Premier League

Kutinjo do një zgjidhje finale, refuzon anglezët

Sport Ekspres — Mon, 05 Aug 2019 17:50:26 +0000

Marrëdhëniet e mira mes klubeve të Arsenalit dhe Barcelonës, por edhe mungesa e hapësirave në formacion për Kutinjon, e lidhin brazilianin me një huazim 1-vjeçar te klubi londinez. Ai nuk po arrin të përshtatet dhe Dembele e ka treguar në miqësore se është në formë dhe ndikon mjaft në lojën e katalanasve.
Mos harrojmë ardhjen e Grizman. Kështu, Kutonjo rezulton si zgjedhje e tretë në silm te katalanasit. Megjithatë, sipas medieve spanjolle braziliani nuk pranon të largohet në formën e huazimit. Ai ja ka bërë të qartë klubit se do një vendim përfundimtar rreth të ardhmes së tij.

Për momentin në Barcelonë nuk ka asnjë ofertë. E vetmja mundësi për të është një kalim te PSG si pjesë e operacionit për të sjellë Nejmar në Barcelonë. Por edhe kjo pistë mund të bjerë, pasi drejtuesit e dy klubeve po tentojnë një huazim 1-vjeçar me të drejtën e blerjes në fund të sezonit të ardhshëm për sulmuesin e kampionëve të Francës.

VIDEO | Merr fund rezistenca, driblohet Van Dijk

Sport Ekspres — Mon, 05 Aug 2019 12:20:15 +0000

Virxhil Van Dijk ka mbyllur një sezon të mrekullueshëm, që e kurorëzoi me fitimin e Championsit. Rekordi më i veçantë i tij kishte të bëhej me driblimet. Mbrojtësi ishte i pakalueshëm sezonin e shkuar, duke mos u dribluar asnjë herë nga asnjë kundërshtar, madje as Mesi.

Megjithatë, gjithçka e ka një fund. Pas plot 65 ndeshjesh Van Dijk është thyer. Ka qenë braziliani Gabriel Hezus që e ka prishur rekordin e gjigantit të mbrojtjes. Kjo gjë nuk ndodhte që nga marsi i vitit 2018. Mbrëmja e djeshme ka shkuar ters për holandezin që me Liverpulin e tij humbi edhe trofeun e “Community Shield” ndaj Sitit.

None of this “Van Dijk can’t be dribbled past” nonsense pic.twitter.com/cGKSXOAjW7

— Joe ? (@McfcRichyV2) August 4, 2019

Habit Guardiola: Meguajer ishte shumë i shtrenjtë për Sitin

Sport Ekspres — Sun, 04 Aug 2019 19:00:32 +0000

Herri Meguajer është lojtari më i ri i Mançester Junajtid, pasi iu bashkua “Djajve të Kuq” për plot 80 milionë sterlina, aq sa pagoi dhe Real Madridi për Kristiano Ronaldon 10 vite më parë. Pep Guardiola e kërkoi me ngulm qendërmbrojtësin anglez, por në fund e humbi duelin me rivalët e qytetit.

Pas ndeshjes kundër Liverpulit, trajneri foli për mediat angleze, ku tha: “Meguajer ishte shumë i shtrenjtë për ne. I uroj sukses në karrierën e tij dhe respektoj çdo vendim të tijin”. Fjalë që kanë habitur shumë persona, pasi Mançester Siti njihet për shpenzimet faraonike.

Guardiola është i bindur se Mançester Junajtid mund të sfidojë për titullin kampion: “Nuk besoj se do jetë garë vetëm mes nesh dhe Liverpulit. Këtë sezon shoh 5-6 ekipe të kompletuar, edhe Junajtid duket shumë mirë me blerjet e reja”.

Premier Ligë, njihuni me 100 lojtarët më të mirë të gjitha kohërave

Sport Ekspres — Sun, 04 Aug 2019 17:23:18 +0000

Premier Liga është kampionati më i fortë në botë dhe të jesh në majën e kampionatit që është në majë kundrejt kampionateve të tjera, është një arritje e jashtëzakonshme. Janë përcaktuar në bazë të votave të specialistëve dhe analistëve të futbollit anglez 100 lojtarët më të mirë të gjitha kohërave që kanë luajtur në kampionat, ku ka shumë emra të njohur.

100 lojtarët më të mirë që kanë luajtur në Premier League:

100: Graeme Le Saux
99: Cesar Azpilicueta
98: Fernandinho
97: James Milner
96: Joe Cole
95: Juninho
94: Marcel Desailly
93: Arjen Robben
92: Robbie Keane
91: Chris Sutton
90: Sami Hyypia
89: Edin Dzeko
88: Lee Dixon
87: Nani
86: Peter Beardsley
85: Freddie Ljungberg
84: Emmanuel Petit
83: Patrice Evra
82: Jay Jay Okocha
81: Steve McManaman
80: Branislav Ivanovic
78: Gary Speed
77: William Gallas
76: Mesut Ozil
75: Gilberto Silva
74: Jamie Carragher
74: Paul Ince
73: Les Ferdinand
72: Raheem Sterling
71: Mark Hughes
70: Gary Pallister
69: Jurgen Klinsmann
68: Ricardo Carvalho
67: Ole Gunnar Solskjaer
66: David Ginola
65: Jimmy-Floyd Hasslebaink
64: Diego Costa
63: Ledley King
62: Michael Essien
61: Marc Overmars
60: Fernando Torres
59: Kevin De Bruyne
58: David Seaman
57: Luka Modric
56: Dennis Irwin
55: Gary Neville
54: Xabi Alonso
53: Paolo Di Canio
52: Edwin van der Sar
51: Dimitar Berbatov
50: Steve Bruce
49: Nicolas Anelka
48: Dwight Yorke
47: Jaap Stam
46: Claude Makelele
45: Teddy Sheringham
44: Michael Carrick
43: Ian Wright
42: Robbie Fowler
41: Carlos Tevez
40: David de Gea
39: Sol Campbell
38: Tony Adams
37: Robert Pires
36: N’Golo Kante
35: Matt Le Tissier
34: Harry Kane
33: Luis Suarez
32: Gianfranco Zola
31: Petr Cech
30: Cesc Fabregas
29: Yaya Toure
28: Michael Owen
27: Robin van Persie
26: Gareth Bale
25: Andy Cole
24: Vincent Kompany
23: Eden Hazard
22: Ruud van Nistelrooy
21: David Beckham
20: Peter Schmeichel
19: Nemanja Vidic
18: Didier Drogba
17: David Silva
16: Rio Ferdinand
15: Steven Gerrard
14: Ashley Cole
13: Dennis Bergkamp
12: Paul Scholes
11: Eric Cantona
10: Sergio Aguero
9: Patrick Vieira
8: John Terry
7: Alan Shearer
6: Wayne Rooney
5: Frank Lampard
4: Roy Keane
3: Ryan Giggs
2: Cristiano Ronaldo
1: Thierry Henry

VIDEO | Interi fiton falë penalltive, mposht Totenhemin

Sport Ekspres — Sun, 04 Aug 2019 16:43:17 +0000

Interi ka arritur të triumfojë vetëm nga penalltitë kundër Totenhemit. Ndeshja e vlefshme për “International Champions Cup” ka përfunduar me rezultatin 1-1. Ka qenë një ndeshje gati e përgjumur, me ekipet që mundohen të eksperimentojnë sa më shumë me skema e lojtarë në mënyrë që të mos gabojnë gjatë sezonit.

Golat janë shënuar të dy në pjesën e parë. Lukas Moura ka hapur sfidën vetëm pas tre minutash, ndërsa Sensi ka barazuar në minutën e 36-të. Pjesa tjetër e ndeshjes është zhvilluar e qetë. Te penalltitë fati ka qenë me zikaltrit. Kristian Eriksen vazhdon të humbë nga pika e bardhë. I riu Xhorxh Pushkash gaboi për Interin, ndërsa gabimi i Oliver Skip për londinezët vulosi humbjen e tyre.

Miqësore

Totenhem-Inter 1-1 (4-5)

Lukas Moura ‘3, Stefano Sensi ‘36

VIDEO | Pamje brutale, tifozët e Sitit dhe Liverpulit sherr në stacionin e trenit

Sport Ekspres — Sun, 04 Aug 2019 16:32:29 +0000

Sapo ka përfunduar takimi mes Liverpulit dhe Mançester Sitit, me Pep Guardiolën që triumfoi kundër Jurgen Klop në sfidën hapëse të sezonit në Angli, e vlefshme për Community Shield. “DailyMail” ka pulbikuar disa pamje filmike të dy tifozerive, që kanë qenë pjesë e një sherri masiv në një stacion metroje në Londër.

Ndeshja u zhvilluar në “Wembley” dhe pavarësisht se siguria ka qenë maksimale thuajse në të gjithë kryeqytetin anglez, tifozët kanë zgjedhur metrotë e qytetit për të zgjidhur konfliktet e tyre.

Premier Liga “ndez motorët”, ja 5 talentet që pritet të shpërthejnë

Sport Ekspres — Sat, 03 Aug 2019 12:53:54 +0000

Premier Liga është shumë pranë fillimit. Klubet janë të mbushur me talente dhe të gjithë janë në garë për t’u bërë të mëdhënj. Më poshte kemi sjellë një listë të formuluar nga rrjeti mediatik “BBC”, me pesë lojtarët më premtues, që sezonin e ardhshëm pritet të shpërthejnë dhe të mrekullojnë botën me talentin e tyre.

MAKS ARONS– Luan me Noruiç Siti dhe sezonin e kaluar ishte një prej më të mirëve të ekipit të tij. Vetëm 19-vjeç dhe ka shumë për të përmirësuar. Aktivizohet si mbrojtës i djathtë. Sezonin e kaluar regjistroi 41 ndeshje. Junajtid dhe Totenhem e ndjekin me kujdes situatën e tij.
FILL FODEN-Guardiola tha: “Foden është talenti më i madh që më kanë parë sytë”. Kaq mjafton për të përshkruar aftësitë e 19-vjeçarit. Sezonin e regjistroi 25 ndeshje me Sitin, duke hasur vështirësi të çajë mes yjeve të kampionëve. Ky sezon premton shumë për të.
MORGAN GIBS-UAJT– Luan me Ulvs dhe është talent i ardhur nga klubi i Horge Mendesh. Aktivizohet si mesfushor dhe numëron vetëm 19 vite mbi supe. Sezonin e kaluar hasi vështirësi për të zënë vend titullari, por është zgjedhur shumë shpesh të nisë nga stoli. Regjistron 25 paraqitje.
MASON GRENUD– Ka bërë ndeshje spektakolare në fazën pregatitore. Është një talent i promovuar së fundmi në skuadrën e parë dhe ka shfaqur cilësi të mëdha. Vetëm 17-vjeç dhe aktivizohet si sulmues. Është shumë i shpejtë dhe produktiv para portës.
LOID KELLI– Vetëm 20 vjeç dhe do të debutojë në Premier Ligë këtë sezon. Aktivizohet në krahun e majtë, por edhe në qendër të mbrojtjes. Bornemuth e mori këtë verë për 13 milionë paund nga Bristol Siti. Zotëron aftësi atletike shumë të mira dhe bie në sy për qetësinë që e karakterizon.

VIDEO | Evertoni nuk ndalet, zyrtarizon afrimin e radhës

Sport Ekspres — Sat, 03 Aug 2019 12:08:59 +0000

Zhan-Filip Gnabim është lojtari më i ri Evertonit. Ai ka firmosur kontratë 5-vjeçare, që e mban në “Goodison Parc” deri në vitin 2024. 23-vjeçari vjen pas katër sezonesh te Mainz 05 në Gjermani, ku arriti të bëhet një ndër lojtarëve kryesorë të ekipit.

Everton arriti ta sjellë në Liverpul për shifrën e 25 milionë eurove. Ylli nga Bregu i Fildishtë është një lojtar që arrin të mbulojë qendrën e mbrojtjes, por edhe mesfushën. Do të ishte një lojtar shumë i vlefshëm edhe para mbrojtjes. Gnabim është transferimi i katërt i Evertonit këtë verë.

?? | Summer signing number 4??!

Jean-Philippe Gbamin has joined #EFC on a five-year deal from @1fsvmainz05 for an undisclosed fee.

Welcome, JP! ?

— Everton (@Everton) August 2, 2019

E konfirmon trajneri, Junajtid vendos rekordin historik

Sport Ekspres — Sat, 03 Aug 2019 11:06:35 +0000

Mançester Junajdit ka hapur thesin për të mbyllur “plagët” e mbrojtjes. Ata pritet të zyrtarizojnë blerjen më të shtrenjtë në histori të një mbrojtësi. Herri Meguajer do të jetë lojtari më i ri i Junajtid brenda pak ditësh.
Këtë e konfirmon vetë trajneri i Leister Sitit, Brendan Roxhers, i cili deklaron se klubet kanë gjetur marrëveshjen dhe mbetet vetëm mbyllja e termave financiare me lojtarin. Meguajer do i kushtojë “Djajve” rreth 93 milionë euro, duke thyer kështu rekordin prej 85 milionësh të vendosur nga Liverpuli për blerjen e Van Dijk.

“Ka një marrëveshje. Klubet kanë rënë dakort mbi një shumë të caktuar. Tani koha e mbetur është për të mbyllur çëshjet financiare me lojtarin. Pas fundjavës do të ketë zhvillime konkrete”, deklaroi Roxhers, që konfirmon kështu largimin e një prej yjeve të ekipit të “Dhelprave”.

Junajtid “flirton” me Dibalan, Totenhemi i vjedh objektivin kryesor

Sport Ekspres — Fri, 02 Aug 2019 18:59:45 +0000

Mançester Junajtid është gati të firmosë me Dibalan, por duket se po u ikën nga duart një lojtar, që e kanë ndjekur prej muajsh. Bruno Fernandes është ylli që ka mrekulluar gjithë Eevropën me 32 golat e tij në të gjitha garat me Sportingun e Lisbonës.
Totenhemi është klubi i dytë që ka treguar interes konkret për yllin luzitan. Mediet e mëdha evropiane zbulojnë se klubi londinez ka dërguar agjentë në Lisbonë për të negociuar me portugezët mbi blerjen e fantazistit.

Totenhem ka propozon 56 milionë paundë. Sportingu pretendon më shumë, por merkatoja po vjen drejt fundit dhe mund të ketë një negocim për shumën e ofruar nga nënkampionët e Evropës. 24-vjeçari kërkon largimin drejt një klubi të madh evropian për të bërë kapërcimin e karrierës.

Merkato e Premier League, ja lëvizjet më të fundit

Sport Ekspres — Fri, 02 Aug 2019 18:28:44 +0000

Premier Liga ka hapur merkaton para të gjitha kampionateve të tjera dhe dritarja e transferimeve do të mbyllet me datë 8 gusht, një ditë para se Liverpulit të hapë kampionatin anglez me sfidën kundër Leister Sitit. Skuadrat kanë nisur punën për pëforcimin e skuadrave dhe këto janë lëvizjet zyrtare të deritanishme:

AFC Bournemuth
Të afruar – Lloid Kelli (Bristol Siti), Xhek Stejsi (Luton)

Të larguar – Mark Pjuh (Mbarim kontrate), Mikael Ndjoli (Gillingam-Huazim)

Arsenal

Të afruar – Gabriel Martineli (Ituano), Uilliam Saliba (St. Etiene), Dani Sebajos (Real Madrid-huazim), Nikolas Pepe (Lile)

Të larguar – Aron Ramsej (Juventus-Parametra zero), Petër Çeh (Pension), Dani Uellbek (Mbarim kontrate), Kohen Bramall (Mbarim kontrate), Çarli Gilmour (Mbarim kontrate), Stefan Lishtajner (Mbarim kontrate), Julio Pleguezuelo (Mbarim kontrate), Zhordi Osei-Tutu (VfL Bokum-Huazim), David Ospina (Napoli)

Aston Vila
Të afruar – Zhota (Birmingam), Anuar El Ghazi (Lilë), Uesli (Klub Bryzh), Kortnei Hause (Ulverhampton), Tajron Mings (Bornemuth), Ezri Konsa (Brentford), Mat Target (Sauthempton), Bjorn Engels (Stade Reims), Marvelus Nakamba (Klub Bryzh)

Të larguar – Albert Adomah (Mbarim kontrate), Mark Bun (Mbarim kontrate), Riçi De Laet (Mbarim kontrate), Tomi Elfik (Hadersfilld), Alan Huton (Mbarim kontrate), Mile Jedinak (Mbarim kontrate), Ros MekKormak, Mikah Riçards (Mbarim kontrate), Glen Uilan (Mbarim kontrate), Gary Gardner (Birmingam), Matija Sarkiç (Livingston-Huazim)

Brajton
Të afruar – Mat Klarke (Portsmuth), Leandro Trosard (Genk), Tejlor Ricards (Man. Siti)

Të larguar – Bruno (Pension), Uill Kollar (Hamilton), Aleksis MekAlister (Boka Zhuniors-Huazim)

Bërnli
Të afruar – Joel Senior (Kurzon Ashton), Erik Pieters (Stoke Siti)

Të larguar – Xhon Ualters (Pension), Stefen Uard (Stoke Siti-Parametra zero), Anders Lindegard (Mbarim kontrate), Piter Krauç (Mbarim kontrate), Mark Houart (Mbarim kontrate)

Çelsi
Të afruar– Mateo Kovacic (Real Madrid), Kristian Pulisic (B. Dortmund)

Të larguar– Geri Kahill (Mbarim kontrate), Fankati Dabo (Koventry Siti-Parametra zero), Rob Grin (Pension), Eden Hazard (Real Madrid), Tod Kejn (Mbarim kontrate), Ola Aina (Torino), Nathan Bakster (Ros Kauntri-Huazim), Riçard Narti (Bërton Albion-Huazim), Xhej Dasilva (Bristol Siti), Gonzalo Higuain (mbarim huazimi)

Kristal Palas
Të afruar – Stefen Henderson (Notingam Forest)

Të larguar – Xhejzon Punçeon (Mbarim kontrate), Xhulian Speroni (Mbarim kontrate), Bakari Sako (Mbarim kontrate), Oli O’Dejer (Aldershot-Parametra zero), Xhosef Hungbo (Mbarim kontrate), Tajler Braun (Mbarim kontrate), Levi Lumeka (Varzim), Aron Van-Bisaka (Man. Junajtid)

Everton
Të afruar – Xhonas Losël (Hadersfilld-Parametra zero), Andre Gomesh (Barcelona), Fabian Delf (Mançester Siti)

Të larguar – Fil Xhagielka (Mbarim kontrate), Ashli Uilliams (Mbarim kontrate), Herri Çarsli (Mbarim kontrate), Boris Matis (Mbarim kontrate), Mateus Heuelt (Mbarim kontrate), Shajne Lavery (Mbarim kontrate), Xhek Kiersi (Mbarim kontrate), Deni Bramall (Mbarim kontrate), Xho Hilton (Mbarim kontrate), Kris Renshau (Mbarim kontrate), Xhonxho Keni (Shalke-Huazim), Nikola Vlashiç (CSKA Moskë)

Leister Siti
Të afruar – Xhemjs Xhustin(Luton Taun), Ajoze Perez (Njukasell), Juri Tielemans (Monako)

Të larguar – Shinxhi Okazaki (Mbarim kontrate), Deni Simpson (Mbarim kontrate), Lamine Sherif (Akrington)

Liverpul
Të afruar – Sep van den Berg (PEC Zuolle), Harvej Eliot (Fulhem)

Të larguar – Alberto Moreno (Mbarim kontrate), Daniel Starridxh (Mbarim kontrate), Konor Randall (Mbarim kontrate), Adam Bogdan (Mbarim kontrate), Sheji Oxho (Rejnxhërs-Huazim), Rafael Kamaço (Sporting), Deni Ings (Sauthempton)

Man. Siti
Të afruar – Rodri (Atletiko Madrid)

Të larguar – Vinsent Kompani (Anderlect-Parametra zero), Patrik Roberts (Noruiç Siti-Huazim), Tom Dele-Bashiru (Mbarim kontrate), Aron Nemane (Mbarim kontrate), Fabian Delf (Everton), Arijanet Muric (Notingam Forest – huazim), Mat Smith (QPR – huazim)

Man. Junajtid
Të afruar – Daniel Xhejms (Suonsi Siti), Aron Van-Bisaka (Kristal Palas)

Të larguar – Ander Herrera (PSG), Antonio Valencia (LD Kuito), Mathju Olosunde (Rotherham), Xhejms Uilson (Aberden), Regan Pole (MK Dons)

Njukasëll Junajtid
Të afruar – Joelinton (Hofenhaim)

Të larguar – Mohamed Diame (Mbarim kontrate), Kal Roberts (Mbarim kontrate), Xhosef Jarnei (Mbarim kontrate), Tajrike Bartlet (Mbarim kontrate), Ajoze Perez (Leister Siti), Hoselu (Alaves)

Noruiç Siti
Të afruar – Patrik Roberts (Man Siti-Huazim), Daniel Adshead (Roçdale), Josip Dërmiç (Borusia M’Gladbah-Parametra zero), Arçie Mair (Aberden), Sam Byram (Uest Ham), Ralf Farhman (Shalke-huazim)

Të larguar – Karlton Morris (Rotherham-Huazim), Mejson Blumfild (Kraulei Taun-Huazim), Kiaren Xhones (Eastbourn Borou-Huazim), Xhosh Kolej (Dunfermin-Huazim), Marsel Franke (Hanover 96), Shon Raget (Portsmuth-Huazim)

Shefilld Junajtid
Të afruar – Ravel Morrison (Ostersunds), Fil Xhakiekla (Everton), Kallum Robinson (Shefild Uendsej)

Të larguar – Pol Sints (Mbarim kontrate), Martin Kranie (Mbarim kontrate), Konor Uashington (Mbarim kontrate), Daniel Laferi (Mbarim kontrate), Kaolan Laveri (Mbarim kontrate)

Sauthempton
Të afruar – Mousa Djenepo (Standard Liezh), Deni Ings (Liverpul), Che Adams (Birmingam)

Të larguar – Stiven Dejvis (Rejnxhers-Parametra zero), Sam Kallager (Blekburn)

Totenham Hotspur
Të afruar – Kion Etete (Nots Kaunti), Tangui Ndombele (Lion)

Të larguar – Mishel Vorm (Mbarim kontrate), Dilan Dunkan (Mbarim kontrate), Çarli Frimen (Mbarim kontrate), Tom Glover (Mbarim kontrate), Konor Ogilvi (Mbarim kontrate), Xhejmi Rejnolds (Mbarim kontrate), Kieran Tripier (Atletiko Madrid)

Uatford
Të afruar – Beili Spenser (Adams), Kreig Dauson (Uest Brom)

Të larguar – Obi Oulare (Standard Liezh), Miguel Britos (Mbarim kontrate), Tomi Hoban (Mbarim kontrate), Zherome Sinkleir (Venlo-Huazim)

Uest Ham
Të afruar – Roberto (Espanjol-Parametra zero), Dejvid Martin (Miluoll-Parametra zero), Pablo Fornals (Vijareal), Sebastian Haller (A. Frankfurt)

Të larguar – Adrian (Mbarim kontrate), Endi Kerol (Mbarim kontrate), Samir Nasri (Mbarim kontrate), Toni Martinez (Mbarim kontrate), Moses Makasi (Mbarim kontrate), Lukas Perez (Alavesh), Noha Silvestre (Mbarim kontrate), Vashon Neufvill (Mbarim kontrate), Xhosh Pask (Koventri Siti-Parametra zero), Edimilson Fernandes (Mainc), Nejthën Trot(AFC Uimbledon-Huazim), Martin Samuelsen (FK Haugesund-Huazim), Sam Byram (Noruic Siti)

Ulverhempton Uanderers
Të afruar – Raul Himenez (Benfika), Hong (Jovill Taun), Rafael Nia (PSG), Leander Dendonker (Anderleht), Hezus Vajeho (Real Madrid-huazim), Patrik Kutrone (Milan)

Të larguar – Ethën Ebanks-Landel (Shrjusburi Taun), Mikal Ziro (Mbarim kontrate), Karlos Heredia (Mbarim kontrate), Ben Gudlif (Mbarim kontrate), Aron Hajden (Mbarim kontrate), Diego Latie (Mbarim kontrate), Enzo Sauvazh (Mbarim kontrate), Kristian Herk (Viktoria Pëlzen-Huazim), Kortnei Hause (Aston Vila), Ivan Kavaleiro (Fulham)

Zyrtare | Çelsi rikthen një tjetër legjendë, firmos francezi

Sport Ekspres — Fri, 02 Aug 2019 17:26:45 +0000

Çelsi duket se ka zgjedhur ta lërë klubin në dorë të legjendave. Pas Frenk Lampard e Peter Çeh në “Stamford Bridge” do të zbarkojë Klaud Makelele. Ish-mesfushori do të jetë pjesë e stafit teknik të Çelsit. Ai është prezantuar ditën e sotme në ambientet e klubit nga drejtoresha Marina Granovskiaia.
46-vjeçari do të jetë pjesë e stafit të trajnerit Lampard, duke ndihmuar në stërvitjen e yjeve të ekipit. Makalele do të ketë edhe rolin e vëzhguesit për lojtarët që janë të huazuar. Ai do të udhëtojë nëpër stadiume për të parë gjëndjen e talenteve të Çelsit.

Makalele ka luajtur pesë vite me Çelsin, duke zhvilluar 217 dhe shënuar dy herë. Gjatë asaj kohe ai ngriti dy tituj të Premier Ligës, një Kupë FA dhe dy Kupa të Ligës, si dhe ishte pjesë e ekipit të finales së vitit 2008, që ishte ndeshja e tij e fundit për këtë klub.

.@ClaudeMakelele is back! ?

— Chelsea FC (@ChelseaFC) August 2, 2019

Pepe: Me Ozil do të jem perfekt, ja pse zgjodha Arsenalin

Sport Ekspres — Thu, 01 Aug 2019 16:41:09 +0000

Nikolas Pepe është blerja rekord e Arsenalit, me “Topçinjtë” që i paguan Lilës plot 72 milionë sterlina. 24-vjeçari do të përbëjë një nga treshet e sulmit më të frikshme në botë, së bashku me Obamejang dhe Lakazet. Në intervistën e tij të parë si lojtar i Arsenalit, Pepe tha:

“Jam shumë i emocionuar që jam këtu, kam kaluar shumë vështirësi për të ardhur te një klub si Arsenali. Kishim bisedime për një kohë të gjatë, por mua më duhej të luaja në Kupën e Afrikës. Sapo u ktheva nga kombëtarja, vendosa të nënshkruaj për Arsenalin.

Mezi po pres të luaj me lojtarë si Ozil, Lakazet e Obamejang. Besoj se do të përshtatem mirë. Loja ime është të jem i shpejtë dhe me lojtarë si Mesut (Ozil), do të kem me shumë mundësi për të shënuar”, u shpreh Pepe.

Rikthimi në fushë dhe biseda me Klop, rrëfehet Xherdan Shaqiri

Sport Ekspres — Wed, 31 Jul 2019 21:14:53 +0000

Xherdan Shaqiri pësoi një dëmtim në fundin e sezonit të shkuar dhe nuk iu bashkua skuadrës gjatë fazës përgatitore në Amerikë. Megjithatë, tashmë duket i rikuperuar dhe gati për sezonin e ri. Për mediat britanike, Shaqiri tha:

“Jam me të vërtetë i lumtur që jam rikthyer më në fund në fushat e blerta. Kam pasur një dëmtim me ekipin kombëtar dhe jam rikuperuar në ‘Melwood’ për aq kohë sa skuadra ishte në Amerikë”, u shpreh fillimisht Shaqiri.

“Tani jam i lumtur që jam rikthyer dhe që kam filluar sërish punën. Jam i gatshëm ta ndihmoj skuadrën time. Dëmtimi është pjesë e jetës dhe e futbollit. Jam me të vërtetë i lumtur dhe po ndihem shumë mirë. Është një ndjesi që më kishte munguar”, përfundoi sulmuesi me origjinë shqiptare.

Junajtid me mbrojtje “të vobektë”, nis ofensivën për një katalanas

Sport Ekspres — Wed, 31 Jul 2019 07:27:21 +0000

Mançester Junajtid po ushtron të gjithë fuqinë financiare për të kompletuar një repart “të plagosur” si mbrojtja. Në vend të parë qëndron Herri Meguajer, por në listën e Solskjaer ekziston edhe Samuel Umtiti. Francezi nuk e ka shumë të sigurt qëndrimin në Barcelonë.

Sezonin e kaluar ai vuajti konkurrencën e fortë të bashkëkombasit të tij, Lengle. Ky fakt e dëmtoi jo pak atë në formën e tij. Junajtid prej kohësh ka treguar interes. Barça nuk e ka nxjerrë në shitje, por nëse vjen një ofertë mbi 60 milionë euro mund të ndryshojë mendjen e Bartomeut.

Junajtid ofron 50 milionë euro, por pritet të ngrejë ofertën. Megjithatë, Barça duhet t’i paraprijë ikjes së tij. Ikja e Umtiti varet nga ardhja e Alaba. Ylli austriak as nuk e ka pohuar dhe as nuk e ka mohuar kalimin te katalanasit. Një klub si Barça ja ndërron mendjen çdokujt, edhe nëse luan në Bavari.

Zyrtare | Milani bën shitjen e parë, sulmuesi kthehet në “ujk”

Sport Ekspres — Tue, 30 Jul 2019 17:33:23 +0000

Milani më në fund ka arritur të bëjë shitjen e parë të kësaj merkatoje. Patrik Kutrone është lojtari më i ri i Ulvërhempton. “Ujqërit” ishin të interesuar prej kohësh për sulmuesin dhe sot kanë mbyllur çdo detaj të kontratës së re.
Blerjen e tij e ka zyrtarizuar vetë klubi anglez në rrjetet sociale. Nuk bëhen ende të ditura detajet e këtij operacioni, megjithatë disa informacione kanë rrjedhur. Milani do të arketoje 22 milionë euro nga shitja e tij, ndërkohë që lojtari pritet të firmosë kontratë 5-vjeçare.

Kutrone është një prej sulmuesve më të talentuar në Itali, megjithatë Milani kurrë nuk besoi kurrë në aftësitë e tij. Vitin e fundit vuajti praninë e Higuain dhe Piatek, që e lanë në stolin e rezervave në shumicën dërrmuese të kohës.

We’re delighted to announce that Patrick Cutrone has become our latest summer signing! #WelcomeCutrone

??? pic.twitter.com/jq1kTQf9v5

— Wolves (@Wolves) July 30, 2019

Merkato e Premier në ajër, ja 10 emrat që janë gati të lëvizin

Sport Ekspres — Tue, 30 Jul 2019 16:33:50 +0000

Kanë mbetur edhe dhjetë ditë nga mbyllja e merkatos, me klubet e mëdha të Premier Ligës, që nuk kanë shpërthyer ende, sikundër tre gjigantët e La Ligas. Më poshtë janë dhjetë emrat që pritet të ndryshojnë ambient këtë verë.

Nikolas Pepe – Arsenal

Është gati çështje e kryer. Mediet evropiane raportojnë se marrëveshje është mbyllur dhe mbetet vetëm zyrtarizimi. Treshja Lakaze-Obamejag-Pepe do të mrekullojë Evropën sezonin e ardhshëm.

Uillfred Zaha – Everton

Arsenal hoqi dorë për shkak të kërkesave të larta të Kristal Palas. Everton ka muskuj më të mëdha financiarë dhe mund të jaoë deri në 70 milionë euro për yllin afrikan. Palas kërkon ta ngrejë sa më shumë ofertën. Megjithatë, nuk pritet të durojë shumë, duke parë se Zaha është 26-vjeç dhe nga viti në vit i ulet vlera.

Herri Maguajer – Mançester Junajtid

Javën e kaluar u raportua nga mediat në Angli se “Djajtë e Kuq” kanë arritur marrëveshje me Leisiterin për transferimin e mbrojtësit anglez për 80 milionë euro. Dëshira e lojtarit është “Old Trafford” dhe operacioni pritet të mbyllet brenda kësaj jave.

Rajan Sesegnon – Tottenham Hotspur

Fulhemi është i gatshëm ta shesë këtë verë Sesegnon, por kërkon 30 milionë euro për shërbimet e lojtarit. Totenhem ka ofruar 15 milionë euro dhe bonuse. Marrëveshja mund të arrihet në shumën e 25 milionë eurove.

Kieran Tierni – Arsenal

Skuadra londineze ka disa muaj që po kërkon transferimin e mbrojtësit të majtë, por Selltik kërkon më shumë se ç’ofrojnë londinezët. Sipas medieve angleze, Tierni e do kalimin në “Emirates Stadium”. Pritet marrëveshja mes klubeve.

Bruno Fernandes – Mançester Junajtid

United ka kohë që tenton ta transferojë mesfushorin portugez, që shkëlqeu në sezonin e kaluar te Sportingu. Skuadra portugeze po kërkon 80 milionë euro për mesfushorin, por Junajtid nuk ofron më shumë se 70.

Romelu Lukaku – Inter/Juventus

Largimi i tij është çështje kohe. Junajtid kërkon 89 milionë euro nga shitja e sulmuesit belg. Juventusi dhe Interi po tentojnë që ta mbyllin marrëveshje me shkëmbim. Në tavolinë janë kartoni i Dibalas në kampin bardhezi dhe i Ikardit në kampin zikaltër.

Pol Pogba – Real Madrid

Kampioni i botës ka bërë të ditur se dëshiron një aventurë të re. Zidan kërkon me pahir shërbimet e tij. Junajtid kërkon të paktën 150 milionë nga mesfushori.

Leroi Sane – Bajern Mynih

Bayern Mynih insiston në transferimin e anësorit gjerman. Siti kërkon 100 milionë euro. Bavarezët nuk janë të gatshëm ta ofrojnë atë shumë. Për momentin ndalen në 80 milionë.

Xhovani Lo Celso – Totenhem

Një tjetër marrëveshje që është pranë mbylljes. Mesfushori argjentinas thuhet se është pajtuar me kushtet e ofruara nga “Spurs”, mirëpo Real Betis kërkon më shumë se 70 milionë euro.

Emeri e thotë hapur: Pepe shumë pranë, duam dhe tre futbollistë

Sport Ekspres — Mon, 29 Jul 2019 08:34:47 +0000

Arsenali u mposht nga Lioni 1-2 në takimin e sotëm miqësor dhe duket qartë se “Topçinjtë” kanë nevojë për përforcime në skuadër. Këtë gjë e ka pranuar dhe trajneri Unai Emeri, i cili për mediat britanike tha:

Për afrimin e Nikolas Pepe: “Po punojmë, klubi po punon që të përforcojë skuadrën. Janë disa lojtarë të ndryshëm në radarin tonë, duam firmën e tyre. Pepe është një futbollist shumë i mirë dhe është një lojtar që do ta përforconte tepër skuadrën. Para ndeshjes së parë kundër Njukasëllit, synojmë të kemi një skuadër të plotë dhe me të fortë se ajo e sezonit të shkuar”.

Merkato në vazhdim: “Kemi vendosur çfarë duam: Të përforcohemi sa më shumë. Në fillim, po mendonim të afronim vetëm një lojtar shumë të shtrenjtë, ndërsa tani kemi ndryshuar planet dhe jemi në treg për tre pozicione. Një qendërmbrojtës, një mesfushor dhe një sulmues krahu. Gjithashtu, kemi dhe një skuadër shumë solide nga sezoni i shkuar, me lojtarë që do të rriten akoma dhe me tepër”, u shpreh Emeri.

Simeone gjen zëvendësuesin e Rodrit, është në Premier Ligë

Sport Ekspres — Sun, 28 Jul 2019 20:13:59 +0000

Simeone ka një detyrë shumë të vështirë këtë verë. Argjentinasit i duhet të rindërtojë një skuadër të tërë pas ikjes të më shumë se gjysmës së ekipit. Ikja e Rodrit te Siti ka krijuar një boshllëk të madh në mesfushë. Atletikos i duhet me patjetër të gjejë një mesfushor difensiv.
Roberto Pereira është lojtari që kanë pikasur drejtuesit e madrilenëve. Mesfushori ka gjetur përsëri veten te Uatford, duke u shndërruar në një prej më të mirëve të ekipit të tij. Ashpërsia dhe grinta e argjentinasit janë pikërisht ato karakteristika, që i nevojiten Simeones.

Ardhja e tij do të ishte një hall më pak në “Wanda Metropolitano”. Ish-juventini ka arritur të shënojë 6 gola në 33 ndeshje në Premier Ligë, duke shfaqur edhe aftësi shumë të mira finalizuese. Atletiko është gati të ofrojë 20 milionë euro për të. Dëshira e 28-vjeçarit pritet të jetë e rëndësishme në këtë operacion.

VIDEO: Arsenali shkëlqen një pjesë, Lioni i rrëmben trofeun e shtëpisë

Sport Ekspres — Sun, 28 Jul 2019 16:26:29 +0000

Arsenali dhe Lioni u përplasën sot në një ndeshje miqësore në “Emirates Stadium”. Ndeshja u mbyll 1-2 në favor të Lionit, që fitoi dhe Kupën Emirates. “Topçinjtë” e nisën më mirë takimin dhe e dominua pjesën e parë. Madje, në minutën e 34’, Obamejang gjen rrjetën. Një krosim i Mikitarian shfrytëzohet mjaft mirë nga sulmuesi nga Gaboni, që kalon londinezët në avantazh.

Në pjesën e dytë, dy skuadrat do të bënin shumë ndryshime dhe Lioni përmbysi gjithçka. Ishte sulmues francez, Mousa Dembele që shënoi dy gola për francezët, që e përmbysën disavantazhin dhe dolën fitues nga kjo sfidë. Për Arsenalin debutoi sot dhe Dani Sebajos, i cili u largua nga Real Madridit në formë huazimi për një vit.

Sane te Bajern, Guardiola ka gati 75 mln për zëvendësuesin

Sport Ekspres — Sun, 28 Jul 2019 15:45:39 +0000

Pep Guardiola mund të humbasë shërbimet e Leroi Sane këtë merkato vere, pasi Bajerni i Mynihut vazhdon të insistojë për sulmuesin. Një ofertë rreth 100 milionë euro do i bindë drejtuesit e Sitit, që do e lejojnë gjermanin të largohet.

Një largim i mundshëm i Sane, nuk e ka zënë të papërgatitur Guardiolën, që e ka gjetur zëvendësuesin. Bëhet fjalë për Mike Oziarbal, sulmuesin e Real Sociedad. 22-vjeçari është një nga talentet më premtues spanjollë dhe nën urdhrat e Pep Guardiolës, mund të shkëlqejë në Etihad.

“Bomba” e Klop: Nuk vazhdohet kështu, 4 klube tallen me të gjithë!

Sport Ekspres — Sun, 28 Jul 2019 09:52:37 +0000

Liverpuli është një nga ekipet më pasivë në këtë merkato vere. Klubi nga “Merseyside” nuk ka bërë asnjë afrim dhe siç shprehet Klop, as nuk ka ndërmend të blejë. Ai, siç e ka zakon, lëshon deklaratën bombë të radhës. Gjermani çuditet sesi Barça, Reali, PSG dhe Siti arrijnë të marrin cilindo lojtar që atyre u pëlqen. Shprehet se klubi i tij për momentin nuk i ofron një mundësi të tillë.

“Nuk mund të them asgjë rreth asaj që ekipet e tjera po bëjnë. Nuk e di se si e arrijnë këtë. Ne duhet të paguajmë faturat, na vjen keq. Të gjithë duhet ta bëjnë këtë. Kemi investuar mjaft para në këtë ekip. Ne si klub nuk jemi në këtë vend imagjinar ku mund të marrësh gjithçka që do.”

“Nuk mund ta bësh vazhdimisht. Duket sikur ka katër klube në botë që mund ta bëjnë vazhdimisht. Real Madridi, Barcelona, Siti dhe PSG. Çfarëdo që ata kanë nevojë, e marrin. Kjo nuk është një kritikë. E di se si njerëzit do e marrin si të tillë. Do kujtojnë se jam xheloz, por nuk jam aspak i tillë”, përfundoi strategu.

Liverpul me sytë te e ardhmja, zyrtarizon yllin e klubit londinez

Sport Ekspres — Sun, 28 Jul 2019 08:36:07 +0000

Liverpuli si duket nuk ka në plan të bëjë ndonjë blerje të madhe. Vëmendja e drejtuesve është drejtuar nga e ardhmja. Harvej Eliot është futbollisti më i ri i të kuqve. 16-vjeçari është lojtari më me moshën më të vogël që ka debutuar në Premier Ligë.

Sezonin e kaluar ai është aktivizuar në tre ndeshje me Fulhemin. Luan si anësor dhe spikat me shpejtësinë e tij. Klubi i Liverpulit njofton se Eliot do të jetë në dispozicion të Klop për ndeshjen e ardhshme miqësore me italianët e Napolit.

Sergej drejt Junajtid, Pogba-Real është “autostradë”

Sport Ekspres — Sat, 27 Jul 2019 19:37:33 +0000

Pogba ja ka bërë të qartë klubit të Junajtid përmes agjentit të tij se dëshiron të largohet. Anglezët nuk kanë ndërmend të lëvizin në lidhje me ikjen e tij, pa sjellë një tjetër lojtar që i afrohet cilësive të francezit. Mediet evropiane raportojnë se është arritur marrëveshje me Lacion për të transferuar Sergej Milinkoviç-Saviç.

Junajtid do të derdhin 80 milionë euro në arkat e klubit ku drejton Igli Tare. Kjo lëvizje i hap rrugën largimit të Pogba. Juventus dhe Real Madridi janë dy klubet që kanë treguar interes për të. “Zonja” për momentin e ka shumë të vështirë të hyjë në garë për kampionin e botës, duke parë se ka plot 12 mesfushorë në organikën e saj.

Reali ka nevojë urgjente për një mesfushor të madh. Pas humbjeve të njëpasnjëshme dhe dëmtimeve të shumta, me shumë mundësi Perez do të bindet të hapë thesin përsëri për një yll. Do të hasen vështirësi për të bindur Junajtid. Anglezët nuk e kanë aspak me ngut dhe nuk ulen në bisedime nëse nuk vjen një ofertë, që i afrohet 150 milionë eurove.

Blerja rekord e Arsenalit, zbulohen detajet e kontratës së Pepe

Sport Ekspres — Sat, 27 Jul 2019 16:22:21 +0000

Nikolas Pepe është lojtar i Arsenalit, mungon vetëm zyrtarizimi nga ekipi anglez. Siç raportojnë të gjitha mediat europiane, Pepe ka firmosur për “Topçinjtë”, të cilët kanë paguar 80 milionë euro për shërbimet e tij.

Pepe do të nënshkruajë për 5 vite, me një rrogë sezonale prej 6 milionë eurosh, një përmirësim kolosal i kontratës që përfitonte te Lilë në Ligue 1. 80 milionë eurot e ofruara, Arsenali do t’i paguajë gjatë këtyre 5 viteve që Pepe do të jetë lojtar i tyre.

Plot 16 milionë euro çdo fillim sezoni do të paguajë Arsenali në arkat e Lilës, që ka bërë një blerje të bujshme dhe do të përfitojë shifra faraonike. Gjithashtu, vetë Pepe do të fitojë dhe 2 milionë euro në sezon bonuse. Një transferim shumë i komplikuar, por dhe shumë i shtrenjtë mes Lilës dhe Arsenalit.

E kryer | Kutrone niset drejt Anglisë, arrihet marrëveshja me “Ujqërit”

Sport Ekspres — Sat, 27 Jul 2019 07:32:57 +0000

Pas dështimit të operacionit të Andre Silva duket se Milani do arrijë të bëjë shitjen e parë. “Sky Sport” raporton se drejtuesit kuqezinj janë dakortësuar me Ulvs për transferimin e Patrik Kutrones.
Sulmuesi ka lënë Bostonin, ku Milani ndodhet për të kryer fazën pregatitore dhe është nisur drejt Anglisë për të mbyllur detajet e fundit kontraktuale. Klubi italian pritet të arketojë rreth 20 milionë euro nga shitja e 21-vjeçarit.

Italiani e pati të pamundur të bindte Milanin. Ai gjithmonë mbajti “nofkën” e sulmuesit rezervë, pas ardhjeve të Higuain e Piatek. Sezonin e fundit minutat ishin të rralla dhe një destinacion i ri ishte i domosdoshëm.

“Talenti më i madh që kam parë?” Guardiola habit me përgjigjen e tij

Sport Ekspres — Fri, 26 Jul 2019 18:12:01 +0000

Pep Guardiola është një nga trajnerët më të suksesshëm në botë. Strategu spanjoll ka punuar me skuadra të mëdha dhe me lojtarë të mëdhenj, por sot ka befasuar të gjithë kur i është përgjigjur pyetjes se kush është talenti më i madh me të cilin ka punuar ndonjëherë.

Pa u menduar gjatë, trajneri i Mançester Sitit tha: “Fil Foden. E kam thënë dhe herë të tjera dhe po e përsëris: Ai është lojtari më i talentuar që unë kam parë ndonjëherë. Ai ka vetëm një problem, e dini kush është? Që unë nuk e aktivizoj më shpesh (qesh). Do të jetë një lojtar i madh në të ardhmen, më besoni për këtë gjë”, përfundoi trajneri kampion i Premier Ligës.

Fil Foden

Atentati ndaj Ozil e Kolasinaç, ja i gjithë skenari

Sport Ekspres — Fri, 26 Jul 2019 16:10:13 +0000

Mesut Ozil dhe Sead Kolashinac rrezikuan jetët e tyre ditën e djeshme kur dy persona të maskuar i sulmuan. Video prej gjashtë sekondash e publikuar dje ka bërë xhiron e botës. Megjithatë, sot dalin detaje të reja rreth atij sulmi ndaj dy yjeve të Arsenalit. Nëpërmjet detajeve të dala është krijuar skenari i plotë të ngjarjes së frikshme.
Gjithçka ka ndodhur përpara shtëpisë së mbrojtësit boshnjak. Ozil me mjetin e tij “Mercedes-Benz G Class” ka ndaluar për të takuar Kolashinac. Gjermani në makinë ka qenë bashkë me gruan e tij. Në momentin kur mbrojtësi i Arsenalit ka qenë duke hyrë në mjet, grabitësit kanë sulmuar.

Mesut Ozil’s car got jumped, Kolasinac jumped out and backed the beef. #YaGunnersYa pic.twitter.com/CxsJeiCvxw

— James (@smhjaames) July 25, 2019

Kolashinac, siç shihet në video, është munduar të mbrohet, duke u ndeshur me sulmuesit, që ishin dy vetë dhe të armatosur me armë të ftohta. Pas një dyluftimi disa sekondësh, ai është ngjitur në makinën e Ozil për t’u larguar nga vendngjarja.

Dy grabitësit nuk e kanë lënë me kaq, por e kanë ndjekur mjetin nga pas me një motorr, duke e goditur me mjete të forta. Makina përfundoi me dëmtime. Pas rreth 15 minutash ndjekje, Ozil ka ndaluar përpara “Lakya”, restorant turk, të cilin mesfushori e frekuentonte shpesh dhe njihte të gjithë stafin. Në atë moment ai ka kërkuar menjëherë ndihmën e tyre. Të gjithë kanë dalë në mbrojtje të tij dhe grabitësit janë larguar. Pak minuta më pas ka ardhur policia. Grabitësit kanë qenë të pajisur me helmeta dhe të veshur me të zeza.

Staff from Turkish restaurant Likya came running out to help @MesutOzil1088 today after he was attacked by two suspects on mopeds carrying knives. @seadk6 jumped out his car and helped Ozil. Both Mesut & Sead are ok thank god ??? pic.twitter.com/uFsQh8aVNi

— The Arsenal Memz (@TheArsenalMemz) July 25, 2019

Pas ngjarjes janë pyetur edhe dëshmitarë, që ishin të pranishëm në vendin e ngjarjes.

“Ozil ishte i tmerruar dhe po vraponte për të shpëtuar jetën e tij. E pashë të futej brenda një restoranti, ndërkohë që dy djem me motorr e ndiqnin nga mbrapa. Nuk i hoqën kurrë helmetat e tyre dhe ishin të veshur me të zeza. Vetëm Zoti e di se ç’do të ndodhte nëse ata e kapnin atë. Sapo stafi i restorantit doli jashtë, dy atentatorët u larguan duke bërtitur. Policia ishte aty pas pak dhe e gjithë rruga ishte e bllokuar për disa minuta”, u shpreh Azuka Alintah, 36 vjeçare.

DENIS LALA

Makineri parash, Totenhemi siguron 320 milionë paundë

Sport Ekspres — Thu, 25 Jul 2019 15:28:31 +0000

Reklamat janë shndërruar në një burim ta madh të ardhurash prej vitesh në futboll. Ekipet kanë filluar të sponzorizohen nga kompani gjigante vetëm sepse mbajnë të stamquar në bluzë logon e tyre. Totenhem është ekipi i radhës, që përfiton shifra të çmendura.
Me kontratën e fundit, Totenhem do të arketojë 320 milionë paund në tetë sezonet e ardhshme. Këto para jepen nga kompania e sigurimeve “AIA” me seli në Hong Kong, që është prej vitesh sponsor në klubin londinez.

Me këtë kontratë, “Spurs” hyjnë në listën e klubeve që përfitojnë më shumë për një reklamë të tillë. Në vendin e parë në Premier qëndron Junajtid, që merr 53 milionë paund në vit nga “Chevrolet”. Totenhem me kontratën e re i bashkohet ekipeve gjigante të Premier Ligës.

Zyrtare | Arsenal prezanton ardhjen e yllit spanjoll

Sport Ekspres — Thu, 25 Jul 2019 13:50:22 +0000

Arsenali, në mungesë të fondeve të duhura për të blerë një lojtar klasi, ka zgjedhur ta huazojë atë. Dani Sebajos do të jetë futbollist i “Topçinjve” për gjithë sezonin e ardhshëm. Mesfushori vjen nga Reali i Madridit, ku nuk arriti të gjejë hapësirat e duhura.

Zidan dëshiron një mesfushë vetëm më lojtarë të mëdhenj të afirmuar në arenën botërore. Arsenal ka nevojë për një fantazist si 22-vjeçari. Ai pritet të marrë frenat e mesfushës londineze. Sebajos tregoi potencialin e tij të madh në Europianin e U21, ku “Furia e Kuqe” u shpall kampion.

?? #HolaDani ?

Welcome to The Arsenal, @DaniCeballos46 ? pic.twitter.com/8gZLggahJZ

— Arsenal FC (@Arsenal) July 25, 2019

Ditë e re, lojtar i ri! Një mesfushor nga Belgjika për Aston Vilën

Sport Ekspres — Thu, 25 Jul 2019 12:37:21 +0000

Aston Vila po bën një merkato shumë aktive, pasi ka afruar deri më tani lojtarë të shumtë. Ekipi nga Birmingemi po ndërton një ekip solid për të përballuar elitën e futbollit anglez. Pasi “blinduan” yjet aktualë të skuadrës, si Grielish dhe Çester, drejtuesit e Vilës filluan të afronin lojtarë.

Uesli, Trezeguet, Mings, Target, Konsa, El Ghazi, Engels, Zhota dhe së fundmi Marvelus Nakamba kanë nënshkruar për Aston Vilën. Mesfushori nga Zimbaue ka qenë një ndër futbollistët më të mirë të Klub Bryzh në Belgjikë, duke shkëlqyer.

Paraqitjet e tij kanë bërë që Aston Vila ta sigurojë kartonin e tij, për më shumë se 11 milionë paundë. Nuk dihet ende sa do të përfitojë mesfushori, por Aston Vila tregon se nuk e ka ndërmend të ndalet në këtë merkato.

Blerjet e deritanishme te Aston Viles

Francezi hedh Anti-Dopingun në gjyq, pretendon 13 mln sterlina

Sport Ekspres — Thu, 25 Jul 2019 09:03:29 +0000

Futbollisti francez, Mamadou Sakho, ka hedhur në gjyq agjensinë e Anti-Doping, me akuzën se i kanë shkatërruar karrierën. Skho pretendon plot 13 milionë sterlina pas fitimit të këtij gjyqi, pasi një dënim që kjo agjensi i ka bërë në vitin 2016, është i gabuar.

Në prill të 2016-ës, Sakho u dënua nga agjensia Anti-Doping për shkak të një substance e cila ndihmonte në heqjen e dhjamit në trup. (Higenamine). Sakho u dënua me 30 ditë dhe i mungoi Liverpulit në muajin më të rëndësishëm të sezonit.

Sakho nuk u aktivizua më për Liverpulin që pas atij dënimi, madje as në finalen e Europa League atë sezon kundër Seviljës, gjë që i kushtoi dhe vendin në kombëtaren e Francës. Tani, Sakho aktivizohet me Kristal Palas në Premier.

Befason Arsenali, katër blerje brenda një dite

Sport Ekspres — Thu, 25 Jul 2019 07:31:52 +0000

Arsenali është një nga skuadrat më aktive kur flitet për thashetheme merkatoje, pasi “Topçinjtë” janë të lidhur me shumë futbollistë në të gjitha kampionatet europiane. Por deri më tani, vetëm Gabriel Martineli (6 milionë sterlina), ka nënshkruar.

Edhe pse mendohej se gjithçka ka qenë vetëm zëra mediatikë, tashmë gjërat duken më konkrete. Dani Sebajos dhe Uilliam Saliba janë fotografuar në Londër dhe siç raportojnë portalet britanike, kanë nënshkruar për Arsenalin dhe do të kalojnë vizitat mjekësore.

Dy blerje brenda pak orësh është diçka shumë pozitive, por Arsenali duket se nuk do të ndalet këtu. Bardhekuqtë janë shumë pranë firmës dhe me dy futbollistë të tjerë. I pari është Uilfrid Zaha, ylli i Kristal Palas, i cili ka shprehur publikisht dëshirën për t’u transferuar në Londërs, ndërsa marrëveshja me mbrojtësin e Selltikut, Kieran Tierni, duket vetëm çështje orësh.

Do mbajë numrin legjendar, blerja rekord e Njukasëllit nuk i beson syve

Sport Ekspres — Wed, 24 Jul 2019 21:03:02 +0000

Njukasëll zyrtarizoi ditën e djeshme blerjen më të shtrenjtë në historinë e klubit, brazilian Joelinton. Për të arritur te firma e bomberit, klubi anglez pagoi 40 milionë sterlina, para’ që shkuan në arkat e Hofenhaim.

Sot, futbollisti brazilian ka folur para mediave angleze, ku më shumë u ndalua te numri që do të mbajë në fanellë. Njukasëll ka vendosur t’i japë numrin 9, një numër legjendar te klubi anglez:

“Nuk mund ta besoj, të jem i sinqertë as nuk e prisja. Jam shumë i lumtur që klubi më ka besuar dhe më ka dhënë numrin 9. Është një numër legjendar te Njukasëll, e vështirë të bësh atë që ka bërë Alan Shirer. Gjithsesi, unë jam i qetë, nuk e shoh si presion. Dua të bëj sa më mirë te Njukasëll dhe të arrijmë të gjithë objektivat së bashku”, përfundoi sulmuesi brazilian.

Supertalenti i Ulvs, 20-vjeçari rinovon dhe është gati për të shpërthyer!

Sport Ekspres — Wed, 24 Jul 2019 17:01:46 +0000

Ulvs ka siguruar qëndrimin e një prej talenteve më të mëdhenj të klubit edhe për disa vite të tjerë. Ruben Vinagre do të jetë fubollist i “Ujqërve” edhe për pesë sezonet e ardhshme, me kontratën e re që skadon në vitin 2024.
20-vjeçari debutoi në nivele të larta me anglezët në vitin 2018, që e blenë për 2.2 milionë euro nga ekipi i dytë i Monakosë. Portugezi aktivizohet si mbrojtës i majtë dhe shfaq aftësi shumë të mira edhe në fazën ofensive.

Qëndrimi i tij te Ulvs është produkt i punës së Horge Mendes, i cili është edhe pronar i klubit. Me ardhjen e tij në krye, anglezët kanë njohur vetëm rritje, që kulmoi vitin e kaluar, duke zënë vendin e shtatë në kampionat, që të certifikon për një vend në fazën eliminatore të Eeuropa League.

Brighton & Hove Albion’s Solly March (left) and Wolverhampton Wanderers’ Goncalo Ruben Vinagre battle for the ball during the Premier League match at Molineux, Wolverhampton.

Jo vetëm portier i zoti, Ederson dopietë në miqësore

Sport Ekspres — Tue, 23 Jul 2019 21:00:47 +0000

Në fillimet e Tiki-Takas, Pep Guardiola i pati thënë Viktor Valdesit se aksionindo e niste ai. Mbrojtësit e qendrës do hapeshin në krah dhe portieri do të kishte dy pika pasimi për të nisur sulmin. Kjo ide e spanjollit te Barcelona, do të shënonte fillimin e një epoke të re për potierët.

Tashmë ata nuk duhet të mjaftohen me pritjet. Pasimet dhe saktësia me këmbë është po aq e rëndësishme. Manuel Nojer, Ter Shtegen dhe Ederson janë tre përfaqvsuesit më të mirë të momentit, që i bëjnë mirë të dyja. Do ndalemi pak te Ederson.
Portieri brazilian po shijon pushimet dhe së fundmi ka organizuar një ndeshje bamirësie në vendlindjen e tij. Ndryshe nga ç’e shohim gjithmonë, këtë herë ai nuk ishte mes katërkëndëshit. 25-vjeçari luajti si sulmues.

Ashtu siç e ka treguar te klubi i tij, Ederson tregoi një nivel mjaft të mirë me topin në këmbë. Madje rezultoi më i suksesshëm se mendohej, duke shënuar dy gola në fitoren 5-4 të ekipit të tij.

“Kur isha fëmijë luaja si qendërmbrojtës. Kisha problem me shpejtësinë dhe i kërkova trajnerit të ndërroj pozicion. Rashë në dashuri me portën dhe nuk iu ndava”, deklaroi Ederson për mediet braziliane.

Ederson and Jesus played in a little friendly, where Ederson played in midfield throughout the game

This was one of his goals pic.twitter.com/UwA17I9ivi

— 9, (@Gabiszn__) July 22, 2019

Uesli Moraes, historia e dhimbshme e blerjes rekord të Aston Vilës

Sport Ekspres — Tue, 23 Jul 2019 19:44:15 +0000

Aston Vila pagoi 22 milionë paundë për Uesli Moraes. 22-vjeçari brazilian është blerja më e shtrenjtë e klubit anglez, që u ngjit këtë sezon në Premier League. Një sulmues shumë cilësor, i cili bëri një sezon të shkëlqyer në Belgjikë me ekipin e Klub Bryzh, duke shënuar 13 gola në kampionat.

Historia e tij, është shumë e rrallë. Sulmuesi, i cili bëri ëndrrën e tij realitet duke u transferuar në Premier League, ka pasur një të kaluar shumë të vështirë. Në moshën 9-vjeçare, humbi babain e tij, ndërsa në moshën 16-vjeçare, ishte vetë babai i dy fëmijëve… me dy femra të ndryshme.

Në këtë moshë, ai nuk kishte një familje bazë, pasi lëvizte sa në një shtet në tjetër, duke ndjekur ëndrrën e tij që të bëhej futbollist profesionist. Tre muaj i kaloi në Spanjë, por Atletiko Madrid vendosi të mos nënshkruajë me të. Sot, 22-vjeçari ia doli pas shumë sakrificash që të luajë për një klub të njohur dhe duket gati për të shpërthyer në elitën e futbollit anglez.

VERONIK ISTREFAJ

VIDEO | Ndërhyrja horror në Sevilja-Liverpul, shikoni reagimin e Van Dijk

Sport Ekspres — Tue, 23 Jul 2019 16:28:04 +0000

Virxhil Van Dijk është një lider për Liverpulin. Gjiganti holandez është një nga lojtarët më të mirë në botë dhe një shembull për të gjithë lojtarët e të kuqëve, që e shohin atë si një kapiten të vertetë si brenda fushës së lojës, ashtu dhe jashtë saj.

Në takimin kundër Seviljas, lojtarët spanjollë bënë shumë ndërhyrje të ashpra, në veçanti ndërhyrja e Gnangon kundrejt të riut të Liverpulit, Larouci. Gagnon u largua direkt me karton të kuq, por sapo mbaroi takimi miqësor, Van Dijk u vërsul drejt tij, duke u konfrontuar.

Pas këtij incidenti, gjiganti holandez tha: “Të ndërhysh në atë mënyrë kundrejt një djaloshi shumë të ri në një miqësore, është e papranueshme. Një moment shumë negativ, që shpresoj të mos përsëritet”.

Historia e Lingard, “Diamanti” i fundit që Ferguson i la Junajtid

Sport Ekspres — Mon, 22 Jul 2019 20:02:41 +0000

Sulmuesi i Mançester Junajtid, Xhesi Lingard është një nga lojtarët e pakët te “Djajtë e Kuq” që e ka kaluar gjithë karrierën e tij në “Old Trafford”. Lingard është zbulimi i fundit i Ferguson dhe këtë status, sulmuesi e ka mbrojtur mjaft mirë.

Lingard me fanellën e Junajtid

Titullar i padiskutueshëm dhe në stol nuk e la as Mojes, as Gigs, as Van Gal dhe as Murinjo. Kjo gjë duhet të tregojë shumë sa i takon cilësisë së 26-vjeçarit, i cili ka një “jetë” që luan me Junajtid. Lingard është titullar dhe të kombëtarja e Anglisë, të cilën e çoi deri në gjysmëfinalen e botërorit “Rusi 2018”.

Legjenda e “Djajve të Kuq”, Aleks Ferguson ka arritur gjithçka te Junajtid dhe ka bërë që klubi anglez të njihet në të gjithë botën, falë sukseseve që ka arritur. Edhe talentet që ka promovuar nga akademia janë të shumtë, por Lingard mund të jetë emri më i suksesshëm.

Lingard gjatë rrëfimit të tij

Vetë sulmuesi 26-vjeçar ka pranuar se Ferguson ka qenë si një baba për të, por pavarësisht këtij fakti, dridhej gjithmonë kur e takonte. “Po, e kisha frikë, pavarësisht se kisha një jetë që e njihja. Kur më shikonte në sy, ulja kokën”,- tha fillimisht Lingard.

Në një intervistë të gjatë, lojtari i Mançester Junajtid ka treguar hapat e tij të parë, debutimin me Junajtid, arritjet me këtë skuadër dhe planet për të ardhmen. Në të gjitha fjalët e tij, nuk mungonte Ferguson, njeriu që edhe sot nuk ngurron ta falënderojë.

Fotografia e Lingard me Ferguson, shumë vite më parë

“Isha thjesht një fëmijë kur e takova për herë të parë. Nuk e harroj asnjëherë atë moment. Kisha frikë t’i kërkoja të bënim një foto, por prindërit e mi ia kërkuan dhe që nga ajo ditë, ajo fotografi mban një vend shumë të veçantë në zemrën time. Pa Ferguson, nuk do të isha këtu. Më rriti si lojtar dhe si njeri. Kam kaluar vite të paharrueshme me të dhe dua t’i uroj një pension sa më të mbarë”,- u shpreh Lingard.

VERONIK ISTREFAJ

“Nuk do ha më McDonald”, Pulisiç ka inspiruar gjithë Amerikën

Sport Ekspres — Mon, 22 Jul 2019 15:42:36 +0000

Kristian Pulisiç është një nga talentët më premtues në Europë dhe jo më kot skuadra e Çelsit pagoi shifra të çmendura për ta transferuar nga skuadra e Dortmundit. Talenti shihet si shpresa e madhe nga populli amerikan, që një ditë duan ta shohin kombëtaren e Amerikës të suksesshëm, ashtu siç është kombëtarja e femrave.

Duke parë hapat gjigantë të Pulisiç, shumë fëmijë të vegjël kanë vendosur t’i përkushtohen futbollit, me shpresën se një ditë do të sigurojnë një transferim në kampionatet elitare të Europës. Një talent amerikan që është transferuar në Europë këtë merkato është Riçard Ledezma, që iu bashkua ekipit të PSV Eindhoven në Holandë.

Talenti 18-vjeçar ka treguar një histori shumë të bukur për mediat holandeze dhe në fjalën e tij, u shpreh: “Kur erdha në fillim te PSV, të gjithë më thërrisnin “I shëndoshi”. Që nga ajo ditë, vendosa të mos ushqehem me gatimet e McDonald. Dua të ndjek hapat e Pulisiç, ai është një inspirim i madh për të gjithë futbollistët amerikanë”, tha Ledezma.