë për miqtë nga Sauthempton, të cilët në minutën e 26-të kaluan në avantazh me supergolin e mbrojtësit Valeri. Pjesa e dytë, ishte ndryshe për “djajtë e kuq”, pasi në minutën e 53-të barazuan shifrat me anë të Pereirës, i cili shënoi një gol fantastik.

Gjashtë minuta më vonë, Romelo Lukaku bëri gjithçka mjaft mirë në zonë dhe përmbysi gjithçka, duke çuar në festë tifozët e tij. Gjithsesi, festa nuk zgjati shumë, pasi në minutën e 75-të Uord-Prous shënoi një gol për kornizë, pas ekzekutimit në mënyrë perfekte të një goditje dënimi.

Mançesteri u përpoq deri në fund për të ndryshuar diçka dhe u shpërblye dy minuta përpara fundit, kur Romelo Lukaku shënoi golin e dytë personal dhe të tretin për ekipin e tij. Kështu, ekipi i Solskjaer kap vendin e katërt, duke parakaluar Arsenalin.

Bornmuth 0-1 Mançester Siti
Shënues: Mahrez 55’

Brajton 1-0 Hadërsfilld
Shënues: Andone 78’

Bërnlej 1-3 Kristal Palas
Shënues: Bardslej 15’(aut.), Batshuaj 48’, Zaha 76’

Manchester Utd 3-2 Southampton
Shënues: Pereira 53’, Lukaku 59’, 88’ / Valeri 26’, Uord-Prous 75’

Uolves 2-0 Kardif
Shënues: Jota 16’, Himenez 18’